ankawa
منتدى الهجرة واللجوء => الهجرة و واللاجئين => دردشة منتدى الهجرة واللاجئين => الموضوع حرر بواسطة: شجرة الدر في 11:03 26/01/2010
-
والله والنعم من العراقيه 0000
ماكو مثل العراقية
من تمشي بالشارع الكل تاخذ تحيّه
من تكلّلهه: جنت مريض
شمحلاهه بحلكهة: سوده عليّه
تتحملّك لو الحجّاج تصير
وتكلّك: فدوه اروحلك احسبهه عليّه
كلبهه جبير
يمكن اكبر من الملويه
أبد ما شالت خشمهه
اذا كالت احبّك
يعني خلص
تصير لك حبيبه و صديقه و أم و أخت
و تخدمك و متكول معليّه
متحب غيرك بعد
بس انت لتلوّص
تره هيه كلش ابيّه
بس صير انت زين وياهه و شوف
اذا تلكه مثلهه بهالزمن وفيّه
تشيلك مثل ماي بالصينيّه
اني أحب العراقيه
مو لأن اني عراقي
لكن لأن بس هيّه التفتهم عليّه
واني شجاني و حبّيت أردنيّه لو (المانيه)
كل ربع ساعة و تتمقلج عليّه
ساعه تكلي شو انته ضعيف
و ساعه تكلي شو ما عندك شخصيّه
لِج بابه انتي شمفهمج شنو اني
انت ِ ماتفتهميني
انت ِ مو عراقيّه
عبالك راح أحب سوريّه
لا عيني لا
ما ريد وحده تتفيّك عليّه
كل شويه اتدزلي رساله:
دئّلي على الموبايل
مشان نحكي شويّه
يابه اني اريدن عراقيّه
اني اريد العين شيشه عسل
و اريد الشفه لون الورد ورديّه
واذا يمنه حلوه الاردنيّه
واذا كمر 14 السوريّه
بس منين اجيبلهن دمّ العراقيه
منو بيهن تكلك: بيّه ولا بيك
لو تكلك: هاك اشرب الجاي من اديّه
ربهن دينهن كالت الهدوم
و شوفلي البدي هذا حلو عليّه؟
وحدتهن تكول قالب ثلج
متذوب لو الفين مئويّه
او اذا كالت احبّك
من البرد يكومن يرجفن اديه
و "اموت عليك"
بحلك العراقيه
عبالك نيزك من الشمس وكع عليه
ماكو مثل العراقيه
مع تحيات اختكم شجرة الدر
-
يسلمو اختي شجره الدر موضوع جميل مشكوره ياورده
-
اشكر مرورك الرائع حبي سوسن الورده
-
عاشت ايدج عيني وعلى اعناد الاعادي ولو هل ايام يكولك اكو هدنه مدري صدك مدري اشاعه ;D ;D ;D
جورجيا
-
حبي شجرة الدري اكيد ماكو مثل العراقيه
بس شتحجين ويه الي متبطرين عليها
بس ميصدكون ماطولها يمهم
ومن يفقدوها ايكومون يتحسرون عليها
تسلمين حبي شجرة الدر
عاااشت الايادي
-
http://www.youtube.com/watch?v=_FTRh5vdpdI&feature=related
-
صدك ماكوا مثل العرااااااااااااااااااقية .
عاشت ايدك على هذا الرابط الجميل
ونشاءالله دوم مرفوع راسنا
-
اخ سويت بية ذاكر ابو فابيان على هذا الرابط
كلبت المواجع كلهة :'( :'( :'( :'( :'( :'( :'(
-
اختي الغاليه جورجيا اشكر مرورك الراقي يكولون اكو هدنه الله اليستر شكو وراها ههههههههه شنو النوايا الله العالم يراد يارا تشوفنه شكو وراها بالبلوره مالتها هههههههههه
-
حبي يارا اول وتالي مردهم عالعراقيه لان ماتحملهم الا هي واشكر مرورك الروعه حبي
-
اخي ذاكر شنو هالحنيه مدااصدق شنو هالدلال والنغنغه اللي احنه بيها بس لا المره بيتتك بره بالثلج ومغيير رايك بالنساء اشكر مرورك اخي الكريم
-
اشكر مرورك الرائع اخي الفاضل حماده
-
;)
-
(http://www.iraqup.com/up/20101222/h0I23-OIlq_990117955.gif) (http://www.iraqup.com/)
-
والله وثلثتنعام من الحراير والاصايل
كلام ذهب
العراقية الام والاخت والزوجة والبنت وبكل تفرعاتها ادت وابها وبكل جدارة على الرغم من كل الصعاب
مو مدح ولكن حقيقة يشهدها كل البشر وعلى مر العصور
سلمت يمينك
-
جدا عجبني الكلام وطريقة سرده المنظمة
عاشت ايدج
هههه رجعتي ثقتنه هنا بعد ما حزب الرجاجيل ((زعزعو الثقة :'())
اسعدني جدا المرور وفعلا ماكو مثل العراقي والعراقية
-
ططبعا اني رديت على هذا الموضوع بايام كانت اكو هدنة ;) بس هسة راح ارد عليكم وماكو هدنة >:(
عمي ياعراقية >:( يابطيخ >:( مو دمرتونا دجوزو من عدنا >:( انتضرو ردي بموضوع يخص العراقية ;D
الرفيق ابو فابيان
-
الله ,,, ابداع ,,, تسلم الايدين
-
حلوة شجرة الدر اختنا الغالية
عاشت الايادي ونريدج انشط وعليهم
-
حلوووو وصحيح الكلام ! بس عيبهه بس تتزوج تســـــــمن