ankawa
منتدى الهجرة واللجوء => الهجرة و واللاجئين => الموضوع حرر بواسطة: مشوار في 00:00 30/01/2010
-
اخواني الافاضل لي صديق يحب ان يستفسر بعض الامور التي وقع بها وما يعرف لها حل
يسكن العاصمه بغداد عمل مع القوات البريطانيا في مطار البصره كعامل اجور يوميه (كجول) عمل رسام يرسم لهم لوحات شخصيه وفنيه عمل معهم لمده اربع سنوات تقريبا
وفي سنه 2007 وبعد ان هدد بالقتل هرب الى خارج العراق واتجه الى النرويج
عمل مقابلتين واعطوه رفض للمرتين واستأنف حتى ان جاءه الرفض الثاني والمحسوم كما ذكر لي
علما لديه صور مع القوات البريطانيا وهويات وحتى شهادات تقديريه ولكن الشهادات الاصليه سحبتها الحكومه النرويجه منى وادعت بأنها مزوره؟....المهم
وبعدها حجز وترحل الى العراق بسنه 2009 في شهر 12
اطلبو منه ان يوقع بالمطار على اوراق قبل ترحيله فرفض ورحل الى بغداد
ماذا يفعل هل يذهب للسفاره البريطانيا ويكلمهم بالي جره معاه
وايضا هو لديه من يستطيع ان يوصله الى بريطانيا تهريب
فأيما يختار يذهب للسفاره او يذهب لبريطانيا
والسؤال الاخير بعد كم من المده تلغي البصمه يعني هو اخذو بصمته بالنرويج بسنه 2007 ورحل للعراق بسنه2009
فكم من الوقت له ان يطلب اللجوء في دوله ثانيه مثلا بلجيكا او هولندا
ارجوا الاجابه وعشتم سالمين
-
اخي المشوار
البصمة تبقى لمدة لا تقل عن 10 سنوات
اما بما يخص صديقك فالافضل ان يحاول ويا السفارة ويقدم ما يثبت وضعه ويا القوات البريطانية الى جانب موضوعه وما حصل معه بالنروج
تحياتي
-
الله يفرجه اخويه عاى صديقك ومضيق اذا متفرج وانشالله الاخوه ميقصرون بل الجواب بس اني اكول يمشي بل طريق الصحيح يعني يروح للسفره وبلكت يساعدو وتسهل انشالله
اخوك ابو علي عمان
-
اخي العزيز البصمة تبقى مدة طويلة بس الملف يبقى مفتوح لمدة سنة بعد الترحيل وراها ينغلق و يكدر يطلب لجوء بس اخي العزيز اني عندي نصيحة ارجوا ان توصلها لصديقك يعني اذا هو ناوي يطلع مرة ثانية لدولة اوربية حتكلفة مبلغ ممكن يستغله بان يطلع لدولة من دول الجوار ويطلب لجوء واتصور حيكون المبلغ كافي بان يغطي مصاريفة الى ان يسافر لدولة التوطين اسلمله واضمن.
-
اتشكر منكم كلش اهوايه
-
انشاءللة ربي يسهل كل امورة وربي يبارك بك اخي الغالي على هذة الروح الرائعه بحب المساعدة ربي يسهل امر كل الناس
-
شكرا لكي اختي
-
ربي يسهل امره وامر كل محتاج وبضيق
-
السلام عليكم اخي مشوار
والله قهرتني على صديقك الظاهر هذا حظه نحس مثلي . المهم اخويه اذا صديقك عنده نيه يطلع لاوربا خل يتوجه للنمسا لان الحكومه النمساويه متعاطفه مع العراقيين ويقال انو حتى اذا الشخص عنده بصمات يقبلوه . اني عندي هاي المعلومات لان اخويه يريد يطلع عن طريق شنكن بس ديدور بالانترنت عالبلدان اللي تقبل عراقيين حاليا . فبالصدفه سمعنا عن النمسا . وفي حاله الرفض خل صديقك ايقدم استئناف للمحكمه الاوربيه وهاي اجراءات اكثر العراقيين المرفوضين باوربا ديسووها. ارجو ان اكون افدتك بالمعلومات والله يفرجها على كل العراقيين.
-
اخي العزيز راح احجيلك حجي ومجرب معي اعتذر من الاخوة الي جاوبوك وارجو ان لاياخذوها بغير نضرة ترة البصمة لاعشرة سنيين ولاتطول هواية البصمة تلغى بعد ان يخرج الشخص خارج حدود الاتحاد الاوربي لمدة ثلاثة شهور ولكن بشرط وهو يجب ان يثبت بانه خرج خارج حدود الاتحاد الاوربي لمدة ثلاثة شهور والاثبات ليس شرط ان يكون جواز سفر واختام لانه كلاوات العراقيين كلها عرفوها يعني اي شي قوي ثاني يثبت خروجه من الاتحاداما اذا تسالني شنوة الي يثبت ذلك فراح اجاوبك واكلك ماعرف لانه اني نفسي من رحت للسويد وقدمت لجوء وطلعت بصمتي مال بلغاريا حجولي نفس الحجي وحتة فكرت اروح لسوريا ويومية اروح ازو السفارة السويدية لمدة ثلاثة اشهر علمود يقتنعون والسلام ختام
-
اخي العزيز..
هناك ابهام وغموض في سرد تفاصيل صديقك..في حال تم ترحيل صديقك من النرويج بصورة رسمية فان دائرة اللاجئين ستزوده بوثيقة يتم اظهارها في مطار الخروج واي مطار ترانزيت اوروبي مع العلم ان اسمه وصورة من الوثيقة مع رقم جواز السفر في حال وجوده سيكون مثبت في جميع المطارات التي سيمر بها وعلى اساسها يسجل خروجه من حدود الاتحاد الاوروبي عند تسليمه للوثيقة في اخر مطار..بالنسبة للبصمات فان قانون الاتحاد الاوروبي ينص على ان بصمات الشخص "باحث اللجوء" تعتبر سارية لمدة سنتين من تاريخ اغلاق ملفه نهائيا وبقائه او اختفائه ضمن منطقة الشنغن او خارجها وعلى هذا الاساس فان اي شخص يود ان يفتح ملف جديد يجب ان يتعدى المدة المقررة من اجل معاملته معاملة اي قادم لطلب لجوء جديد..
كلام الاخ تايكر مضبوط حيث ان البصمة تبقى محفوظة لمدة 10 سنوات وارجو ان يتم فهم الفرق بين حفظ البصمة والسماح بتقديم طلب لجوء جديد..
بغدادي
-
مرحبا اخوية انا جنت بنفس ضروف صديقة بس السويد و ارجعت طوعي الي اعرف من دائرة الهجرة كالولي مالك حق ترجع كلاجئ للسويد الا بعد مرور اربع سنوات و بحال ذهابك الى اي دولة اوربية راح تظهر بصماتك و ارجعوك للبلد لي الي انت ادخلت منة شي ثاني ترى دول اوربا على المدى الطيل صعبة بالحيات لان انت تعتبر مواطن مو اصلي من اهل البلد من نواحي الشغل خاصة انا انصحك خلي اتقدم على الiom او siv و تمشي معاملتك عليهم احسن من تصرف افلوسك بشي مامضمون و لو تكدر اتقدم على استراليا عن طريق اليو ان هم خوش بس اطول اشوية و اتنمالك الخير
-
أخوية مشوار , الأفضل صديقك يقدم لجوء على الأمم المتحدة أفضل من التهريب, والمفروض من البداية يتوجه إلى بريطانيا لأن سبب الخطورة هوه عمله وياهم وجان صار عنده كيس بيه حجة أهناك.
أما عن موضوع البصمة فالبصمة تبقه موجودة لكن مادام صاحبك غادر أراضي الإتحاد الأوربي فأله حق تقديم طلب اللجوء في أي دولة من دول الإتحاد الأوربي مرة ثانية.
بالنسبة للأخ ديفيد فأكله آني جنت بالسويد سنتين وأعرف مكاتب الهجرة شكد يكذبون على اللاجئين العراقيين حتى مايرجعون مرة ثانية , وآني هم كلولي أربع سنوات وبعد ماتكدر ولاترجع, بس لمن حجيت ويه المحامية مالتي وكلتلهه انو مكتب الهجرة يكول البصمة ماتنمسح وبعد ما أكدر اقدم مرة ثانية, فكان جوابهه: صحيح البصمة ماتنسح, بس مادام يطلعوك بيدهم من الإتحاد الأوربي فيثبت بنظام البصمات (اليورو دوك) انك غادرت الإتحاد الأوربي, وبهذه الحالة متى مادخلت مرة ثانية فالك حق تقديم لطب الجوء في أي بلد من بلدان الإتحاد الأوربي, بس بالأخير كلتلي بس ماأنصحك بإعادة التجربة لأن أوربا مقفلة أبوابهه بوجه العراقيين الآن.