ankawa
منتدى الهجرة واللجوء => الهجرة و واللاجئين => الموضوع حرر بواسطة: bee bee في 02:09 08/02/2010
-
شلونكم يا أحلى شباب
بس حبيت أستفسر منكم على حالة صارت لأحد اقاربي
وهو وزوجته مستلمين الظرف من عام 2008 وماخذين بصماتهم وصورهم
وهم بإنتظار الموافقة الأمنية اللي طال انتظارها
وهسه خابروهم وبلغوهم ان يراجعوا ال iom لأخذ بصماتهم !مرة ثانية !!!!
رجاءاً اللي يعرف شنو القصة ... بلكن ينورنا
شكرا الكم ولجهودكم في مساعدة أخوانكم
أخوكم ب ب
-
اخويه العزيز bee bee مكتلنا في اي بلد همه مقدمين
لان هسه اشو كل جماعة سوريا صايره عدهم نفس الحاله
واخونا ديفيد عادوله البصمات قبل يومين بس كلوله باجر جيب الجوازات وتعال وان شاء الله خير
بلكت اقاربك هم ديرتبولهم موعد سفر
خلي ننتضر باجر اخ ديفيد شراح ايجيبلنا من اخبار
-
مرحبا y.a.r.a
جماعتي موجودين بعمان
وان شاء الله خير
والله طمنتيني وان شاء الله نسمع أخبار طيبة من اخونا ديفيد
شكرا لمرورك
ب ب
-
اخي العزيز تحياتي
بشر جماعتك بالفرج
اعادة اخذ البصمة يعني القضية متحركة من الاصل , يعني هيه تحت اليد من جديد يم الادارة الامريكية وعلى موظفي الIOM التنفيذ , كما حصل مع احد الاصدقاء اللي جانت نايمة الطابوكة على معاملته وبعدين من راح على البصمة من جديد وبالمناسبة جانت امريكية اللي بصمته بالعشرة فسألهه وكالتله يعني قضيتك متحركة وانتظر اخبار جيدة , وفعلا بعد شهر طبت الامنية وكمل المعاملات وسافر , ان شاء الله سرة جماعتك جاي
اخوك nehad80
-
اخي العزيز اني سويت اعادة البصمة واليوم رحت وديت الجوازت لللمنظمة وصورها كلها وسالتهم عن سبب هذا الاجراء كالتلي هاي اجرائات السفر والسفر قرب فيعني انشاء الله خير وهاي مال البصمة هذا اجراء اخير قبل السفر ولتقلق انشاء الله الاخبار الحلوة جاية والملفات المتاخرة اتحركت وانشاء الله خير وتحياتي للجميع
اخوكم ابو ديفد
سوريا
-
بالف خير ان شاء الله على اخونا ديفيد وان شاء الله اقارب اخونا bee bee هم ينطوهم موعد سفر
وبشرة خير ان شاء الله
اختكم ياراااااا
-
الف شكر الكم اخواني وخواتي على الردود
وان شاء الله خير
والله يفتحها عالجميع يارب
تحياتي لكم
ب ب
-
مرحبا اخواني اني اخوكم صارله مستلم الضرف سنه وسبع شهور وماخذ الدوره التثقيفيه صار سنه وشهرين وكلما اتصل بيهم يكلولي تجيك امني ودمرت من الانتظار بس هليوم خابرت كالولي المنظمه بامريكا طالبو بصماتي واحنا انشاء الله سوف نرسله لهم وكتلهم يعني شنو هاي الشغله بس كلي الموضف انته مبقالك شي بلمراحل النهائيه رجاءا رجاءا اخواني انطوني انتو جواب الي يعرف يعني شنو يردون من iom بصماتي والموضف يكلي مبقى شي والله راح ادمر انقذوني بجوابكم والله يفرج علا الجميع