ankawa
منتدى الهجرة واللجوء => الهجرة و واللاجئين => دردشة منتدى الهجرة واللاجئين => الموضوع حرر بواسطة: vincenzo في 18:40 27/01/2010
-
هذا احد ردود عضو قديم هسه بامريكا اسمه حيدور هواي منكم ما سامعين بيه كتبه قبل سنه ونص تقريبا بس يموت ضحك:
كلكم إتعرفون الحرب العالميه الثانيه تقريبا بالـ (1935).. آني چان بوكتها عمري 16سنه... المهم گاعد بالبيت دا العب بلي ستيشن 2.. دگ الموبايل مالتي (اي لا تتعجبون.. اني من ذاك الوكت عندي موبايل)
اي اكمللكم.. دگ الموبايل.. جنت حاط نغمة مال هيفاء (بوس الواوا).. شلته.. طلع (رئيس الجمهوريه مال روسيا).. گلي: وليدي.. آسفين على الازعاج بس الوضعيه حيل عاوية.. والجيش نصه راح بالزلك.. محتاجيك حيل.
آني صفنت.. إتذكرت أيام الطفوله.. مِن چنت ألعب دعابل بروسيا ويه إبن الوزير.
گتله والله عمو... إبطن عيني.. هسه بس أفوّل المولده التايگر للبيت.. وأجيكم
والله ترست المولدة.. وچيـّـكت الدهن.. وأخذت البايسكل مالتي.. ذبيته (D).. وقبـّـطت سكليتر.. وين؟؟.. على الخط السريع مال (حله- كربلاء).... ومناك گلت آخذ يمنه على روسيا... والله نص ساعه اني بنص موسكو.. بس شحچيلكم!!.. باردة ثلج...
شغلت التدفئة مال البايسكل و صعّدت الجامات... والله گلتلهم وين بيت رئيس الجمهوريه؟؟.. گلولي بقطـّاع 20 يم مرطبات (علاوي جرثومه)
وصلت.. دگيت الباب.. طلع أبو مصطفى (إبن الرئيس الروسي إسمه مصطفى لأن مرته من الديوانيه).. خطيه الرجال حالته جانت زفت.. حضنـّي.. وگلي الله جابك.. گتله خير عمو؟؟.. گال هيچ وهيچ السالفه.. والالمان طبوا بينه گول.. گتله عمو.. صدگ چذب.. اني موجود وهيچ يصير!!!
اني رايح.. منا ليومين ان شاء الله تسمع خير
طلعت رحت على ولد أعرفه بروسيا اسمه (قاسم) هذا شقاوه مال بغداد چان وصديقي الروح بالروح.. گتله قسومي هيچ وهيچ الفلم أريد أسلحه.. گلي تدلل شتريد؟؟.. گتله اريد 65 صاروخ (أرض- أرض)..... و34 صاروخ (أرض- مي) اقصد (ارض- جو)...... و 89بي كي سي..... و فد 6784 رمانه يدويه...... و54564 لغم منوع بين مضاد للبشر ومضاد للدبابات
والله حطلياهن بعلاگه.. اخذتهن وعدل وگٍبل للجبهه.. وين؟؟.. بالخطوط الأماميه... ما اجذّب عليكم الوضعيه صدگ چانت داچـّه (يعني تعبانه).. بس اني اخوكم خوما اخاف!!.. لا يابه لا... گلتلهم للجنود انتوا لمـّوا چوالاتكم ورجعوا للبيوتكم.. مالكم علاقه.. السالفه يمي صارت
باوعت يمنه.. يسره.. شحچيلكم بلـ (564674534 جندي ألماني).. وكل واحد راكب دبابة منفيست حديث.. بس اني تعرفوني سبع.
نصبّت الصواريخ على چتفي وصيـّحت.... اني إلكم.. طبا طبا.. طاخ طاخ طاخ.. الزگه.. جيبه.. ودي.. الله.. إصلخه.... ألطمه (هاي موسيقه تصويريه).
والله صفيتهم بقوا بس 7 جنود ودبابتين واني باقيلي رمانه وعلچ أبو السهم...... شسويت؟.. لزگت العلچ أبو السهم بالرمانه وشمرتها على الدبابة.. لزگت بيها.. وچان تنفجر.
بقت دبابة وحدة.. ركضت عليها وبيدي قلم أبو النبالات (لحد يگولي منين جبته.. هوه إجه)... والله وبالقلم گطعت السرفه (التايرات مال الدبابه يعني).. وگفت... گـُمزت عالقمارة.. فتحت الباب.. نزّلتهم بيدي.. واخذتهم أسرى.
طبعا وره ما هيچ سويت.. إجه الرئيس الروسي وباسني من راسي وگلي:.. وليدي انته اقوه من گرندايزر والله..
گتله:.. لا عمو ما سويت شي آني.. عادي.. وانطاني هديه سيارة لادا بعدها ما ماشيه بالچيس.. واشترولي بنطرون كتان أصلي من الصين درجة أولى.. وبوتين أديداس أبو العلامة.
رجعت للبيت.. وشغلت المولدة.. وگعدت اتفرج (عدنان ولينا)
-
ههههههههههه
حلوه
فنسنزو هاي وين لكيتهه صدك تحفه نوويه
وخاصة علاوي جرثومه
-
خخخخخخخخخخخخخخخ صادق عمي بدون حلفان
تسلم حبيبي فيجنزو على اعادة نشر الموضوع والله ضحكتني هاي وين ظامه بيانك مسوي أرشيف تحشيشي
-
هذا جرثومة مدري شيصير من سعيد عضلة ;D ;D ;D
مية هله اخوية ابو الشيب
منور الحرب العالمية واهلهه
-
سعيد عضلة الي كان يدخل بالمنتدى سابقا مو عاشت ايدك اخي فنجنزا على موضوع الحرب الاهلية حلو
-
هههههههههههههههه عاشت ايدك فنجنزو بس حيدور ترة حشاش موطبيعي اصلي
-
بس اخ فنجنزو
بليه وحمه
اريد اسالك عن واحد
حشاش رهيب اسمه ابو البشات
جان يكتب عن امريكا كتابات تحشيشيه روعه
اكيد تتذكر اسمه الكامل
ياريت تكوله لان اشتاقيت لسوالفه
-
يمعوده هذا عمنا ابو داود او ابو البشات حسب اسمه الثاني اللي سواه بنهاية ال 2008 وانتي اعرف مني لان اقدم مني بالمنتدى يمكن
هذا رجال جبير ومثقف جدا ومحترم و وردة مال الله
بس هو يكطع فترات طويلة وهم يرجعلنه
بس اني عندي اقتراح
خلي اني وياج وباقي الاعضاء اللي يقرون ردي هذا ندزلة رسائل عالخاص نطلب منه ان يسولفلنه فد سالوفة جديدة واخر اخباره
واني متأكد انه ما راح يخجلنا
شتكولين ؟؟؟
-
ههههههههههههههههههههه
ابو داوود عاشت ايدك فنجنزو
تتذكر من جان يسمي ابنه داوود
ابو كذله ;D واشياء اخرى ;D
والله خوش فكره بس
منين نحصل اسمه حتى اكتبله عالخاص
تره اني مااعرف شي بهالدنيا
بس اسوي لفات طيبه ;D
-
اني اعرف اكلي بيض بس السلك صعب بعد ما واصليله
وهم اعرف اسوي جاي من هذا ال tea bags بس بشرط يكون عندي جك كهربائي هههههههه
يابة اكو بحث بالمنتدى بالصفحة الرأيسية
هههههههههههه
منين ابدي وياج اذا انتي متعرفين تضيفين اسم هناك هههههههه
يلله ولا يهمج هسه اني اجيبلجياه
هذا
http://www.ankawa.com/forum/index.php?action=profile;u=61239
وايميله ما مخفي موجود بصفحته
-
وهاي مواضيعه عدى اخر ثنين
http://www.ankawa.com/forum/index.php/topic,246461.msg3497755.html#msg3497755
http://www.ankawa.com/forum/index.php/topic,246994.msg3500805.html#msg3500805
http://www.ankawa.com/forum/index.php/topic,247075.msg3501662.html#msg3501662
http://www.ankawa.com/forum/index.php/topic,247340.msg3503726.html#msg3503726
http://www.ankawa.com/forum/index.php/topic,247888.msg3507430.html#msg3507430
http://www.ankawa.com/forum/index.php/topic,248115.msg3509133.html#msg3509133
http://www.ankawa.com/forum/index.php/topic,249147.msg3516267.html#msg3516267
http://www.ankawa.com/forum/index.php/topic,249432.msg3517875.html#msg3517875
http://www.ankawa.com/forum/index.php/topic,249570.msg3519040.html#msg3519040
http://www.ankawa.com/forum/index.php/topic,310610.msg3941095.html#msg3941095
-
هههههههههههههه
عاد اني بس بالاكل اصير شاطره وماكو اذكى مني وخاصة اللفات يبوه
اسويهه مثل لفات جوي تريبياني بفريندس ;D
عيني ظفته ودزيتله رساله عالايميل
وكلتله اسمي السباعي حتى يخاف :o
وكلتله عمي ارجع لان افتقدناك
هينوب
شكرا فنجنزو على مواضيعه
هسه اسويلي لفه قبداريه ووياهه مك جاي دبل قماره
واقره سوالفه الحلوه
وماني ثانكس
-
موضوع عجبني وحبيت ارفعه.
-
اقوى فكاهه سمعتها او رئيتها لحد اليوم جعلتني اضحك طويلا واسمعتها لعائلتي واشتغل الضحك والتصنيف شيئ فكاهي بمنتهى الروعة ههههههههه