ankawa
منتدى الهجرة واللجوء => الهجرة و واللاجئين => الموضوع حرر بواسطة: strawbbery في 14:27 06/02/2010
-
مساء الخير هذا اول يوم اشترك بي بالموقع وحبيت اسأل للي عندة معرفة بهذا الموضوع اني حاصلة على شهادة بكالوريوس علوم كيمياء جامعة الموصل وحبيت اعرف اشلون اعادل شهادتي بامريكا كشهادة معترف بيها وهل ممكن ان اقرا قبل ما اسافر بحيث بس امتحن هناك ممكن وشنو المصادر اللي اعتمدها للقراءة الي عندة معرفة بالموضوع احب يساعدني وشكرا
-
شوفي اختنا العزيزة هذا الرابط لموضوع مطروح بيه نفس سؤالج
http://www.ankawa.com/forum/index.php/topic,347081.0.html
س------------------------------------------------------رى
-
وهذا الرابط كذلك
http://www.ankawa.com/forum/index.php/topic,329184.0.html
س--------------------------------------------رى
-
وهذا همين
http://www.ankawa.com/forum/index.php/topic,317562.0.html
مع تحياتي
س------------------------------------------------------------------رى
-
والله يا اختي ما اعرف
اني هم عندي بكلوريوس علوم كيمياء من جامعة بغداد بس الي عرفته انه ما يعترفون بهذي الشهادة
يعني كلوللي لازم اذا طلعت ادرس من جديد والله اعلم واذا تعرفين شي جديد ياريت تكوليلي بلكي اكدر ارتب اموري من هسة واعادل الشهادة
بالموفقية يارب
-
شكرا على ردودكم وراح احاول ابحث بهاي المواقع واني اذا اتوصلت لاي شي فاكيد راح ابلغكم والموفقية للجميع يارب
-
اختنا العزيزة هاي مو مواقع هذي روابط لمواضيع موجودة بالمنتدى اصلا والاخوان مناقشين بيها مواضيع المعادلة وطبعا هذا غيض من فيض اكو هواية مواضيع بالمنتدى فالافضل لو تقلبين المواضيع القديمة تروحين على كلمة (البحث) ومن تطلعلج الصفحة تكتبين مثلا (معادلة الشهادة) وقبل ما تكوليله (ابحث) تنزلين شوية جوة راح تلكين (بحث مفصل) تنقرين عالكلمة وتروحين تشيلين التأشير من كلمة الكل وتأشرين على السطر اللي يكول اختيار منتدى للبحث وتختارين (الهجرة واللاجئين) وتنزلين جوة وتنقرين على كلمة (بحث) ومن تطلع النتائج راح تلكين هواية مواضيع دوري بيها واقريها مرات الموضوع قصير بس تلكين بيه الزبدة والله يوفقكم
اختكم
س------------------------------------------------------رى
-
الاخت العزيزة سرى شكرا على الرد وترى اني مو قصدي الروابط هية المواقع بس بالرابط وطبعا مع جزيل الشكر الج انذكر بي عدة مواقع بخصوص هذا الموضوع مثل wes.org وece.org وطبعا بعد ما لحكت افتح هاي المواقع وابحث بيها وياريت اذا تعرفين شي جديد اتوضحي مع خالص تقديري لجهودج والف الف شكر وفعلا انتي عضو مميز