ankawa
منتدى الهجرة واللجوء => الهجرة و واللاجئين => الموضوع حرر بواسطة: مريمانه في 21:52 25/01/2010
-
اخواني واخواتي ..شلونكم نشالله تكونون كلكم بالف خير..
اعتذر لتاخري بالكتابه الكم لانشغالي بكثير من الامور هنا ..وهسه يله كمت اعذر بعض الاخوان الي سبقوني بالوصول للولايات المتحده ..
والله عبالك النهار كصير ..بسرعه يخلص...طبعا بالنسبه لمريومه دخلت مدرسه ودتداوم وكلش فرحانه..وطبعا دتعاني من اللغه بس نشالله هاي المشكله تنحل بمرور الوقت..
وطبعا رحنه سوينا التلقيحات كلنا...واكو موعد ثاني ببدايه الشهر الجاي...
التامين الصحي وصلنا والجمعه القادمه عدنا موعد فحص ثاني مع طبيب العائله الي تم تحديده النا..
وحصلنا على السوشيل سكيورتي...بس ابو مريم وصل الكارد الخاص بي بعض الاحرف غلط باسمه وقدمنه طلب لتصحيحه..
ودخلنا الدوره مال اللغه وطبعا ..هم طلبنا منهم ناخذ الكورسات بالجامعه...ودنروح يوميه..عده الجمعه والسبت والاحد...واسلوبهم كلش حلو .ويحبون يعاونون ويساعدون على تفهم اللغه بكل مايكدرون عليه...
وطبعا بعدنه عد الكفيل مالنا ودندور على شقه نحاول نلكي بسعر مناسب..لان احنه بعدنه ببدايه الطريق مثل ميكولون...
هاي هي اخبار مريمانه......واعذروني عن اي تقصير ..بس اني لان جديده هنا ..فمو كل شي اعرف ...لذلك احاول اذكر الشي الي يصير وياي فقط......واني حاضره لاي استفسار..
وياربي كلكم اسمع خبر سفركم والي منتظر امنيته جايته..والي منتظر ختم ملف انختم ملفه....والي ينتظر موعد سفر ..يبلغوه بموعد سفره...وياربي الفرج يكون من نصيب الكل
مريمانه ..ويست فرجينيا
-
الله يوفقكم يارب
-
الله يوفقكم يا رب لت شاء الله تحياتي ظاع الوطن
______________________
(http://www7.0zz0.com/2010/01/22/17/731942043.gif) (http://www.0zz0.com)
-
كل التوفيق والنجاح ان شاء الله ..وشكرا جزيلا على التواصل ...
نخله عراقيه
عمان
-
انشاءللة ربي يوفقك دائما حبيبتي وكل الهلا بك دائما بين اخوانك واخواتك مشكورة على التواصل مع معنا ربي يبارك بك وربي يوفقكم بهذة الولاية
-
طبعاً مريومـــــــة إسلوبج كلش حلو بالكتابة ... تمنياتي إلج بالتوفيق ويا رب تلگون مسكن مناسب وتستقرون بي بإذن الله ... †
أخــوكــُم / وسـام بهنـام داؤد الخابــوري
-
`تسلمين اختنا مريمانه على هذا الشرح الحلو
وان شاء الله ياربي ترتاحون وتلكون الشقه الي اتناسبكم
بس اذا ممكن عندي اسئله على موضوعج هذا
انتوا طلبتوا ان تكعدون ويه الكفيل واتاجرون شقه بنفسكم؟؟
وليش ماجرتلكم المنظمه؟؟
واذا بقيتوا يم الكفيل تنطيكم المنظمه منحة الحكومه؟؟
واذا حبيتوا اتاجرون بدون توسط المنظمه مو راح تحتاجون ضمانه اتقدومها للمالك؟؟
ولو اثقلتج عليج بالاسئله
بس ان شاء الله الكي عندج الجواب عن تساؤلاتي
-
تسلمين اختنا العزيزة
بس اذا ممكن اسالك عن مريم باي صف وهل ادخلوها على اساس العمر؟؟؟؟
مع الشكر مسبقا
-
بالتوفيق انشأالله ويوم تئجرون الشقه والسكن المناسب والررزق ولاستقرار