ankawa
منتدى الهجرة واللجوء => الهجرة و واللاجئين => الموضوع حرر بواسطة: redmax18 في 14:17 03/03/2010
-
اخواني واخواتي السلام عليكم
تم تحديد موعد مقابلتي في السفارة الامريكية في بغداد نهاية اذار ٢٠١٠ ممكن من الاخوي والاخوات اصحاب الخبرة في ال SIV مساعدتي باي معلومات ممكنة عن هذه المقابلة من طريقة دخول الى موقع المقابلة، اسئلة التي تسال اثناء المقابلة، هل صحيح انو هناك رسوم الفيزا $٤٠٠ لكل فيزا؟ اي معلومات او نصائح اكون شاكرا لكم.
تحياتي لكل
redmax18
-
عيوني انته ماكو 400 دولار الا على البرنامج القديم مال الجنرال
هاي وحده
والشغله الثانيه حاول باجوبتك تكون شافيه وكافيه مو اجوبه تفتح اسئله جديده
وروح بفالك
-
مبرووووك وبشرك الله بالخير
واتمناك كل التوفيق...بل نسبة للنصائح المقابلة (كل الي قابلوا يكولون سهلة) بس كون تاخذ كل الاوراق الي طالبيها من عندك ...وتحفظ وتراجع المعلومات الي انت دازها الهم ...والسلام والتوفيق
حاب اعرف منك شوكت اخر مرة دزيت اوراقك الى nvc وردولك جواب بانوا اوراقك كاملة وبل مراجعة
لان اخوك على هل رنة من شهر نوفمبر 2009 منتظر اميل المقابلة .
ب التوفيق
-
مساء الخير اخ redmax18
اخي انا هم وياك بنفس الوقت عندي مقابله اذا تحب راسلني وخل نسولف شويه انا هم siv
تحياتي
alazawi
-
مبروك اخويا وان شاء الله يوم استلامك للفيزة باسرع وقت.
بلنسبة للرسوم فهاي مثل ماكالو الاخوة بلاش ولافلس .
بلنسبة مال المقابلة فكل الاسئلة من ضمن الاستمارة مال دي اس 230 ام الصورة .
والمقابلة روتينية وسهلة ان شاء الله.
والتوفيق للكل
سلامي اخوكم laser77
-
اللي كالوه الاخوان كله صحيح والاهم انه تكون واثق من نفسك واقرا اجوبتك بالاستمارات اللي مليتها قبل ما تروح بالمقابلة واذا عندك عائلة هم لازم تراويهمياه لان يسالوكم سوية وبعدين كل واحد وحده وكون مبتسم واي سؤال احنا حاضرين
-
الف مبروك اخي
عيني بس راجع المعلومات الي انت دزيتها بالاوراق ولا تخاف ولا هم يحزنون وكل شي ميسالون الاهل غير اساله بسيطه اهم شي تتذكر التواريخ مال الولاده والزواج ولاده الاطفال لان حيسالوك ويسالون الزوجه ولا تكون متردد بالاجابه وكون مبتسم دائما وحيسالوك مين اتحس نفسك مهدد ويسالوك شنو رايك بالقاعده والجماعات الارهابيه ويسالوك شنو رايك بامريكا وشنو ناوي اتسوي بامريكا وحيكولك ارفع ايدك واحلف
بالنسبه للرسوم ماكو ولا سنت
وان شاء الله ايكوللك تعال اسبوع الجاي واستلم الفيزا
الله ايسهل امرك
اختك سونمز
-
اخي العزيز مثل ماكالوا الفيزا ببلاشششششششششششلجماعة الSIV وادخل على موضع الSIV TIMES الصفحة اعتقد 6 او 7 راح تشوف نماذج للمقابلات للاخوة الي سافرو وهذا اللنك مال الموضوع
http://www.ankawa.com/forum/index.php/topic,267544.2400.html
وبالموفقية مقدما
ابو رامي
-
اخواني واخواتي الف الف شكر الكم بارك الله فيكم
عيني Karadi اخوك دز الاوراق ل NVC من شهرالتاسع بعد مراسلات ودز وجيب ودي اخير شي وصلني ايمل يوم ٢٩/١/٢٠١٠ يكولون ان اوراقي كملت مع العلم لحد الان ماعندي جواز لبنتي عهرها شهرين فقط
الله يفرجها على الكل ان شالله
Redmax18
-
اخونا اشتغل عالجواز مال بنتك من هسه احسن مما تظل بعدين تركض بيه بعد ماكو وقت هسه بلية شي انتخابات والوضع موزين استعجل بالجواز اسمع نصيحة اختك
-
اخونا اشتغل عالجواز مال بنتك من هسه احسن مما تظل بعدين تركض بيه بعد ماكو وقت هسه بلية شي انتخابات والوضع موزين استعجل بالجواز اسمع نصيحة اختك
كلام صحيح حتى لاتظل عندك متعلقات اتاخر الفيزا طلع الجواز باسرع وقت
-
احبابي sonmaz & szsz
شكرا على النصيحة وان شالله حملة قوية على الجواز بديت بيه ودزيت الاوراق والمستمسكات الرسمية مع $$$$$ علمود يطلعون جواز لصغيرة بنتي
الله يحفظكم ان شالله من كل شر
اخوكم redmax18
-
مبروك اخويا وان شاء الله يوم استلامك للفيزة باسرع وقت.
بلنسبة للرسوم فهاي مثل ماكالو الاخوة بلاش ولافلس .
بلنسبة مال المقابلة فكل الاسئلة من ضمن الاستمارة مال دي اس 230 ام الصورة .
والمقابلة روتينية وسهلة ان شاء الله.
والتوفيق للكل
سلامي اخوكم laser77
حبيبي ليزر
شنو قصدك ب"استمارة DS-230 ام الصورة" ؟؟؟
ليش هيه بيهه صورة؟؟
اني اللي اعرفه انه الواحد يدزلهم صورة علمود الكرين كارد
وهي هاي الاستمارة بيهه مكان مال صورة
بس ما اعرف منو اليلزكهه
-
مبروك اخويا وان شاء الله يوم استلامك للفيزة باسرع وقت.
بلنسبة للرسوم فهاي مثل ماكالو الاخوة بلاش ولافلس .
بلنسبة مال المقابلة فكل الاسئلة من ضمن الاستمارة مال دي اس 230 ام الصورة .
والمقابلة روتينية وسهلة ان شاء الله.
والتوفيق للكل
سلامي اخوكم laser77
حبيبي ليزر
شنو قصدك ب"استمارة DS-230 ام الصورة" ؟؟؟
ليش هيه بيهه صورة؟؟
اني اللي اعرفه انه الواحد يدزلهم صورة علمود الكرين كارد
وهي هاي الاستمارة بيهه مكان مال صورة
بس ما اعرف منو اليلزكهه
اسف على المداخلة ... بس حبت اوضحلك سؤالك
في استمارة ds_230 يوجد مربع في اعلى اليسار الصفحة الاولى .وهو المربع الذي يلصق بية صورتك التي سوف ترسلها ...وهية نفس الصورة التي تتكلم عليها.
مع تحياتي
-
وداعتك اعرف
بس منو اليلزكهه؟؟؟
اكيد همه جماعة الان في سي غير؟؟؟ خوما احنه؟؟
-
وداعتك اعرف
بس منو اليلزكهه؟؟؟
اكيد همه جماعة الان في سي غير؟؟؟ خوما احنه؟؟
اي يمعود همة مو احنا الي يلزكوها
وجاوبتك على خاص
-
رحمالله والديك صديقي
احنا هم اخوتك الزغار
وهاي المعلومة اللي اكدتلياهه جان كلفتني صمغ ابو الربع ;D ;D
-
الصوور الي انته راح اتوديها وياك يم المقابله الي حجمها 5 في 5 بعد متخلص المقابله راح ياخذ القنص الصورتين مالتك وراح يلزكها وحته على نفس الصوره تنخال بالفيزا مالتك والمعلومات مالتك والصوره نفسها تنخال بالكرين كارت من انته اترووح امريكا راح يكون وياك ضرف انته متفتحه اتسلمه بيد الضابط المسؤل على هالشغلات بالمطار وياخذ منك المعلومات النهائيه لغرض العنوان حته يدزن عليه الكرين كارت
واما بالنسبه للمقابله اتودي وياك المستمسكات منالتك كلها واتودي وياك الضرف ماتل دي اج ال قبل المقابله بيومين اترووح على فندق مرديان بشارع السعدون تاخذ مناك ضرف وتودي نسخه من الجوزات مالتك وفلوس 11 دولار لكل فرد من افراد العائله
وبالنسبه للمقابله اهم شي ودي وياك عدم محكوميه وبيان الولاده مترجمين وميحتاج تصديق من الخارجيه
وشنو ورقه دزيتها الهم من المرحله الاولى الى المرحله الاخيره توديه وياك الاصليت والمترجمات الاصليات
وبالنسبه لموقع المقابله الي هيه سيطره رقم 3 بالركن مال حيدر دبل ابو الفلافل والركن الثاني لفندق الرشيد اترووح تسال الجنوود واكفين بالركن كله من وين ادخل راح يكلك انته مقابله مال فيزا كوله اي وراح يكولك رووح مناك تدخل اكو جيش عراقي اول شي وبعدين اكراد وبعدين هذولي الاوغندين السوود راح يفتشوكم كلش عادي وابد لتخلي المستمسكات مالتك يمهمم لان تحتاجها بعدين واذا اخذو الجنسيه كوله الاسكورت الي راح يجيلكم للبوابه مال الفندق انو الجنسيه مالتك يمهم باقيه
وبالنسبه للمقابله ميفوتوك اذا ماعندك الورقه الي واصلتك منهوم على الايميل للمقابله لازم تطبعها وتوديها ياك حته اتقابل
وبالنسبه للمقابله جدا سهله اتسوي القسم وبعدين يسالك اسئله مختصره وابووك الله يرحمه واتبصم وينطيلك الوصل الصغير واتوقع على شكم ورقه وابووك الله يرحمه تنتضر الباص حته يرجعك من وين ما اجيت
تحياتيالك واي سؤال اني حاضر
-
مبروك اخي العزيز redmax18على موعدالمقابله بعد صبر طويل واتمنالك الموفقيه
اخي احب اعلمك باني هم مثلك عندي موعد مقابله نهايت اذار
لاتقلق من موضوع الاسئله لانك من راح اتشوف وسائل الراحه بالسفاره والابتسامه التي لاتفارق وجوههم راح تجاوب بكل صدق وبرود اعصاب
هذا الكلام نقلآ عن اصدقائي الذين قابلوا قبل فتره
شد حيلك وتوكل على الله رب العباد
وشكرا
-
عاشت ايدك سلفر عالمعلومات الحلوة والمفصلة
بطل انت
بس اكو شغله بيهه صرف فلوس خلت بطني كامت توجعني
الدي اج ال مال استلام الجوازات بعد التفييز هم احنا ندفع فلوسه ؟؟؟
اني جنت عبالي همه
بس يبقى التحدي الاكبر للاعصاب هو التقفيص مال الفحص الطبي
-
اخواني واخواتي
الف الف شكر الكم جميعا خصوصا الاخ Silver_d بارك الله فيك و يجزيك الله الف خير........... رد اكثر من رائع عاشت ايدك......
اخوكم redmax18
-
ماكو داعي للشكر شباب هذا واجب
واي وقت اني حاضر
اخويه فنجر بالنسبه للضرف انته قبل موعد المقابله اترووح للمرديان ودي وياك نسخه من الجوار مالتك وتودي وياك كيس نمبر مالتك اكيد انته راح تكون حافظه حته يسجل المعلومات مالتك ومن تصدرلك الفيرا راح السفاره بواجبها تنقل الفيرا مالتك على مرديان ببﻻش متدفع وﻻ دوﻻر ﻻن انته دافع مسبقا 11 دوﻻر هذا كل الي عليك
واما بالنسبه للفحوصات اول متنرل من جسر الجمهوريه على ايدك اليسرى اول سيطره مال الجيش راح انته اتطب من هالسيطره وتنتضر صفاء اﻻسكورت مال المستشفى حته يدخلك جوه طبعا ﻻرم تاخذ موعد فحوصات من الدكاتره حته يحددولك واتخابر اﻻسكورت حته يدخلك جوه وراح اخلي اﻻرقام مال اﻻطباء والاسكورت لتسهيل اﻻمر اكثر
وبالنسبه للمبلغ للي عمره يتجاور ال 16 سنه هوه 195 دوﻻر للفرد الواحد هاي من تكون عنده لقاحات واذا رادت القاحات المبلغ يتضاعف يصير 205 دوﻻر
وبالنسبه للي اعمارهم دون ال 16 راح يكون المبلغ للفحوصات 145 دوﻻر للفرد الواحد
والي عنده عائله ﻻرم الكل اتسوي فحوصات
ارقام الطبيب واﻻسكورت
دكتور احمد 07707969368
صفاء العبيدي اﻻسكورت - 07901577323
واي شي تحتاجون اني حاضر
تحياتي
سلفر
-
حبيبي سلفر يمكن استعجلت بالكتابة من كلت يتضاعف وية اللقاحات لان هو بس يزيد 10 دولارات
وبالمناسبة منو اليقرر انه الواحد يرادله لقاحات؟؟؟ وشلون؟؟
-
طبعا شغلة اللقاحات بالمركز الصحي اللي بالايزي من تروح تفحص مو اكيد تكون عدهم لقاحات ..اذا اللقاحات موجودة راح تضطر تاخذا واذا لا فالسعر راح يبقة 145 دولار.
ابو لينة.
-
بالنسبه للبالغين السعر يختلف مو ١٤٥ دولار اخويه العزيز ابو لينا الكبار ١٧٥ دولار حسب ما اذكر
وبالنسبه لسؤالك فنجز القاحات هوه الطبيب الي حيكون موجود بوكتها يحدد هالشي بس كلها حجي فارغ انته رتبها ويا وسويلك ترتيب مراح يسويلك القاح لان هذا بس اشتهاد منهم
تحياتي الك
والقاح هوه لالتهاب الكبد الفيروسي
-
مو اني سامع سابقا بالمنتدى انه حتى الجبير اذا محتفظ بالبطاقة مال التلقيحات مالته من جان زغير فممكن ياخذهه وياه حتى يتجنب التلقيحات
ما اعرف اكو هيجي شي ؟؟
-
لا اخويه غلطان ماكو هيجي شي لان هناك مو مستوصف تابع لدائره الصحه حته الواحد يودي وياه دفتر مال لقاحات
اني مسامع بهالشي ولا شفت بعيني هالشي لان من سويت فحوصات الكل ضربوها هاللقاح بالعضله مال ايد ما اضن انو يعترفون بهالشي
تحياتي الك
-
والله بعد شأكلك صديقي
يجوز اني كامت تشبج علية الامور
وذاكرتي تعبهه الكبر ;D ;D
يعني شي على شي نحضرلنا ورقتين عالنفر تقريبا بس للفحص على صفحة
على اساس اكبر جراحين العالم ديفحصونة هههههههه
-
لقاحات مال شنو؟ احنا بالنسبة النا جانت
medical history
physical examination
investigations (blood samples)
measuring blood pressures
chest x
والاطفال عدهم بس فحص وتاريخ طبي ودفتر اللقاحات