ankawa
منتدى الهجرة واللجوء => الهجرة و واللاجئين => الموضوع حرر بواسطة: anwarchalabi في 02:06 09/02/2010
-
اخواني الاعزاء
انا مقيم في سوريا و مقدم حال مئات الالاف غيري من العراقيين على UN
قبل فتره اقنعني شخص بأن اقدم على برنامج usarap بالاردن او ما متأكد من التسميه بالمضبوط بس القصد انو التقديم يصير مباشر ع ال IOM بالاردن و قدمت عن طريق الايميل و طلبوا مني المعلومات و رساله التزكيه من الشركه الاميركيه الي جنت اشتغل بيها بالعراق او ال PDF من مسئولي بالعمل و وصلتني التزكيه الي تثبت عملي و الحمد لله الباج موجود عندي ما سلمته و هوه هم اثبات .
القصد.....قريت فد مره بالمنتدى معلومه تكول الاتي " اذا تقدم تقديم مباشر ع ال IOM و انرفضت فالملف مالتك يغلق الى الابد و ما يتحول على بلد ثاني و ما تكدر تقدم لا من سوريا ع اليو ان و لا من مصر و لا من بغداد" ......هل هذا الكلام صحيح؟؟؟؟؟؟؟؟؟؟؟؟؟؟؟
هل تنصحوني بالبقاء في سوريا انتظر اعاده التوطين ام اسفر الى الاردن و اقدم مباشر ع الاي او ام؟؟؟؟؟؟
هل المده التقريبيه بين اول مقابله في الاردن على التقديم المباشر و السفر الى بلد التوطين 6 اشهر كحد اقصى؟؟؟؟؟
لان راجعت جدول ابو غانم الله يحفظه و شفت جماعه التقدم المباشر ع الاردن كلهم 3 او 4 اشهر يطولون بس و نادرا ما اكو واحد يطول ست اشهر.
بالمناسبه اهلي طلعوا عله برنامج التوطين من سوريا و صارلهم 8 اشهر في امريكا.
مشكور اخواني و اخواتي مقدما و اسف ع الاطاله.
انور الجلبي
-
مرحبة اني راح اجاوب على الاعرفة بس اي اكو هيج شي من عمان لان اني بعمان حالية وصار هيج شي كدامي بس اكو واحد اجة من يوز لندة وقدم على iom هاذا الحجي صار كدامي وقبلو وراح يرو لمريكا بس اكو شغلة لمن اتريد لاسافر iom مالهم دخل اذا جان عنك غرامات لازم تدفع الغرامات او ادك منع 5 سنوات هاذ كل الاعلرفة ودلل
-
ممنونك فرفور هاي سهله خلي يدكوني منع مدى الحياه مو مهم
ياريت الاخوان يجاوبون اجابات ادق
انور الجلبي
-
السلام عليكم
شوف اخوية انور اكو هواية ناس قدمو على الاي او ام مباشرة وهذولي منو؟ طبعا الي مشتغلين وية الاميركان يعني مو اي احد يجي يقدم على الاي او ام
لا لازم يكون مشتغل وياهم وعنده اثباتات على هذا الشي
ومثل ما انت كلت عندك الباجات والتزكية من الجماعة الي جنت تشتغل وياهم
لهذا اكولك تعال قدم من عمان لان عمان الي دا اشوفه انه هم انشط من سوريا وبغداد بشغلات التوطين
ولاتنسى التوفيق من رب العالمين
الله يوفق الجميع يااااااااااااااااااااااارب
-
اختي ام فيصل
اني سؤالي انو فرضا انو اني انرفضت من الاي او ام
هل يغلق ملفي نهائيا و لا يحق لي التقديم من اي بلد اخر؟؟؟؟؟؟
شكرا على اجابتج و الله يوفقنا اجمعين
انور الجلبي
-
يمعودين الامر مهم جدااااااااااااااا صحيح الواحد اذا انرفض بالتقديم المباشر ينغلق ملفه للابد
-
اخوان معقول محد يعرف او سامع بهالشي؟؟؟؟؟؟؟؟
-
أخوية اذا قدمت IOM تقديم مباشر واجاك رفض فمراح تكدر اتقدم IOM مرة ثانية حتى لو من غير دولة, وانت ليش خايف من الرفض؟ انت ما طول مشتغل وية الامريكان فراح قبولك يكون 99.9% واذا اجاك رفض الك حق تستأنف,
وانصحك ان تجي لعمان وتقدم تقديم مباشر لانه IOM مال عمان اسرع من مال سوريا والعراق, واذا جنت تشتغل وية الامريكان فراح شغلتك تمشي اسرع خصوصا اذا اشتغلت مترجم وية القوات الامريكية لانه المترجمين الهم أولوية (((رقم 1 - المترجمين وية الامريكان ورقم 2 - الصحفيين/المقاوليين وية الامريكان ورقم 3 - اللاجئين الي متحولين من الUN الى ال IOM))) , اني قدمت تقديم مباشر قبل شهر تقريبا ودزيتلهم كل المستمسكات من أول أيميل بليل, راسا ثانيوم الظهر خابروني وصلخوني بكيس نمبر قبل ميراسلون الشركة ويتأكدون من عملي, بحيث اني ابوكتها كمت افر براسي دخت كلت ليش هذولة الجماعه هيج مستعجلين بس بعدين افتهمت السالفة, وقبل يومين قابلت المقابلة الاولى والثانية وهسه كاعد انتظر مقابلة المحلفين ويجوز بنهاية الشهر لو ابداية شهر الثالث راح اقابل محلفين اذا الله راد, فانصحك ان تجي لعمان وتقدم.
-
اخي العزيز انور كان بعيني اساعدك بالرد بس بصراحة هاي الشغلات مال اي او ام مااعرف بيها هواية انشاءللة الاخوة ما يقصرون وياك ربي يوفقك اخي انور
-
اشكرك كابتن ع الاجابه الدقيقه بس اني اشتغلت اكثر من شهرين بشويه و اتهددت و بطلت
يعني مو سنه كامله
بس عندي هسه بي دي اف من الشركه يثبت انو اني اشتغلت وياهم و عندي الباج و الشركه مال مقاولات اميركيه متعاقده و يا اليو اس اير فورس يعني مو ويا الجيش
الاخت انجي اشكرج اشكرج ع التعليق و كالعاده متالقه دوما ادعيلنا بالتوفيق الله يحفظج
انور الجلبي
-
و الجوب تايتل مالتي
translator and security card
-
جارد يعني حارس ما اعرف سبيلها بالضبط
-
عادي تكدر اتقدم IOM تقديم مباشر حتة لو مشتغل بس يوم واحد وية العمام, بس اهمشي يكون عندك الايميل مال الظابط او المدير مالتك, وتأكد بانه الظابط/المدير مالتك راح يجاوب ويأكد شغلك وياهم من يراسلوه الIOM, يلة اخوية من باجر اصلخهم ايميل ودزلهم كل مستمسكاتك وكلهم بانه انت بسوريا وراح تجي للاردن. يلة اتوكل على الله
-
اخوية الكريم اهم شئ انه التنسيق مع الجهه الامريكية خابره و نسق وياه حتى من يتصلون به يكون عنده علم و اجاوب منظمة الهجرة هاي اولا
أذا كنت ذاكر بقصتك مال التوطين بسوريا انه انت مشتغل مع الامريكان فاخي الكريم انسى انه يحولوك على التوطين وهاي عن تجربه شخصية لان كل واحد عنده علاقة مع الامريكان تنام على ملفه الطابوكه
اني مثلك كنت مقدم بسوريا و ذاكر بقصتي انه مشتغل مع الامريكان و سنتين هناك و كلشي ماكو وهسة أني بالاردن منتظر الدورة الثقافية و موعد سفر
مثل ماقلت لك اذا امنسق زين مع الامريكان ومع الشخص الامريكية شخصيا ما راح ترفض الا حالات نادرة جدا او من تخربط بقصتك
نصيحة ثانية من طبعا تحصل على الفيزا للاردن اكو شغلة مهم لاتقول لهم عندك ملف بسوريا قول لهم اني أريد اقدم على IOM
وهذا البرنامج مامتوفر هناك بسوريا صدقني مادام ملفك مامتحول توطين بسوريا يعني كلش عادي عوق ملفك و قدم من جديد وحتى لو تقدم على الامم المتحدة من هنا شغلتك راح تكون أسرع
واني دزيتلك هسة رسالة على الخاص أفهمك بشغلة الملفات اللي مشتغلين مع الامريكان بسوريا
اخوك رافد