مرحبا
شلونكم اعضاء
اني اليوم بحاجة لمساعدتكم
راح احجيلكم القصة من اولها
يمكن اغلبكم يعرف انو اني عندي قبول مبدئي على استراليا واغلب مساهماتي تخص استراليا
طبعا نحنا اجانا القبوووووول بتاريخ 7/5/2009 وبعد التاريخ ب 8 ايام اتصلوا بنا من اليو ان وكلولنا انو عدكم مقابلة توطين بكفر سوسة يوم 20/5/2009 ورحنا للمقابلة بالوقت الي حددوا وانتظرنا الى ان صار موعد دخولنا طبعا دخلنا وكان اكو موضفة اجنبية ومعاها مترجع اول شي رحبت بينا وتعرفت على اسمائنا وبعدين اجت الصدمة اول سؤال سئلتوا النا انو انتم مقدمين على غير دولة لجوء ( وطبعا احنا مقدمين وعدنا قبووول على استراليا ونحنا هذا السؤال الي كنا خايفين منوا ) فردينا وقلنالا أي عدنا على استراليا
فقالت فد لحظة اسع ارجع طلعت اشويا ورجعت ووياها فد واحد بعدين اعرفنا انو هو المسؤال المهم قالت هاي الوقة يحقلكم تدخلون وتجون الى هنا امتي من تريدون من يكون عدكم فد استفسار او أي شي وقالت اريد تجيبولي الورقة الي كايليلكم بيها انو انتم مقبولين واريد رقم الملف مالكم يعني رقم القبول
المهم بعدها جبنا الوقة ورحنا لهناك حتى انطيها الوقة الي تثبت انو عدنا قبول على استراليا المهم كم مرة اروح واظل على الانتظار وتكون ما عدها وقت وتقول تعال غير يوم المهم بعد ما رحت ورجعت اكثر من 5 مرات قدرت اشوفها وعطيتها الوقة وقالت اوكي كلش زين واش يصير وياك تعال واعلمني
المهم ظليت سكت وننتظر الوفد يشرف وبهذا الوقت كنا مقدمين على كندا المهم جانا قبول على كندا همين
وكل هذا الوقت والوفد بعدوا ما شرف وكل ما اتصل بالسفارة الاسترالية بعمان تقول انتظر يجي الوفد الى ان صار نهاية السنة اتصلت بيهم تقريبا باخر شهر العاشر صدمدني وقالت انو الوفد ما يقدر يجي بسبب الظروف بين سوريا واستراليا انتظر على اول السنة المهم صارت اول السنة واظل اتصل بيهم وما يردون وابعث ايملات كمان ما يردون وحتى الكفيل مالي من يتصل بيهم ما يردون يعني من استراليا
فقررت اروح الى كفر سوسة مو هي كلتلي اعلمني باي شي يصير وياك المهم رحت كان يوم الاربعاء كبل دخلوني من دخلت شوفتهم الوقة وقلتلهم انو قالت من يصير أي شي تجي وتبلغنا
ما قبلوا وقالوا هاي الورقة صارت قديمة وما ممكن تدخل على الموضفة الي هي اسمها فينسه الي هي المسئولة عن ملفنا حسب ما مكتوب بالورقة
فقررت اروح يوم الثلاثاء قبل فترة قصير وصدق رحت وانتظر الى ان اجا دوري واول من وصلت وعطيته ورقت الحماية اشوا صفن اشويا الموضف وكان يقلي انو سويتم مقابلة توطين واشو ما كملتوها
قال اش صار احكيلي المهم حكيتلوا المموضوع قال أي خلص انتظر استراليا كلتلوا اريد اقابلها دفهمها الي صار واستراليا سالفتها كلش صعبة وهي قالت اعلمني باي شي يصير وياكم
المهم ما قبل وقال اتظل تنتظر لمن استراليا تبعثلك وتقول رفظناكم تجي تجيب كتاب الرفض وهذالك الوقت نحنا نتصرف
فاشلون استراليا اكيد ما ترفضي واليو ان ما ترضى تحولني على غير دولة تقول الا استراليا ترفضا
واسع نحنا ما نعرف اش نسوي محتارين وكلشي ولا الله يحير عبدوا اشلون اذا السفارة ما ترد
علمنا اخوان اكو ناس اعرفهم قبلي عندهم قبول والى اسع هم دينتظرون
اخوووان رجاءا شنو الحل اش اسوي
واحد يبقى ينتظر استراليا وماكو أي جواب صعبة
وما اقدر اتحول على أي دولة من خلف استراليا
يعني صدق بلولة
اني داشوف ماكو غير طريق واحد قدامي الي هو كندا لان مثل ما كلتلكم عندي قبول بس اني من اجا القبول ما سويت أي شي
طبعا هي عبارة عن كفالة كنسية وبلغونا انو اكو قبول مبدئي ولازم نخلي مبلغ معين ونحنا ما سوينا أي شي مثل ما قلت لان كان عدنا استراليا ومتوقعين انو حتمشي بخير
اخوان اريد اسمع منكم شنو نصائحكم الي اش اسوي اكو فد طريقة اقدر اسويها على استراليا ( يعني رفض او استغاثة ) او اقدر ان اوصل للموضفة واشرحلها شنو الصار ؟؟؟؟؟
وبخصوص كندا اذا لازم امشيها لازم اخلي المبلغ الي طلبونوا
رجااااااءءءءءءءءءءءا انصحوني
واريد كل التفاصيل بخصوص كندا يعني بخصوص الكفالة الكنسية اشقد اطول وباقي التفاصيل والمراحل التمر بيها
مع خالص حبي وتقديري لكم وانا بخدمتكم
انا بانتظار ردودكم ومشورتكم
تحياتي
AL.prince
[/pre]