ankawa
منتدى الهجرة واللجوء => الهجرة و واللاجئين => الموضوع حرر بواسطة: ابو انس في 06:29 17/01/2010
-
احبابي تحية حب وشوق
حبيت اكتبلكم عن تجربة سميتها التغيير في الاخلاق قبل البلاد
اتكلم عن تجربة تسعة شهور في امريكا حلم كل لاجئ عراقي
حلم جميع الي انظلمو في بلد اسمة العراق حلم عوائل تبحث على السلام امنية طفل ودعاء كبير في السن وحلم هواية ناس تتمنى تحصل الامان بس ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وصلت العوائل لامريكا وصلو الشباب
وبدت معركة السباق مع الغربة وكيفية التأقلم والتعايش مع هذا البلد ومع ناسة وجدنا النظام وجدنا الحياة المختلفه وجدنا الاستقرار وجدنا الراحة الي يشتغل يشتغل والي كاعد على المساعدات كاعد
والي يدور تقاعد والي يريد يحصل على بيت والي يريد يغير ولايتة وكلشي بدينا نغير في اسلوب حياتنا
الطموح حلو الحياة للاحسن حلو والتغير وسباق الزمن حق مشروع بس ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
الي ما مشروع وما مسموح بية انه نغير اخلاقنا انه نغير حبنا لبعضنا انه نغير الرحمة الى قسوة انه نغير ارقام تلفوناتنا ونسد ابوابنا وكلة باسم التطور ومعلية
لالالالالالالالالالالالالالالالالالالالالالالالالالالالالالالالالالالالالالالالالالالالا
صدوكني اخوتي الدول االي احنة لاجئين بيه مو هيج
العكس الرحمة موجودة وبدليل متوفر اكلنا وشربنا وعلاجنا ومدارس ولدنا وحتى ابسط الحقوق محصلية
يسالون على اللاجئ العراقي اذا ما موجود يدزون متطوعين يساعدو ه بتعلم الانكليزي ينطوك بس ما يحاسبوك بس؟؟؟؟؟؟؟؟؟؟؟؟؟
العكس صار ويا اخوتنا العراقيين مع احترامي لبعض الاخوة بس هذا كلام عام مو خاص
الي صار اول ما يوصل اللاجئ يستلموه اخوتنا ما يدلوة او ينصحو اسف بس ؟؟؟؟؟؟؟؟؟؟؟
النصيحة هي شنو لا تحجي ويا العائلة الفلانية لا تروح على فلان لا تصدك فلان ودير بالك من فلان وووووووو؟؟؟؟؟؟؟؟
والنتيجة الي يجي جديد يكرة اللجوء ويكره الدنيا ويكره الحياة ويتمنى لو باقي اشرف
صدكوني اخوتي من احجي احجي واقع حال وليس انشاء
احجيلكم على ولاية بية 18 عائلة والله والله عائلة ما تحجي مع عائلة والاتعس انة المنظمة تعرف بهذا الشي وحقوق اللاجئين ماكولة بسبب منو بسسسس؟؟؟؟؟؟؟؟؟؟؟؟؟؟؟؟؟؟
ارجع واكول لا المحن ولا الصعاب ولا الشدائد ولا الي صار في بلدنا راح يخلينة نتعلم بس؟؟؟؟؟؟؟؟؟؟؟
صدكوني اكو قول احبة الي هو ( مثلما تدين تدان ) وكافي نحجي على اي شعب او دولة لانة ما سوو الي سوينا احنا
وتبقى البلاد ما تتتغير والاخلاق تتغير وبسسس؟؟؟؟؟؟؟؟؟؟؟
اسف على الاطالة وهاية وجهة نظر ي غير ملزمين اخوتي بالتعليق
اخوكم ابو انس
-
الفلوس تغير النفوس بس هذا التعليق عندي عندك فلوس الكل ياخذلك تحية ماعندك فلوس فقير محد يكون انت منو وشتريد ولا يعرف انت اخو او اقرباءه او صديق ماكو هذا الشي والدنيا هي نفس الدنيا ما تتغير من يوم ما اللة كونها بس البشر هو الي يتغير والف شكرا لك اخي الغالي ابو انس للموضوع الرائعه الي من تجربة الغربة
-
السلام عليكم
( أسأل مجرب ولا تسأل حكيم )
ابو ماجد
-
السلام عليكم
اخي العزيز كلامك مضبوط وصحيح وبارك الله بك على هذا الموضوع .
ابو انس
شيكاغو
-
كلامك اخي العزيز مظبوط جدا ومع كل الاسف ولكن اذا خليت قلبت واني واحد من اللي شفت العجب من العراقيين هنا في فيرجينيا وان صارلي فقط ثلاث شهور ونص لان مع الاسف الشديد هنا اغلب العراقيين ( اغلب) وليس الجميع لاتحصل منهم على اي معلومه او فائده ممكن تستفادها اله بطلعان الروح وبمنيه وتوسل او بالصدفه وكانهم هم الذين يعطوك من جيبهم الخاص وكلها اسرار وغمز ولمز ويصورون اذا عرفت اي شي عليهم لح تحسدهم مع الاسف ولكن مثل مقتلك في البدايه اذا خليت قلبت وربك مينسى عبده واني كنت في وضع جدا صعب لاني كنت مريض واحتاج عمليه وكنت مثل الغركان اللي يريد يجلب بكشايه ورب العالمين ارسل لي شخص وبالصدفه في احد الاسواق وكنت جالس على الارض لاني كنت لا استطيع ان اقف او امشي لمده طويله وكنت اتحدث مع زوجتي واذا بشخص يأتي الينا وقال لنا الاخوه عراقيين وقلنا نعم قال شكلكم جديدين هنا قلنا نعم وتبادلنا معا حديث عام وبسيط وقال لنا اكملوا تسوقكم لكي اوصلكم الى شقتكم بسيارتي وتشكرنا منه وقلنا له سوف نرجع بالباص ولكنه الح واوصلنا. وفي اليوم الثاني يأتي هو وزوجته وزارنا وبدأ يشرح لنا كل صغيره وكبيره وكل الامور وكل المعاملات وكل المساعدات وكل الزواغير وبدأ يأخذنا بسيارته ويقضي لنل كل حوائجنا وبدأ يبحث لنا هو وزجته على عمل لي ولاولادي وووووووووووووو... وكان ولازال مثال الاخ والصديق الوفي الذي يخاف الله بكل معنى الكلمه وعمل كل هذه الاشياء خالصا لوجه الله تعالى,
ندعوا من الله العلي القدير ان يكون كل العراقيين بمثل هذا المستوى من روح التعاون والمساعده والاخلاق .
ودعائي للجميع بالموفقيه
اخوكم ابو عادل الخالدي
-
شكر وحب وسلام ومحبة يارب توصل لكل اخوتي بالمنتدى وارجو ان لايزعل البعض لانة واقع ما يصير نتجاهلة والحياة كلة عبر ودروس تحياتي ودعواتي الكم بالتالق الدائم
اخوكم ابو انس
-
السلام عليكم
اخي ابو انس موضوع جدا جميل وكلش عجبني ومن خلال قراءة الموضوع اكدر احس بكاتب الموضوع من خلال الكلمات ....... احب اكتب بعض الكلمات......... الذهب يبقى ذهب حتى لو طرقته او صهرته ولا يتحول الى معدن اخر لان هو ذهب
اسمحلي اكول انت ذهب ومن غير مجامله واكرر شكر لك على هذا الموضوع الجميل
Alazawi
-
احترامي وتقديري لكلماتك الغالية في حقي وانت الذهب واشكر ردك اخي الحبيب العزاوي
اخوك ابو انس
-
برايي لولا وجود شرخ كبير في المجتمع العراقي من امراض اجتماعية موروثة لم يكن ليحدث بالعراق كل الذي حدث..ربما الذي حدث والذي يحدث الان ليس بالغريب علينا خصوصا وان نفس السيناريو والقصص تتكرر منذ عام 1921 ولحد الان وتاريخ الهجرات العراقية ليس بالجديد ولم يكن وليد اللحظة وانما منذ اربعينيات القرن الماضي والذي اود ان اقوله هو ان السبب موجود ويتكرر مع كل الاجيال والشخصية العراقية بازدواجيتها ودمويتها وعدم مصداقيتها مع الاخر هي السبب في كل الذي حصل وفي حال وجود صوت يعلو ليقول ان هذا الكلام مبالغ فيه فرجائي منه ان يقرا تاريخ العراق الاسياسي والاجتماعي لل 90 سنة الماضية ويسال نفسه لماذا تم سحل وقتل العائلة المالكة وتشرديها بهذا الشكل؟؟ لماذا تمت المجازر المتبادلة بين العراقيين في فترة عبد الكريم قاسم لينتهي بعدها برمي ونثر بقايا جثته من فوق جسر ديالى؟ مسلسل التهجير والقتل والتشريد المعروف للجميع وقت النظام السابق؟ والسيناريو الذي نحضره الان من مسؤول عنه؟ لا اعتقد ان هناك من يسكن العراق غيرنا وجميع هذه الاعمال تمت باليد العراقية الخالصة ضد العراقي نفسه ..والمسلسل مستمر وعدد حلقاته لا تنتهي والحمدلله..اسف على الاطالة ولكن الجرح عميق جدا وما تذكره اخي العزيز من جفاء العراقيين وعدم تعاونهم فيما بينهم في الغربة "عدا القلة القليلة" فهذا سبب بسيط لتلك النتيجة وتقبل مروري
بغدادي
-
اخوان كل الي كلتوه صحيح
جان عندي صديقين ساكنينى ويايه بنفس الكرفان من جنه نشتغل معا في الشركة.
هاجروا واحد من عدهم اول ما وصل انقطع كل شيء حتى عن صديقنا الثاني
والثانيدز لي ايميلين وهم الاثنين انقطع الان اخبارهم عن كل اصدقاءنا الي جنه سوه بالمشروع وتعبنا واكلنا سوه
فما نعرف العراقي ليش ها طبيعته
صحيح لو خليت لقلبت
ولكن الجميع سمع عن العراقيين عرف عنهم باهل الشقاق
بس اكو العراقيين المحبيين والدليل اصدقائنا الورود في هذا المنتدى والي ما يقصرون من نسالهم عن شي يجاوبون وزايد الله يوفقهم ويوفق كل الي يمشي على مبادئهم
تحياتي للجميع
-
السلام عليكم
موضوع شيق وبارك الله بلاخ ابو انس على موضيع غير روتينيه ومعاده ؟
بس راي مع احترامي الشدديد لحضراتكم انو العراقي اني اشوفه متعاون اكثر من هذا الشئ وشفنا وعشنا من سافرنا الى الدول المجاوره ؟ احتمال امور الحياة المعقده والمتعبه بامريكا قد يوصل الى هيج مرحله من عدم روح التعاون ؟ (وان كان هذا لايمنع ) بس نرجع وانكول ان خليت قلبت ... الدنيا بيها الزين والموزين
اخوكم
ابو ماجد
تحياتي
-
اخواني الاعزاء
الموضوع الي طرحتة للنقاش اشكركم على الرد علية وان اختلفت اوجة الردود ولكن انريد نحسبة حسبة صح وهي انة لو قارنا الي صار بينا وبلدنا جزء بسيط بالشي الي صار بفلسطين من احداث لنجد ان الشعب الفلسطيني اينما تواجد اصبح متكاتف وكذا الحال للجاليات العربية الاخرى وهذا واقع ملموس والي دهشني اكثر انة اكو سلبيات بين هاي الجاليات بس منو الي شاف او عرف او حس اكو خلاف ماكو والنتيجة منو الي مكشوف على الساحة احنا فقط واكرر اخواني انة هذا الي شفتة من تجربتي بالسفر الى كذا بلد عربي واخيرا رسى المطاف في امريكا لو جمعنا النتيجة نجد الخسران احنا والقلة الخيرة الله يكون بعونهم ويبقون على المبداء الي مشوا علية والي هو ماكو شي اسمة معلية اكو شي اسمة علية واني عراقي
مع الحب والاحترام لكل ردود اخوتي في المنتدى
اخوكم ابو انس
-
عاشت ايدك رجل خالتي
صحيح وفعلا يعني ابسط واحد صديقنة من خابرتة سد التلفون بوجهي وقفلة ليش حتى ما اكولة تعال
مشكور على هذة المواضيع
ابن اخت المرة جوزيف
-
شكرا للاخ على هذ الموضوع بس احب اضيف اضافة مو شرط انو يوصلون الى امريكا حتى يتغيرون نحن شفنا بدول الجوار من الشكلين الشكل اللي يساعد والشكل مو بس ما يساعد بس ينصحك بالشئ الغلط وانت ما تعرف وتصدقه
حتى بدأنا نكون حذرين بالتعرف على الناس العراقيين لكثرة ما سمعنا بأنهم يحبون المشاكل بس الحمد الله في الفترة الاخيرة التقينا بعدة عوائل جيدة ما اخيرها عليكم ..والحياة كلها تجارب بس المهم الواحد يضل متمسك بأخلاقه وعاداته وتقاليده
صابرين
-
شكرا لكاتب الموضوع وهذا كلام سليم
هذا اللي صار بالسويد وبهولندا الاغلبيه هيجي
نصيحه من ابن اخوك هذا اللي يوصيك لاتحجي ويا ذاك او ويا هذا ترة هذا نمام وباجر هم يحجي لغيرك عليك
واحنا العراقيين ما ادري يمكن هذا غضب من الله ما ادري مخلفات الحروب ما ادري دزاينا هيج يا اخي والله ما ادري
ولاتنسى العراق يختار النفاق
-
اخونا كاتب المقال الحترم اكلك لاتزعل كل واحد واصله وتربيته
اخونا العزيز بغدادي اني اتفق وياك وكلامك صحيح 100% فعلن العراق شعبه هو هو وين ميروح ومن تاريخ بعيد
فعلن اني اعرف ناس فلسطيينين وشوف تكاتف بينهم صحيح عدهم مشاكل هوايه بس عدهم مثل اني واخوي على ابن عمي واني وابن عمي على الغريب
بس العراقيين العكس
اكيد مو كلهم بس نسبه ليست بالبسيطه واتمنى هاي التجارب تعلم اولادنا على التكاتف مع بعضنى يعني خلي نعلم اولادنا من هسى على الوحده ويكونون ايد وحده
اخوكم وطني كندا (اريد وطن سابقا ) انتظار الدوره وموعد السفر الى كندا من عمان يناديكم
-
تسلم ابو انس على هالموضوع الرائع .
والله هاي سوالف العراقيين بكل مكان مو بس بأمريكا تعال شوف هنا بالخليج نفس الشي العراقي اذا شاف عراقي ينهزم منة بس اذا شاف خليجي تبدي اللواكة وطبعا هاي مو كل العراقيين .
وتريد الصدك كل العرب هيج يعني اذا المصري شاف مصري هم ينهزم .وجمالة يكولون بلاد العرب اوطاني .بس اكيد اكو ناس طيبة وخيرة وتحب الخير الغيرهة وابسط مثال هذا المنتدى اللي بيه خيرة العراقيين الاصلاء . والاصيل يبقة اصيل ومايتغير لا بغربة ولا بغيرة.
وتحياتي للجميع.
-
منقول للامانه
أبعدنا الله جميعا عن النفاق والشقاق وسوء الأخلاق.
ورحم الله من قال:
لا خَــــــــيْرَ في وُدِّ امرئ مُتَمَلِّقٍ **** حلوِ اللِّـســـــانِ وقَلْبــُهُ يـتــَلَهَّبُ
يُعطيكَ مِنْ طَرَفِ اللِّسانِ حَلاوَةً **** وَ يَروغُ مِنْكَ كَما يروغُ الثَّعـلَبُ
واختر قرينكَ واصطفيهِ تفاخُــراً **** إنَّ القرينَ إلى المقارنِ يُنْـسـَـبُ
وَ دَعِ الكَذوبَ فلا يكن لكَ صاحباً **** إن الكذوبَ يشينُ حُـــــرّاً يَصْحَبُ
و احفظ لسانكَ و احترِزْ من لفظهِ **** فالمرء يسلمُ باللِّســان وَيَعـطَـبُ
والسِّــرُّ فأكتمه ولا تنطقْ بــــــــِهِ **** إن الزُّجاجـةَ كَسْــرُهَا لا يُشــــعَبُ
و ارعَ الأمانةَ والخيانة فاجتنبْ **** واعدِلْ ولا تظلِمْ يَطِــــبْ لَكَ مَكسَبُ
و أحذر مصاحبـةَ اللئـيــم فانـــه **** يُعدي كما يُعدي الصَّــحيحَ الأجربُ
أحذر من المظلومِ سهما صائباً **** واعـلـَم أن دعــــاءَهُ لا يـــحـــــجـَبُ
واخفِض جناحكَ للأقارب كلِّهِم **** تـذلـُّلٍ واسـمَحْ لهـــم إن أذنـــــَـبـــوا
-
أبو أنس
ماجلان
الخالدي الأصيل
وبقية الأخوة والأخوات
تحياتي للجميع ونرجو من الله عز وجل أن يحميكم ويمّن عليكم بالصحة والسلامة .
كلامكم على الراس ومع الأسف فهو صحيح .. صحيح أنا في مصر لحد الآن لكن هذا
مانسمعه من أخوتنا وخواتنا الذين سبقونا هناك .. نرجو من الله رحمة في القلوب
ورأفة وتآلف بين الناس .. تقديري
أخوكم أبن خير
-
السلام عليكم جميعا اخوتي واخواتي
ربما كان هذا الموضوع الاكثر اثارة لمشاعري..اقصد على مستوى الصدمة ...قرات الكثير من المشجع والداعم والمتفائل...ربما لان سفري غدا باتجاه هيوستن والمجموعة الطيبة من عائلتنا الجميلة عينكاوة وكذلك وجود العديد من زملاء العمل في المشاريع ومواقع العمل..
تعقيبي واباختصار اني اتفق مع اغلب ما تم طرحه من اراء ان كل واحد وتربيته وكل يعمل باصله...
مع وجود النماذج السيئة هناك الكثير من اهل الخير ومن ابناء النعمة...قرات الكثير...وسمعت عن حالات طيبة اكثر، ربي يهدي اي واحد مامتعاون ويثبت ويعزز ويزيد اصرار كل طيب على فعل الخير ومساعدة الاخر ...
المشكلة الاكبر انو البعض يقطع سبيل المعروف بسبب مقابلة الاحسان باساءة والشخص المتعاون بعد ما يمر بمثل هكذا موقف يقرر الانعزال وعدم المساعدة...
حفظكم الله جميعا
-
والله انت حطيت ايدك على الجرح بس للاسف الاخلاق للبعض مو زينة وهم ببلدهم العراق التالي بالخارج شلون؟ لان مثل ما تعرفون السفر ميزان الاخلاق
زين اني كنت بسوريا لمدة الستة اشهر وصارت عندي تجارب وية ناس هواية اصدقاء ( قبل ان اسافر وهناك البعض تعرفت عليهم هناك عن طريق اناس معارف والبعض كان مهاجرا ورايته في تلك الفترة) وساكتب عن بعض التجارب هناك
1- لي صديق كان مهاجرا الى احدى الدول الاوربية ( السويد) منذ عام 2000 وبعد اللقاء عام 2007 ( اي المدة اللتي لم اره فيها هي سبعة اعوام وحوالي الشهرين) فقلت له بعد ان استقبلته في مطار دمشق والاحضان وكل شيء وبعد ان التقينا في اليوم الثاني قلت له ( لم اقل له اول ما رايته حتى لا اكون مزعج) اني اريد ان اذهب الى السويد فقال لي ولم لا ومن هنا بدا الطباع العراقية الاصيلة تتكشف حيث لم احصل منه على اجابة بل كل اللذي فعله هو انو اتصل ببنت صديقته في السويد وتكلم معها طول النهار ( حوالي المدة التي تكلم معها في ذلك اليوم هي سبعة ساعات متواصلة ) وبعد ان الحيت عليه ليغلق التلفون ليحترمني دخلنا الى مقهى للانترنت لنتكلم وعندما بدانا في موضوع الهجرة وفي تلك اللحظة فتح الماسنجر وبدا بالكلام مع نفس الفتاة ليتكلم معها حوالي الساعتين وهكذا في اليوم الثاني الى ان تحججت لكي لا اراه وعندها سافر ولم اعرف منه شيء الا ان اتصل بي وانا في العراق ليكلمني عن حياته البائسة في السويد وكيف انه سيتجنن ليرحل من السويد الى ان اصبحت لا ارد على اتصالاته مع العلم اني اعرف انهم يعتبرون في السويد من العائلات المتمكنة جدا
2- ايضا في سوريا عندما كنت اعمل في مطعم لشخص سوري كان لي احد المعارف العراقيين الاصلاء الذين هربوا من الواقع الامني السيء قال لي اذا يوجد لديكم في المطعم شاغر فكلمت صاحب المطعم فوافق وقال لي بشرط ان تكون الاجرة الف ليرة في الاسبوع ( وهي اجرة قليلة ) فوافق الرجل لانه محتاج وعندما باشر قال لي صاحب المطعم انه سيخصم من الاجرة الخاصة بي 500 ليرة في الاسبوع وعند استفساري عن السبب قال لي بان الفتى العراقي الذي جلبته اتفق معه على هذا الشيء!!!!!!!!!!!!
اسف على الاطالة ولكنني لدي من هذه القصص الكثير في داخل وخارج العراق والقلب مملوء من تصرفات هؤلاء الناس
وشكرا
جوني جاك
-
عاشت ايدك اخوية ابو انس اني لاحظت هاي الشغلة بمصر وشفت شغلات من جماعتنا العراقيين اليهودي ما يسوي الي شفته منهم طبعا مو الكل بس البعض منهم ما اكول غير مع الاسف
وتحياتي الك وللعائلة الكريمة ياطيب
اخوك ابو فهمي
-
احلا شي العراقيين اشتغلو دلاليين مال شقق بسوريا وماحجيلكم النصب والاحتيال لا وعلى منو على العراقيين الفقرة اللي جايين جدد السوريا . الله يهديهم.
-
والله هذا كلامكم صحيح
يعني احنا بعدنا بالعراق وبنفس الوقت كل ما اقرا شي اصفن واعيش الموقف لمده دقايق
شنو الفلم يعني احنا اللي نعرف اللي بالعراق تعبانين ومرات نعذرهم لان لاماي لاكهرباء لاشغل ولا احترام .... وغير هاي الامور
بس يعني حتى اللي يوصل هناك مو على اساس يصير بيه خير ويعوف هاي الامور
بالمناسبة اني دة اتصل بصديقي يكلي اذا توصل لهنا وتريد يصير براسك خير
عوووووووووووووف العراقيين.
-
تحية معطرة بالود وعبق الياسمين لكل ردودكم الحلوة احبابي واخوتي في المنتدى
قد يكون موضوعي فية بعض الالم والجروح بس من كتبت اني كتبت هذا الموضوع لانة لازم نكون عمليين بحياتنا ونترك العاطفة ونواجه انفسنا لانة كافي الي صار والعالم يتفرج ويضحك واحنة نرجع للورا مو للاحسن لانة الشدائد والصعاب والسفر ميزان الرجال هذا الي تربينا علية لو بس حجي
واظن انة ميزان انكشفت بية اوراق هواية بس صدكوني ما يصح الا الصحيح والايام طويلة والكل يحتاج للكل
اخوكم ابو انس
-
والله اخوان اني برأيي كل شخص واخلاقة وعاداته اللي اتربى عليها فممعقولة امريكا او اي دولة او اي شعب ياثر على اخلاق شخص فيجب على العراقيين ان يتحدوا في دول الغربة ونسيان مافي الماضي والدمار اللي لحق بينا احنا العراقيين من جراء الحروب والازمات فكافي تعبنا شكد حلو روح المحبة والتعاون بهذا المنتدى شكد حلو من اخونا ابو انس شيكاغو واختي انجي وماجلان واخوية عكعك وغيرهم من اخواني يعذروني لأن مذكرت اسمائهم يمدون يد المساعدة لكل عضو من اعضاء المنتدى وذلك لأنه مجرد عراقي بغض النضر عن انتمائه لأي طائفة او اي دين انهم حقا" اخوان واخوات اوفياء واخلاقهم عالية وتربوا على التعاون والمحبة ونبذ التفرقة فيوجد من العراقيين في دول الغربة من هكذا نوع واحب اوجه الى اخوتي في الغربة ان يتعاونوا وسلام خاص لهم وان شاء الله يوفقهم ويفتحها بوجههم ودعوة خاصة من كل قلبي
اخوكم مهند هادي بغداد
-
اوووووووووووففففففففففف
بس اكول كلامك صح ابو انس والله كريم
لان اذا ابدي مراح اخلص منا لباجر
الله كريم
تحياتي للجميع
-
السلام عليكم ورحمة اللة وبركاتة ......شكرا للاخ ابو انس الغالي على هذا الموضوع بس صدكني ماكو قاعدة
ثابتة للقياس على العراقين او غيرهم من الشعوب . النفس البشرية هي هي ماكو فرق...... بس اكو قاعدة
ثابتة ارساها نبي الرحمة محمد صلى اللة عليةواله وسلم .من لادين له لا امان له..... الي اقصده الدين هو
المقياس الحقيقي..
-
شكرا لكاتب الموضوع علة هذا الموضوع الواقعي واتصور اي واحد منا يومية يشوفلة دكة ناق....................... من عراقي سواء كان بامريكا او بدول الجوار للعراق واني اتفق مع كلام الاخ شوقي انه لو نبدي منخلص منا لباجر وخليها سكتة احسن
-
سلام ومودة وامان ارسلها لكل ورود المنتدى الطيبيبن وشكر والف شكر على حبكم لاخوتكم وشكرا على ردودكم وابو عبدالله ميخالف تحمل ترة النور يظهر والشمس تشرق والغمة تنزال وما يبقى يا اخي بس الطيبين الي ما هزتهم ريح الغربة والصعاب
اخوكم ابو انس