ankawa
منتدى الهجرة واللجوء => الهجرة و واللاجئين => الموضوع حرر بواسطة: مروة القيسي في 17:52 31/01/2010
-
مرحبا اخواني
اني اخذت الموافقه بتاريخ 8/7/2009 ولحد الان ما اتصلو بيه على الفيزا والدورة التثقيفيه واتصلت بيهم مرتين وسألتهم يكولون اجراءات وقبل اسبوع سألتهم وعرفت اسم الولايه (بنسلفانيا) بس ما انطوني اي تاريخ محدد يكولون منعرف وما اعرف ليش هذا التأخير طبعا اني بسوريا الي عنده معلومات أو ماخذ موافقه بشهر السابع يجاوبني الف رحمه على والديكم
اختكم مروة القيسي
-
اختي العزيزه اني همين بشهر السابع وهمينكالولي بس الولايه بس اكو هوايه بشهر السابع والضاهر الشغله مطوله لحد اليوم شفت ناس ويايه بعدهم موجودين بلكي الله تفرج ماعدنه غير الصبر علما اني نيفادا لاس فيغاس بالله تعبنه من التفكير
-
عزيزتي مروّة ::
ـــــــــــــــــــــــــــ
لا يظل بالج يا عيني صدكيني إذا إجراءاتج تكمل لحظة وحدة ما يأخروج إحنا همينة بالشام وطولت فوگ الـ6 أشهر وأخذنا الظرف بيوم 7/7/09 وإجت الموافقات الأمنية لكل العائلة والحمدلله كلشي هسة تمام والشهر الجاي سفرنا إن شاء الله ...
تمنياتي إلج بالتوفيق ومن تكمل إجراءاتكُم راح يخابروكم ويخبروكم بهذا ويستفسرون على الحالة الصحية للعائلة وإذا اكو اي شي يعيق سفركم وراها بإسبوع لو اكثر يخابروكم على الدورة التثقيفية وبالدورة راح ينطوج موعد السفر وإن شاء الله قريب ولا تهتمين توصلين وتصير سوالــف ....... †
أخــوكــُم / وسـام بهنـام داؤد الخابــوري
-
مو بس انتي اختي اكو عائلة اعرفها هم بنسلفانيا ولحد الان ممسافرين همة هم فاحصين ومخلصين بس ينتظرون الدورة التثقيفية وموعد السفر يعني انشاءالله اموركم ماشية انشاءالله تسافرون قبل شهر 3 حتى اللي بعمان مأخريهم وياكم يعني كلكم دفعة وحدة تسافرون طائرة من عمان وطائرة من سوريا
مثل مكلت قبل شهر 3 مسافرين انشاءالله او بنفس شهر 3 اما اكثر فما اعتقد
-
السلام عليكم
لا ادوخ اخويه هايه التأخيرات عند المنظمه كلش عاديه هيه لو طخه لو اشلع مخه يعني لو بسرعه تمشي لو اتصير طابوكه ؟ وكل تأخيره بيها خيره . اخوك من بغداد مقدم وصلتني الموافقه الامنيه قبل 3 اشهر وهمين ماكو شئ مع العلم كل ربعي سافرو واني بالانتظار الممل بين حانه ومانه .......
اخوكم
ابو ماجد
تحياتي
-
شكرا جزيلا اخواني الاعزاء على الردود وبالمناسبه اني اليوم اتصلت عالمفوضيه وسألتهم على اسم المقاطعه كالولي هاريس بورغ الي عنده اي معلومات عن هذه المقاطعه وموجود بيها حاليا ينطيني خبر
تقبلوا تحياتي
مروة القيسي
-
الحمد لله بس ماسالتيهم شي بعد مكالولك شي مفيد تره تعبنه كلنه خلصت طلعت الامنيه شنو السالفه بس اريد افتهم يعني الي معينين اله ولايه شغلته مو متقدمه لو نفس الشي وربي دوخه وسوريا حيل صارت ممله لان اغلبيه اصدقائنه لو طلعو لو رجعو واحنه باقين معلكين لا للسماء ولا للكاع والله ماحب اروح للمزه اسال لان حتى هذه مي لو ديما الي يردون على الاستسفار ماحب اشوفهم بعد
-
مساء الخير اختي
آني هم بسوريا واستلمت الظرف بالموافقة يوم 5/7/2009 ولحد اليوم لاكفيل ولاشي ومانكول غير الله كريم
همو - سوريا