ankawa

منتدى الهجرة واللجوء => الهجرة و واللاجئين => الموضوع حرر بواسطة: echo 9 في 22:20 14/01/2010

العنوان: اعتذار واستفسار
أرسل بواسطة: echo 9 في 22:20 14/01/2010

للسلام عليكم جميعا
اتمنى ان تكونوا بخير حال موضوعي هو استفسار و اعتذار ايضا للاخوة والاخوات )
اولا :
الاستفسار هو للاخت العزيزة الغالية على قلوبنا جميعا الاخت (؟؟؟؟ ) والتي تكرمت وارسلت لي هاي الرسالة عالخاص ردا على موضوعي بخصوص طلب كفيل ( اخي الغالي اسالهم يصير يكون الكفيل من ؟؟؟؟ اذا كالوا ما يهم اني بالخدمة ولا تشيل هم ما دام اختك موجودة تدلل ) ولان الاخت ( ؟؟؟؟ ) كتبت لي الرد وارسلته لي عالخاص انا ايضا جاوبتها عالخاص ولكن رسالتي لها ما توصل ويجيني رد من المشرف والادارة يكولون ( العضوة ؟؟؟؟ حجبت استلام الرسائل منك ) فما اعرف ليش ؟ يا ريت اختي الغالية ( ؟؟؟؟ ) توضح لي الامر ؟؟؟؟ وعلى العموم رسالتها واضحة وصريحة وانا اتشكر منها جزيل الشكر ومواقفها مشهود الها بهالمنتدى ربي يحفظها ويخلليها .
ثانيا :
الاعتذار لكل من جاوب على موضوعي بطلب الكفيل وبصراحة المشكلة مو من عندي لان والله العظيم انا احاول اكتب رد للجميع واتشكر منهم واحد واحد بس الرسالة ما جاي تروح من الصبح وانا احاول وهسه قبل خمس دقائق يا الله كدرت اكتب رد على موضوعي ( IOM يريدون مني كفيل ) يا ريت الاخوان يرجعون له لان بصراحة شديدة فعلا محتاج كفيل واي واحد يريد يكفلني ما تهمني الولاية اللي هو بيها لان اي ولاية عندي ارحم من جهنم الحمرة هاي بس يمكن اختار مشكن ز
شكرا لكم جميعا بس حبيت ابين لكم انه عندي مشكلة بالنت الظاهر هي اللي سببت هذا الارباك والتاخر بالرد عليكم

تقبلوا حبي واحترامي وتقديري لكم جميعا
اخوكم
Echo 9

العنوان: رد: اعتذار واستفسار
أرسل بواسطة: ريم عبد في 22:45 14/01/2010

عمي انت على راسنا منو مايتمنى ايكفلك ياريتني هناك مااخليك الا تجي يمنا انت وقطارك
الله يحفضهم وايخليهم وايخليك الهم
وان شاء الله الاخوان ميقصرون
وهسه اخونا الغالي ذاكر ابو فابيان عرض اذا احد محتاج كفيل معنوي في فرجينيا فهوه مستعد يكفله
واخونا ابو ياسين في تنيسي هم عرض في حالة كفيل معنوي هم مستعد يكفله
والحبل على الجرار
انت بس تختار وان شاء الله الكل ولدك ومحد ايقصر وياك
وانت تستاهل كل خير

العنوان: رد: اعتذار واستفسار
أرسل بواسطة: عكعك التطوى في 22:50 14/01/2010

اخي العزيز ايكو ولايه ميشكن من الولايات الصعبه جدا للذهاب اليها فقد كانت مقتصره على كفاله الاقرباء وبعدها اقتصرت على كفاله القريب من الدرجه الاولى فقط فارجوا ان تفكر بولايه اخرى

وتحياتي لك

العنوان: رد: اعتذار واستفسار
أرسل بواسطة: freeman2 في 22:57 14/01/2010

كلام اخي عكعك الورد صحيح
لان اني كان عندي كفيل على مشيكن ولكن المنظمة قالوا لي ان الكوتا التابعة للولاية قد اكملت العدد الكامل وفوق المحتمل ومحتمل مقتصرة حاليا على اقارب الدرجة الاولى فقط

ابوهدى

العنوان: رد: اعتذار واستفسار
أرسل بواسطة: echo 9 في 23:22 14/01/2010

اخوان ربي يحفظكم ويخليكم يا رب
والله اخواني واخواتي الاعزاء انا ما اعرف لاي ولاية راح اتوجه بس اريد منكم النصيحة وانتم هسه هناك وشايفين الوضع بعينكم اريد نصيحتكم لي لاي ولاية اختار والكفيل يكون منها طبعا فا اللي عنده استعداد يكون كفيلي انا مستعد اختار الولاية اللي هو بيها يعني بصراحة انا ما مخللي شي معين او ولاية محددة ببالي والخيرة فيما يختاره الله بس احب اوضح لكم والاخت ريم تعرف بذلك اكيد انه انا مو لوحدي وعائلتي مكونة مني انا وزوجتي وعدد 8 اولاد 5 منهم بنات و3 ذكور وايضا ابنتي الكبيرة وزوجها بالفاركون مالتي الفاركونات الاخرى تحمل والدي ووالدتي واخواتي 2 واخواني 2 وعوائلهم بس هذوله طبعا راح يروحون بعد ما اوصل انا وارتب لهم الوضع هذا الحبيت اوضحه لكم
الكفيل هسه اريده لي انا وعائلتي فقط والاهل بعدين انا ارتب لهم لان بصراحة بلغت الاي او ام بتاجيل موضوعهم
ربي يخليكم جميعا
Echo 9

العنوان: رد: اعتذار واستفسار
أرسل بواسطة: volca في 02:33 15/01/2010

اخي العزيز echo 9
اني حاليا اريزونا فينكس اذا اتريد اني حاظر واخليك ع راسي وتامر امر والله

تحياتي
علي

العنوان: رد: اعتذار واستفسار
أرسل بواسطة: عراقي وافتخر 4 في 02:57 15/01/2010

لا تقلق اخي الكريم تفرج ان شاء الله واني لو هناك  جان ابطن عيني الله يسهل امرك ان شاء الله وشتحتاج احنا بالخدمة والاخوان الاعضاء ان شاء الله ميقصرون وياك

العنوان: رد: اعتذار واستفسار
أرسل بواسطة: ابو عبد الله التكساسي في 07:14 15/01/2010

عمي ايكو الله يسهل امرك
بس العدد عندي مقبط لان اصلا كافل 3 عوائل ليكدام وبعد اثنين جايين
اذا تتنتضرني منا للثاني
اشلعلك عيوني
واذا اجيت اكيد فكر بتكساس قبل كل الولايات

تحياتي
ابو عبد الله التكساسي

العنوان: رد: اعتذار واستفسار
أرسل بواسطة: ethan texas في 07:48 15/01/2010

اخوية ايكو السلام عليكم اشونك اخوية العزيز

اخوية العزيز اني انشاء الله متوجهة لولاية تكساس هيوستن

واني انشاء الله وبقدرة رب العباد رح استقر هناك

اذا اتريد اني حاضر  وعيني غطة وعين فراش بس مرح اكدر اجيبك من المطار لان ما املك سيارة ولة جان بعيني   وبلكي على كصتك الله يرزقني واشتري سيارة  وراها اي مكان اتريد اوديك اني حاضر بوقت فراغي  ويكون ماعني شغل  واذا ماعندي شغل اصلا  اني وسيارتي تحت امرك
بس انتضرني كم يوم  اني رايح لهناك وانقل بريدي وانطيك العنوان
 واني مسافر انشاء الله يوم 18_1_2010 يعني بعد 3 ايام انشاء الله
اذا اتحب
ارسلي رسالة  عى الخاص حتى اعرف
 
مو بس الاخ ايكو اي شخص ايحب يجي لتكساس  واكدر اكفلة اني حاضر  بس خلي ايكولي قبلهة حتى اشوف وضعي حتى ما اورطة

اخوك جوزيف

العنوان: رد: اعتذار واستفسار
أرسل بواسطة: أبــو دجـــلة في 08:05 15/01/2010

السلام عليكم

أغاتي الفاضل .. Echo 9

تحياتي .. ثق أخي الجليل إنني سوف أتحول من مسكني الحالي في مدينة هيوستن
الى ولاية أخرى خلال هذا الشهر وبالأيام القلائل القادمة .. ثق وددت لو أني مستقر
في هيوستن لكان برزت لك صارخاً ( أنا كفيلك ) .. ولكن للأسف الشديد حالياً أحزم
حاجياتي ولملمة أشيائي .. آسف جداً
مع تقديري

أخوكم .. أبـــو دجــــلة

**