ankawa
منتدى الهجرة واللجوء => الهجرة و واللاجئين => الموضوع حرر بواسطة: MAGGIC في 15:30 09/02/2010
-
السلام عليكم ورحمه الله وبركاته
اخواني الاعضاء
حدث موضوع غريب اليوم ولم اسمع به سابقا ولم يحدث سابقا وهو
كما يعرف الكثير منكم انه كانت لدي مقابله وفد ثم اجلت هذة المقابله الى ماشاء الله
اليوم اتصلو بي ( ولا اعلم من المتصل ) لانها لم تقل من اي جهه وقالت انت السيد ماجك قلت نعم قالت كان من المفروض اجراء مقابله وفد لك قلت لها نعم ولكن اجلوني فقالت الم يحددو موعد جديد قلت لا قالت يجب عليك الذهاب الى كفر سوسه لاخذ بصماتك وحددت الموعد ولكن قالت انت وحدك فقط فاستغربت وسالتها لماذا انا وحدي قالت لااعلم وسالت انا اعلم ان البصمات والصور تؤخذ اثناء مقابله الوفد فقالت لا هذا عادي فشكرتها
هذا ماحدث وارجو منكم ايضاح هذا الموضوع وهو كما اعتقد واللهع اعلم لم يحدث سابقا
تحياتي للجميع
-
تعرف شنو تفسيري للي حدث اعتقد اكو تغير بالنظام مثلا قبل جنتوا تسون مقابلة واثناء المقابلة يصير اخذ البصمات مو هسى شنو الي يريدون يسون ياخذزن البصمات قبل مقابلة اذا اكو شي بالبصمات ما راح تقابلون المحلف يعني لا سامح اللة من بداية رفض من تثبيت البصمة اذا شافوا شي واذا لا تتم المقابلة لانه الوفد اولا بصعوبة يدخل الى سوريا وثانيا اكو هواية ناس دينتظرون مقابلة الوفد فيمكن ما يكون عدهم الوقت لتكملت المقابلات ! اني هذا تحليلي للي حصل وعلى فكرة هم اخواني اجلوا مقابلتهم مثلكم وانشاءللة يكون خير يصيب الكل
-
الله يوفقك اخوية
ندعيلك بالخير
-
اختي العزيزة انجي
كلامك مضبوط وممكن صحيح بس كو مماجلين وديقابلون الوفد متصلو بيهم لاخذ البصمات يعني راح ياخذون بصماتهم اثناء المقابله
وهنا ممكن مثل متفضلتي يتاكدون من الي ممقابلين والي قابلو ينتظرون النتيجه
زين هذة مو شويه صعبه لان البصمه تنتهي خلال 6 اشهر واذا اجى الوفد الجديد وقابل المؤجلين ونتضرو النتيجه شهر ونص الي شهرين او وراها بقيه الاجرائات مثل متعرفين اتطول بهذة الحاله راح يصير اعادة بصمه
مو السالفه تعبانه شويه
-
شكرا اخي العزي um faisel
والله يبارك بيك ويسلمك ويسهل امرك يارب وامر كل اخوانه العراقيين
شكرا لمرورك
-
ان شاء الله خير بلكت ربك ايريد ايسهلك .... ان شاء الله خير
-
الله كريم ربك يسهل لا تحتار خليه على الله وهيه تفرج
-
اخي العزيز ظاع الوطن
اخي العزيز eboo
ونعم بالله بين لحظه زثانيه ياتي الفرج من رب العالمين وندعو الله ان يسهل امر العراقيين كلهم
بارك الله بيكم وشكرا لمروركم
تحياتي الكم
-
ألي اعرفه اني همه ياخذون بصمات بيوم المقابلة "الاولى والثانية" البارحه اني قابلت مقابلتين ومأخذوا بصماتي, كتلهم ليش مأخذتوا بصماتي كلولي مو النظام اتغير, كتلهم لعد شوكت راح تاخذوها, كلولي بيوم مقابلة المحلفين.
-
اخي العزيز Cpt_Ali
الف شكر لهذة المعلومات
بس ماذكرت انت باي دوله
تحياتي الك
-
العفو اخوية, اني بعمان الاردن
-
اخي العزيز birj
كلام منطقي ومعقول جدا
بالنسبه للرقم فهو للامم المتحدة اتاكدت منه
بالنسبه للتشابه بالاسماء فالمتصل ذكر اسمي بالكامل بالاضافه الى ذكر موعد مقابلتي الملغاة وتفاصيل صحيحه وايضا هي طلبت مني ان اذكر اسمي بالكامل بعد ان ذكرته هيه بالاضافه الى انها اتصلت على تلفوني النقال كما يفعلون كل مرة وليس الهاتف الارضي
بالاضافه انها تغلم بان لدي ربط مع احد افراد اسرتي
كلامك ممكن دقيق وواقعي
شكرا لمرورك و لمساهمتك وتوضيح هذا الامر لي تحياتي واعتزازي بك
اخي العزيز Cpt_Al
شكرا جزيلا للمشاركه وبارك الله بيك
تحياتي للجميع
-
عزيزي ...
نعم هذا الامر صحيح وقد حدث مع عائلة في سوريا حيث اتصلوا وارسلوا بطلب الابناء ولم يرسلوا بالاباء والذي حدث ان الابناء سافروا والاباء رفضوا ... هل تصدقون هذا .
ولتاكيد الامر اسالوا للذين في سوريا اكيد الان سامعين بالخبر .
تحياتي
النسر الذهبي
-
شكرا اخي GoldenEgle
بس وين الباقي يرحون اقصد انا بس اسافر وزوجتي واطفالي او والدتي ؟؟؟
ثم انا بعدني ممقابل الوفد هنا الحيرة
شكرا لمرورك
-
عزيزي ...
حقيقة اللي صار هذا انه الاب والام بقوا في سوريا وحتى هم استغربوا مع العلم انه المنظمة هي السبب وما اتصلت بهم .
بس ان شاء الله خير يكون الك بس انت حاول تسفسر عن الامر احتمال هناك تعليمات جديدة .
وتدلل .
تحياتي
النسر الذهبي
-
شكرا اخي العزيز النسر الذهبي
بارك الله بيك على هذة المعلومات وبلكي الفرج من رب العالمين
تحياتي الك
-
اخونا MAGGIC الله ييسر لك يا ربي وان شاء الله نسمع اخبارك الطيبة
-
اخي ماجك لا تخاف فهذا الشئ حصل معنا نحن اتصلوا بنا اليوان وطلبوا منا اجراء بصمات لصاحب الكيس فقط وليس العائله وهذه بصمات جنائيه بالحبر لعشرة اصابعك انت فقط ليس لكل اللاجئيين لكن فقط لناس معينين يطلبها الوفد قبل المقابله تقريبا باربعة شهور ووراها تحدد مقابلة الوفد واخذ البصمات سكنر مع العائله جميعا بأستثناء الاطفال واخذ الصور واجراء المقابله والله يسهل عالجميع يعني احنه من كل العوائل اللي قابلت اسالهم بس يمكن خمس اصحاب كيسات عملوا البصمه الجنائيه وليس الكل فهي حسب مزاج الوفد لاتخاف اخونه الغالي احنه سولنه هذا الاجراء من بدية 2009 في الامارات مع تحيات اختكم شجرة الدر
-
اخي العزيز ماجك اني همين صديقي اتصلو بيه اليوم وكلوله تجي حتى ناخذ بصماتك وهو بعد ممقابل الوفد الامريكي اعتقد مثل ماتفضلت الاخت انجي هذا الاجراء الجديد والله اعلم اتمنالك ان تقابل وتنقبل وتسافر باقرب وقت ابو حارث
-
الاخت العزيزة
روعة النسيان
انا اسف جدا اذا ذكرت اخ والله عقلي مو براسي من ورى الخربطه والاحداث الغريبه والاخبار المزعجه الرجاء تقبل اعتذاري
بارك الله بيك وان شاء الله تتيسر امورك والسفر القريب باذن الله
شكرا جزيلا للمرور
تحياتي
-
الاخت العزيزة شجرة الدر
سؤالي بالنسبه للبصمه الجنائيه اين تذهب هذة البصمه القصد من اي مكان يتحققون منها وهل هذة البصمه تؤخر من الاجراءات لان مثل منعرف الاجراءات هيه من كاعها متاخرة فهل هذة البصمه تزيد من تاخير الاجراءات
شكرا جزيلا لك لايضاح هذا الموضوع
بارك الله بيك ويسر امرك وامر الكل
تحياتي
-
الاخ العزبز المهاجر الجديد
بارك الله بيك طمنتني يعني مو بس انا لوحدي
وتسلم ياورد على هذا الخبر والدعاء وان شاء الله تسهل امورك وتفرج عليك وعلينا وعلى كل العراقيين
تحياتي الك
-
احب ابلغك اخ ماجك نحن اليوم ايضا اتصلوا بنا المنظمه وحددوا موعد لاخذ بصمات صاحب الكيس فقط وحده فالامر الظاهر عادي .... الله كريم ويفرجهه على كل المنتظرين
-
شكرا اخي العزيز lailak
على هذا الخبر وان شاء الله يفرجها عليك وعلينا وعلى كل المنتضرين
تحياتي الك
-
اخي العزيز ماجك ارجو ان اكون قد وفقت بالاجابه على اسألتك على الرسائل الشخصيه هذا ولك مني فائق الاحترام اختكم شجرة الدر
-
شكرا جزيلا اختي العزيزة شجرة الدر وماقصرتي
بارك الله بيك
تحياتي
-
الاخ العزيز ماجك صاحبي هذا الي كتلك عليه علىالبصمه عنده موعد مقابله قبل ميتصلون بيه على مود اخذ البصمه واعتقد موعده بعد 10 ايام خبيتك تعرف هذه المعلومه عسى تفيدك بشي ؟ يعني اتصلو بيه ياخذون بصماته قبل ميقابل الوفد الامريكي ب10 ايام وانشاء الله شيصيروياه راح اخبراخبرك والله يسهلها عليك وبالتوفيق =========================ابو حارث
-
اخي العزيز ابو حارث
تسلم ياورد على هذة المعلومه وان شاء الله الخير يصيبك ويصيب صاحبك ويصيبنا كلنا والتسهيل من رب العالمين وان شاء الله تفرج على الكل
وهذا خبر حلو لان اذا صاحبك قابل الوفد يعني احنا هم راح نقابل منتاخر
تسلم وبارك الله بيك
تحياتي الك
-
اغاتي ماجك بالتوفيق ان شاء الله
روح سوي بصمة من جديد والله كريم وان شاء الله السفر القريب
زيوس- لاهور
-
الاخ العزيز زيوس
والله سويت البصمه اليوم والله كريم
وان شاء الله الموفقيه للجميع والسفر باذن الله
تحياتي الك