ankawa

منتدى الهجرة واللجوء => الهجرة و واللاجئين => الموضوع حرر بواسطة: داوود54 في 22:14 02/02/2010

العنوان: سؤال عن الركمنديشن ساعدوني الف رحمه على والديكم
أرسل بواسطة: داوود54 في 22:14 02/02/2010

السلام عليكم اخواني واخواتي
عندي سؤال جدا مهم
وارجوكم انه تجاوبوني باسرع وقت ممكن لان هو الي ماخرني عن التقديم
هل الركمنديشن لازم تكون من ظابط امريكي؟ام هل السارجنت او رتبة يفي بالغرض؟
وهل نفس القانون في الSIV وIOM ام هناك اختلاف في قانون الركمنديشن اذا كان التقديم على SIV او IOM

اني داأسال وهواي انطوني جواب بس كل واحد يختلف جوابه عن اللاخ واحد يكلي مو مشكله الرتبه والثاني يكول لازم ظابط
فاريد منكم الجواب الشافي الف رحمه على والديكم

ارجوكم ساعدوني لان راح ينسحبون الجيش الامريكي واني بعدني ممقدم من وره هالسالفه

اخوكم داوود

[/b][/size]

العنوان: رد: سؤال عن الركمنديشن ساعدوني الف رحمه على والديكم
أرسل بواسطة: echo 9 في 22:35 02/02/2010

السلام عليكم اخ داوود
اخوية الغالي الاعرفه واللي سويته انا بالضبط وتاخرت على مود هالشغلة شهر تقريبا انه لابد ان يكون الشخص اللي يوقع على الريكومنديشن هو نفسه ال POC التك واعتقد ال POC يكون ضابط يعني بمثل حالتي ال POC مالتي كان نقيب والقبله ايضا نقيب ما شفت واحد سيرجنت او من المراتب صار POC س انته يجوز الشخص الجاي تاخذ منه التعليمات واللي اتصالك المباشر وياه سيرجنت او من المراتب على العموم تكدر تساله لهذا السيرجنت وتكله بروح ابوك منو ال POC مالتي وهو يجاوبك ويكون هو ايضا اللي يخللي الايميل الرسمي مالته بالريكومنديشن ( الامبلويمنت فيرفيكيشن ) ورقم تلفون وللطوارئ ما دام تخاف ينسحبون هالايام خللي يضيف الهم رقمه الخاص بس انتبه في حالة اذا كان السوبر فايزر مالتك شخص واللي يوقع على الريكومنديشن شخص اخر بهاي الحالة تخليهم اثنينهم يوقعون عليها وكل واحد يكتب شنو هو بالضبط بالنسبة لك ( البوينت اوف كونتاكت + السوبر فايزر ) واذا هو شخص واحد فقط يكتب لهم انه هو شخصيا السوبر فايزر مالتك بس ما زلت اعتقد انه يجب ان يكون ضابك وما تهم رتبته شنو . وياريت الاخوان يبدون رايهم وبيهم البركة
(  اللهم بحق الأنبياء والأوصياء والأولياء وبحق كل حرف من حروف القرآن الكريم أن تشافي وتعافي ريم عبد وترجعها لأهلها وأحبتها سالمة من كل سوء – آمين )
اخوك
Echo 9

العنوان: رد: سؤال عن الركمنديشن ساعدوني الف رحمه على والديكم
أرسل بواسطة: y.a.r.a في 22:45 02/02/2010

عمنا العزيز ايكو9 جاوبك على برنامج ال SIV 
واذا اتحب تسال على برنامج ال IOM تحتاج ريكومنديشن من مسؤلك الامريكي المباشر شو ماكانت رتبته
وكتاب من الهيومن ريسورس موضح بيه الفتره الي اشتغلتها من اي تاريخ الى اي تاريخ

العنوان: رد: سؤال عن الركمنديشن ساعدوني الف رحمه على والديكم
أرسل بواسطة: ســـرى في 22:51 02/02/2010

اخونا العزيز اهلا بيك اقرا المواضيع التالية في المنتدى واكيد راح تفيدك بس انقر الروابط واقراها زين

http://www.ankawa.com/forum/index.php/topic,372188.0.html

العنوان: رد: سؤال عن الركمنديشن ساعدوني الف رحمه على والديكم
أرسل بواسطة: ســـرى في 22:52 02/02/2010

وهذا

http://www.ankawa.com/forum/index.php/topic,321773.0.html

العنوان: رد: سؤال عن الركمنديشن ساعدوني الف رحمه على والديكم
أرسل بواسطة: ســـرى في 22:53 02/02/2010

وهذا بيه تفصيل شوية بعد

http://www.ankawa.com/forum/index.php/topic,376955.0.html

العنوان: رد: سؤال عن الركمنديشن ساعدوني الف رحمه على والديكم
أرسل بواسطة: ســـرى في 22:55 02/02/2010

http://www.ankawa.com/forum/index.php/topic,378676.0.html

العنوان: رد: سؤال عن الركمنديشن ساعدوني الف رحمه على والديكم
أرسل بواسطة: ســـرى في 22:58 02/02/2010

وهذا عن الiom

http://www.ankawa.com/forum/index.php/topic,265918.0.html

العنوان: رد: سؤال عن الركمنديشن ساعدوني الف رحمه على والديكم
أرسل بواسطة: ســـرى في 22:59 02/02/2010

شوف هذا همين

http://www.ankawa.com/forum/index.php/topic,313588.0.html

واذا عندك اي سؤال اخوانك واخواتك مايقصرون وياك

س--------------------------------------------------------------------------------رى

العنوان: رد: سؤال عن الركمنديشن ساعدوني الف رحمه على والديكم
أرسل بواسطة: echo 9 في 23:08 02/02/2010

شكرا على التوضيح عمو يارا العزيزة والله يا عمي من كثر ما دخت بال SIV مت ما اشوف غيرهم وما انتبهك لسؤال الاخ ( عمو ايكو ناين كام مايصدك يشوف كلمة SIV الا وجلبت بيها ) شوكت يفضوها وياي ما اعرف ؟
اخوية العزيز داوود استلم هسه الجواب العدل من بناتي يارا  و سرى الله يحفظهم ولا تدير بال والله الجماعة ما يعوفوك الى ان تحصل على الجواب الاكيد . ربي يبارك ببناتي واولادي واخواتي واخواني بهالمنتدى وعلوا ولو اكون طماع تطلع عدنا نسبة بهالشعب هذا ولو 70% من النماذج الموجودة بمنتدى عنكاوا وداعتكم تلاكون اغلب شعوب العالم تجي تقدم عدنا ووتمنى تصير لا جئين بالعراق . الله كريم
(  اللهم بحق الأنبياء والأوصياء والأولياء وبحق كل حرف من حروف القرآن الكريم أن تشافي وتعافي ريم عبد وترجعها لأهلها وأحبتها سالمة من كل سوء – آمين )
Echo 9

العنوان: رد: سؤال عن الركمنديشن ساعدوني الف رحمه على والديكم
أرسل بواسطة: y.a.r.a في 23:24 02/02/2010

عمي ايكو9 انت الخير والبركه
 وعمي انت دبل ايجنت خوما نسيت ال IOM  وانحازيت بس لل SIV  تره انت هم بعدك محسوب ويانه
واحنا منستغني عنك
بلكت تخلص ال  IOM  مالتك وتطلع كبل ال SIV ;D

العنوان: رد: سؤال عن الركمنديشن ساعدوني الف رحمه على والديكم
أرسل بواسطة: echo 9 في 23:37 02/02/2010

الله يبارك بيج عمو يارا الوردة انتم الشباب الخير والبركة كلها والله . انا راحت علي بس واجبي يحتم علي بان لا اترك مثل هاي الفرصة تروح على جهالي وما اسويلهم مستقبل ما دمت قادر على هالشي هذا اولا وثانيا بالنسبة لي انا مسوي ريكومنديشن وحدة موقعة من ضابط وارسلتها لل IOM  و ال SIV اتمنى اتمنى على ال IOM علمود القطار الوياي كله يطلع شلع بجميع فاركوناته على كولت بنيتي ريم الله يشافيها ويرجعها النا بالسلامة واتمنى على ال SIV لى مود الكرين كارد اسرع ولو يطلع غير برنامج هم اقدم عليه بس كون اطلع واطلع جهالي من هاي الجنة لان بعمري والشفته خلاص شبعت منها
انا اسف اخي داوود ما اريد اطلع من موضوعك بس يا اخي هالبنيات والله الهن معزة عندي ما ادري يمكن لان خلفتي الكبار بنات 3 يا الله اجا الاستاذ قاسم ما ادري ربي يوفقك اخ داوود واعذرني .
(  اللهم بحق الأنبياء والأوصياء والأولياء وبحق كل حرف من حروف القرآن الكريم أن تشافي وتعافي ريم عبد وترجعها لأهلها وأحبتها سالمة من كل سوء – آمين )
Echo 9

العنوان: رد: سؤال عن الركمنديشن ساعدوني الف رحمه على والديكم
أرسل بواسطة: ابو عبد الله التكساسي في 23:56 02/02/2010

اخي العزيز راح اكلك حجايه واخذهه راس مال
المسؤل المباشر لازم يكون امريكي وبس ومو مهم الرتبه واهم شي بالركمنديشن انه المسؤل مالك يذكر انه انت ما تشكل اي تهديد على الامن القومي الامريكي
ولازم يخلي عنزوان البريدي الي ممكن يتصلون بيه او رقم تلفونه اذا ماكو بريد الكتروني
وبما انه جماعتك راح ينسحبون فلازم تاكد على مساله الايميل الي ممكن يجاوبون عليه مو ايميل يكتبه وكبل

تحياتي

العنوان: رد: سؤال عن الركمنديشن ساعدوني الف رحمه على والديكم
أرسل بواسطة: ســـرى في 02:25 03/02/2010

اشكرك عمي ايكو اني اتشرف اكون وحدة من بناتك في هذا المنتدى الغالي وطبعا اتشرف بأن اكون اخت يارا العزيزة


تحياتي

العنوان: رد: سؤال عن الركمنديشن ساعدوني الف رحمه على والديكم
أرسل بواسطة: بغدادي76 في 10:05 03/02/2010

الأجوبة , ولاتدوخ نفسك
هل الركمنديشن لازم تكون من ظابط امريكي؟ام هل السارجنت او رتبة يفي بالغرض؟
الجواب : مو شرط الرتبة المهم انو هوه عسكري امريكي وكان المسؤول المباشر عنك في يوم من الايام.
آني الي سوالي الركمنديشن رتبته كوربرل هههه يعني حته اقل من السيرجنت وكل هذه مشت وحصلت موافقة الجيف اوف مشن إعتمادا عليها.


وهل نفس القانون في الSIV وIOM ام هناك اختلاف في قانون الركمنديشن اذا كان التقديم على SIV او IOM
الجواب: الآي أو ام مو شرط الركمنديشن, بس بالأيس آي في شرط أساسي.

ملاحظة مهمة لركمنديشن الأيس آي في : شرط ان تكون من المسؤول المباشر وشرط انو تنص انك ماتشكل خطر على الأمن القومي الأمريكي.

العنوان: رد: سؤال عن الركمنديشن ساعدوني الف رحمه على والديكم
أرسل بواسطة: داوود54 في 18:50 03/02/2010

يابه الف رحمه على والديكم
وان شاء الله من اجي لامريكا ابوسكم واحد واحد ;D ;D
اخر سؤال
يعني حتى بالاي او ام مو شرط يكون الركمنديشن من ظابط؟

وتحياتي لاخوتي واخواتي الي ساعدوني وبارك الله بيكم