ankawa
منتدى الهجرة واللجوء => الهجرة و واللاجئين => الموضوع حرر بواسطة: مروة القيسي في 18:39 21/01/2010
-
السلام عليكم
انا عراقية مقيمة في سوريا لدي لجوء الى اميركا ولاية بنسلفانيا ارجوا من الاخوة الاعضاء تزويدي بمعلومات عن هذه الولايه من جميع النواحي والمساعدات التي تقدمها هذه الولاية للاجئين العراقيين من ناحية الرواتب والاجار والغذاء وكل شيء.
وشكرا
-
عليكم السلام
http://www.ankawa.com/forum/index.php/topic,374321.0.html
-
السلام عليكم
تتدليين بنت عمي القيسيه ولايه حلوه وزينه والله يوفقك وتوصلين بالاسلامه شوفي هذا الرابط اكيد يفيدك
http://www.ankawa.com/forum/index.php/topic,374321.0.html
-
تسلم على الرد يا ورده اني شفت هذا الموقع المعلومات الموجوده بي بس تاريخية وجغرافيه وهيج اشياء اني اريد اعرف عن المساعدات الي يستلموها العراقيين بهذه الولايه وتحياتي للجميع
-
اخت مروه القيسي
هذا الموقع مو معلومات تاريخيه وحغرافيه وانما هي شرح حي لاخونا شبح بغداد عن رحلته لبنسلفانيا وعن المنظمه وكل الي واجهه بالتفصيل
وهذا الرابط للموضوع الاصلي الي تم النقل منه
وهذا اكثر موضوع انكتب بي عن بنسلفانيا
http://www.ankawa.com/forum/index.php/topic,327598.msg4103401.html#msg4103401
اختك يارا
-
شكرا على الرد يا ورده وتحياتي لشبح بغداد بس انت ما عرفت قصدي اني قصدي اريد شخص ساكن بهذي الولايه ويكتبلي شنو ديقدمولهم مساعدات مثلا الاجار شكد يدفعولهميا واكو رواتب لو لا مثلا للاطفال او فوق 18 سنه هذا الشي الي اريد اعرفه
تحياتي
-
اخت مروه
اخونا شبح بغداد موجود حاليا في فلادلفيا وكاتب عن المنظمه والمساعدات بهذا الموضوع
وهوه الوحيد الي نقلنا صوره مفصله عن كل شي لاقاه هناك
واذا مااكتفيتي بهاي المعلومات تكدرين اتراسلي على الخاص لمعرفة الاكثر
ولو هوه عنده ضرف خاص حاليا ومديكدر التواصل ويه المنتدى
بس اعتقد الي يحتاج مساعده منه ميقصر وياه حتى من اتروحون هناك
وهذا الي ذاكره عن المنظمه
المنظمه ,,,,,
بعد يومين من الي ذكرته و بعد تفرغ الكفيل (تقريبا بعد 10 ايام من الوصول) رحنه اني و الكفيل للداون تاون و وصلنه للمنظمه و التقينه بالكيس وركر مالتي و الي هو شخص عراقي و كان الوقت متاخر و مجرد مقابله تعارف ,,, و اتفقنه على ان اجي ثاني يوم للبدئ بالاجراءات ,,,,, طبعا من رحنه اخذنه الترلي و من رجعنه همين ,,,,, خويكم ثاني يوم وصلني الكفيل الصبح للمنظمه و اتفت ويا بان ميجيني اني اريد ارجع وحدي لان مو صغير ,,,, المهم ,, كان اكو ويانه عائلة عراقيه توهم واصلين و وياهم ام الرجال حجية جبيرة بالعمر مقعده على كرسي متحرك اول شي دزو ويانا موضفة من المنظمه الى دائرة السوشل ,,,, و بالفعل قدمنه على السوشل و مطولنه وراها رجعنه للمنظمه ,,,, استلمت جيس اسود بي خاشوكة و سجينه و جطل و مخدة و مكناسه و ساعه منظديه و ادوات تنظيف للحمام و سله زباله و 3 مواعين باحجام مختلفة و شرشف سرير و بطانيه و فرشه اسنان و معجون اسنان ,,,, يمكن هذا كلشي استلمته لحد الان من المنظمه ,,,, و خليتهم بالامانات يم السكرتيرة و وراها اني و العائلة و الموظفة رحنه للولفير و قدمنه ,, السالفه طولت هناك لان ماكو مترجم و اني ترجمت لكل افراد العائلة و وراها ياله مليت استمارتي لذلك همه خلصوا قبلي و ضلينه ننتظر الفود ستامب ( اكسس كارد ) وراها استملته و الحمد لله ,,,, و رجعت للمنظمه اخذت القلاقيل و فلتت للشقة ,,
طبعا لازم يكون عندك نسخه من عقد الايجار بهاي الاجراءات ,,,,, بالنسبة الي وقعت عقد ايجار شقة بغرفة نوم واحدة مع الملحقات كلهه ب 450 دولار ,,,, و هذا المبلغ يشمل كافه الخدمات (كهرباء ,,, ماء ,,, غاز) ,,, و بالنقاش مع الكيس ووركر اتضح بان المنظمه راح تدفعلي 350 دولار من الايجار و راح تنطيني مبلغ 200 دولار مصرف الي و لمدة اربع اشهر ,,,, يعني براس الشهر استلم شيكين ,,,, الاول لابو الملك الي اني ماجر منه بمبلغ 350 دولار و الثاني الي بمبلغ 200 دولار ,,,, لاني اختاريت ان انشمل بالماجنك كرانت الي تفننوا الاخوه الاعضاء في تفنيده و شرحه من قبل بمواضيع مختلفة في المنتدى ,,,,, اما بالنسبة للاثاث و بقية الامور الي المفروض استلمهه من المنظمه فهاي الامور راح ترسل الي من اتحول بالسكن المقرر ان شاء الله ,,,,,
-
شكرا جزيلا على الرد ياوردة وتحياتي الك ولاخونه شبح بغداد