-
بسم الله
اكتب واقول اخوكم جوزيف العراقي الجزء 2 وصل منذ الساعة 8 صباحا بعد سفر من الساعة 5 فجر علما انة لم ينم منذ ليلة البارحة وهو الان استقر في شقة والاخ الفاضل ابو عبدالله ما قصر وياه
قام بواجبة كاخ وكعراقي وحتى غطاء بيتة واطفالة ما بخل بية على اخوة الي جاي من غير ولايه( مع حبي واعتزازي بابو دجلة واعرف ما قصر وما راح يقصر )
بس الي اريد اكولة وين بقية الاخوة شنو حصلو لجوء لغير دولة من سمعو اكو ضيقة لاحد اخوتهم
وين النخوة وين الشهامة مو هي دنيا دولاب ترة واليوم الك وباجر عليك فشلون اذا كان الاخوة كلهم من بلد واحد تكولون احنا مسلمين ولا تدعون باي ديانة لان البوذي ساعد اخوة حتى لو مو من نفس البلد ولا تكولون احنا امريكان لانة الامريكان شفناهم وعايشناهم شلون غيرة وشلون نخوة
اعتذر لاخي ابو عبدالله ولاخي ابو دجلة لانة الكلام غير موجة الهم
بس الي صار عيب وعيب وعيب والله والله مثل ما تدين تدان وكافي نكتب ونسطر حروف ومتعبين اخوتنا في المنتدى ومتعبين المشرفين ويانا لانة احنا بياعين كلام ومع الاسف
والله يحفظك يا جوزيف ويسهل طريقك ومع الاسف راحت الغيرة العراقية وراحت النخوة وصلو معاي صلاة الغائب على بعض العراقيين مع احترامي واجلالي للاخوة الطيبين في تكساس ( ابو دجلة ابو عبدالله )
ابو انس ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
-
ابو انس
جوزيف اتصل بيه وهسه كلي انه صاحبه دينتضره بالوفيس مال مكتب الايجارات بالشقه الجديده
اذا اكو غير شي صار فكلي حتى اخابره وافتهم منه
-
لاحول ولاقوة الا بالله
بس لو خليت قلبت اكو ناس راح توكف للاخ جوزيف وان شاء الله يلكه السكن
والله لو بيدي شي اسوي للاخ جوزيف بس انا مو بالولايات المتحدة
ان شاء الله تسهل امور اخونا جوزيف واكو طيبين كثر من العراقيين الي بالولايات ومراح يتخلون عن بعض باذن الله
تحياتي
-
اخوان
لحد يستعجل
جوزيف هسه يمي بالبيت
لحد يخاف عليه وهو بركبتي الى ان يكلي عوفني
ابو انس لا تخاف على ابن اخوك هو يمي ولا يضل بالك
اوافيكم بالاحداث لاحقا ان شاء الله
-
بارك الله بيك ابو عبدالله ابو النخوة سلم على الاخ جوزيف وبلغ تحياتي والف حمد لله على سلامة.
-
بارك الله بيك اخويه العزيز ابو عبدالله ابو النخوة والشهامه
وسلامي لاخونا جوزيف
والموفقيه للجميع
اخوكم نهاد ابوعلي
-
الحمد لله على السلامة جوزيف اخي
وحيا الله اخي ابو عبد الله رفعة راس واخ كبير لأخوتة المغتربين والله يابة صاحب نخوة وكرم
لو بيدي اسويك المواطن المتميز و متألق ولاية تكساس ;D ;D ;D بارك الله فيك ...
اخي العزيز جوزيف حمداً لله على سلامة الوصول ... ولا املك لك سوى الدعاء من القلب الى الرب ربي يفرج همكم ويسدد خطاكم .
اخوكم النــــــــــــــــــــــــــاسك - بغداد
(http://www14.0zz0.com/2010/01/16/00/367401970.gif)
-
شموع الخير موجودة وابو عبدالله شمعة ما تنطفي وبارك الله بيك وارجو ان لا يفهم الاخوة في المنتدى كلامي غلط لانة الكلام مو موجة للاخ ابو عبدالله والاخ الفاضل ابو دجلة ولا يمسهم باقل صلة لانهم اكبر من ان تغيرهم الضروف والطيب انما كلامي لاخوتي البقية لانة من غير المعقول ولاية كاملة ما بية بس شمعتين منورة والحمدلله الاخ جوزيف ج2 وصل والاخ ابو عبدالله ما قصر وادى الواجب وزيادة ولا يهون ابو دجلة وشكر وتقدير واحترام على مواقفك الطيبة ابو عبدالله الورد وبارك الله بيك وبام عبدالله والله يبارك بابنك وعائلتك
اخوك ابو انس
-
اصيل وشهم وهاي مواقفه الطيبة والرجولية بوعبدالله
وموجديدة هالمواقف من بوعبدالله دائما صاحب نخوة وكرم
وربي يكثر من امثالك ويحفظك انت والعائلة الكريمة من كل شر
اخوك
alwismy
-
السلام عليكم
أغاتي السموح .. أبو أنس
تحياتي .. مهلاً ياأخي مهلاً وقليلاً من التريث , المفروض من الأخ جوزيف ج/ 2
حينما يصل الى هيوستن بأن يتصل بي تلفونياً أو يأخذ أي سيارة أجرة ويصل
عندي للمسكن .. لأنني سبق وأن أرسلت عنوان سكني وبالتفصل الى الأخ
جوزيف ج/2 وكذلك رقم التلفون .. والآن أنا الذي يعتب عليه لعدم إتصاله بنا
يا أخي الودود .. تريث قليلاً قليل ولا تستعجل الحكم والأولى به بأن يمكث في
سكن أخيه أبــو دجـــلة وأنا في خدمته
اللهم يفرجها عنكم وعنا وعن كل أهلنا العراقيين المتعبين في صحارى القلق والرجاء
مع تقديري
أخوكم .. أبـــو دجــــلة
**
-
اخي الحبيب ابو دجلة تحية طيبة وسلام ومودة واعتذار ارسلها الك ولشخص الكريم واني اعرف انتة السيف المجرب و لا يهون ابو عبدالله وسد بمكانك وعندي علم بهذا الشي لانة انتة بلغت جوزيف ج2 بانة يجي يمك واني عتبي على الاخوة الباقين واعرف اخي انتة ما تقصر واني اعتذر على سوء الفهم وانشاء الله تبقون دوم
منورين هذا المنتدى الراقي
اخوك ابو انس
-
السلام عليكم
أغاتي العزيز .. أبو عبودي التكساسي
تحياتي .. أحتار بمناداتك وأحتار بمخاطبتك , لإنك ألجمت الفكر قبل اللسان بأفعالك
لا أعرف حقيقة لا أعرف بكيفية محادثتك .. أُخذل أمام سلوكك الإنساني المتأصل
بالتأكيد ضمن تربية عائلية حقة ..
أأقول لك رائع .. ثق لا أعرف , ولن أقول لك سوى
ألف رحمة على والديك على هذه التربية .. واللهم يوفقك ويسعدك ويمنحك العافية
ويسترك ويجنبك كل مكروه ويبعد عنك كل شر وكل حاسد .. بوركت ياعزيز
مع تقديري
أخوكم .. أبـــو دجــــلة
**
-
الحمداللة على كل شي والف شكر لاخونا الغالي ابو عبداللة ربي يوفقك ويرزقك بكل عمل خير تقوم به لاخوانك و انشاءللة يستقر الاخ جوزيف بالشقة ويباشر الحياة الجديدة بولاية جديدة ربي يوفقكم ويرزقكم كلكم ومثل ما يكول المثل اذا ( خليت قلبت )
-
الف حمد والف شكر لله على هذه الاخبار التي تثلج الصدور وعلى وجود اناس طيبين واصلاء امثال ابو عبد الله وابو دجله واناس مثل اخلاقهم هؤلاء هم العراقيين الاصلاء النجباء الشرفاء ويعجز اللسان عن وصفهم . واذا خليت قلبت. سيروا اخوتي الافاضل على هذا الدرب ونحنوا ورائكم سائرون
وفقكم الله وادامكم ذخرا لنا ولجميع الاخوه والاحبه
اخوكم ابو عادل الخالدي
-
وردة ابو عبدالله وما قصرت...تحياتي الى جوزيف وانشاءالله ميسرة للجميع..
بغدادي
-
ممنون لكل ردودكم الحلوة اخوتي والله يديمكم للخير
تحية للاخ ابو عبدالله الوردة
والاخ الفاضل ابو دجلة
والاخت انجي الغالية
والاخ ماجك
والاخ أ_ح_ت
والاخ الناسك
والاخ ابو عادل
والاخ البغدادي
وممنون الكم اخوتي ويحفظكم ربي
اخوكم ابو انس
-
السلام عليكم ورحمه الله وبركاته
اخواني الاعزاء واخويه الغالي ابو انس
جوزيف وصل لشقته والحمد لله وصلت يمه اليوم بعد ان وصل للمجمع ودخلت على مكتب العقود واتفاهمت وياهم على كل شي طبعا الشقه ما بيهه كهرباء لان الساكن القديم مدافع الفاتوره وكاصين الخدمه عليه
الشقه جمييييييله جدا وكلش عجبني المكان والحمد لله قريبيبن عليه
المهم
اتصلنا بشركه الكهرباء وان شاء الله راح يجون باجر يزودو بالخدمه والحمد لله الباقي تم بخير وسلامه ورحنا اتسوقنا الاشياء الضروريه وهسه ويا جوزيف اكو شخص عراقي اخر وهو زميله الي جان ينتضره بهيوستن وسكنوا سويه وهم خوش ولد ونشمي
جوزيف يسلم عليكم كلكم ويشكركم لمشاعركم الطيبه ويكولكم ان شاء الله راح يتواصل وياكم بالايام الجايه من يصير عنده انترنيت بالبيت
والحمد لله انه ما لكه صعوبه بالوصول ولا بالنزول في البيت الجديد
اشكر كل اخواني الي بادورا بالمشاركه بالموضوع و الى ابو انس ااكدلك مره اخرى جوزيف بعيوني ولا تشيل همه ابد وبركبتي
باجر ان شاء الله راح يروح للمنضمه ويشوف مساعداته واوراقه شلون راح تمشي وبعدها راح نبدي نشتريله غراض ونجهز البيت
ولكم مني الف شكر واشكر تعاطفكم الجزيل ويا اخوكم جوزيف العراقي
اخوكم ابو عبد الله التكساسي
-
بارك الله بيك ابو عبدالله ابو النخوة والشهامه والمروه سلم على الاخ جوزيف وبلغ تحياتي والف حمد لله على سلامة.
-
ابو عبد الله و ما ادراك ما ابو عبد الله السيف المجرب بارك الله بيك اخي
مصطفى
-
الف شكر اخواني
ولا تنسونا بالدعاء والتضرع الى الله
لانه هو هدفي
-
لا تنسونا بدعائم اخواني لان كلش محتاجيه هالايام
-
الله ايوفقك يا ابو عبودي البطل و ايسهلك امرك و ايخليلك الصغير و ايرزقك
تحياتي
-
الف الحمد على السلامه للاخ جوزيف وبارك الله بيك ابو عبدالله وكل من ساعد الاخ جوزيف ويارب يوفق الجميع
-
اخواني ابو عبدالله ابو دجلة
اذا انت اكرمت الكريم ملكته ,,,,, ولكنكم ملكتمونا باصالتكم وخلقكم العالي ومعدن الاصالة والنخوة وهذا دليل على مقدار خلقكم والبيئه النظيفة التي جئتم منها ..... ولا يسأل الجواد عن كرم لاخيه والاخ جوزيف اخ لنا فهو لااعتقد قد قصر بيوم من الايام عن اي شخص طلب منه مساعدة كما اغلب وليس الكل والحمدلله انشاء الله يستقر ويرزقه الله برزق حلال انشاء الله
ابو رامي
-
السلام عليكم ورحمة الله وبركاته
يعجز اللسان عن الكلام لوصف اخلاقك ومواقفك اخي واتشرف باخوتك عزيزي ابوعبدالله ياعمدتنا وان شاء الله
سبحانه وتعالى انت من اليوم (((((((((((((((((( العمدة )))))))))))))))
اخي العزيز ابو دجلة المحترم اتمنى من الله ان اراك واتشرف بمعرفتك
دمتم ذخرا
-
حمد اللة على السلامة اولا الغايب عذرة معاة ثانيا انت تكول الاخ ابو عبد اللة وابو دجلة مقصروا بعد شكو شنو تريد كل العراقيين اللى بامريكا ينتظروك طول بالك ترة العراقيين كلهم اخوتك ولاتحجى عليهم وانت بحالة عصبية وتعبان ومرة اخرى حمد اللةعلسلامة
-
اخي احمد السلطان ارجع لاصل الموضوع واعرف السالفة من اوله الاخ جوزيف ومن مدة طويلة راد يتحول لتكساس والكل غلست على طلبه للمساعدة عدا الاخ ابو عبدااله وابو دجلة الكرام والبقية لاواحد صد ولا الثاني رد ,,,, وكما قال احدهم
لايسأل الكريم لم انت كريم
بل يسال البخيل لم انت بخيل
والبخل مو بس مادة بل موقف ,,, والرجال مواقف والله يوفق الجميع
-
اخوية الغالي ابو عبدالله
ابو الغيرة
ابو النخوة
ابو الشهامة
الله يوفقك ويبارك بيك ويرزقك من حيث لاتحتسب . ياربي يخليلك عائلتك ويحفظلك عبودي .
وانشاءالله تاخذلك سيارة دوج جرجر 2009 لونهة اسود ;D ;D حلوة هاي مو ؟
-
الله يبارك بيك اخونه الغالي ابو عبدالله وتاكد ان الله لا ينسى ما فعلته فيرده لك عند حاجتك له ويسخرلك الناس الطيبين لقضاء حوائجك ونتمنى لك الموفقيه لموقفك الرائع اخي الكريم
-
اخواني اخواتي اليوم وبعد اطمانينا على اخونا جوزيف اريد اشكركم جميعا على الروح الطيبه واكلكم انه اني ما اصير ال تلميذ يم عمنا الغالي واستاذنا لافاضل ابو دجله
واكيد مراح اصير قطره في بحر من جمايل انجي للمنتدى واعذاءه الكرام
ولا راح اصير بجراه اخونا الاداري بيرج الي سوا للعالم الي ما يصير بكرم اخلاقه وحسن تربيته
واني منكم وبيكم اخوكم واريد اكول شي واحد
بفضل الله وعونه ومساعده اعضاء المنتدى كدرت اتعرف على نخبه صالخه من الاخوان العراقيين في الغربه ومن الي اضن انهم اسمى من ان يتركون شخص حاير
صدكوني اخوان من المنتدى واعضاءه اتعلمت اشياء ما تعلمتهه بحياتي في العراق
الف شكر الكم وبارك الله بيكم جميعا صغيرا وكبيرا نساء ورجالا
وبدون استثناء وعندي بعض التعليقات على بعض الردود اذا تسمحولي
ا ج ب الف شكر اغاتي الفاضل وبارك الله بيك
اغتي الفاضل نهاد ابو علي الف شكر ومنكم نستفيد وموفق فيحياتك ولحد الان ما حصلت الجواب الشافي وما ناسيك تره
اخويه الناسك انتوا رفعه الراس وبيكم البركه اغاتي
اخوي وحبييبي الوسمس انت الشرف والاصاله والله يوفقك في حياتك يالغالي
عمي واستاذي الفاضل و معلمي واخي الاكبر ابو دجله - اني الي يعجز لساني عن وصف اخلاقك وطيبه قلبك
انجي يا ملاك منتدانا الغالي تعلمت هاي السالفه منج يا بنت الاصول اذا تتذكرين سالفه اخونا المهاجر وكفتج المشرفه وياه ابد ما انساها الف شكر يا ملاك عين كاوه
اغاتي ابو عادل الف شكر واثلج الله صدرك وتكوملنا بالسلامه اخي العزيز
اغاتي بغدادي الف شكر وصل سلامك لجوزيف وتحياتي
عراقي وافتخر الف شكر وصل سلامك وبيك خير وتدلل
اغاتي الغالي مصطفى الف شكر وبارك اله بيك وباصلك الطيب
اخويه المهندس احمد الف شكر لمشاعرك الطيبه
اخويه ابو ياسين لا شكر على واجب واشكر كلامك الطيب
اخويه ابو رامي الف شكر وبارك الله بيك وانتم ملكتم القلوب باخلاقكم عيوني
اهلي يا عراقيين الف شكر ولا اريد اصير عمده ولا الي خلك السياسه اريدك ما تنساني بدعائكم خال وبارك اله بيك الف مره ونحن بانتضارك بهيوستن
احمد السلطان اشكر مرورك
صديقي فايولن اشكر لطفك وتسلملي عالدعاء وبارك الله بيك (( الا دوج ليش مو شوفر افلانج لان حيل عاجبتني )) ;D ;D ;D ;D
اختي شجره الدر الف شكر بالتاكيد اني اريد مجازات رب العالمين والف شكر
-
اخوية ابو عبدالله اني كتلك دوج لان هاي السيارة عزيزة علية وكلش احبة.
فحبيت ادعيلك بالشي اللي احبة لان انتة عزيز وغالي.
-
اخونا الغالي ابو عبدالله الورد
اكيد ميفاجئنا هذا الموقف ولا جديده عليك
وندعو من الله ان يفتح كدامك كل ابواب الخير والنجاح
ويرزقك من حيث لا تحتسب ويرزقك خير الدنيا والاخره
ويبارك باعماركم ويارزاقكم وعافيتكم
ونتمنى لاخونا العزيز جوزيف طيب الاقامه بهيوستن
ويلتم شمله مع عائلته باقرب وقت
-
اخوتي الطيبين اهل المنتدى صدك تجربة الاخ جوزيف ج2 كانت عبرة ودرس والحمدلله والنعم من اخوتنا ما قصرو وزيادة وبارك الله بيكم وعلى ردودكم الحلوة
اخي العزيز احمد السلطان شكلك زعلان نعم اي شخص يحتاج من اخوتنا الى مساعدة في امريكا كلة توكفلة لانة العراقيين يستاهلون اكثر من انة امريكا توكف لا العالم لازم كلة يوكف لاي شخص عراقي وصدكني لازم نكون ايد واحدة وصدك اليوم يوم اخوتنا علمود نتحدى كل الي انكال والي صار بينا من تفرقة وبارك الله بكل اخوتنا وحي الله ابو عبدالله وابو دجلة وشكر والف تحية الكم وسلام الله على كل الطيبين
اخوكم ابو انسسسسسسسسسسسسسسسسسس
-
يابة الحمد لله القدير على كل شي
الحمد لله على سلامة جوزيف والله يوفقه في كل خطوة في مدينته الجديدة
والحمد لله على وجود نشامى واهل غيرة وكرم واخلاق وحمية ونخوة مثل اخونا ابو عبد الله وعمنا ابو دجلة الله يحفظهم ويوفقهم
وكلشي يهون طالما اكو هيج اخوة وسند
الله محبة