ankawa
منتدى الهجرة واللجوء => الهجرة و واللاجئين => الموضوع حرر بواسطة: alqaragulli في 04:23 21/02/2010
-
سلام عليكم احبتي واهلي اليوم يله اشتغل الانترنيت عندي بالبيت بسبب تاخر السوشل سكيورتيي واني مستعد الي خدمه من هاي المدينه
-
سؤال عن مدينه نورث فرجينيا .. السكن ...العمل ... الامن...الوضع العام؟؟
وشكرا"
-
اهلا وسهلا اخي القرغولي برجعتك للمنتدى وان شاء الله موفق بولايتك
وياربي نسمع منك احلى الاخبار
-
الأخ العزيز اريد معلومات عن دايتن في ولاية أوهايو ضروري
لان سفرنا الى الولاية بتاريخ 7/4/2010
اريد كل المعلومات وماذا احضر معاي
وضع المدارس
والمدينة والعمل وكل شيء عنها
وعن السكن وعن المعيشة غالية رخيصة
ضروري الله يخليك
-
الله ايخليك الج بيج خير ودللي اولا وضحيلي بشنو ماذا احضر معي وثانيا وضع المدارس فوك الممتاز العمل ظعيف لكن موجود انشا الله السكن بالنسبه لي جيد جدا ولو اني تعرضت الى حاله سطو على الدار ولكن الله ستر الناس الامريكان كلش متعاونين واكو مو زينين العراقين ايضا اكو مو زينين بس الزينين اكثر بهوا السكن اسكن في دار طابقين مكون من ثلاث غرف الايجار 550دولار رخيصه جدا لباقي الولايات رخيصه بشكل عام الطعام كلشي عفتي بالعراق تلكي بس على انظف واني انشا الله يمكم من تجون وبكم خير ودللو رقم تليفون بيتي2590176مفتاح اوهايو 937 وبعدين اشرحلج وضع المنظمه بس كوليلي شكد عندج اطفال
-
الشكر الجزيل للأخ الكريم
على العموم هل لديك اطفال في المدارس وهل انت متزوج لكي نعرف مستوى الحياة هناك قياساً على حالتك
وهل انت تعمل او لا
زوجي حسين العبيدي اليوم راح يكلمك في الليل
عدد اللأولاد عندنا اربع
صهيب 12 سنة
ملاذ 8 سنوات
قيس + لجين توأم ولد وبنت عمرهما 5 سنوات
اخي الكريم ما أود أن اعرفه الكثير من التفاصيل يعني
الحياة هناك التعامل
بالنسبة لمدارس الأولاد كيف الذهاب والرجوع
الطقس بارد ماذا احتاج ان احضر معاي
المحلات والمطاعم العربية والذبح الحلال متوفر
هل هناك عرب وكم نسبتهم قريباً
الشغل والعمل للسيدات في مجال انا تخصصي فني شبكات وبرمجة وتحليل نظم
اعمل في جامعة اليرموك
زوجي يشتغل في مطعم شيف
وعن القنوات العربية وهل يجب احضار ستالايت اولا
هل يحتاج اجيب ملابس كثيرة
كيف اسعار الأحذية هناك والملابس
ماذا تكون المنظمة محضر لنا في البيت من أِشياء
هل هناك مساجد ودور قرآن كيف نسبة الاسلام هناك
هل المرأة التي تلبس حجاب عادي او لا يعني ينظرون لها نظرة خاصة
مبدأ الغسالات هناك
الرجاء تكتب لي كافة التفاصيل اعرف فيها زحمة عليك بس ان شاء الله هذا في ميزان الحسنات
وبعدين اريد اعرف عن المنظمة شنو الخدمات اللي تقدمها وهل هي كافية يعني الامور التي تواجهنا في بداية الشهر الأول من الوصول الى امريكيا
انا اليوم أبو صهيب راح يتصل فيك ان شاء الله ويستفسر منك على أشياء خاصة في السفر
علما ان السفر يوم 7/4/2010 يعني تقريباً شهر على السفر باقي الساعة الواحدة فجراً من عمان الى الي باريس وبعدين الى نيويورك وبعدها الى
ولاية أواهايو
بس ما نعرف كيف الوصول الى أواهايو
بالطيران الو بالبر
-
اسف على تاخري بالرد وارجو ان تكون الاجوبه التاليه وافيه التعامل والحياه كلش بسطيه واحلى من العسل المدراس محمد وبراء الروحه والجيه باص خاص للمدرسه وهناك وجبه فطور وغداء اسلامي طبعا ميه بالميه وموجوده مس رنا الجنابي تقوم بكل هاي الامور وحيدر ب8راح يبدي دوامه بالروضه وداحول اخلي بالباص ويه اخوته لان عمره10\3 يله يدخل بالخامسه والدوام من8 الى3 عصرا والنسبه للاطفال عدهم حصه نوم ايضا المحلات العربيه قليله هنا لان نسبه العرب هم قليله وماكو مطاعم عربيه وبالنسبه للحم اخذه من السيد عراقي الجنسيه وحتى البارحه تغدينه باجه وكراعين مال حوش والخبز جان مال تنور والنظافه لا تحجين بيه العمل في مجال تخصصك ما عندي علم بيه وان وجدت الفرصه فحسب الكفاءه الستلايت خلي ولي لانه فاشل واني اعتمادي عله النت هنا كلشي يطلع بيه الملابس والاحذيه الجديده غاليه والمستعمل وبالحاله جيده يفي بالغرض كلمن وحالته الماديه ملاحظه الملابس الداخليه (عفوا) ولي كلا الجنسين والاطفال غاليه هنا جيبو وياكم كميه كبيره شويه البيت بيه اثاث بسيط يفي بالغرض التدفئه مركزي طباخ يعمل عل الكهرباء مسواك بالثلاجه وترحون ثاني يوم عل السيد علمود جيبون اللحم المنظمه توديكم عليه والاشياء الظروريه الاخرى تلفزيزن وغساله ما جانو عندي ولا شيلون هم التلفزيون وبحاله جيده جدا وبحجم كبير مه يوصل 20 دولار اتريك وارجع اكتب الجزء الثاني ;D ;D ;D
-
مرحبا مره ثانيه اما عن الغسالات اني ما عندي بالبيت والمشكله محلوله اما الغسل باليد وهذه طريقتنه او اكو محال لغسل الملابس تاخذين كونيه ملابس وشويه تايت وتخليهن بالغسل وبعدين طلعيهن عل المجففه وتكلفج 5 دولار خدمات المنظمه تامين كارت الطعام ويسمى الفود استام والكارت مالتكم 900 دولار او اكثر وما يمكن استخدامه لغير الطعام والمشروبات الغازيه والنساتل الكم 3 صكوك بمبلغ قدره 560 دولار ويسمى مصرف الجيب كافيه وكلش زايده بالنسبه الى الامور باول شهر اهم شي التلاقيح مالتكم ومال الاطفال علمود دوام المدراس والباقي فر وخواره اما من نيويورك الى دايتن فبالطائره وسلامي للاخ ابو صهيب واي سؤال لا تترددين وهذا ايميلي الخاص ahmed_alqaragulli@ yahoo.com ملاحظه الايجار وفواتير الغاز والماء والكهرباء مدفوعه ولمده 4 اشهر وحاولي تعرفين زمن الوصول احته اكون ويا موظف المنظمه بالمطار
-
الاخت لؤلؤه همه المتوسطه والاعداديه اسولهم اختبار ورجعوا عده مراحل في بعض الاحيان فكيف بالكليات ونوب طب اني اسف بس اكو رجال عراقي حامل شهاده ماجستير واستاذ جامعي بعمان وما اعترفو بي بس حتى اذا رجعو فاكيد الشهاده تكون اضبط بس يرادله كوم فلوس لان الدراسه الجامعيه عل الحساب الخاص واسف مره اخرى