ankawa
منتدى الهجرة واللجوء => الهجرة و واللاجئين => الموضوع حرر بواسطة: مازولا في 07:38 26/01/2010
-
اخواني الاعزاء ... اخواتي الاعزاء ... اليوم ردت اشارككم بالتطورات اللي دتصير بالمعامله مالتنه ... اني اولا ان مقيم في الخليج في قطر ... و اني SIV و الاكسباير مال الفيز مالتنه 9 مايس 2010 ... من استلمت الفيزا اتصلت على خلود الحموي لترتيب معامله السفر و دزيت ايميل طلبت فيه ان تكون سفرتنه بتاريخ 15 نيسان ابريل ... و همه دزولي ايميل كالو بيه احنه استلمنه المعلومات و راح نتصل بيك قبل 10 ايام من تاريخ السفر ... بعد فترة صارت عندي شويه شغلات خلتني استعجل شويه ... لهذا دزيت ايميل قبل كم يوم لخلود كلتلهه بيه انو اريد ان اقدم موعد سفرنه الى 14 اذار ... البنيه و الله راسا جاوبت و كالتلي noted يعني كلشي اوكي ... بس حبيت اشارك و اكول انو خلود الحموي تجاوب راسا و اذا اي واحد يريد تغيير بموعد السفر بس يتصل بيهه ... بس مثل ما كايلين لازم قبل شهر من موعد السفر الجديد ... تبقى عاد شغله السفر نفسهه ... هاي نشوف التطورات اللي المفروض تصير قبل عشر ايام من موعد السفر ... و ان شاء الله كل جديد ابلغكم بيه
بالنسبه للاولاد ما راح اسجلهم بالمدارس هنا على الفصل الثاني لان الدراسه راح تبدي 1 اذار ... بس همه راح يكملون امتحانات نصف السنه هنا و لو ما تفيدهم بس حتى هم الواحد يشغلهم و هم يستفيدون ... في امريكا حسب ما عرفت راح يبدي الفصل الثالث في شهر اذار ... لهذا راح يلحكون عليه هناك حتى يكملون السنه الدراسيه اللي يكولون تخلص بحزيران ... ابنتي في صف السادس ابتدائي و ابني في صف الرابع ابتدائي ... و حسب ما عرفت ايضا ان تسجيلهم بالمدارس و بالصفوف يتم على العمر ... اي انهم سيبقون في نفس مراحلهم ... الله كريم ... ان شاء الله تكون المنطقه اللي يخلونه بيهه زينه و بيهه خوش مدارس ...
بالمناسبه احنه متوجهين الى اريزونا فينكس ... مع تحياتي و تمنياتي بالتوفيق للجميع ... اخوكم مازولا
-
انشاءللة اخي السفر القريب والاستقرار وراحة البال ربي يوفقكم
-
اخي مازولا
مبروك مقدما بس حبيت اعرف شوكت استلمت الفيزا مالتك
وبالوفقية انشاء الله
-
مبروك اخونه ان شالله توصل بالسلامه
-
اغاتي العزيز مازولا
تمنياتنا الكم بالتوفيق والحياة السعيدة
-
شكرا لكل الاخوان و الاخوات الغاليين و ان شاء الله التوفيق للجميع ... و بالنسبه للاخ ابو رامي ... اعتقد حالتي تختلف عن حالتك ... اني خارج العراق ... و استلمت الفيزا بتاريخ 10 تشرين ثاني 2009 و الاكسباير مالتهه سته اشهر ... انتو بالعراق اعتقد ينطوكم ثلاثه اشهر ... لا يبقى بالك ان شاء الله تجيك تجيك ... و مع تحياتي للجميع ... اخوكم مازولا
-
الف مبروك اخي وانشالله سفرة سعيدة وحياة جديدة عليك وعلى العائلة واطفالك ربي يخليلك اياهم وتصل في السلامة
-
مبروك اخونة العزيز ان شاء الله توصلون بالسلامة وتستقرون وترتاحون وان شاء الله ياربي يفرج عن الجميع ويقضي حوائج كل المحتاجين امين رب العالمين
-
الله يوفقكم اخوية مازولا ويفتحها بوجهكم وبوجه كل العراقيين يارب
-
اخي مازولا
اولا مشكور على المعلومه واتمنى لك التوفيق، ثانيا الله يبشرك بالخير يا اخي لان اني مثلك في قطر وانا ايضا SIV لكن ما مستلم الفيزه لاني في تجيك اداري ثاني بس البشاره انه احنه فيزتنه ما اتصير اكسباير الا بعد 6 اشهر ما كنت اعلم بهاي المعلومه مشكور ولك التوفيق، واذا ماكو زحمه هل ممكن ان تزودني برقم خلود الحموي فقط اذا احتجت له بالمستقبل واكون شاكر لك.
-
اخويه العزيز ضوء الشمس ... خلود الحموي تتصل بيهه على الايميل kalhamawi@iom.int و هذا ايميل عمليات عمان OperationsAmman@iom.int ... و الايميل اللي استلمته
Dear Sir,
Your email is well recieved and will send you the flight details 10 days before departure.
Regards,
يعني يتصلون بينه قبل عشر ايام من موعد السفر
انت سويت مقابله بالسفارة لو بعد ... اني وره المقابله كانت عندي شويه اوراق نقص لو صايرة اكسباير ... و من كملت كل الاوراق ما طولت الفيزا اسبوع و اتصلو بيه حتى اجي اخذهه ... انت شاء الله الله يفتحهه بوجهك و بوجه كل الطيبين ... مع تحياتي ... اخوكم مازولا
-
مازولا ..........
مازولا ........
الله يساعدك
شنو السالفه شو انت تغططططططططططط وترجعلنه اتذبلك حجايه وتفلت
مشتاقين حيل يمعود متكلي وينك
وهاي خوش اخبار جايب ياك اليوم
تحياتي
-
مبروك اخونه ان شالله توصل بالسلامه
والموفقيه للجميع
نهاد ابو علي
-
الف مبروك اخ مازولا خلصت كل الاجراءات
وان شاء الله سفر قريب وراحه واستقرار
ويكتبلك التوفيق يارب
-
الف مبروك اخي العزيز على تحديد موعد السفر وان شاء الله توصلون بالسلامه والاولاد راح يخلوهم حسب العمر يسوولهم اختبار وعلى ضوء الاختبار يخلوهم بصفوفهم ومن الله التوفيق
-
الف مبروك وان شاء الله الراحه والسعادة والموفقية
______________
(http://www6.0zz0.com/2010/01/24/20/353755130.jpg) (http://www.0zz0.com)
-
مبروك اخونه ان شالله توصل بالسلامه
اخوكم ابو ديانا
-
يارب توصلون بالسلامة وتتوفقون في حياتكم وياااااااااااااااااارب الحياة السعيدة
جوني جاك
يوم اللي الي واذبح طلي
-
الف مبروك مازولا ويوم توصل بالسلامة وتحقيق الاماني
-
يارب تكملة المعاملات باسرع وقت والسفر القريب باذن الله والراحه والامان امين
واهلا بيك باريزونا فينيكس اخويا العزيز مازولا
ميادة اريزونا / فينيكس