ankawa
منتدى الهجرة واللجوء => الهجرة و واللاجئين => الموضوع حرر بواسطة: alqaragulli في 02:56 28/02/2010
-
اخواني خواتي السلام عليكم عندي سؤال بالنسبه الي كلششششششششششششششش مهم انو هو كيف احصل على فرصه عمل واني ما عندي لغه ارجو مساعدتي لاني بحاجه الى عمل وعلما اني اعمل نجار وصباغ موبيليات وجدران وبكفاة جيدة جدا واملك سياره واني لحد هاي اللحظه عل مان جكران باقيلي بس الشهر واتحول عل جوب سنتر ممكن اتقبل اي شغله ما يدخل بيه حرام واني من سكنه دايتن اوهايو وشكرا مقدما اخوكم alqaragulli
-
مرحبا اخي العزيز بالنسبة لايجاد عمل شويه صعب حاليا والكل يعرف شنو الوضع الاقتصادي بكل الولايات وهم بكل العالم ايجاد عمل ما يفيد تقدم استمارة وتنتظر رحمة اللة منهم لو تنقبل لو ما تنقبل الطريقة الوحيدة هي اذا اكو يمك جالية عراقية وعدهم مثل هاي المهنة او اي مهنة تروح تسال او انت تكون علاقة مع اشخاص عدهم اعمال حرة حتى تكدر تشوف عمل وخصوصا انت مثل ما كلت لا تجيد اللغة فماكو غير حل ان تشتغل وي جماعتنا العراقيين كبداية الى ان تتعلم لغة واكو طريقة اخرى هنا بمشكن وهم بالولايات الي بيها اغلب العراقيين مثلا انت عندك سيارة بس رادلك اطبع كم كارت باسمك واذكر بيه عملك ووزعه الى المحلات العربية هما يخلوه يمهم اي زبون من يدخل طبعا يشوف الكارت ومرات يخلوهم على جامات المحلات والي يحتاج يصبغ بيته راح ياخذ الكارت ويتصل بيك طبعا الكارت راح يكون بيه تلفونك هم كلهم هنا هيجي يسون وانت هم جربها بلكن ربي يفتحها بوجهك انشاءللة وربي يوفقك