ankawa
منتدى الهجرة واللجوء => الهجرة و واللاجئين => الموضوع حرر بواسطة: frfor_korde في 01:21 09/02/2010
-
السلام عليكم اخواني واخواتي اني سفري الى فينكس 11 2 من عمان ارجو مساعدتي في بعض المعلومات من الموجودين هناك بحيث اني لا اعرف اي شية في المدينة عندما اصل ماذا اعمل وماهية حقوقي اللتي الي والعلية الجو الان شتاء ربيع شنو ماذا اجيب من عمان وكيف العمل هناك وما هية المساعدات اللتي احصل عليها
-
وهاي بعض المعلومات : رد الاخ مهاجر ابدي عن مدينة فينكس عاصمة اريزونا
مدينة فينكس هي عاصمة اريزونا وهي مدينة وسط محيط صحراوي ورغم ذلك فيها من الخضرة والماء ما ينسيك الصحراء وشوارعها الداخلية والخارجية تتفوق على كاليفورنيا من ناحية المواصفات والصيانة
المدينة جداً هادئة وجميلة وحديثة البناء بأغلبها وخصوصأ المدن الصغيرة المحيطة بها مثل سكاتسديل وشاندلر وميسا وتيمبي وبيوريا وهذه المدن الصغيرة هي الاماكن الجد أمينة والراقية في الولاية ومعدل بعدها عن وسط مدينة فينكس بحدود 15-30 دقيقة اما سكان اريزونا فهم ناس ودودون ومساعدين الى ابعد الحدود والفرق كبير بينهم وبين سكان لوس انجلس مثلاً
الجو في الصيف حار جداً جداً وتصل درجة الحرارة الى 48 درجة مئوية مع رطوبة منخفضة اما فصل الشتاء فهو رائع مع امطار متباعدة
فينكس وضواحيها من المدن الامريكية التي تأثرت بأزمة العقار في امريكا لكونها من المدن التي كانت تعتمد على الاستثمار في مجال البناء وبشكل كبير لذلك فرص العمل حالياً قليلة جداً عدا فئة الوظائف الدنيا التي لا تحتاج الى مهارات حيث يمكن ايجاد مثل هذه الوضائف ببحث معقول
السكن معتدل نوعاً ما ومعدل الايجار للشقة ذات الغرفتين 650-850 دولار وفي المناطيق الجيدة والامنة
اثمان المنازل للثلاث والاربع غرف في المناطق الحديثة والبناء الشبه جديد بحدود 90-110 الف دولار
الخدمات درجتها عالية في اريزونا وشبكة المواصلات في فينكس تغطي وسط المدينة وهي تشمل القطار الكهربائي وشبكة الباصات واسعار البنزين هيه دولارين تقريباً للجالون (3.75 لتر تقريباً)
الضرائب عالية نوعاً ما قياساً للدخل وتتكون من ضريبة فدرالية وضريبة اريزونا وضريبة مقاطعة ميراكوبا وضريبة فينكس زائداً ضريبة المبيعات المضافة..الاجمالي بحدود 9-12% على السعر وحسب نوع السلعة
ارجو ان تجدي الاستفادة من هذه المعلومات
-
http://www.ankawa.com/forum/index.php/topic,372902.0.html
-
تحية للاخوة جميعا و اسف لتاخري بالكتابة لانو نت ما كان عندي و تحية للاخ العزيز shawqi Shumran الورد الي اشتاقيت لكتابتة
يوم 18 طرت اني و زوجتي و اطفالي الاثنين من دبي و الحمد لله و صلنة بالسلامة الى فينكس اريزونا بعد رحلة متعبة حيث ست ساعات حتى وصلنا فرانكفورت ثم بقينة هناك اربع ساعات و بعدين طرنا تسع ساعات الى شيكاغو و بقينة اربع ساعات بالمطار ثم طرنا اربع ساعات الى فينكس عاصمة اريزونا في كل مطار يجد موظف اي او ام ينتظرنا و يسهل امر السفر و من وصلنة لكيت الكيس منجر و هية عراقية تنتظرنا بالمطار هية خوش بنية بس ما ساعدنة بالمعنى الصحيح المنظمة و بس ودونة للفحص الطبي و سولنة البطاقة مال التامين و الباقي تركونة حتى بلا سؤال لو ما عندي صديقي و هو كفيلي بنفس الوقت الله يعطيه العافية دلاني و خلاني اتسوق و طبعا على حسابي و هسة اخبركم شنو انطتني المنظمة بس اني سعيد بوجودي هنا لانو الكل جهة يضحك و يريد يساعدك رغم اني اجيت من دبي مو من دول زبالة مثل الاردن او مصر الي ياذون العراقيين بس ايضا لكيت فرق بالاحترام و مدرسة بنتي الرائعة و همة ايضا انطوها حتى الكتب الدفاتر و الاقلام المنوعة و جنطة الكتب مجانا لان احنة مهاجرين جدد و عراقيين
المنظمة خبرتنا انها راح تنطينة 1700 دولار ايجار اول شهر و اثاث و ما عليهم باي شي بعد اجيت اني اجرت شقة مكان راقي هنا في فينكس على مزاجي و بعيد عن مناطق التعبانة و الشقة كاع بس طباخ ثلاجة بيهة فارغة حتى ما اتسوكولي اي شي و اني مليتهة و اجرت اغلى من باقي المناطق الي خلو بيهو باقي اخواني العراقيين حيث اجاري 900 دولار مع الكهرباء الماء و اثثت الشقة ب 3000 دولار يعني همة انطوني 1700 و اني صرفت 3900 بس خلاص كلشي عندي صار عدا السيارة لاني الى الان منتظر السشيل سيكيورتي نمبر حتى اخذ الدرايفنك لايسن و الاثاث هنا كلش غالي مو مثل الي عدنة رخيص اني دا احجي على المستعمل لان الجديد نار
بالسفر لانو احنة عائلة سامحونة بالوزن و ما حج ويانة رغم انو الاي او ام خبرونا كل واحد حقة 46 كيلو بالجنط و خمس كيلوات جنطة صغيرة محمولة و احنة حملنة كل شخص 60 كيلو و اربع جنط صغار كل وحدة خمسة كيلو و ماحجو ابدا و استلمناهة في اخر الرحلة
و اي سؤال عدكم اني حاضر و رغم عشرين يوم بس الي هنا عرفت هواية اشياء و امريكا بلد رائع و اهلة رائعين
اخوكم مصطفى
-
شكرا اختي انجي على المعلومات القيمة
-
السلام عليكم اخويه العزيز frfor_korde قبل كل شي اكلك اهلا وسهلا بيك باريزونا فينيكس واكيد راح تنور من تجوها واريد اكتبلك على الاشياء الي ذكرته
اول وصولك انشاءالله بالسلامه راح يكون موظف المنظمة المسؤله عنك بانتضارك وراح ياخذك للشقه المخصصه الك وانشاءالله راح تكون مجهزه بالحاجات الضروريه الي يحتاجها كل مسافر عندما يصل ليرتاح
وسيكون ايجارك مدفوع مقدما لمدة شهر وبعد كم يوم سوف ياتي موظف المنظمه لياخذك الى المنظمه لمعرفة حقوقك والتي ستكون على احد النضامين اما البرنامج الولفر والي هو يسمى برنامج الحكومه او على نضام الماجكراند البرنامج الاول هو لثمان اشهر مستمر وهو مبلغ سيكون على عدد افراد العائله طبعا مع بطاقة الفوت ستامب التي هيه بطاقة الطعام برنامج الولفر ستدفع منه ما قيمة 75 بالميه للايجار على شكل صك مني اوردر والباقي ستدفعه لك المنظمه وهذا لثمان اشهر اما برنامج الماجكراند ستدفع لك المنظمه مبلغ وقدره 200 دولار شهريا لكل فرد يدخل على هذا النضام مع دفع الايجار ولاكن هذا البرنامج لمدة 3 اشهر فقط وبعدها يعيدوك على برنامج الحكومي الذي تكلمت عليه بالنسبه للجو جو اريزونا بروده خفيفه لا تحتاج الى شغلات ثقيله مثلا بلوز خفيف وقمصله خفيف كلش كافيه اذا ردت تطلع بالنسبة للمساعدات هوايه اكو مساعدات هنا عندك مثلا مركز الفوت بنك هذا المركز تاخذ منه مواد طعام والتي تشمل الخضر والفاكه والمعلبات والمعجنات واشياء كثيره مفيده للاطفال والكبار شهريا بدون ان تدفه سنت واحد عندك جمعية محمد علي كلاي هاي الجمعيه ايضا تذهب اليها شهريا لكي تاخذ حصتك من لحوم وفاكه وخضر وايضا بدون ان تدفع سنت واحد وكثير كثير من المنضمات الي سوف تاتيك الى بيتك لكي تساعدك مثل ولكم اميركا وغيرها من الكنائس التي سوف تجهز بيتك بكل شي بالنسبه للعمل اخويه الورد العمل موجود للي يتعب شويه ويدور ويلكي صدكني اني هنا صارلي من شهر 10 الي وصلو ويانه الحمد لله الكل اشتغل ومرتاح حته لو تكون الشغله بسيطه المهم يجلب بيه وبعدين من يستقر يبدي يدور عالاحسن ارجو ان استفاديت من هاي المعلومات واني بالخدمه الك والكل طيب وراح اكتبلك تلفوني اخويه العزيز واذا تريد تعرف او تسال على اي شي اني بخدمتك 6023486582
ميادة اريزونا / فينيكس