ankawa
منتدى الهجرة واللجوء => الهجرة و واللاجئين => الموضوع حرر بواسطة: angie-dawood في 00:54 20/01/2010
-
الاخت العزيزة انجي والاخوان في هذا المنتدى تحية طيبة راح ادخل بالموضوع مباشرة وباللهجة العراقية اولا عندي عتب كبير عتب احباب طبعا على الاخت انجي او اي عضو في هذا المنتدى مااعرف ليش تتجاهلون استفساراتي واسئلتي اتمنى انه واحد يعطف علية ويساعدني اخوكم في ورطةوالله اتعلمت التدخين من ورا هذا المنتدى اترجاكم ان تجاوبوني --قصتي انني سمعت بهذا البرنامج sivبالصدفة وقبل كم يوم --واني متأكد انه يحقلي التقديم بس كل الي اريد اعرف كيف ومن اين ابدأ وماذا افعل ماعندي هذيج المهارة بالكومبيوتر والانترنت اني مستعد حتى لو تطلبون مقابل مادي نظير هذه الخدمة لانني عايش بمنطقة تعبانةمابيها احد يفتهم بهذه الامور حتى اروحلة بسبب التهديدوالتهجير انا اعيش حاليا في قريةبشمال العراق من فترة طويلة بلكي تعرفون فد محامي شي ممكن ألجا اليه مع العلم ان وضعي المادي في الانحدار تعرفون بعد حال الغريب والمهجر والمتهدد ساعدوني الله يفتحها بوجهكم ولكم جزيل الشكر بس اريد جواب حتى لو كلمتين والسلام ختام
-
شنو القصة اشو اللي كاتب كاتب باسم انجي بس على لسان شخص اخر غريب عجيب امور قضية
ممكن احد يوضحلنا شنو الفلم
-
اخي الوطواط الاخ طالب مساعده من الاخت انجي وهي دتطلب من جماعة ال SIV ان ايساعدوا
ورجاءا الي عنده امكانيه يتفرغ وياه بلكت ايساعده
لو هوه من جماعة الي IOM جان اني اتكفلت بموضوعه
وان شاء الله الاخوه ميقصرون
-
نعم اخي الغالي الو طواط الاخ طلب مني مساعدة بموضوعي اسال وانا اجاوب فاني بصراحة معرفت اجاوب على سوالة فارجوكم الي يعرف عن هذا البرنامج ياريت تساعده واكون ممنونه منكم والف شكر للاخت الغالية ريم على التوضيح وربي يبارك بالجميع
-
شكرا اخت ريم وشكرا لاختنا انجي على التوضيح لان الصدك فزيت كلت بس لا المنتدى صار بيه خرق لان هالايام الوضع كله صاير معلعل مدري شنو القصة بس لا هم من وره الانتخابات مال جماعتنا ;D
خفت لا نروح بالزلك ويجتثون المنتدى بدربهم على واهس الاجتثاث :-\
-
طريقة التقديم والمتطلبات كالاتي
انكليزي
http://travel.state.gov/visa/immigrants/info/info_4172.html
http://iraq.usembassy.gov/refugeeidpaffairs.html
http://iraq.usembassy.gov/root/pdfs/sivguidelines-ds157-english_jan10.pdf
عربي
http://www.travel.state.gov/pdf/SIVArabictranslation.pdf
http://iraq.usembassy.gov/root/pdfs/sivguidelines-ds157-arabic_jan10.pdf
واكو برنامج اخر مال لجوء حسب ما موضوحة الاخ عكعك بالتفصيل
http://www.ankawa.com/forum/index.php/topic,294296.0.html
http://www.ankawa.com/forum/index.php/topic,257825.0.html
ولمعلومات اكثر
http://www.ankawa.com/forum/index.php/topic,270934.0.html
http://www.ankawa.com/forum/index.php/topic,267544.0.html
بس ممكن اخت انجي اسم العضو واسم عضويتة اللي متجاهلة المنتدى حسب مهو ديكول ؟؟
-
حبي انجي وهذا رابط نصائح قبل البدء بالخطوات الاولى لاخوننا شبح بغداد
وبي تفصيلات حلوه يحتاجها المقدم
ولو اعتقد الاخ محتاج احد يتصل وياه بشكل مباشر وايعلمه على الخطوات لان الضاهر هوه واقع خارج حدود المدنيه
او يحتاج الى محامي ايقومله بالعمليه لقاء اجر
واعتقد الاخت سرى كانت مستعمله هاي الطريقه بواسطة محامي
وبعد انتي شوفي اذا يدبرها الشغله لو لا
وان شاء الله احنا هم منقصر باي راي اخر اتشوفيه
-
الف شكر لكم اخوتي على المساعدة للاخ السائل
وبنسبة لسؤال اخي ابو اندوا بصراحة اخي السائل سال بموضوعي اسال وانا اجاوب الي مثبت بالمواضيع المهمة بس كان داخل بصفة زائر ماكان اكو اسم يم موضوعه !!
-
الله يقدرنة و نساعدة بس اريد اعرف شون يحقلة يقدم SIV و ما يعرف لا كومبيوتر ولا انترنيت و الشخص ما يشتغل بشركة امريكية اذا ما يعرف هالشغلات؟ و ثانيا هو التقديم كلة بالانترنيت شون نساعدة لعد؟
مصطفى
-
واللة مااعرف يااخي مصطفى والمشكلة داخل باسم زائر شون راح يكون الاتصال به للمساعدة !!!!!
-
اختي الغاليه ارجو ان ترشديه ان ياتقي بشخص قريب له في المنطقه يثق به والطيبون كثيرون وانشاء الله ينال مراده
-
السلام عليكم اخواني الاعزاء اني صاحب الموضوع اللي محتاج مساعدة على الsivاشكركم من كل قلبي على هذه الردود القيمة التي تفضلتم بها وفعلا بعد اكو ناس خيرين امثالكم والحمد لله بس عندي ملاحظتين بسيطة الاولى للاخ ماجلان كتب انه ايميله غير مخفي دخلت لكيتة مخفي بس يمكن هسه من سويت اشتراك احتمال يظهر عندي واحاول اتصل به واشكره على المساعدة والملاحظة الثانية هي لرد الاخ queen777يقول شلون انه اني مااعرف على الانترنت والكومبيوتر ومشتغل بشركة امريكية احب ارد بانه اذا تشتغل بتايتن ماتحتاج التكنولوجيا الحديثة مجرد تترجم بين العربي والانكليزي واعتقد انه اغلبكم اصغر مني بالعمر وقدرتوا تواكبون التطور وقتنا جان يختلف ومع ذلك جاي احاول اعلم نفسي بنفسي --الان كل اللي اريد أعرفة ماهي الخطوة الاولى شنو اللي اقدمة والى وين اكو ناس تكول اخراج القيد ناس تكول طبع بصمات من الادلة الجنائية والله احتاريت زين الجناسي اترجمها وادزها لو ادزها بالعربي اني عايش بالشمال اذا ينراد تصديقات يصير من الشمال ؟؟كل اللي اريدة بس واحد يفهمني الخطوة الاولى فقط وشكر خاص للاخت انجي ولكم جميعا فائق الاحترام
-
حبيبي هسة زين نتفاهم وياك لانك سجلت و نكدر انخاطبك
اول شي و اهم شي اتجيب ريكومنديشن ليتر من احد مدرائك الامريكي و يكتب بيه انو انتة ما تشكل خطر على الامن الامريكي و يكون معدي عليك سنة وياهم و ينطي عنوانة حتى يتصلون بيه و من تحصلهة اخبرك بالخطوة التالية بس هاي اهم شي
مصطفى
-
الاخ queen777هنا تكمن المشكلة اني راسلت شركة تايتن اللي اشتغلت بيها اكثر من سنتين وفعلا دزولي بس مو ريكومنديشن وانما فيرفكيشن لتر مذكور بيها الفترة وانه تركت العمل بموقف جيد وتارك طبعا عنوانه وتلفونة بس المشكلة انه ماكاتب انه اني مااشكل خطر على الامن الامريكي!!!!هاي احدى المشاكل فاشسويت راسلت المارينز اللي كنت اترجملهم وفعلا همه دزولي ريكومنديشن لتر من احد الاشخاص اللي خدمت معاهم وهذا طلع شريف وكتب هاي العبارة انه مااشكل خطر على الامن الامريكي لكن هو ماقدر يكتب انه بقيت وياه لمدة سنة لان مثل ماتعرف ماكو وحدة عسكرية اتطول سنة بنفس المكان كتب الفترة اللي بقا بيها فقط!!!!ازين بهذه الحالة منو راح يقدملي الطلب مال التماس الهجرة هل هو ابو الشركة اللي لااعرفة ولايعرفني( مجرد دزلي فيرفكيشن لتر)لو هو ابو المارينز صديقي؟؟؟؟على اي حال اريد اعرف هالورقتين اللي حصلتهن بطلعان الروح بيهن فائدة لو لا؟؟واذا نعم شنو الخطوة التالية؟مع خالص الشكر للجميع
-
اخي العزيز دزهن اثنينهن وهما يكلولك شرايدين بعد لان انته كاتبيلك المده والثاني يكول ميهدد امن الولايات المتحه تحياتي
-
بارك الله بيك اخ ماجلان و انتة اخي العزيز سوي الي كالة الك ماجلان و الله يسهل امرك
مصطفى
-
الف الف شكرا لكل الاخوة الاعضاء لمساعدة اخونا kunda بالمعلومات التي يحتاجها بارك اللة بكم جميعا ربي يوفقكم بكل مراحل الحياة الف شكر
-
اخي العزيز اهم شي شغلتين
1- الفرفكيشن لتر تقره انك مشتغل سنه على الأقل
2- الركمنديشن لتر مكتوب بيهه انو الي كاتبهه هوه السوبر فايزر المباشر مالتك جان او مازال وأنو نته ماتشكل خطر على الأمن القومي.
الفرفكيشن مو شرط بنكتب بيه فترة العمل, المهم صاحبهه يخلي بيه الأيميل العسكري مالته والأفضل يضيف رقم تلفون همين وإذا اكو ايميل مدني هم ينضاف فبعد هذه زيادة خير.
بما انو انته عندك ركمنديش وعندك خدمة سنة او اكثر الأفضل لك ان تقدم على الـ SIV
الـ SIV يشمل الزوجة والأطفال, وإذا مفكر تاخذ كل الأهل فأول ماتحصل الـ SIV تكدر تخلي اهلك يقدمون على الـ IOM إعتمادا على قضيتك وإن شاء الله توصلون بالموفقية والسلامة.