منتدى الهجرة واللجوء => الهجرة و واللاجئين => الموضوع حرر بواسطة: مروة القيسي في 10:42 24/02/2010
العنوان: صحيح الموبايل ميفيدنه بأميركا؟؟؟؟؟؟؟
أرسل بواسطة: مروة القيسي في 10:42 24/02/2010
مرحبا اخواني واخواتي عندي سؤال وارجوا مساعدتكم اني موضوع الموبايل نهائيا مساءله عنع بس قبل اسبوع جيرانه سافروا لولاية اريزونا ومن حجينه وياهم يكولون بيعوا موبايلاتكم لان متستفادون منها يكول الخط هناك تشتري ويه الموبايل وانه ماكو مثل السيم كارد العادي يشتغل على الموبايل اكو هيجي شي مع العلم هو بولاية اريزونا واني طالعتلي ولاية بنسلفانيا الي عنده معلومات يساعدنه واكون ممنونه وايضا بالنسبه للشاحن مال اللابتوب يشتغل عالكهرباء مالتهم اذا اخذه لو لا ؟؟؟؟؟ مع تحياتي الكم جزيل الشكر
العنوان: رد: صحيح الموبايل ميفيدنه بأميركا؟؟؟؟؟؟؟
أرسل بواسطة: AbU.SaRa في 11:56 24/02/2010
أني ألي أعرف بي أكو بعض الأجهزة تشتغل وأكو موضوع لأحد الأخوان بهذا الخصوص وأنشاء الله أحد الأخوان يزودج بالرابط وراح تستفادين منه لأن أكو شرح تفصيلي عن الموبايلات وأنواع الموبايلات التشتغل.......حسب النوعية والفيرشن
العنوان: رد: صحيح الموبايل ميفيدنه بأميركا؟؟؟؟؟؟؟
أرسل بواسطة: ضـاع الوطن في 16:28 24/02/2010
خوش استفسار اني الي ادري بي من تشترين سيم كارت ويا تلفون لان الشريحه مال موبايل تجي داخليه بطن التلفون
العنوان: رد: صحيح الموبايل ميفيدنه بأميركا؟؟؟؟؟؟؟
أرسل بواسطة: برج الاسد في 09:08 25/02/2010
السلام عليكم اختي العزيزة الاجهزة تشتغل هنا عادي واكو سيم كارتات اسمها تي موبل وتي اند تي اني مجرب تي موبل هذا يشتغل على الاجهزة مال العراق وباقي الدول بس تي اند تي ممجربة بس اكو عدة خطوط هنا تكون وياها جهاز مثل خط كركت وخط بوست وخط فرايزون وسبرنت وهنا الاجهزة ارخص واحسن بس مشكلتها مابيها عربي بس هية نفس اجهزة باقي الدول العربية واكو سيم كارتات بس تكون غالية الدفع مالتها ودقايقها محدودة واذا تسويها انلمتد يعني دقايق مفتوحة تصير غالية واذا انتي تخابرين واذا احد يخابرج يكطع من دقايقج الي همة تي اند تي وتي موبل واتمنى ان اكون ساعدتكم بهل موضوع تحياتي برج الاسد
العنوان: رد: صحيح الموبايل ميفيدنه بأميركا؟؟؟؟؟؟؟
أرسل بواسطة: ابو خالد في 05:25 26/02/2010
اختي العزيزه انشالله توصلين الى بنسلفانيه بالسلامه يارب
بالنسبه الى اجهزة اللابتوب تشتغل عادي على كهرباء امريكا ماكو مشكله بس جيبي وياك ((بلك امريكي)) تركبيه على البلك وموجود يمكم يبيعونه او من تجين هنا تشترين البلك لان النقاط مالتهم تختلف وبالنسبه للموبايل ..انا واحد من الناس جبت موبايلي وياي واشتريت اله شريحه واشتغل وبالعكس افضل اذا تجيبين موبايلك وياك لان متعوده عليه وتعرفيله وارقامك مخزنه بيه لان اذا اشتريتي موبايل من امريكا راح يكون انكليزي وراح يصعب عليك تخزين الاسماء وغيرها اذا كانت انكليزيتك قليله وخاصة اول الايام وخلي يكون بعلمك انا التقيت بناس في امريكا وعايشين صارلهم سنوات وجاي يستخدمون الموبايلات العربيه واكو اشخاص جاي يوصون اهلهم من العراق على موبايلات ال95 وال73 نوكيا وتكدرين تشترين شريحه واشتراك شهري تقريبا 40 دولار واكو اقل حسب الميزات اذا كان يستقبل رسائل ويرسل واذا خدمة انترنت وغيرها ويشتغل بولاية بن سلفانيه وانشالله اجبتك بالشكل المطلوب
العنوان: رد: صحيح الموبايل ميفيدنه بأميركا؟؟؟؟؟؟؟
أرسل بواسطة: (بغدادي) في 22:23 26/02/2010
اختي العزيزة اضافة لكلام الاخوان وتاكيدا له..اني جبت وياية نوكيا N70 وحطيتلة سيم كارد من تي موبيل ويشتغل مثل الورد بس الفرق انو سعر الدقيقة بالسيم كارد اغلى من العقد..
بغدادي
العنوان: رد: صحيح الموبايل ميفيدنه بأميركا؟؟؟؟؟؟؟
أرسل بواسطة: angie-dawood في 22:32 26/02/2010
أخـــــواتي وإخــــــواني الأحــــــــبة
تحياتي .. من خلال ماطالعته في مواضيع وكتابات أو ردود .. بعض أخوتنا في ( الهجرة واللاجئين ) وبالأخص ماذكره الأخ الودود ( مو تونـــــــي ) عدة مرات .. عن الموبايلات المستخدمة في أمريكا وطبعاً يشمل كندا كذلك .. أن الموبايلات التي تكون تردداتها GSA ( 1900 - 1800 - 900 ) MHz تكون ضعيفة وبالأخص في المناطق الجبلية أو البعيدة .. أما الموبايلات التي تكون تردداتها GSA ( 1900 - 1800 - 900 - 850 ) MHz فأنها تكون جيدة وعملية .. وبمعنى أن الـــــ ( 850 ) ضرورية جداً وهذه تجدها في كتيب الأستعمال .. ولكني وجدتُ موقعاً لـــ 35 شركة موبايلات ولكل شركة عشرات من موديلات الموبايلات ومدون مع كل موبايل كل خصائصه ومميزاته وكــــــــــذلك تردداته .. عندها يمكننا من مشاهدة أسم الشركة ومن ثم مشاهدة الموبايل الذي نمتلكه ومواصفاته .. عندها يمكننا من معرفة الموبايل الخاص بنا وهل يمكن أستخدامه في أمريكا أو في كندا .. والموقع هو
http://www.gsmarena.com/nokia-phones-1.php
ملاحظة .. أرجو المعذرة مسبقاً إن كان الموقع قد نشر سابقاً من عدمه .. لأنني غير متأكد من ذلك متمنياً لكم الفائدة وبنفس الوقت المعرفة ومشاهدة هذا الكم الكبير من الموبايلات ولـــــ 35 شركة مع تقديري لكم