ankawa
منتدى الهجرة واللجوء => الهجرة و واللاجئين => الموضوع حرر بواسطة: سامر الحالم في 08:03 15/02/2010
-
شلونكم؟
يمعودين اني منتظر مقابلة محلفين واعصابي محتركة بالليل كوابيس وبالنهار عصبية
اشو هسة قريت خبر بالمنتدى انه امريكا رح تقلل عدد اللاجئين بسبب زلزال هاييتي واستقبالها لاجئين هايتيين , يمعودين صدك هالحجي؟؟؟ اضافة انه اللي كام ينرفض من امريكا بعد ماكو دولة تقبله؟شنو صحة هالحجي ؟يمعودين مابينا حيل هيجي اخبار!!!
-
اخي العزيز هاي الشخله ماها علاقه لان هي امريكا طالبه 17 الف ملف عراقي وانت بعد احسب وشوف ان شاء الله تسوي المقابله وانت مرتاح
-
اي مو هو اني هم داكول
يعني هسة وكتها هيجي اخبار ههههههههه
اضافة اتصور مالة ابد اي صحة مستحيل هاي اول مرة اسمع هيجي خبر وبعدين هم عدهم دراسات وفعلا كلامك صحيح حددوا 17 الف فممعقولة هسة يلغوها
اوف شوكت تجي المقابلة ونخلص يعني بالسادس اعدادي ولا شلتله هم ابد
الله ييسر ان شاء الله
-
اخي الكريم تحية طيبة
بالنسبة الى هايتي فهي حالة خاصة وتقريبا اكو ما يشبه الوصاية الامريكية عليها منذ فترة جدا طويلة وعلاقة امركا بموضوع هايتي يطول شرحه بس هي اسباب عسكرية وجغرافية والشعب الهايتي الهم وضع خاص منذ مدة طويلة بما يخص مسالة دخولهم وخروجهم من الولايات المتحدة او حتى في حالات الهجرة واللجوء فابد لا تشغل بالك بهذا الموضوع ولا تقلق منه
اخوك كركيت
لاس فيغاس
-
تسلم وردة كريكيت تسلم حيل
بس مدام دخلت وكتبت ولاحظت حضرتك بلاس فيكاس فشغلة عجبتني
اني عباالي لاس فيكاس هي مدينة مال قمار وونسة بس
بس مدام حضرتك ساكن بيهة فهل تنصح احد يجيها يعني هل متوفر بيهة الشغل وهل الحياة بيهة رخيصة او متوسطة؟
-
شغله امريكا بعد متاخذ هاي ماعتقد صح لان همه محددين عدد هل سنه
اذا مرادو ياخذون فه يجوز على السنه الجديده
وشغله الي ينرفض ميشوفوله دوله هاي اني همين خايف منها مثلك لازم احد يجي ياكد النه
-
سامر الحالم .. اخوية العزيز راح اجاوبك على اسئلتك بالتتابع
س .. عبالك لاس فيغاس مدينة مال القمار والونسة
ج.. مية بالمية وكلام مضبوط ( تشوف السواح بالمطار من يجون ناس محترمة تعلو الابتسامة وجوههم ولا تفارق الكامرة ايديهم حتى ما تفوتهم لا شاردة ولا واردة في المدينة الي بناها capo di tutti capi وعيونهم تفترس مكائن لعب القمار المنتشرة ابتداءا من الممر المقابل لباب الطيارة الي جوي بيها .. بس من يغادرون وره 3 ايام تشوف لحيته عالية وهدومه مبهذلة وتكدر تسمع حس مرته دا ترزله بالتلفون وتكله احمد ربك حولتلك خمس اوراق علمود ترجع بيها .. وما يبطل يرجع بعد جم شهر ويعيد الكرة لا الامريكان فنانين بالسياحة ويعرفون شلون يخلون الزبون يتعلق بلاس فيغاس
س.. هل تنصح احد يجيها .. هل متوفر بيها الشغل .. هل هي رخيصة او متوسطة
ج.. الشي الحلو بيها ان مدة مساعداتها 8 اشهر وهي برايي مدة لا باس بها حتى الواحد يكون فكرة اولية عن الوضع بامريكا ويكدر يتخذ قرارات الانسب اله سواء بالبقاء او الانتقال الى غير ولاية وبالنسبة للشغل اذا ففرصك تكون اوفر اذا كنت تجيد اللغتين الاسبانية والانكليزيه ( وعمي اذا بس اسباني حتى بلية انكليزي هم مو مشكلة ولا تستغرب ولا تكلي ليش .. ) والاسعار بيها حسب ما كونت فكرة من اعضاء منتدانا العزيز بغير ولايات فهي متوسطة
كريكيت
لاس فيغاس
-
اشكرك وردة حيل على الرد
فعلا اني جنت متصور لاس فيكاس مدينة بس للقمار والونسة مو مال شغل
بس هسة انت وضحتلي الفكرة انها بيهة شغل واسعارها مو عالية وانما متوسطة
يعني مبيها شي اذا واحد يسكنها
-
الي افتهمته من جوابك اخوية سامر انك ضابط ومتمكن من اللغة الاسبانية والانكليزي .. لو افتهمت اني غلط..
كركيت
لاس فيغاس
-
السلام عليكم
اخي سامر احس انه كلامك رحينطبق علينا لآن فعلا همه لو رايدينا جان وطنونا ... ليش شغلة هاييتي خلال مدة قصيرة وطنوا هالعدد الهائل اذا هاييتي ضاربها زلزال احنا كلشي ضربنا ... على كل خليها على الله وهي تصفى .
-
لا اخ كريكيت اني مو ضابط
اني صيدلاني بالانكليزي زين بس بالاسباني ولا طكة ههههههههه
متدري يا اخوية بالنسبة لزلزال هاييتي اني وصلت مرحلة داحس نفس الحالة بفترة الاربعين يوم قبل الامتحان كلما يتقرب الامتحان يزيد التوتر والوهاوس وتكوم كل حجاية تسمعها تخبلك يعني ناس تكول متوقع تجي الاسئلة صعبة وناس لا
الله كريم اني متوكل على الله عز وجل
-
يرادلهة صبر شوية
السفير
-
ربك اله بيه حكمه هسه الزلزال مال هاييتي ماجه اله هل السنه على الحظ العراقيين خوب كولو العراقيين وين ميروحون توكف الحياه من الله فكر عمان صار جم سنه ذب ثلج كوه يوصل متر لمن طبيت بيه حتى الشته كلاوات صار عمي وداعتك صاحب الموضوع والاخوان الي معلقين هذا الحجي كله ميفيد ربك الي كاتبه نشوفه مقسوملنه نوصل لو للعراق يصير هاييتي هم نوصل كل شي بلقسمه وان شاء الله الكل يوصلون وميبقى احد وبلنسبه لخويه ابو لاس فيكاس يعني من ناحيه الشغل بيه شنو الي واحد يكدر يشتغله وشكد الايجار مال الشقق وسؤال الاخير المفروض اطلع خريطه واباوع بس عجز اكو البحر يحيط بيه من صفحه لو لا وشكرا للجميع واسف على االاطاله وتقبلو مروري اخوكم prison
-
بدون تعليق...
زيوس- كوبا
-
عمي دكول يالله ..وميصيبك الا نصيبك..ونشالله الله يقدم الي بي الخير للجميع...
مريمانه..ويست فرجينيا
-
اخوية العزيز prison
راح اجاوبك اني ( ابو لاس فيغاس ) وتدلل عليه .. وطبعا جوابي متعلق فقط بلاس فيغاس . اذا انته كنت من متحدثي اللغة الاسبانية والانكليزية فرص عمل بالفنادق او بالمطاعم السياحية او الكازينوهات تحصل بعد ان تنخرط بدورتين على اقل تقدير تاخذ منك ست اشهر وهاي الدورتين الي ترتبلك ياها ما يسما بال سي تي اي اهنا وهاي السي تي اي مرتبطة بنقابة العمال الي مرتبطة بادارات هاي الفنادق والمطاعم وقصة طويلة عريضة ما احب ادوخكم بيها .. هاي طريقة .. والا اذا ما توفرت الشروط الي كتلك ياها يعني لغة وخلافه .. فالطريقة الوحيدة الي تحصل بيها شغل هي العرف والواسطة او في احيان قليلة جدا الحظ ومثل ما حضرتك شرحت عن علاقة العراقيين بالحظ السعيد ابد ما حلوة وما يحبنا ( والصوج مو بينا الصوج من الحظ .. مدري ليش عداوة ويانا ) وبالنسبة للايجارات مالة الشقق فالاخت الكريمة سرى szsz منزلة موضوع شامل ومتكامل عن الايجارات وبيه تفصيل عن الايجارات بلاس فيغاس ولا يزال الموضوع بالصفحة الاولى .. ولا توجد بحار او محيطات محيطة بلاس فيغاس بس داخل المدينة بعض البحيرات الاصطناعية الجميلة ولا تنسى hoover dam سد هوفر الي يعتبر واحد من السدود الضخمه بالعالم.. ملخص الكلام اخوية سيطرة واضحة للمكسيكان اهنا على سوق العمل واللغة الاسبانية بنفس اهمية اللغة الانكليزية وختام القول اتمنالك بوينا سويرتي ( يعني اتمنالك الحظ السعيد باللغة الاسبانية).
كريكيت
لاس فيغاس
-
تسلم اخويه على الاجابه اني جدا ممنون منك يعني شي على شي حاله حال كل الولايات بس الفرق بللغه الاسبانيه احنه الانكليزي كوه ملزكيه نوب اسباني شويه شويه الله كريم خلي نطلع اول شي وراها نحير بهاي المواضيع بس واحد هلكد ميفكر يتعب ومن الكعده يكعد يصنف الولايات بكيفه على الي يعجبه الله كريم اخويه ان شاء الله الكل يطلع ويوصل والي يتمنوه يصير الهم ولو على كولتك العراقيين حيل عدهم حظ اسف على الاطاله وممنون من الجمبيع اخوكم prison
-
السلام عليكم ورحمة الله وبركاته
اني اسفة اذا نقلت الكم الخبر والي مفاده انه الي ترفضه امريكا ميتحول ملفه بعد للتوطين بس اني نقلت حالة لشخص نعرفه صارت بيه ومثل مدنشوف انه دتصير حالات مختلفة
اخويا سامر الحالم اني اعتذر اذا ازعجتك بالخبر وابدا مكان قصدي ان اسوي احباط لاي احد بس كنت اريد انقل بامانة الي سمعته واشوف احد سامع هيج خبر والله ييسر امر الجميع ان شاء الله
-
الي سمعته امريكا نطت لجوء مؤقت نعم مؤقت للمرضى والمصابين والمشردين الهاييتيين
الناسك