ankawa
منتدى الهجرة واللجوء => الهجرة و واللاجئين => الموضوع حرر بواسطة: silver_d في 19:37 22/01/2010
-
سؤالي هل اكو واحد مستلم عدم محكوميه بهاي الفتره المنحصره من شهر الواحد بدايته الى يومنه ه>ا ؟؟؟
تحياتي للكل
-
شنو السالفه ماكو واحد يجاوب ؟
-
والله اخوبه اني هم متابع موضوعك بلكي واحد عنده جواب
يالتوفيق للجميع
-
اخوية سلفر شنو مشكلتك بالضبط وية عدم المحكومية .. اني عندي صديق يشتغل بالدائرة نفسها ممكن استفسر منه اذا عندك مشكلة ..
روك
-
الله وايدك عمي انته سأله كوله اكو عدم محكوميه هسه يعني ديصدرون لو لاء لان اني يوم " بالشهر قدمت كالولي تعال &' ورحت &' كالولي اتوقفت وماعرف شنو بس سأله شنو السالفه انفتحت لو بعد وبالنسبه للي مقدمين قبل القرار نكدر انحصلها لو لاء ؟
تحياتي الك
-
اخويه العزيز رووك اسف لان كان عندي مشكله بالكيبورد من هشكل مطلعت التواريخ بالظبط هسه راح اعيد كتابتها من جديد
اني يوم 4 رحت اسوي عدم محكوميه سويت الاوراق والمستسكات المطلوبه ومليت الاستماره وبصمت على الورقه مالتهم مال 10 اصابعي ودفعت رسوم وانطولي رقم مالتي مال استلام وكالولي تعاللنه بعد 10 تيام بالضبط واني رحت يوم 14 كالولي والله قرارات جديده طالعه ونحنه منكدر ننطي عدم المحكوميه واتوقفت وكتلهم اشون شراح اسوي اني اريدها محتاجها كالولي اسفين بس الي اريدك تعرفه الي اخ رووك اني بالشغل هسه وكلش صعبه اطلع من الشغل حته ارووح اسأل لان بغير محافظه اني مؤقتا
فكل الي اريد اعرفه انو بلشو ينطون عدم محكوميه لو بعد ؟؟ وشنو الاجرائات على الي مسوين بصمات اصابع ودافعين الرسم يعني قصدي شراح يسوون النه للي مسوي المعامله وعنده رقم استلام ؟ اتمنه اتردلنه جواب بأسرع وقت ممكن
تحياتي الك
-
اخويه شوو
الي افتهمته من المعلومات الاخيره انه عدم المحكوميه غير مطلوب الا في حاله طلب خاص من القنصل لصاحب الكيس
انتضر لحين موعد استلام ايميل موعد المقابله وممكن يفهموك الجماعه عن حالتك الخاصه
يعني مطلوب منك او لا
-
شكرا على مرورك اخ شوقي
عدم المحكوميه هيه مطلوبه ومن الكل لو تيجي للحقيقه هيه ممطلوبه بس هذا طلب شخصي من القنصل
وقبل كم يوم ولد صديقي كاتب للسفاره ايميل وكايللهم انو عدم المحكوميه مطلوبه كايليله نعم هيه مطلوبه وتجيبها وياك اثناء المقابله والحكومه مالتنه الله يخليها هسه موقفه اصدار عدم محكوميه بالفتره هاي لان العقول والخبرات العراقيه ديطلعون بالعراق ومن خلاال عم المحكوميه يكدرون يشتغلون خارج العراق بكل سهوله وهذا كلام احد الموظفين دائره ادله الجنائيه يوم 14 من هذا الشهر \
تحياتي
-
والله يا ريت الحكومه الرشيده متصدر عدم محكوميه حتى احنا همين نخلص منها و من لغوتها
لان بهيج حاله السفاره بعد متطلبها في المقابله
ولو اني بعدني ممستلم ايميل المقابله بس افكر بيها من هسه لان يوميه خبر شكل
خويي ابو عبدالله الله بالخير
-
اخويه شوو والله اني هم حرت اكو ناس اتكول مطلوبه واكو ناس اتكول ممطلوبه
يابه شباب اني يوم 1 بالشهر راح انطيكم خبر الاكيد مال عدم المحكوميه انو تصدر لو متصدر بعد راح اروح هناك واذا منطوها الي ادخل على المدير لو اشوف منو المسؤل هناك اكوله اريد نسخه من القرار اوديه ويايه للسفاره واني ارووح اترجمه واوديه للسفاره ويايه واذا طلبوه مني اكوللهم هاكم شوفو مدا ينطولنه عدم محكوميه احنه شنسوي
مو خوش حجي بس اخونه رووك كال على اساس عنده صديق هناك يشتغل راح يسأله ويجيبلنه الخبر اليقين واذا مطلع منه خبر اني راح اجيبلكم الخبر يوم 1 بالشهر انشالله
-
الله يسهلك اخويه و ان شاء الله تقابل و تفض على خير و سلام
انتظر اخبارك و ان شاء الله تكون مفرحه
بالتوفيق للجميع
-
اخي العزيز
روح لساحة عقبة وهناك تسال على الادلة الجنائية وتاخذ نسخة جواز مع رباعيات الخيام (هوية وجنسية وبطاقة سكن وبطاقة تموينية) وصورتين تروح لهناك والشغلةماطول نص ساعة بعد 10 ايام تستلمه انت ليش شالع كلبك اني استلمته بداية شهر واحد وبوك الله يرحمة مالك علاقة انفتح لو انسدت روح وجرب بنفسك
-
اخويه العزيز ابو رامي طبعا اني ممدوخ نفسي ولا شي لان اني اصلا مكمل كل الاجرائات القانونيه وسويت بصمات اصابع وكلشي تمام حتى دفعت رسوم مبلغ 10000 الف دينار وهذا الحجي جان يوم 4 من هذا الشهر وكالولي تعال يوم 14 ورحت كالولي يابه صدرت قرارات جديده والي هيه انو على اساس مجلس القضاء الاعلى صدر قرار بأيقاف منح عدم المحكوميه لائ شخص لان العقول والكفائات دتهاجر وعن طريق عدم المحكوميه دترووح تشتغل خارج العراق
وهذا الكلام مال احد الموضفين في الدائره المعنيه
تحياتي الك ابو رامي وشكرا على مرورك
-
والله اخي العزيز فعلا ما اعرف هذا الشي الجديد بس اني فعلا ما سمعت هذا الشي الا منك الان لانه هاي الورقة مطلوبة منك ان وخصوصا بهذا الظرف والله كريم
-
شصار من موضوع العدم محكومية؟ خصوصا بعد ان فجروا الادلة الجنائية, هسة اللي يريد يسوي شهادة عدم محكومية وين يروح؟
-
اش اخبارك اخويا سلفر ؟؟
-
السلام عليكم
الله بالخير اخ سلفر . بشر اخوية الغالي اليوم 3 بالشهر وماكو خبر عن عدم المحكومية يريدوها لا . الجماعة ينطوها لو لا ؟ اشضو الوعد كان 1 بالشهر بس لا نسيتنا ننتظر منك جواب الله يبارك بيك .
( اللهم بحق الأنبياء والأوصياء والأولياء وبحق كل حرف من حروف القرآن الكريم أن تشافي وتعافي ريم عبد وترجعها لأهلها وأحبتها سالمة من كل سوء – آمين )
Echo 9
-
شباب اسف على التاخير
طبعا احب ابشركم انو سويت المقابله الاسبوع الماضي
والاسئله كانت كلش سهله وحلوه ومبيها اي اشكال
اما بالنسبه العدم المحكوميه اني مطلبوها مني ولا جاب اسمها
لان يعرفون الوضع مال دائره الي انفجرت
بس الي افتهمته جماعه الشمال الي نفوسهم اربيل وسليمانيه ودهووك العدم المحكوميه منهم مطلوبه
بس جماعه بغداد والمحافظات البقيه ممطلوبه لان مسئلو اي واحد على عدم محكوميه
حياتي الكم
-
ايييييييييييييييييييييييييييي الله يبشرك بالخير
والحمد لله على اتمام المقابله و ان شاء الله تجيك الفيزا باسرع وقت
صدك بالنسبه لبيان الولاده ؟ طلبوه منك لو همين لاء؟
بالتوفيق للجميع
-
شكرا على التهنئه اخويه العزيز وانشالله يوم الك ورده
لنسبه البيان الولاده اني مطلبوها مني بس اني نطيتها الهم ويا الاوراق
اما بالنسبه الك قبل موعد المقابله مالتك بس كلي شنو الاوراق الي عندك محضرها حته اذا عندك اي نواقص اني راح اكلك وبالخدمه اهويه
اخووك سلفر
-
شكرا على التهنئه اخويه العزيز وانشالله يوم الك ورده
لنسبه البيان الولاده اني مطلبوها مني بس اني نطيتها الهم ويا الاوراق
اما بالنسبه الك قبل موعد المقابله مالتك بس كلي شنو الاوراق الي عندك محضرها حته اذا عندك اي نواقص اني راح اكلك وبالخدمه اهويه
تسلم والله حبيبي انت سلفر
متعرف اليوم شكد مرتاح من شفت موضوعك لان كنت شايل هم بالنسبه لعدم المحكوميه
اني الحمد لله ما عندي نقص بالاوراق
اوراقي كلها كامله ما عدى عدم المحكوميه و بييان ولاده الي و لزوجتي و ان شاء الله مراح يطلبوها مني بيوم المقابله
بالتوفيق للجميع
اخووك سلفر
-
congratulations; hope you can get the visa as soon as possible
-
اخ سلفر
;D ;D ;D مبرووووووووووووووووك
حطمتها للدائره علمود الورقه مالتك ;D ;D
عاشت ايدك همزين خلصت منك السفاره الامريكيه ;D
-
شكرا على الردود شباب
طبعااحطم الرقم القياسي من وره هالشغله هوايه ناس انشالت الهموم مالتهم
اخويه العزيز ابو رامي دز ايميل للسفاره انته وبلغم بهذا الشي انو انته الورقه مال عدم المحكوميه مالتك جانو ديشتغلون بيها وصار الي صار ورووح قابل السفير من جديد وسويلك تعهد وانشالله تمشي امورك لان خليها ابالك بالنسبه لدائره العدم المحكوميه شغلتها طويله الحد ما ترجع
شكر الج يارا الورده وسراوي وشووا والاخوه الباقين
سراوي مشتاقلج هوايه واتمنه انو الحياة الحلوه والموفقيه الج والعائلتج اختي العزيزه
تحياتي الكم شباب
-
حبيبي سلفر اني دزيت ورقة عدم المحكومية الهم من 2-1 -2010 يعني قبل شهر وشوية بس همه الجماعة حاليا حامي حمامهم على المراجعة الادارية لان كل الي ويايه دخلوا مراجعة ادارية ولحدالان محد استلم فيزا منهم لهاي الساعة .
ومبروك الك اتمام المقابلة وانشاء الله الفيزا عالسريع ...
بس مسمعت شي على الفيزا بالنسبة الي قابل قبل شهر او اكثر ...
تحياتي
اخوك ابو رامي
-
مو كلنه من البدايه ما يريدوهه لعدم المحكوميه ليش تعاندون
الا يكلولك بصوره شخصيه وهاي تعتمد على قناعه القنصل
اوووووووووووووووف ابد متسمعون كلام
-
الف مبروك اخ silver عالمقابلة واتمنى لك التوفيق وشكرا ايضا على البشارة مال عدم المحكومية
اخوك
Echo 9
-
تسلم اخويه العزيز ابو رامي وشكرا على مرورك
اخويه العزيز ابو رامي طبعا بالنسبه للمراجعه الاداريه اني سالت احد المترجمين هناك
وجوابه كان انو كل واحد مقدم على الهجره الخاصه يخضع للمراجعه الاداريه قبل اصدار الفيزا
والسبب هوه شك القنصل بكلام الي عنده مقابله واكو شغله ثانيه الي هيه انو الي مستمر بالعمل وضعه يكون اكثر بيه سرعه لان يعتبرون حياته بخطوره تامه اما بالنسبه للي مبطل من الشغل هذا وضعه غير شي وكل واحد والكيس مالته
اخويه العزيز ابو عبوود يمعوود ;D مو اني فقير خووش ولد ليش هشكل اتصيح عليه
طبعا صح كلامك ابو عبد الله انو ممطلوبه بس احد الموضفين الي بالسفاره هم سالني على عدم المحكوميه واني جوابي كان من وين اجيبها اذا ماكو دائره حكوميه وين اراجع ؟؟؟
كالي اوكي واما بالنسبه للقنصل ابد مسالني على هالشي
وشكرا اخويه الغالي ايكوو وانشالله يوم الكم
تحياتي للجميع شباب
-
خويه دي الفضي
يوم الي تصير ذهبي ومبروك المقابله وان شاء الله الفيزا والسفر القريب وان مدا اصيح عليك اني دا انبهه لاخونا الاغلي شو . لان كلش صاير يوهوس
ومن حقه طبعا بس اخوك من المخضرمين بهاي السالفه
وبالمناسبه اني من النوع الي اتقبل نصيحه ومن تمالخنه اني وفينجيزنو باحد مواضيعك على عدم المحكوميه اذا تتذكر الولد جاب وراها موضوع من القنصليه او السفاره او ما اعرف منين بذاك الوكت ولزكه وخلاه وكال اريد بطل يكول عدم المحكوميه مطلوب وزاني جنت من الناس الي مقتنه بانه مطلوبه بس طلعت اني طالبيها مني بصفه شخصيه وليست عموميه والسبب اني ما جنت قاري الموقع الرسمي مال الهجره واعتمدت على المراسلات بوكتها ويا NVC
ادري دوختك بس حبيت اوضحلك وجهه نضر او نضره وجه ؟؟ ما عرف ياهو الصحيحه من زرا جاسم شرف بالمسرحيه ولحد اليوم دا اسبت اخبنطوا
مبروك والف مبروك وبالموفقيه عيوني سلفر
-
شكرا اخويه العزيز ابو عبوود واشكرك على مررورك
طبعا اني اني جنت اتشاقه وياك والله اخ عزيز انته
بالنسبه لعدم المحكوميه اضاهر انو اشغله بما فيها هوه اجتهاد شخصي من القنصل
وهوه خووب احترك فلم العدم المحكوميه لان من وين يجيب عدم المحكوميه الواحد
وانشالله هاي الشغله صارت من صالح كل الي دينتظر مقابله
والله كريم
تحياتي الك ورده ابو عبوود :-*