ankawa
منتدى الهجرة واللجوء => الهجرة و واللاجئين => الموضوع حرر بواسطة: hassan W في 16:35 30/01/2010
-
الى الاخوه الاعزاء
راح احجي جانب عن قصتي لان اني من اهل الجنوب من حضارة سومر العريقه .............
خرجت من العراق عام 1990 ولا اعرف الى اين انا ذاهب المهم ذهبت الى الحدود السعوديه .... مشيا على الاقدام ..
وكانت الارتال الاميركيه ذاهبه الى العراق وبعد اسبوع ونحن جالسون على الحدود السعوديه ...قال لنا ضباط الحدود وعودو من حيث اتيتم لاننا لا نستقبل احد علما باننا بدون ماوى وبدون طعام وكان المطر شديد جدا وبعد اشهر من هذا التعب والمعناة اعطونا خيام لكي تاوينا
ومالفت انتباهي وهي صورة لم تفارق خيالي ان رجل مايقارب عمره 30-35
مع طفل وهو ابنه كان يمسك بيد ابيه لكن وجه الطفل كان باتجاه العراق والاب متوجه للسعوديه
وكان عمر الطفل مايقارب 5-6 سنوات
ودخلنا الحدود السعوديه ...
وكان الخوف في داخلنا لاننا نعرف قوانين الدول العربيه وحقوق الانسان فالخضوع للرئيس والامير والملك
هو كل شي لديهم
وكان عددنا 75 الف لاجئ عراقي في خيام في الصحراء وبدات الاشاعات في المخيم لكن يدكر الشئ ان السعوديه وفرت لنا المكان والكهرباء والطعام لكن لن يعرفو انا نحن لاجئين ومن حق الاجئ ان يعيش حياته طبيعيه
بدات الوفود تاتي الينا لتاخذ اللاجئين
وبدوا العراقيين يقسمون المخيم الى قسمين قسم عزاب وقسم عوائل والعزاب ممنوع يدخلون قسم العوائل وكانو العزاب خرجو من الارض
وبدات الاشاعات على الوفد الاميريكي
بان امريكا لا يوجد بها عمل وسوف ياخذوننا من المخيك ويرمونا بالشارع وكنت ادعو من لالله ان لا يخرج اسمي مع الوفد الامريكي من كثرة الاشاعات وغي يوم من الايام ذهبت الى المكان الذي يعلق فيها الاسماء ووجدت اسمي على الوفد الامريكي
-
وصلت للوفد...
فعدت لاصدقائي لكي اخبرهم بذلك فقالو لي من حقك ان ترفض الوفد الامريكي فقلت لهم لماذا فقالو لي امريكا صعبه جدا ولا يوجد فيها عمل وسوف يرموك في الشارع ويتركوك وقلت لهم سوف افكر في الامر وفي الصباح اخبركم
وفي الصباح توكلت على الله وذهبت للمقابله وقابلت وسافرت لامريكا 25\3\1997
وكنت خائف من الكلام الذي سمعته في المخيم وعندي وصولي لامريكا وجدت عكس ذلك تماما واللذين ذهبو الى الدول الاسكندنافيه وجدو عكس ذلك من العنصريه وقلت فر ص العمل
اما نحن في امريكا فكانو يشجعوننا االامريكان على العمل والحياة
ويوفرون لنا فرص العمل فلي صديق ذهب معي في الرحله وهو امي لا يقرا ولا يكتب وكان حلمه ان يصبح ثريا وعندما وصل اصبح يعمل ليل نهار حتى تمكن من شراء محل صغير ب25 الف دولار
واصبح الان يملك 7 محلات من هذا المحل ووصل لما يصبو اليه
وانا وصلت لما اريد والحمدلله
ومن يقول امريكا جحيم فهو غلطان انا من محبي العراق واتمنى العراق ان يكون هكذا امريكا
جحيم للكسالى والمعتمدين على المساعدات
كما يقول لي صديق في امريكا ان امريكا بعد درجه وتوصل للجنه
الشي الجميل بامريكا عندما لاتجيد اللغه فهم لا يستهزئون بك
بل على العكس يساعدوك على ماتريد
والاجمل عندما تريد ان تصبح صاحب بزنسن او دراسه فهم يقفون معك ويساعدوك
مغ الشكر
المغترب حسن W
-
شكرا اخي وبارك الله بيك
ريحتنا الله يريحك
-
شكرا الك اخوي واني ماحكيت غير الحقيقه
-
شكرا وردة على الموضوع واني ممنون الك في ترفيعك من معنويات الشباب وصح امريكا اللي يعتمد على نفسة يوصل ويتوفق مو مال واحد يعتمد على المساعدات وهذة الحقيقة
وبارك الله بيك
-
اهلا بيك اخويه اني ممنون الك
-
حبيبي حسن بدايه القصه مالوفه لجماعه رفحا وتوجههم المعروف
بس احب اعلق على مقولتك
راح احجي جانب عن قصتي بالعاميه لان اني من اهل الجنوب من حضارة سومر العريقه .............
ههههههههههههههههههههه يمكن الشي الوحيد اللي كدرت عليه عدل هو تحجي قصتك فصيح
اشاقه وياك
-
ههههههههههههههههههههههه اي صحيح بس اني تقريبا كلامي واضح
شنو الموضوع مافهمت يعني اني كلامي مو عدل
-
تسلم اخي العزيز ربي يبارك بك وربي يرزقك اكثر قصة رائعه ومشجعة للي لدية اصرار على مواجهة الصعوبات اتمنى لك التوفيق دائما بحياتك
-
شكرا لك اخي حسن
فعلا قصتك مشجعة جدا ووفقك الله ..ولكن لم تخبرنا انت في اي ولاية حاليا ؟
اخوك
ابوهدى-مصر
-
الله يوفقك ويرزقك اخي حسن ويبارك بيك كلماتك هاي لازم تكون بذهن كل عراقي يهاجر الى اميركا حتى يعيش حياة رغيدة
اخوك عبسي
-
تسلمين اختي عالرد
عزيزي ابو هدى اني ساكن بساوث داكوتا وحاليا زياره للعراق
-
عاشت ايدك اخويه حسن ع هل الموضوع والصراحه مو بس بامريكا باي مكان بالعالم الي يريد يصير ويسوي روحه لازم يثبت روحه من اول فرصه مو يضل يتبطر هاي الشغله ما اريده وذيج خل اتولي
-
شكرا لك اخويه حسن
فعلا قصتك مشجعة جدا بارك الله بيك
والموفقيه للجميع
نهاد ابو علي
-
عبسي ضاع الوطن ابو علي
تسلمووووووووووووووووووووووون نورتو الموضوع الله يخليكم
-
صديقي ابو علاوي الورد
اشكرك على موضوعك الجميل وانشاء الله وجودك ويانة بالمنتدى يكون مستمر وتساعدنا بمعلوماتك اللي هي اكيد احسن من معلومات اعضاءنا اللي وصلوا لامريكا بعد سقوط صدومي لان ما صارلهم هواي
اكو شغله دوختني
اني ما كنت اعتقد انه جماعة مخيمات السعودية بال91 من القائد الضروري صار عصبي طولوا هالكد
يعني كل عقلي سنة وسنتين وسفروهم لغير دول مو 6 سنوات
والله يا اخي انتو حياتكم مأساة ولازم يألفون عليهه كتب ويسوون افلام
-
مشكور اخونه عالقصه الرائعه والله يفتحها علينه وعليك اخونه الغالي والله رفعت معنوياتنا وفرحتنه وخليت عدنه امل ان شالله الخير فيما اختاره الله ونشكرك مره ثانيه على مشاركتك الرائعه اختكم شجرة الدر
-
شكرا لك اخي الكريم حسن .... الله يوفقك على طرحك للموضوع بشكل سلس ومبسط
ابو فهمي
-
اخي vincenzo
الف شكر الك يالغالي وعلى كلامك الرائع
اختي شجرة الدر هاي الحقيقه والله
ابو فهمي تسلم اخويه
-
تسلم حبيبي ابو علاوي على هاي الكلمات الرائعه ربي يوفقك ويوفق الجميع ومن يريد يوصل ما ينام للضهر وحتى لو مو بأمريكا لو وين ميروح هو يضل طول عمره يشكي ويبجي على اساس هسه بالعراق جاي ينطوهم رواتب وهم نايمين ويتبطرون على امريكا والله زمن صارو ميريدون امريكا ويحجون عليه والله انا الي اشوفه احنه اكثرنه يدورون مساعدات ونايمين وبس يبجون ويصيحون شغل ماكو اي انسان يريد النجاح لازم يتعب ربي يوفق الجميع وشكرآ على هذا الكلام الي يرفع المعنويات
-
والله اخي اني اييدك تماما فاما ان تعمل واما امامك طريقان لاثالث لهما ام ان تعود للعراق او تبقى تنظر الى الافق البعبد عسى هناك تجد من ينجدك وهو شي محال وفي الاول والاخير التوفيق من الله جل في علاه
ابو رامي
-
لاخ الكريم ابو فلاح الوردة بارك الله بك على هذي القصة الرائعة والمفيدة والي تبعث الامل بداخل نفوس الناس الي مقبلين على سفر
شكرا جزيلا
زيوس- كابول
-
شكرا للأخ hassan w على الموضوع المشجع والي يرفع من المعنويات لان اكو هواية ناس خايفة تروح امريكا بس بعد هذا الموضوع اكيد تتشجع نتمانالك الموفقية والنجاح ودائما الى الامام
-
اخي eboo
تسلم اخويه عاللكلام الميه ميه الله يوفقك
ابو رامي غالي اخويه وكلامك مضبوط شكرا الك
زيوس اخويه نورتني بوجودك اهلا بيك
ماريان اختي موفقه ان شاءالله
-
اخي والله انا عاجز عن النعبير بسبب الضروف الي انتو عشتوها اهناك
و الحمد الله خلصت على خير
بس اهنا ابتركيا اني هم اعرف اهواي عوائل تعاني من نفس الضروف واصعب وهم اجاها رفض الله يكون بس ابعونهم
-
اهلا اخويه الله يعين العوائل ويخلصها على خير
-
الله يخليك ويحفظك على هاي الكلمات المطمئنة لكثير من العراقيين وانا منهم , بالتوفق الك يارب ...
-
تسلم يالغالي تدللون
-
راح اكلك سالفه ابو علاوي
اسمعت اذ ناديت حيا ولك مني كل الحب
-
شكرا اخي , رفعت المعنويات
-
اهلا وسهلا بابن ولايتي تشرفنا بك
ثصة جميلة تدعو اي شخص لتفاؤل كلامك صحيح لكن صدقني ليس فقط امريكا تحتاج لعمل ومثابرة بالعكس في اي مكان تحتاج لذلك يجب الاجتهاد والاعتماد على النفس وعدم فكرة الاعتماد على الاخرين لكن الفرق هي بطريقة تعامل تلك الدول ربما تختلف كما ذكرت انت عن امريكا والله الموفق
-
اخواني بغدادي
engineermech
الف شكر عالمرور الرائع