ankawa
منتدى الهجرة واللجوء => الهجرة و واللاجئين => الموضوع حرر بواسطة: مريامي في 22:39 01/02/2010
-
اريد اكلكم قصة بيت جيرانة بسوريا هي مسوية فحص الطبي بشهر الثالث وهسة طلعت حامل وخابرت على ال iom الي بسوريا وكالوها ايأثر على الملف مالتج وانتي الملف مالتج مابقي علية بس اجراءات قليلة صدوك الحمل يأثر على الملف الله ايخليكم ساعدوني واريد منكم جواب
-
اختي الحمل مياثر على الملف بس الولاده اتاثر
عجبا هي باي شهر حامل وشوكت موعد السفر
لان اذا ولدت بعد المحلفين لازم تنعاد المقابله
وايسوون كيس للطفل
اما اذا كان بعد وكت ولادتها فماكو مشكله اذا سافرت الى حد منتصف شهر السابع
-
اختي بس تعقيب بسيط ترة الحمل مو مصيبة وانما هو هدية من الله. والي اعرفة الحمل يأثر بالنسبة لموضوع السفر الاشهر الثلاثة الاولى والاخيرة ميسمحون للحامل بالطيران وياريت اذا جنت غلطان احد الاعضاء يصححلي
-
عزيزتي مريامي :::
ـــــــــــــــــــــــــــــــــ
خصم الحجي ;D ;D ;D
إذا كملت إجراءاتها وإجالها موعد السفر وهي دخلت بالسابع راح يأجلون سفرهم لما بعد الولادة وينتظرون الوفد يجي ويشوف الطفل بعينه وراها يللّه يمشي شغلهم ويسافرون ....
بس إذا هي بالشهور الاولى وهسة يسافرون ماكو أي تأثير وماكو داعي تحجي أصلاً وهاي نصيحتي إلهم ..
تمنياتي لجيرانتكم بالصحة والسلامة وإذا كلامي طلع صح گوليلها تخلي إسمها على إسمي خوووش بشرواية موووو ;D ;D ;D ....... †
أخــوكــُم / وسـام بهنـام داؤد الخابــوري
-
مشكورين على الجواب فديتكم تعبتكم وياية والله استفاديت من معلوماتكم مشكورين يالغوالي
مريامي
-
لا اختي ما ياثر والاخوة جاوبوا واني نفس الرد راح يكون وانشاءللة السفر والولادة بالسلامة
-
كلام اخواني صحيح واني اعرف ناس جانو ينتظرون خط والمرة جانت حامل وجابت قبل ليسافرون عادي اجراءات روتينية ضافو الابن على ورقة اليو ان وعادو الفحص الطبي وبقو فترة لا اعلم بالضبط شكد بس قليلة المهم سافرو واستقرو
اما انهم يرفضون الملف ماكو هيجي حجي انشاءالله نسمع عنج الاخبار الطيبة
اخوكم ابن بلاد الرافدين :) :) :) :)
-
اختي شنو هالحجي شنو حامل شنو مصيبة ياساتر ترة الحمل و الطفل نعمة من الله و اذا الطفل اخر سفرهة يعني الله ما قاسم الهم السفر هسة و اخرهم لاجل اخر ومو كل واحد الله سفرة بسرعة يعني خير الة لا كل واجد و رزقة و قسمتة يالله انشاء الله تجيب بالسلامة و شوكت ماقسم الهة الله تسافر
مصطفى
-
مشكورين عيوني وطلع حجي راهب كلة صحيح ومشكورين الكل على الرود والله تعبتكم وياية يالغوالي ;D
مريامي
-
السلام عليكم
اختي العزيزة اولا الحمل مو مصيبة
ثانيا زوجتي هسا حامل بشهر السادس واحنا ننتظر الموافقة الامنية
من خابرونا على اعادة الفحص الطبي كالت الدكتورة يوم 30\3 اذا ما سافرتو
لازم تولدين يلا لانه شركات الطيران تمنع سفر الحامل بشهر السابع
وان شاء الله خير
-
الطفل ليس مصيبة بل هدية وهبة من رب العلمين، الله يسهل سفركم اختي
اخوك
كريستوفر العراقي