ankawa
منتدى الهجرة واللجوء => الهجرة و واللاجئين => الموضوع حرر بواسطة: nehad80 في 08:53 15/01/2010
-
اخلاق امريكية
موضوع لم يخطر على بالي , ولكن كما يقال فالتجربة اكبر برهان , وانا اقدمه كموضوع عايشته لاخواني اللاجئين المغتربين وحسب الولاية وانتظر التعليق , حيث يقال بالعراقي , السلام عليكم اينما ذهبنا وحيثما كنا , ويأتيك الرد بالسلام مع رحمة الله وبركاته , ولكن في المناطق الكبيرة والمختلطة مثل بغداد نشاهد انعدام التحيات الخاصة , لغير من تعرفه , المألوفة في الريف العراقي والمدن الصغيرة حيث تكون التحية اجبارية للذي تعرفه والذي لا تعرفه ويستحيل تجاوز الشخص المقابل لك من غير الكلمات المألوفة مع رفع الايدي , عجل يابة اشلونك ؟ جا اشلونك شو ماكو اخبارك , يمعود السلام لله !! , اشلونكم ياجماعة الخير , وباقي الجمل المتبادلة التي تشعرك بالالفة وعدم الغربة ضمن المجتمع والمفقودة في المدن الكبيرة ,
خاتمة ما اقول هو ما عايشته في المجتمع الأمريكي صباحا ومساء وفي المدن والشوارع التي مررت بها , انهم مثلنا , في مناطقنا الصغيرة , في الالفة والسلام والتحية للغريب لا فرق بينهم بهذا الطبع في الجنس او اللون يحييك الاسود والابيض وألاسباني , كما المرأة والرجل والطفل من دون معرفة , حتى اني اخجل احيانا لاني ضارب دالغة ودا احسب اموري زين واذا بالمقابل يسأل وهو ماشي
Hayyyy
What you doing
Good morning
امور شاهدتها دلالة على الرقي وعلى ان حضارتنا المبنية على السلام والمحبة لها امثالها وهي قد سبقتهم ربما خاصة مجتمعاتنا البسيطة , وفي هذا درس اعتقد ان اخوتني من اللاجئين قد يأخذونه بجدية عند تعاملهم في المجتمع الامريكي الذي فتح لهم ابوابه الواسعة
اخوكم nehad80
-
السلام عليكم موضع جدا لطيف وجميل عاشت ايدك وياريت من الاخوه الاعضاء الي بالولايات المتحده ان ايشاركونا تجاربهم بهذا الشيء وياريت ينسون موضوع السود والعصابات هههههههه
-
هاي بامريكا
بالاردن مثل بكليه شي تسلم على بنيه تعتبرك دتريد تصادقها كبل تنفش ريشها وتشوف نفسها طبعاً احنه العراقين جنه ننقهر من نسلم ومجاوب او متنكه اول تسلم على مجموعه ميردون منها غير ولد ثنين والباقين ولد وبنات ميجاوبون خو اهل التكاسي تكله السلام عليكم لو يجاوب لو يكلك هلا بس بعدين عرفنا واحنه ننقهر من صرنه بالاردن منسلم مثل قبل بس حتى مننهان
ان شاء الله اذا سافرنه او رجعنه للعراق العظيم نرجع مثل قبل نسلم ونحترم بعض
ها ومره دامشي بالشارع لكيت مره عجوز ورجلها همين رجال جبير كلش دينزلون من تكسي توهم جاين من بغداد يمكن صارلهم يوم يومين هيج
فه نزلت المره تكله لرجلها اكله السلام عليكم ميجاوب
رجلها يكول اي اني همين مدري شبي
-
هاي بامريكا
بالاردن مثل بكليه شي تسلم على بنيه تعتبرك دتريد تصادقها كبل تنفش ريشها وتشوف نفسها طبعاً احنه العراقين جنه ننقهر من نسلم ومجاوب او متنكه اول تسلم على مجموعه ميردون منها غير ولد ثنين والباقين ولد وبنات ميجاوبون خو اهل التكاسي تكله السلام عليكم لو يجاوب لو يكلك هلا بس بعدين عرفنا واحنه ننقهر من صرنه بالاردن منسلم مثل قبل بس حتى مننهان
ان شاء الله اذا سافرنه او رجعنه للعراق العظيم نرجع مثل قبل نسلم ونحترم بعض
ها ومره دامشي بالشارع لكيت مره عجوز ورجلها همين رجال جبير كلش دينزلون من تكسي توهم جاين من بغداد يمكن صارلهم يوم يومين هيج
فه نزلت المره تكله لرجلها اكله السلام عليكم ميجاوب
رجلها يكول اي اني همين مدري شبي
;D ;D ;D ;D ;D ;D ;D ;D
اي والله كلامك كله صحيح وشكرا لصاحب الموضوع
-
عيني انت لا تضرب دالغة ورد السلام على الناس
وهذا فعلا شي جميل جدا ان يسمع الواحد عبارات السلام حتى لو كانت بكلمة هاي
-
[/size الف شكرا لصاحب الموضوع
نهاد ابو علي
-
اي والله نسينا السلام شلون يكون لان بالاردن ابد ما يسلمون وحتى لو نسلم ما يجاوبون قبل كنا نستغرب من هذا الشي بس هسة اتعودنا
-
وعليكم السلام اغاتي
تاج راسي
ههههههههههههههههه
هاي ماذكرتها
تحياتي موضوع جميل
-
و الله هاي الأخلاق حلوة
و صدق عانينا من هذه المشكلة من جينا للأردن ولو بكل الأحوال مو كل أصابعك سوا
-
مشكورين عالموضوع عيوني
والله يساعد الي بالغربه
-
طبعا بكل مكان الاخلاق موجوده واكو الزين واكو والموزين هاي الدنيا هم مثلنه بكل شي بس اختلاف اللغه والابتسامه الي متفارق وجوهم احنه عيبنه بس نبجي ههههههههه بلذات العراقيين شوكت متجي عليهم يبجون عمي ان شاء الله نوصل كلنه وميبقى لاجى ابد بكل مكان الموفقيه للجميع ونسلم ونشتغل ونعيش مثل البشر شنريد احنه غير الهدوء والسلام وراحه البال ونمشي صح على شي اسمه الحق الي الك والي عليك مو بس الي عليك جان بلعراق المهم الموفقيه للجميع واسف على الاطاله وتقبلو مروري اخوكم prison
-
والله كلامك عسل اخي صاحب الموضوع
الله يسهلة علينة ونوصل بالسلامة وتوصلون كلكم وترتاحون
-
التحية شي حلو وراقي
اذكر من طلفت دورة الى ايطاليا كانت فتارة تعمل برسبشن مال الفندق اول ايام صبح تكلك بونجرنو وبليل بوناسيرا كل مال ندخل الفندق نكول هاي تحية طبفا كل تحية بوقته
بعدين بيني وبينكم علمته على تحية مالتنه تحية الاسلام السلام عليكم وعليكم السلام
وهية هم حبت هاي التحية ضليت اول ما اطب للفندق اكلله السلام عليكم تكول عليكم السلام
اتمنى من اخوانا الي وصلو الى امريكا وعندهم اصدقاء وصداقة طبعا كون قوية خلي يعلموهم على تجية مالتنه تره هم هم يحبون هيج سوالف
انجنير ميك
-
مشكور على هذا الموضوع الحلو واتمنالك الموفقيه
-
السلام عليكم
مشكور اخويه على هذا الموضوع الجميل ...بس والله ماشفت مثل طيبة وحنية وكرم واخلاق العراقيين بكل العالم .
( الله ينصر العراق وشعب العراق )
ابو انس
شيكاغو
-
السلام عليكم
مشكور اخويه على هذا الموضوع الجميل ...بس والله ماشفت مثل طيبة وحنية وكرم واخلاق العراقيين بكل العالم .
( الله ينصر العراق وشعب العراق )
ابو انس
شيكاغو
شكرا عيوني ابو أنس على تعليقك بس والله شفت هنا ((بعض)) العراقيين عدهم نذالة ما شايلهه اي أنسان ولكن الأكثيره هنا هم ناس طيبين وعدهم غيره وشرف ومحافظين على بناتهم و ولدهم ولكن البعض بس الله يعلم !!
-
عمي ليكلك هاي كله هايات ما خسران شي
-
خوب ابتركيا اذا سلم عليه يتعجب واذا عندك عنوان بورقه وتريد سئله عباله جدي وما يوكف يعوفك ويروح وضل انته تضرب دوالغ
-
الحق يقال اخواني الشعب الامريكي شعب جدا متعاون ومسالم ومن تطلع من بيتك الى ان ترجع انت ترد التحيات والابتسامات المهم وأختكم قبل متشتري سيارة رحت اشتريت عربانة دفع صغيرة خاصة للتسوق وكنت اقطع مسافة كلش طويلة مشيا على الاقدام حتى اشتري مايحتاجه بيتي وبيوم كان الجو صحو وحلو يخبل اخذت الBMWمالتي أم أربع جروخ ورحت اتدعبل للاسواق ومن رجعت الدنيا صارت تمطر مطر بحياتي مشايفه مثله المهم اختكم صارت محط انظار كل الناس الي يمرون بسياراتهم ومابقى لا رجل كبير ولا أمرأة ولا شاب الا وعرض علية المساعدة وتوصيلي طبعا شكرتهم بكل أدب وكملت طريقي واني أسأل نفسي عن سبب احساسهم الطيب بمحاولة مساعدتي وسألت نفسي ليش كل هذا الخوف بداخلي حتى وهمة يعرضون علية المساعدة --تقبلوا مروري تحياتي لكم واحترامي
-
بكل مكان اكو الزين و اكو المو زين
وشكرا على الموضوع
الحزين هولندا