صديقي احمد عباس
ومن رخصة اخوية الجبير عبسي
اني برأيي المتواضع والبسيط انه ماكو اي داعي لصرف فلوس على اي دورات خاصة باي شي يتعلق بالحاسبات
لان كلشي متوفر ببلاش
واقصد
اكو اقراص تعليمية بفلس ونص ولمختلف الدورات لان بدولنا التعبانة ماكو حقوق للمؤلف الاصلي فتكدر تجيب سيديات اللي تعجبك واذا مالكيتهه تنزلهه من الانترنت ببلاش
وشوية واحد يتعب نفسة وهو يقرأ الكتب ويسوي لنفسه جدول بالبيت ويتعلم وماكو اي داعي اروح لواحد انطيه فلوس حتى والله شنو...يعلمني
وانت بكيفك بعد
صديقي اني قصدي تدخل بس للامتحان بدون الدورة
يعني مثلا هسه مركز الحاسبة بجامعة بغداد ينطي كل امتحانات مايكروسوفت وسيسكو سيستمز وغيرهه وكل امتحان بسعره والتصليح بامريكا لان اون لاين
والمركز نفسه ينطي دورات للاستعداد للامتحان المعني
بس مو اجبارية لان انت اصلا من تسجل عالامتحان ينطوك المنهج ككتاب او سي دي وانت تروح تستعد وحدك او تفوت دوره يمهم
بس شنو
مثلا فد امتحان ب50 دولار....الدورة مالته فد ب300 دولار
فعليمن هالصرف ياخوية
وهاي دا احجيلك على امتحانات امريكية رسمية والجهة المنضمة للامتحان اللي هي بامريكا تمنع اي اجبار للمتحنين على دخول اي دورة بالاكراه لغرض التقفيص
اما اذا هم الجماعة يمكم قفاصة فبرأيي اصلا ماكو داعي الواحد ياخذ شهايد تعبانة من هالتعبانين
اما بالنسبة للانكليزي فترة مو بدورة تكوم تحجي انكليزي
وانما الانكليزي حياة انت تعيشهه
يعني اني راح افرض انه حضرتك مكمل اعدادية بالعراق مثلافكل اللي يرادلك نسخة من طاهر البياتي وقاموس وتتابع اغاني وافلام امريكية وتترجم وتحفض كلمات وتحجي انكليزي شكد ما تكدر
وشوف موضوعي هذا يمكن يفيدك
http://www.ankawa.com/forum/index.php/topic,375008.msg4401706.html#msg4401706