ankawa
منتدى الهجرة واللجوء => الهجرة و واللاجئين => الموضوع حرر بواسطة: MAGGIC في 11:47 11/02/2010
-
اخواني الاعزاء
اليوم كان موعدي لاخذ البصمات علما اني احد المؤجلين من مقابله الوفد
كان الموعد الساعه 11 صباحا . ذهبت الساعه 10.30 ووجدت القاعه مليانه والكراسي مسويها مثل كراسي القطار اي الواحد من يجلس يقابل شخص اخر
طبعا احاديث كثيرة واراء متعددة من الموجودين لااحب الدخول في تفاصيلها لان كل واحد ينطي رائ الشخصي
المهم انتضرت تقريبا 30 دقيقه ثم نودي برقمي . صعدت الى الطابق الاول وماذا حدث
1- اخذ الطول
2-اخذ الوزن ( طلع وزني زايد من الضيم ;D )
3- لون العين
4- اخذ البصمات . بالبدايه اليد اليسرى كل الاصابع ثم اليد اليمنى كل الاصابع وبعدها كل اصبع على حدة
وكان الشخص المسؤل عنها اجنبي هو الذي قام بالعمل
وبعده قال لي تستطيع ان تذهب فشكرته
وعند مغادرتي سالت ماذا بعدها فاجابني احد افراد الدائرة وهو عربي بن انتظر تلفون لتحديد موعد المقابله فابتسمت وخرجت
كان هناك عوائل كثيرة بحدود 40 الى 50 اتت لاخذ البصمه والكل مستغرب من هذا الاجراء لانه اول مرة يحصل وكان الموجودين من الرجال والنساء على سواء اي حتى صاحبه الكيس هي التي تعمل البصمه ليس مختصرة على الرجال فقط بحيث اتت امراة كبيرة بالسن معها ابنتها التي استدعيت لاخذ البصمه وكانت الام تقول لا اقبل بسفر ابنتي لوحدها وبصورة عصبيه وتقول يجب اخذ بصماتنا جميعا ( بالكوة قنعوها يالله سكتت ;D )
هذا كل ماحدث اليوم زين اكو واحد من الاعضاء اليوم كان موجود هناك لاخذ البصمه ؟؟؟
اسف للاطاله
تحياتي لكم
-
اخي العزيز
تفائل بالخير وانشاء الله خير بالتوفيق ....
اخوك ابو مرتضى
-
شكرا اخي العزيز ابو مرتضى
الله يبارك بيك وان شاء الله تبشرنا بيوم سفرك وتفرحنا باذن الله وان شاء الله يفرجها علينا وعلى كل اخوانا الاعزاء المنتضرين
تحياتي الك
وشكرا لمرورك
-
معقوله بس انا اليوم لوحدي سويت البصمه ماكو اي احد من الاعضاء غيري
-
حبي ماجك انته كل اخبارك غريبه وجديده ههههههههههههههههههههههه كم يوم وتجينه تكول خددولي موعد سفر بدون مقابله اخخخخخخخخ
لاتزعل اشاقه وياك وانشاللخ خير هذه المره
-
مبروك عليك اخي الغالي ماجك وان شالله يوم المقابله والقبول يارب وتبشرنه اختكم شجرة الدر
-
اخوي العزيز البصراوي 75
لا ماازعل من البصراوي مااكدر
يمعود بلكي الاخبار الغريبه الي دتصير بيها فايدة ونرتاح
وان شاء الله تكون خير على الكل والفرج للجميع ان شاء الله
تحياتي الك
-
الاخت العزيزة شجرة الدر
الله يبارك فيك ويخفظك اختي العزيزة
وان شاء الله التوفيق للكل والخير للجميع والفرج والمقابله والسفر بتسهيل من رب العالمين
شكرا جزيلا لكلماتك الطيبه
تحياتي الك
-
السلام عليكم الاخ الطيب ماجيك
احب استفسر عن موعد الفحص شوكت حددوا الك ويا موعد المحلفين لو بعدها
انى بعد متصلت بيهم وشكرا لك على المعلومات وانشاء الله الموفقية للجميع
-
الاخت العزيزة الفاضله ام علي
وعليكم السلام ورحمه الله
البصمات وليس الفحص الي حددو وكان مع البصمات قياس الوزن والطول ولون العين
كان موعدي يوم الخميس وتم تحديد الموعد يوم الثلاثاء ولكن هذا مو قياس لان اكو جماعه كانو معي لنفس السبب تم تحديد الموعد الهم قبل يوم اي الاربعاء
الله يفرجها عليج وعلينا وعلى الكل وان شاء الله تبشرينا بخبر تحديد مقابلتك والفرج من رب العالمين
تحياتي الك
-
خويه العزيز انا سويت البصمه يو الاربعاء اي قبل 2 يومين بس ما اعرف شنوا هاي واكوهم شباب وياي اثينين هم اخذو بصمه ونفس الشي الي كلته وما اعرف للله يستر
-
اخي العزيز العاشق_1111
لاتقلق ان شاء الله خير يمكن يردون يحضرون الامنيه مال صاحب الكيس ويسرعون بالنسبه للامنيه هذا اعتقادي والله اعلم
ان شاء الله خير وتسهل امورنا جميعا والفرج بين لحظه واخرى والله يوفق الجميع
تحياتي الك
-
اخي العزيز ماجك
يعني افتهم من كلامك انه فقط اللي حددوله موعد مقابله مع الوفد ولغوا الموعد بعدين هذوله فقط اللي ديسونه البصمه ؟ لو اكوا ناس ماعدهم موعد هم ديسونه البصمه ؟ وعندي سوال اخر هل تعتقد ان عمل البصمه قبل المقابله علمود تقليل من العدد الكبير في المقابللات يعني حتى يحددونه منوا اللي يقابلوا ومنوا اللي مايقابلوا وبذلك يكدرونه يقلصونه هذا العدد لو علمود الامنيه يسرعونه بيها ؟وسؤال اخير الناس اللي شفتهم تقريبا شوكت كانت اخر مقابله الهم في اي او ام ؟ وانه اسف اذا ثقلت عليك بالاسئله مالته .مع فائق احترام وتقدير لك على هذا الموضوع اللي بعثنه امل جديد
-
السلام عليكم عيوني ماجك اني هم عدت البصمة الاربعاء هم بسوريا والله كريم ياربي تفرج على الجميع
-
اخي العزيز MODERN LIFE
الي افتهمته من الموجودين بيومه كان كلهم من المؤجلين ماعدا واحد ممحدديله مقابله وفد واتصلو بي للبصمه وكال يمكن انه هم مراح يحددولي موعد مدام دزو عليه على البصمه
واعتقد مثل متفضلت هي نوع من انواع التجييك الامني الي يساعد بتسريع الموافقات اما بالنسبه للقبول او الرفض فمقابله الوفد هي تحدد اذا الوفد قابل بالكيس والتجييك الامني لصاحب العلاقه معمول قبل المقابله فراح تتسرع القضيه هذا مااعتقد
اما بالنسبه للموجودين بومها فكان واحد منهم فقط ينتظر مقابله وفد من الشهر السابع 2009 والبقيه بالثامن
عزيزي ابد مثقلت عليه واي سؤال انا حاظر تدلل وميصير خاطرك الا طيب
الاخت العزيزة مريامي
وعليكم السلام ورحمه الله وبركاته
ان شاء الله تفرج عليك وعلينا وعلى كل المنتضرين باذن الله وان شاء الله الفرج القريب من رب العالمين
تحياتي الكم
-
السلام عليكم
اخي العزيز ماجك
بالحسكة هنا 10 عائلات خبروهم على مقابلة الوفد وبعد ما لغوا الموعد اعطوهم موعد بصمة يوم 16 وبعد ...
تحياتي
-
اخوي العزيز ماجك
انه اشكرك على التوضيح مالتك . بس اليوم قريت بالمنتدى من احد الاخوان حسب كلام يكول انه قسم من الناس ديسولهم البصمه بعد المقابله الثانيه ب ( اي او ام) يعنه والله راح يخبلونه كل مره شكل .يعنه بهيج حاله صرنا احنا اللي دننتظر الوفد اربعة اقسام القسم الاول سوه بصمه بعد مقابلة الثانيه في اي او ام اما القسم الثاني فسوى بصمه مع مقابلة الوفد بنفس اليوم اما القسم الثالث فهو اتصلوا بي قبل مقابلة الوفد علمود البصمه اللي مثل حظرتك وبعض الاخوه اللي اجلولهم موعد المقابله اما القسم الرابع اللي مثلنا اللي دننتظر مقابلة الوفد ومحد اتصل بينا ؟ والله يااخي حيرونا ومدى نفتهم شنوا هذا السياق مالتهم ؟ يعنه طلعتنا شغلة البصمه صفح كل يوم مطلعينه شغله شكل يعني هسه اللي يسافر اكيد راح يطلع وهو مرتفع عنده الظغط وصاير عنده قولونه واشكال الامراض من ورى هذه اي او ام يعنه بين قوسين مختلف الامراض لانه تعبونه كاعدين وبس نفكر بالموعد وبالامنيه وبالبصمه .انه مااكول شي بس الله يساعدنه ويساعدك ويساعد اخوته وخواته العراقين اللي دينتظرونه السفر وانشاء الله تفرج على جميع العراقين الطيبين ويسافرون جميعهم
-
ان شااااء الله يخابروك ايكلولك باجر تعال استلم التكت
-
اخي العزيز Ehab_Thommas
بارك الله بيك على هذة المعلومات وان شاء الله الفرج للكل ويرتاحون
اخي العزيز MODERN LIFE
انا حاضر لاي استفسار وتدلل بس التقسيم 2 وليس اريعه وهو
1- المؤجلين والي ممحدديلهم وفد ( اي الي مكملين مقابلات الاثنين بالاي او ام )
2- الي ديقابلونهذة المجموعتين يعملون البصمات اجلا ام عاجلا بس الضاهر اكو نوع من انواع التسريع بالامنيه لان مثل متعرف الاغلبيه متاخرين بسبب الامنيه والامنيه 80% تتاخر لذلك يحاولون يكملوها بالنسبه للممقابلين حتى من يقابلون ملفهم كامل ويكونون مستعدين للسفر تبقى بس اجرائات الفيزا هذا الرائ الاول اما الرائ الثاني هو من البدايه يشوفون هذا الشخص عليه مؤشرات او لا واذا كان ماعندة شي يستمر ويقابل واذا لاسمح الله عندة شي فيترفض من البدايه وميقابل هذة اراء والعلم عند الله سبحانه بس اعتقد هذة اراء معقوله لاتقلق وان شاء الله خير وتفرج على الكل باذنه تعالى
اخي العزيز ظاع الوطن
تسلم ياورد على هذا الدعاء وبارك الله بيك وان شاء الله الفرج للكل باذن الله
تحياتي
-
مرحبا اخواني بالانتضار اشونكم انشالة زينين
احبائي اريد اقول فد شي هو عمرنا كلة انكضى بالانتضار والخربطة ضلة على هاي يلى حسن الختام والسلام
-
سلام للجميع
بالنسبة لموضوع البصمات احكي عن جماعت القامشلي نحن هالوقت تقريبا نص المتواجدين هوني عننتضر الوفد ما اعغف بالضبط العدد بس العدد لابأس بينو ولحد الان بس عائلة وحدي قابلت والباقي حتى الي خابروم رجعو اجلوم وفرد من عائلة ماخابروم بس غادو نو علمود البصمات ---------ماعرف افتهمتو علية لو لا نسيت نفسي وداحجي بالمصلاوي ههههههههه اسف المرة الجاية اجحي بالبغدادي
اخوكم المحب (mrooka)
-
الاخوة الاعزاء اني من الي تاجلت مقابلة الوفد مالتهم بس محد اتصل بينا علمود البصمة ولا سوينا بصمة والله دوخونا كل واحد شكل وصراحة اني لاخابرت ولا رحت والله كريم والي بيه الخير الله يقدمه والله ييسر امر الجميع ان شاء الله
-
الاخ العزيز mrooka
والله فتهمت عليك بس بالف ياالله ههههههههههههههههه
الله كريم ان شاء الله تفرج عليك وعلينا وعلى كل الاخوان المنتضرين
الاخت العزيزة روعه النسيان
نصيحه من اخ هي اتصلي لاينسوك ترى هذولي مخربطين والخربطه اتضيه انت مخاسرة شي اتصلي والله كريم
ان شاء الله الفرج قريب للكل
تحياتي للجميع