ankawa
منتدى الهجرة واللجوء => الهجرة و واللاجئين => الموضوع حرر بواسطة: الأسمر في 01:03 28/02/2010
-
السلام عليكم،أتشرف بأنضمامي كعضو جديد في منتداكم المؤقر،أود أن أسأل عن عبارة_تم أعادة النظر بالقرار_التي ظهرت في ملفي قبل شهرين ونصف بعد ان كانت عبارة_تنتظر النتيجه_قد أرهقتني لمدة ستة أشهر،سؤالي ماهو السقف الزمني كحد أقصى لأعطائي النتيجه؟وهل هناك أحتمال الرفض؟علمأ أن عملي سابقأ_ضابط طيار_مع تقديري وأحترامي.
-
حبيبي الاسمر
نريد منك تفصيل حول موضوعك علمود نعرف انجاوب
اخوك ابو طارق من تركيا
-
اخي الاسمر الف هله بيك بس ارجو الايضاح اكثر وين ضهرت العباره هل تقصد في الموقع على الانترنت وانت اي مرحله واصل من المقابلات ارجو الايضاح ليتسنى الاجابه ومساعدتك من الاخوان الذين لديهم تجارب وشكر لك
-
تحية وسلام
اولا قبل سفرك لتركيا محد كلك ان العسكريين امورهم صعبة واحيانا بلا امل واني ما اريد ان احبط معنوياتك
لكن اعرف ضابط برتبة مقدم وهو متقاعد ظل سنة بتركيا ما عندة ورقة لجوء بس نطوه ورقة حماية وبعد السنة اخذ جوازه من الامنيات ورجع للعراق
اتمنالك وضع افضل منه واحسن
اخوكم
WORLDGOLD
-
اخي WORLDGOLD مو شرط اكو هواي عسكريين وكانو هم ظباط و هسه همه لو بامريكا لو دوله ثانيه حسب القصه ؟؟؟
-
حبيبي الغالي اخوية الاسمر انت لايضل بالك وباذن الله تنقبل اخوك ابو يونس تحياتي :)
-
السلام عليكم اخ اسمر ......شوف حبي اني هم هنا بتركيا صارلي اكثر من سته اشهر ونص وره مقابلة الامم المتحدة ولحد الان ماقرروا بقضيتي ومكتوب على الموقع مالتهم مال الانترنت تمت المقابلة الاولية وينتظر النتجية ...........وجنت كلما اروح عليهم يكلولي كون انتظر سنة او اقل يعني محد يعرف ومن خلال الي شفته اكو ناس اخذت القبول بست اشهر واكو ناش بسبعة واكو بسنه واكو اكثر من سنه بس ماكانوا عسكرين ...واكو شفت ظباط يم الامم المتحدة مرة حصلوا القبول وره سنه ....خصم الحجي خويه الشغل اتحب صبر واني كل الي اكدر اكلك انه لازم تصبر ولرد راح يكون من ستة اشهر لغاية سنو ولو ماردوا عليك بعد سنة الك الحق تروح وتطلب بالجواب ...واني دا انتظر حالي من حالك ولو ماجاوبوني اروحلهم وره سنه واشوف شنو يكون ردهم ....وياريت اخ اسمر انكون اصدقاء ونحاول نلم كل العراقين الي بتركيا وحالتهم مثل حالتنه ونطلع مظاهرة بلكي تجيب نتيجه واني موجود هنا بالموقع شوكت متحب راسلي واني حاضر باي معلومة ويارب تسهل امورنا اوموركم يارب نسالكم الدعاء اخوك شوكت الفرج
-
اعتذر لعدم الرد لاصابتي بوعكه صحيه.
-
الأخ المحترمzicoوالأخ المحترمon the road أجريت المقابله الاوليه في أنقره وأعادوها لي بعد أسبوع ثم طلبوا مني المغادره وأنتظار النتيجه،وجدت في ملفي بالنت عبارة_تنتظر النتيجه_بعد ستة أشهر وجدت عبارة_تم أعادة النظر بالقرار_ومرت شهرين ونصف حتى الأن على وجود هذه العباره،علمأ أن فترة بقائي هنا منذ المقابله الأولى هي أكثر من تسعة اشهر وأنهم لم يمنحوني_الفسفوره_ الأخ المحترمworld gold قسمأ لو لم أكن مضطرأ لما تركت وطني ولم يكن لدي حينها وقت وفرصه للأستفسار أضافه الى أن الدول العربيه التي تمنح اللجوء للعراقيين لدي تحفظ من الأقامه فيها. الأخ المحترمabo yunesوفقك الله وكل الأخوان الذين ينتمون الى هذا المنتدى وكل من يسأل الله أن يفرج له. الأخ المحترم شوكت الفرج لا تنسى قوله تعالى_وما تدري نفس ماذا تكسب غدأ وما تدري نفس بأي أرض تموت_كلامك صحيح جدأ وواقعي لكن مسألة المظاهرات أنا لا أنصح بها لأنه من منح اللجوء في نصف ساعه لم يكن متظاهرأ. شكري وتقديري للجميع على أي معلومه لأنها لاتقدر بثمن.
-
السلام عليكم
توجد عدة طرق للمساعدة والسعي لحل موضوعك وهي كالاتي:
اولا - طلب مقابلة شخصية للقسم القانوني (محامي UN في انقرة) وتشرح كل تفاصيل موضوعك من الالف الى الياء او ارسال رسائل وفاكسات للقسم القانوني تشرح قشيتك وشكد متكدر دز لان الاصرار يجيب نتيجة
ثانيا - توجد منظمات انسانية ذات طابع حقوق الانسان وتكدر ان تراسلها بكل وسائل الاتصالات اللي تكدر عليها مثل ( الايميل - الرسالة البريدية - الموبايل - مقابلتهم بصورة مباشرة - فاكسات - وغيرها) ومن هاي المنظمات ( منظمة هلسنكي الواقعة باسطنبول شارع الاستقلال)
ثالثا - اكو جهات دينية معروفة بتركيا تكدر تتصل بيها وتفهمهم طبيعة قضيتك وهم ميقصرون ويسعون بس يكولون احنه بس علينا نسعالك والباقي على الله
رابعا - اكو وسائل اخرى هي انه تقدم طلبات هجرة على دول مثل مقاطعة كيبك بكندا رايدين ناس عدهم كفاءات مثلك ونيوزلندا واستراليا وهاي الطريقة تستعملها حتى تكون عندك طرق بديلة بين مايجيك الجواب من UN فاذا لاسامح الله كان الجواب مالهم سلبي انت مراح تهتم لانه عندك الطرق البديلة اللي حجينه بيها واذا جوابهم كان ايجابي وهذا ما ادعولك بيه انشاء الله ويسهل امرك فخير على خير ذاك الوكت تكدر تستنكي على كولة البغدادي
خامسا - شغل كل قدراتك بهدوء وتفكير دقيق وراح تشوف اكو حلول تكدر تساعد بيها نفسك
اود ان ساعدتك والله من وراء القصد
اخوكم
WORLDGOLD
-
اخويه اني قصدت بالمظاهرة اعتصام للعراقين الي حالتهم مثلي ومثلك في باب الامم المتحدة لكي يوجدون لقضاينا حلول وبعدين اني رحت لهنلسكي وكالتلي انت ممرفوض يعني ميكدرون يسون شي الا من يجي الرفض لاسمح لله ..............اني حبيت ننجمع احنه الي ماعدنه قبول وبلكي يسونله حل وتفض شغلتنه
وبعدين كل العراقين الي جاين علمود اللجوء مظطرين والعالم كله يعرف هاي السالفه لان وضع العراق معرف واتمنالكم الخير ويارب يوفقكم وتسهل اموركم وامورنا
-
الرجاء الرد للاخ صاحب الموضوع فقط
اخوكم
WORLDGOLD