ankawa
منتدى الهجرة واللجوء => الهجرة و واللاجئين => الموضوع حرر بواسطة: امير البابلي في 21:32 05/02/2010
-
السلام عليكم اخواني اعضاء المنتدى استلمت اول ايميل من nvc ودخت بيه لانه كلشي ما دا اعرف اسوي
بالنسبة للاجرائات الي يردوها يردون مني املي فورمات ds-230 ds-234 وds-157 وفورم الخاص بالمساعدات لكل افراد عائلتي المكونة من 4 اشخاص زين يردون كتابتهن طبع بالحاسبة لو كتابة يد هاي شغلة والثانية ما اعرف شلون امليهن لان مثل متعرفون شغلتهن دقيقة متتحمل خطأ وباقي الاجرائات سهلات يردون ارسل لهم نسخ من الجوازات والجناسي وشهادات الجناسي وصورة القيد وعقد الزواج مترجمات وشكرا لكل من يساعدني
-
مبروك اخوية امير ويا ربي يوم الي تستلم الفيز ان شالله
حبيبي كل الفورمات تملييهه بالحاسبة وبعدين تاخذه سكنر ما عدا الفورم DS-234
هاي الوحيدة الي تنملي باليد وبعدين سكنر وترتبهن كل فرد من الكيس ومتعلاقاته .
بخصوص الفورمات الي متعرف تمليه او تشك بي سويلي لسته بالفقرات وتدلل.
بس عنجي استفسار شكد طولت عندك من دزيت الاوراق لنبراسكا لحد مدزولك الريسيت وراهه بشكد دزولك جماعة ال ان في سي؟
-
عزيزي ...
ماكو داعي لهذا الارتباك اكيد مثل مادزيت الاستمارة بالبداية بنفس الطريقة ايضا تطبع هذه المطلوبة وهي بالكومبيوتر كلها طبعا لانه كلها PDF ...
وكل الاسئلة مفهومة وغير مبهمة .
تحياتي
النسر الذهبي
-
بخصوص استماره DS-234
تتكون من صفحتين و29 فقرة وايضا تكتب حسب عدد افراد العائلة
1-عدد الافراد في القضية يعني اذا 2 تكتب 2 واذا اربعة تكتب 4
2-اذا انت مفدم الطلب الرئيسي تكتب نعم والزوجة والاطفال تختار كلا
3-
N/A
4-الاسم الكامل وحسب الجواز وبالانكليزي
5-الجنس
6-الحالة الزوجية
7-تاريخ الولادة
8-مكان الولادة محافظة وبلد
9- الجنسية
10-القومية
11-الديانة
12-العنوان الكامل
13-رقم الهاتف
14-العنوان البريدي
15-اخر عمل
16- اعلى مستوى دراسي يعني بكلوريوس دبلوم ماجستير وهكذا
17-اللغة الام
18-اللغات الاخرى
19-درجة اتقان اللغة
20-مشاكل صحية تكتب
None
21-عندك احد من كرايبك مقدم على نفس البرنامج
22-اذا عندك كرايب مقدم وتريد تروح وياة بنفس الولاية اكتب اسم الولاية ورقم الكيس مال كرايبك
23-عندك كرايب بامريكا
24-اسم كرايبك
25-تاريخ ميلاد كرايبك
26-عنوان كرايبك بامريكا
27-رقم تليفون كرايبك بامريكا
28- صلة القرابة يعني عمك خالك
29-عنوانه البريدي
وأي تحتاج اني بالخدمة؟
-
ان شاء الله الاخوان هنا ما قصروا بالجواب وهذا هم موضوع عن كيفية ملأ الفورمات اليكترونيا وحتى لا تصير عندك خربطة
http://www.ankawa.com/forum/index.php/topic,368487.0.html
اضغط الرابط واقرا الموضوع
اختكم س-------------------------------------------------------رى
-
وهذا همين مفصل عن طريقة ملأ الفورمات
http://www.ankawa.com/forum/index.php/topic,268812.0.html
س------------------------------------------------------رى
-
وهذا الموضوع هم رهيب ويفيدك جدا
http://www.ankawa.com/forum/index.php/topic,270928.0.html
واي سؤال اخونا احنا كلنا بالخدمة
اختكم س-------------------------------------------------رى
-
السلام عليكم اخواني طبعا ما اعرف اوصف شكري وامتناني لكل من قدملي مساعدة ممنون منكم عيوني انتو
اخي العزيز تيتو ارسلت الاوراق الى نبراسكا وأستلموهن بتاريخ 11/1/2010 واني ارسلتهن بتاريخ 5/1/2010 عن طريق البريد السريع fedex express ودزولي nvc بتاريخ 4/2/2010 اخي تيتو اذا تكدر اتضيف ايميلي على الياهو ماسنجر علمود نحجي على الخاص لان مرات الاقي صعوبة في فتح المنتدى وهذا هو ايميلي
rasilajam@yahoo.com وشكرا
-
صديقي اموري الحلاوي راح اهوسلك شايف خير ومستاهلهه على هالتطور الحلو بس شو ما بشرتنه من حصلت الكوم ابروفال!!!!
زين الفيديكس شكد اخذو منك عالاوراق ؟؟
-
حبييب اعتمد الرد الي اجاك من الاخ تيدوا لان اسهل واحد وكلش مفهوم ودقيق بنفس الوقت
ما عدا الفقره 20
لازم تكول الامراض الي عندك حتى ينكتبلك بالمديكيت من توصل لامريكا واعتقد هاي الشغله اهوايه ما يعرفون بيها ومن ضمنهم اني
وبعدين نبهني عليه احد الاخوان بالمنتدى
وحتى اذا ما عندك شي اكتب اسنانس تعبانه وراثيا حتى المدكيت ايغطيلك علاج الاسنان
تحياتي وبالموفقيه
-
اخوية العزيز vincenzo اني اشكرك بالبداية على مرورك بالمناسبة اني اتذكر من استلمت الكوم ابروفل كتبت بالمنتدى وردو عليه بعض اخواني بالمنتدى اما بالنسبة الى المبلغ الي اخذو مني جماعة الفدكس اكسبرس هو 40000 الف دينار عراقي واذا كان عندك دولار ياخذون منك 35 دولار واني حاضر الى اي استفسار
-
عاشت ايدك حبي اموري الورد واني يمكن ذاكرتي حيل خربانة ;D ;D ;D هذا كبر
يعني تقريبا نفس تكلفة الدي اج ال
وعاشت ايده لتيتو عالتعب
-
تدلل اخوية vincenzo بس ردت اسألك بالنسبة لموضوع الولاية الي اريد اروحلهة هيه ميشيغان كلي اكو احتمال يغيروها لان اني كتبت في الفورم ds-230 و فورم ds-234 انه اريد اعيش في هذه الولاية وانطتهم عنوان صديقي الي هناك علما اني على SIV وشكرا
-
اخوان السلام عليكم
عندي سؤال بالنسبة لل benefits فورمة نسويهه لكل شخص لو بس لصاحب الكيس
شكرا ومبروك للاخ البابلي
-
سواح
اتسويه لكل فرد راح يسافر وياك
-
طبعا مشكور الاخ ابو عبدالله دائما سباق في عمل الخير اخوية ابو عبد الله فد سؤال اني عندي اطفال اثنين
واكو فورمات لازم بيهة توقيع لان انت مثل متعرف لازم كل واحد يسافر وياك له فورم زين اترك مكان التوقيع فارغ لو شنو الحل والسؤال الاخر في الفورم DS-157 في حقل المراحل الدراسية ميردون مرحلة الابتدائية زين اني ابني الان في هذه المرحلة اتركه فارغ لو شنو الخيار وشكرا
-
صديقي امير
انت شجايبك على محافظة مشيكان
انت مو رايح لامريكا ؟؟؟ شجايبك على محافظة عراقية مصغرة
المهم اعتقد مشيكان اللا عندك كرايب درجة اولى وبالبرنامجين
-
اخونا امير بالنسبة لشغلة التوقيع احنا هم عدنا طفل فبوقتها ابوه وقع بمكانه ويمكن للاب او الام التوقيع بدلا عن ابنائهم (طبعا الصغار اللي ما يعرفون يوقعون)
اختك
س---------------------------------------------------------رى
-
الشكر الجزيل للاخ vincenzo على مرورك الطيب بس ليش انت ضايج من مشيكان حبي اخاف تسمع اختنه انجي وتزعل وكذلك مشكورة الاخت سرى على مرورك الجميل