ankawa
منتدى الهجرة واللجوء => الهجرة و واللاجئين => الموضوع حرر بواسطة: argenta في 12:44 20/01/2010
-
السلام عليكم
هذا اول دخول لي على هذا الموقع الرائع...ولأول مرة من زمااااااان اشعر انو العراقيين بعدهم بخيرهم ونفسهم الطيبة المعروفة
اخواني واخواتي...اني احتاج بعض التوضيحات لأني مدا افتهم شي ومدا اعرف شسوي
اني قدمت (من مصر)....وقابلت مقابلتين
وابلغوني باني بانتظار المحلف
وبعض الناس صورولي المحلف عبارة عن بعبع.....صدك؟
بالمقابلة الثانية طلبوا مني تحديد الولاية....ومنو عندي هناك؟....يعني هل فعلا مطلوب مني تحديد الولاية قبل المحلف لو بعدها؟
اخر سؤال....عندي صديق نصحني اختار اوستن تكساس...شنو رايكم؟....وهل اكو احد ممكن يتبرع بان انطي اسمه عند اختياري لاوستن؟.....
اني متأكد اني طولت عليكم...بس متأمل كل خير منكم ان شاءالله...وتسلمون جميعا
اخوكم..ابو سيوفي....مصر
-
ابو سيف اني بهيوستن واسف لان بعيد عليه
واكو واحد كبلك بالسره من اعضاء المنتدى
بس اذا تريد ممكن تراسل شيبو هو باوستن
تحياتي
ابو عبد الله التكساسي
-
اهلا وسهلا بك في بيتك الثاني عينكاوه بالنسبه الى تحديد الولايه يجب ان تكون قبل مقابلة المحلف او في يوم التحليف وفي حالة عدم استطاعتك تحديد ولايه فسيتم تحديد ولايه لك لا على التعيين . وبالنسبه للمحلف لابعبع ولاشي ولكن يجب ان تكون حذر جدا في اجاباتك وتكون الاجوبه كلها مشابهه للاجوبه السابقه في جميع المقابلات والله يوفقك
-
اخونا العزيز argenta
اولا اهلا وسهلا بيك ونورت المنتدى
ثانيا الحمد لله على اجتيازك المقابلتين في مصر وان شاء الله اتحصل موعد مقابلة المحلفين باقرب وقت
وهي متختلف عن المقابلتين الي قبلها مجرد تاكيد ومراجعه للمعلومات
وتاكيد على معلوماتك الي اتخص العسكريه والانتماء للحزب وعملك في وظائف الدوله وسفراتك خارج العراق واكيد في المقدمه تعرضك للتهديد
وهناك موضوع مفصل لبعض الاعضاء عن نوع هاي الاسئله
اما بخصوص الكفيل يفضل ان اتحضر عنوان لاحد اصدقائك في الولايه الي ترغب ان اتروحلها
وعندك منا الى موعد لمقابله ادرس المواضيع زين وشوف الولايه الي اتناسب وضعك العائلي والمهني والمادي والاجتماعي والصحي وقرر وعندها تطلب من الاخوان الموجودين كفالتك
واذا عندك اي استفسار اخر احنا حاضرين وتدلل
وان شاء الله ايسهل كل امورك
وبالتوفيق
-
وهذا رابط ينقلك بعض تجارب الاخوان مع مقابلات المحلفين
http://www.ankawa.com/forum/index.php/topic,270874.msg3672419.html#msg3672419
وهذا رابط مفصل للاخ عكعك عن المقابلات
http://www.ankawa.com/forum/index.php/topic,294296.msg4399577.html#new
ان شاء الله تستفاد منها
-
الله الله الله ياعيني عليكم يا عراقيين ياطيبين ... ماكو اروع منكم لمن تتعاونو وتتماسكون ... ودائما سباقين للخير
تسلمون وجزاكم الله الف الف خير ان شاءالله وادعو من الله العزيز القدير ان يسهل كل اموركم ويحفظم من كل سوء......شكرا جزيلا للاخوة الرائعين ريم عبد و اياد فرجينيا وابو عبدالله التكساسي.....واتمنى من الله سبحانه وتعالى ان يمنحني الفرصة في يوم من الايام وان اكون بمساعده كل من استطيع....انه سميع مجيب...ادعولنا ياجماعة الخير...ويمكن والله اعلم نتلاقى ........
-
تدلل اخي العزيز
واحنا بالخدمه اي شي تحتاج لتتردد
وياربي ايسهل امورك