ankawa
منتدى الهجرة واللجوء => الهجرة و واللاجئين => الموضوع حرر بواسطة: شقراء بغداد في 15:37 28/01/2010
-
اخواني لاادعوكم للتشاؤمبل اتمنى لاهلي العراقيين بكافة دول العالم بالصحه والراحه وطول العمر نحن جميعا نعلم باننا سنقيم في دول اجنبيه سوف نجهل امور كثيره فيها انالدي جد ويعاني من مرض لاامل فيه والاعمار بيد الله ولكن الموت حق علينا جميعا وكما ذكرت لاادعوكم للتشاؤم سؤالي هل هناك مقابر خاصه للمهاجرين
ي هل نشتري اراضي للدفن انا اخجل ان افاتح والدي واجرحه لذا استنجد بكم واتمنى من اخواني واخواتي في سان دييغو ان يفيدوني اتمنى من الله ان يحميكم ويحرسكم بنوره سامحوني شقراء بغداد
-
اختي العزيزة ..هاي كلهة ارض الله ..وبصراحة موضوعك انطانة اتينشن للحاضر والمستقبل ..
بس اكو ملاحظة زغيرة..واسف على هاي الملاحظة..يمكن المقابر اللي بالوطن قبطت !!! :'( :'( :'( :'( :'( :'( :'( :'(
وانشالله الله يطول بعمر جدك ويحفظك ..
تحياتي
ابن بغداد
VA
-
اخي العزيز ابن بغداد شكرا على الرد بس معلومه صغيره احنا بالاردن منكدر ندفن في بغداد الله يبعد عنكم كل مكروه
-
والله يا اختي اني جتي بالي هاي السالفه قبل كم يوم والحمد لله طرحتى الموضوع وانتضر الاجابه من القدماء
ويا ريت انجي تسعفنا بالاجابه
بالنسبهللجاليه العربيه في امريكا
المسيحيه والمسلمه كيف تكون هذه المراسيم وكيف نحصل على ارض للدفن
-
والله ياصاحبة الموضوع طبعا ما اعرف منين وشلون اجة بالج هذا الموضوع وطبعا موضوع كلش مهم وخاصة احنا جماعتنا العراقيين يمكن اكدر اكلج لو 2% من اللاجئين فكروا بهذا الموضوع لو ماكوا كلها سوالفنا علة الولفر والمساعدات والشهادة وامريكا زينة لو مو زينة ونسينة هاي السالفة انه اكو شي اسمة موت وهذا فد شي محتم علة اي بشر بعد عمر طويل لكل الناس وياريت الاخوة القدامى اللي بامريكا يكوللنا شكو ماكو من مقابر واللاجئ يصير يدفن وية الامريكان قصدي بنفس مقابرهم لو احنا عدنا غير شي بعد عمر طويل طبعا
-
الله يكون ابعونكم
وكل نفس ذائقه الموت طوله العمر للحجي
ماتشوفين شر
تسلمين
-
الآخت صاحبة الموضوع ( شقراء بغداد) تحية طيبة والله ينطى طولة العمر لجدج الحجي بس مثل ما كلتي الموت علينة حق ولا تدري نفس بأي أرض تموت ،أما بالنسبة للآردن أكو مقبرة قديمة لشهداء الجيش العراقي الله يرحمهم من حرب تشرين (لمن أجي الجيش العراقي مشى بالدبابات حتى يدافع عن البلدان العربية وحمى مدنهم من السقوط بيد العدو، ودخل معارك ضارية وية أسرائيل) المهم هذي المقبرة موجودة يمكن بالمفرق ويكدرون العراقيين اللي تحصل عدهم حالة وفاة أنوا أيأمنون جثمان المرحوم بيهة لمدة من الزمن لمن الله يفرجها ويكدرون أينقلون الجثمان لآرض الوطن ودفنه بالمقبرة اللي يردوها والله ينيطكم العافية والسلامة وسلامى للجميع
-
عزيزتي شقراء بغداد
وما تدري نفس ماذا تكسب غدا وما تدري نفس باي ارض تموت
اختي
اكو مقبرة بسحاب لدفن الغرباء بس اعذريني ما ادري ولا اعرف شلون طريقتها ووينها بس خلال هاي اليومين اجيبلك خبر كامل عنها
جاك جيك جكجكه - الاردن
-
يابه صلو على النبي
شدتفكرون انتو
يعني ياسامح الله صار شي خابرو الاسعاف يجون ياخذو يودو للمستشفى
يتاكدون من حياته
اذا نطاكم عمره راح تبدي الاجرائات وبعدين همه يكولون الكم وين ادفنو
او كلش كلش روحو على اي جامع او مركز اسلامي بالولايه اسئلو همه يعرفون
-
السلام عليكم
نعم اي جامع او مركز اسلامي اكيد ومئه بالمئه عدهم معلومات عن اقرب مكان للدفن لاسامح الله في حالة حدوث وفاة والله يبعد الشر عن الجميع و الله ايطول عمر الحجي جد شقراء بغداد وينطيه الصحه والعافيه
-
اختي العزيز تحية وسلام انشاءللة العمر الطويل لكل الناس اختي العزيزة طبعا يوجد مقابر اسلامية ومقابر مسيحية يوجد اراضي يشتروها مثلا خلي نكول كل عشير يتفقون يشترون هذة الارض ويشاركون بالدفع وتكون خاصة لتلك العشيرة بس اذا تحبين اكدر احصل الج رقم مال هذة المكان عدنا اقرباء بكلفونيا من زمان هناك اكيد يعرفون هذة الاماكن وعناويهم ويارب العمر الطويل للجميع
-
بالنسبة لولاية مشكن يوجد هذة الارقام لصالات الدفنة ربي يبعدكم عنها بس مجرد للتوضيح للاخوة الي يسالون عن هذة الحالة وكلنا هذا طريقنا حكمة الرب ولا اعتراض عليها ومثلا ما قلت العمر الطويل لكل الناس واخرهم انا المهم يوجد صالة اسمها
جان سانتيو رقم الهاتف بدالة 1734 هاتف 4273800
و صالة تابعة للجالية المسلمة اسمها دار النعمان للعزاء
هاتف بدالة 1313 هاتف 9821000
وصالة اخرى اسمها على اسم صاحبتها ايمان القس شمعون
هاتف بدالة 1248 هاتف 3363729
طبعا هما يقومون بكل مراسيم الدفن للنهاية من السيارة التي يضع بيها النعش والى وصوله لدار الحق ويارب انشاءللة العمر الطويل للكل وربي يبعدكم عن اي شر
وساحاول ان احصل على ارقام تلفونات نفس الشي من ولاية كلفونيا واني انتظر الرد من اختي تسال اقرباءنا القدماء هنا تحياتي لكم وعائي لكم بالعمر الطويل بالخير والصحة
-
بصراحة انا قبل كم يوم صديق النا غرك بامريكا و دزوه لاهله عن طريق السفارة هناك
عموما اختي في حالة الوفاة فما اتصور اكو شيء يمنعكم تجيبوه تدفنوه بالعراق
-
اختي العزيزة اسال الله ان يطيل عمر جدك واعمار الجميع
اختي العزيزة انا اعرف ناس جيراني هنا بالعراق قبل فترة مات اخوهم في امريكا بحادث وسالتهم وين راح يدفنوه قال لي اخوه راح يجيبه صديقة للعراق وندفنه بمقبرتنه بالنجف كتله شولون يعني كال عادي بالتنسيق مع السفارة العراقيه هناك ومع مكتب دفن خاص يقومون بترتيب الجثه وتحنيطها حتى تتحمل السفر ولا تتفسخ
وبالفعل وره سبعت ايام راحوا استلموا اخوهم من مطار بغداد الدولي
هاي حاله من عشرات الحالات الي شفته وكان بزمن صدام ماتكدر تدخل المرحوم للعراق فكانت الناس تدفن في سوريا وانا اعرف ناس جابوا موتاهم من امريكا ومن استراليا ودفنوهم في سوريا
ملاحظة جميع الاجراءات والتحنيط والنعش المحكم والطائرة يكون على حسابك وغالي ومكلف جدا
هذه الى الذي يريد ينقل الجثة الى العراق اما اذا تريد في امريكا او اي مكان بالعالم توجد هناك مقابر اسلامية ومقابر مسيحية ودائما تسمى مقابر الغرباء
اسال الله ان يحفظ الجميع من كل مكره
-
اختي العزيزة اسال الله ان يطيل عمر جدك واعمار الجميع
اختي العزيزة انا اعرف ناس جيراني هنا بالعراق قبل فترة مات اخوهم في امريكا بحادث وسالتهم وين راح يدفنوه قال لي اخوه راح يجيبه صديقة للعراق وندفنه بمقبرتنه بالنجف كتله شولون يعني كال عادي بالتنسيق مع السفارة العراقيه هناك ومع مكتب دفن خاص يقومون بترتيب الجثه وتحنيطها حتى تتحمل السفر ولا تتفسخ
وبالفعل وره سبعت ايام راحوا استلموا اخوهم من مطار بغداد الدولي
هاي حاله من عشرات الحالات الي شفته وكان بزمن صدام ماتكدر تدخل المرحوم للعراق فكانت الناس تدفن في سوريا وانا اعرف ناس جابوا موتاهم من امريكا ومن استراليا ودفنوهم في سوريا
ملاحظة جميع الاجراءات والتحنيط والنعش المحكم والطائرة يكون على حسابك وغالي ومكلف جدا
هذه الى الذي يريد ينقل الجثة الى العراق اما اذا تريد في امريكا او اي مكان بالعالم توجد هناك مقابر اسلامية ومقابر مسيحية ودائما تسمى مقابر الغرباء
اسال الله ان يحفظ الجميع من كل مكره
حبيبي الجماعة بعمان فمراح تكلفهم شيء مجرد سيارة تبريد و مسافة الطريق
-
انا لله وانا اليه راجعون
-
اختنى العزيزه يارب يطي الصحه والعافيه والموت هو حق علينا
اختي سوف اشركلك بالتفصيل اذا شاء القدير وصار الوفات في عمان
اول واهم شي لازم المتوفيت عنده وصيه وين يدفن لو لا يعني موصي احد من اولاده او القريبين يما وبما انتي تكولي وضعه صعب المفروض يسال اكيد هذا الامر صعب
طبعن لاسامح الله وحدث الوفات في المنزل لازم تحجون ويا الاسعاف طبعن هنا تختلف مستشفى خاص او حكومي من ناحيه الاسعار
يعني لازم تجي اسعاف ويستلمون الجثمان لكي يصدرو شهاده وفاه وباقي الاجراءات المستشفى تسويها اذا بعمان ممكن الدفن بسحاب وهذا سهل وعادي مالهم علاقه عنده اقامه او لا وعادتا المستشفى الخاص في حال حدوث الوفات همه فورا يحجون ويا مكتب يكون معتمد للسفاره العراقيه ويجي يكمل كل الاجراءات من ناحيه الغسل وهي بيها شروط خاصه طبعن بما انتي في دوله اسلاميه الكل يعرفها وبالمناسبه ماكو شي اسمه تحنيط العمليه عباره اذا الجثمان مثل في امريكا وبحاجه الى 5-10 ايام لكي يدفن العمل هو يزق الجثمان ابر ماده فورمالين 2-3 ابر الها حسابات طبيه حسب الطول والوزن ..... طبعن اذا الدفن داخل عمان يعني من الثلاجه الى مقبره سحاب ماكو حاجه يكملون اجراءات وياخذون الجواز ويكمل كل المعاملات ويصير الدفن
بحاله الوفاه بعمان واكو وصيه الدفن فب بغداد او كالنجف او اي مكان يوصيه عادتا يرشون على الجثمان ماده فورمالين وهي ماده حافضه لكي لايتفسخ او تطلع ريحه من المتوفي وممكن يرسل بسياره جمس الى العراق طبعن المكتب او المتعهد يسويها كامل طبعن اذا بالسياره تكلف تقريبا 300- دينار للمكتب والسياره حسب السوق من 400-600 دولار بس في حاله الطياره مكلف جدا وتاخذ معاملات يومين من ختم التابوت من قبل السفاره ويرسل الى الطب الشرعي لزق الابر وتاليف اتذكر بحدود 2000 دولار طياره بس و المكتب حدود 600 دينار
طبعن الاسعار تقريبي ممكن زياده نقصان حسب المكتب
اختي هاي المعلومات كامله اذا حدث الوفات بعمان اما امريكا ماعندي خبر عن الاسعار
بس بعمان متاكد 100% وعن كل الجراءات لانه اني عايش بعمان صارلي 18-19 سنه وحدثه حالات وفات كثيره من الدنمارك والدفن بعمان وفي عمان دافنيين بالكرك عند جعفر الطيار عليه السلام وطبعن هسه ممنون من المخابرات وهذا الكلام اني مسؤال عنه والهم اسباب مقنعه ظاهريا بس باطيا خليه خلي اسافر واكول اشاقه
في سحاب
اختي بحالا لاسامح الله حدث الوفات وانتي في عمان والكلام ليس مجامله ارسليلي على الخاص واطيج هاتفي واني حاضر ترى هاي بيها اجر عند رب العالمين واني حاضر بكلشي واتشوين هوايه اخوان عراقيين يوكفون وياج ويكملون الاجراءات مثل مكتلج بيها اجر عند الله بصراحه بدايه العام من 2010 يوم 2/1/2010 حدث وفات احد افراد من المقربيين وجنت واكف ومتاكد من الاجراءات
وارجع واكول بس ارسلي على الخاص واني حاضر طبعن بدون اي مقابل مادي بس لوجه الله تعاله واني اتصور نهايه الثاني سفري يعني موجود واذا رتي ترى اعوف اي شغل او دوره واجي مثل مكتلج بيها اجر عند رب العالمين كبير
اخوج اريد وطن
-
اخوية العزيز عندي وطن عاشت ايدك على هذه المعلومات المفيدة تسلم وتعيش
عمري انا اقصد التحنيط مثل ماتفضلت حظرتك انه يزرق ببرة او يضعون عليه مواد حافضة عن التفسخ
هذا كان قصدي وليس قصدي التحنيط المتعارف عليه بنزع الاحشاء والمخ وباقي الاغراض
عاشت ايدك على الشرح الوافي والمسطلحات الطبية المفيدة اسال الله ان يبعد عنك وعن اعضاء المنتدى كل مكره بحق محمد وآل محمد
-
اخويه ميثم العراقي
اني حبيت اصلح موضوع التحنيط من تجربه اكو هوايه ناس واطباء بس تكلهم تحنيط بسرعه لا وشسوي وحرام بس التحنيط هو مثل مذكرته ابره مواد حافظه
واخويه لايواريك شر ان شاء الله انته وللجميع
واعذروني من الاخطاء الاملائيه الكثيره
اخوك - اريد وطن انتظار اصدار بطاقات السفر والتوكل على الله من عمان - الى كندا تورنتو ويارب لجميع المنتظرين
-
اخويه ميثم العراقي
اني حبيت اصلح موضوع التحنيط من تجربه اكو هوايه ناس واطباء بس تكلهم تحنيط بسرعه لا وشسوي وحرام بس التحنيط هو مثل مذكرته ابره مواد حافظه
واخويه لايواريك شر ان شاء الله انته وللجميع
واعذروني من الاخطاء الاملائيه الكثيره
اخوك - اريد وطن انتظار اصدار بطاقات السفر والتوكل على الله من عمان - الى كندا تورنتو ويارب لجميع المنتظرين
اولا شكرا علمعلوماتك ثانيا ما اتصور ابرة فورمالين او ابرتين راح تفرق لان الانسان لازم ينكع بيه مو ينضرب ابر لان حتى لو انضرب ابر مراح تفرق بسبب انه ميت و جهاز الدوران او الدموي عنده متوقف عن العمل
-
اخويه خرافه
شاكر ردج ومساهمتج
الموضوع منريد ندخل بالتفاصيل وللعلم الابره هي 2-3 مو اكثر بس حجم الواحده 30 وعند عمليه الاعطاء تربط بجاز ضغط طبعن اليسويها طبيب من الطب الشرعي واني شايفها هنا بعمان في الجامعه الاردنيه واعندي اختصاص بالمختبرات الطبيه وبحكم عملي احب اخذ فكره على اي شي في المجال الطبي والابر واحده تضرب من باليد الضراع للجز العلوي واالثانيه للجزء الاسفل يعني من البطن والاطراف السفليه بس اذكر سامع من طبيب من التشريح الشرعي ميصير اكثر من 3 وبصراحه ممتذكر
واكو معلومات للغسل اذا تحبي اذكرها اني حاضر على الخاص او العام واكو شروط للتكفين واكو صلاه بعد الدفن .... الخ
طبعن معلومات اعلاه تخص الاسلام بالنسبه الاخوان المسيحيين بصراحه ماعندي فكره
وبالنسبه للدفن ميصير الدفن في ارض مختصبه او مدافن لغير المسلمين وهناك كثير من الشروط والترتيبات
واي شي تحتاجه اني حاضر بالمناسبه اني مو شغلي دفان بس الغربه وبعد عن الوطن والاهل والاقرباء تجبرك تتعلم كل شيء والموت حق
اخوكم اريد وطن - عمان - انتظار اصدار بطاقات السفر والتوكل على الله والسفر الى كندا اذا الله خلانا طيبن وكاتبها النا
-
تسلم اخوي وطني كندا على هل معلومات القيمه والمفيده لان الكل متعرض لهذا الموقف........ورحم الله والديك على هذا الكلام الطيب وانت صدق كول وفعل وكله عند الله ما يضيع وكله بثوابه.......بس حبيت اعرف اخوي وطني كندا انت شنو اختصاصك.
وانشاء الله للاخت العزيزه ربي يطول بعمر جدك ويشافي وكلمن يموت بيومه انا لله وانا اليه راجعون
واعتبرينا كلنه اخوتك واي شي تحتاجي احنه بخدمه اهلنا الطيبين
اخوك:اربد
-
شكرا للاخت انجي المسعفه دائما وشكرا للاخ ماجلان لانك اضفت لي معلومه جديده تخدمنا جميعا وبالاخص والدي عن اسماء وعناوين الجوامع وشكرا للاخوان اربدواريدوطن وخرافه وميثم وموناليزا وناشيونال واحمدعباس وجكجكه وبغدادي وحمدمد والذكي والله اشعر بالسعاده لروح الموده والتعاون فعلا هذا المنتدى الراقي العائله العراقيه الاصيله الله يحفظكم ويسر امركم وشكرا
-
الله ينطي الجميع الصحه والعافيه وطول العمر بعد كل انسان وقدره شنو حيشوف ووين حيموت ولا ننسى الدين يسر مو عسر والله غفور رحيم
-
والله ياجماعة كذب اذا واحد ما يفكر بالموت خصوصا اذا كان انسان ملتزم وانا اكثر من مره مفكر انه شون واحد اذا مات او صار عنده حالة وفاة (الله ينطيكم طولت العمر ) وهو في خارج الوطن ف هذا تفكير صحيح وسليم وموضوع مهم مثل ما نفكر بالمساعدات والراحة ....
((أَيْنَمَا تَكُونُواْ يُدْرِككُّمُ الْمَوْتُ وَلَوْ كُنتُمْ فِي بُرُوجٍ مُّشَيَّدَةٍ وَإِن تُصِبْهُمْ حَسَنَةٌ يَقُولُواْ هَـذِهِ مِنْ عِندِ اللّهِ وَإِن تُصِبْهُمْ سَيِّئَةٌ يَقُولُواْ هَـذِهِ مِنْ عِندِكَ ))
-
تدرون أخواني الاحباء اشكد اضحك من اسمع بعض المهاجرين خارج العراق ان وصيتهم وره الوفاة لازم يندفن بالوطن وكأنه هذا الوطن مقبره 000 اني اشجع هاي الفكره مال واحد يدور على ارض بكاليفورنيا او اي مكان اخر حتى يندفن لان اذا راح للوطن الحبيب خاف حزام ناسف او سياره فخفخينه لا قدر الله ومكان المرحوم يصيرون جوكةمرحومين هههههههه اخواني قصدي اشوي اغير جو لان اليوم كآبه صاعده عندي وربي يحفظكم ويوفقكم جميعا 000