ankawa
منتدى الهجرة واللجوء => الهجرة و واللاجئين => الموضوع حرر بواسطة: worldgold في 20:39 07/03/2010
-
الى اخواننا في المنتدى
السلام عليكم
اشتراك مجاني للانترنيت والداون لود بلا حدود لاخواننا العراقيين داخل الولايات المتحدة الامريكية فقط وله مميزات جيدة ولايحتاج سوى كتابة البيانات المطلوبة
التي يطلبها هذا الموقع
http://www.dialupforfree.com/
اما الموقع الثاني لاخواننا العراقين المقيمين في كندا فقط وايصا اشتراك انترنيت مجاني وبدون طلبات سوى الدخول على هذا الموقع وله خصائص جيدة
http://www.cdotfree.com/
اما الموقع الثالث وهو موقع لاعزائنا المقيمين في المملكة المتحدة ( بريطانيا ) وايضا كما اسلفت اشتراك مجاني ومميزات جيدة
الموقع هو
http://www.12free.co.uk/
وكذلك يوجد موقع ثاني بنفس المواصفات وفي بريطانيا فقط
http://www.myfreeisp.co.uk/
http://www.free-dial.co.uk/
لكن الموقع التالي يعبر الحدود ويعمل بنظام( واي فاي) بث انترنيت باسلوب راديوي في امريكا ودول اخرى لمعرفة كل التفاصيل الرجاء من الاخوة الاعزاء بالمنتدى النقر على المواقع ومعرفة جميع التفاصيل
http://www.wififreespot.com/
اتمنى ان قدمت الفائدة والتي هي وثيقة محبة لابناء الوطن الغالي عراقنا جميعا
اخوكم
WORLDGOLD
-
شكرا جزيلا اخي صاحب الموضوع فعلا شغلة حلوة اني نسخت الرابط يمي بالحاسبة من اروح ان شاء الله راح اجربة.
-
صديقي الذهبي
عاشت ايدك
بس اني حيل نقناقي ;D ;D
انت مجرب هاي المواقع او على الاقل احدهه؟؟؟
لان اول شي يتبادر للذهن هو شمعنى ببلاش؟؟
وشيحصلون اللي مسويهه؟؟؟
وليش ما هاي شركات الاتصال العملاقة بهالدول تعزل لان الناس كلهه راح تروح لابو البلاش؟؟
انشاء الله اللي بهالدول يجربوهه وينورونا
-
شكرا أخويه على جهودك ولكن للأسف الخدمة متوفرة فقط في مشيغان وهذا الرابط دليل على كلامي
http://www.dialinfree.net/?page=faq
-
اتقدم بالشكر للمنتدى على مطالعتهم الموضوع الذي كتبته
واخص بالذكر الاخ العزيز ( alrwad ) واتمنى النجاح الدائم والاحسن دائما ....
وكذلك الاخ العزيز صاحب الاسئلة الفاعلة ( vincenzo ) ,واقول له عندما اصل امريكا في عشرينات هذا الشهر سوف احاوبك على كل اسئلتك بكل رحابة صدر وتدلل ياغالي ...
وايضا الاخ العزيز ( siv 2007 ) مني محبة واحترام وانشاء الله في تقدم مستمر ....
اخوكم
WORLDGOLD
-
حبيبي صاحب الموضوع طبعا اني بولاية اوريغون جربت هذاحاول الرابط وسويت account و user name بس دا احاول اسوي ربط مديتقبل وعلة فكرة همة دزولي اليوزر نيم والبااسوورد بس مديكدر الحاسوب يتصل بالشبكة وعلة فكرة اشو بالرغم من اهمية الموضوع وفائدتة اشو محد ديدخل وينطينة راية الشخصي مع العلم صارلة هواية من نازل الموضوع شنو ميحبون بلاش لو اكو فيكة بالموضوع لو شنو
-
الموضوع يا اخي الذكي انة هذا النت ما رح يكون امن وخصوصا انت بامريكا رح تفتح اون لاي بانكنغ يعني حساباتك والفواتير كلها تدفعها اون لاين فشلون اذا عندك نت مجاني؟؟؟؟؟؟؟؟؟ والباقي عليك
-
يعني شنو من نوصل لامريكا لازم نغير ايميلاتنة وكلشي وكلاشي؟؟ لو شنو؟؟
لان هسه احنه مشتركين بنت مو مضمون من ناحية ال authenticity (اسف لان ما اعتقد تترجم للعربي) وكلهه وايرلس
-
السلام عليكم .. اعزائي بالمنتدى
احبابي
الاخ ( الذكي ).... الاخ ( دنفش) ... الاخ العزيز (vincenzo )
كل التقدير والمحبة
اود مشاركة اصحاب التجربة والمعرفة التفصيلية لهكذا موضوع ليوافونا على اسئلتكم المشروعة بخصوص الفكرة لفائدة كل الاخوة بالمنتدى ...
اين اصحاب التجربه ... الرجاء الدخول مع شكري للجميع على مشاركاتهم
اخوكم
WORLDGOLD
-
رحمة لوالديك اخوية الاسباني بس لو تجاوبني بصراحة
انت منو كايلك على هالسالفة من الاصل
او منيلك هالمعلومة
مو ترة مو كلشي يتنزل بهالمنتدى
يعني اي شي ما مالين ايدنه منه ما ننزله
او على الاقل لو منزل الموضوع على شكل سؤال لان تبين انه انت اصلا متدري شنو السالفة او ما متأكد منهه ??? ??? ???
-
خوية عاشت ايدك عالمواقع , رح نشوف هل يعمل لدينا الموقع ام لاء , الرب يباركك
-
عاشت ايديك ياذهب الله ايوفقكك
-
شكرا لصاحب الموضوع راح اجرب و اردلكم خبر
-
اخواني الاعزاء لتقلقون ولتشغلون بالكم اني خابرت الشركة المعنية واستفسرت عن الموضوع وكلي الموضف بعد ممتوفر هذا عدنا لغينة هاي الخدمة واصلا كانت هاي الخدمة كلش ضعيفة السرعة مالتها يعني بالعامية ابو الدفرة المهم كلي اكو غير شي عدنا تدفع اشتراك تسعة دولار ونص بالشهر ولازم يكون عندك تليفون ارضي نجهزك احنا بالنت بس هم ابو الدفرة يعني بطي كلش كتلة شكرا وسديت الخط
-
صديقي الذكي
يعني شلون ابو الدفرة؟؟؟ يعني بيا مقياس
يعني مثل اللي بالعراق لو اقوى لو اضعف
مو اكو ناس كلش اقتصادية او امورهه المادية تعبانة ومتريد تضيف bill الانترنت لدوخة الراس مال باقي القوائم وهذا الخيار يعتبر ممتاز بالنسبة الهم....يعني مثلا على كد الايميل والمسنجر ومن هالسوالف
يعني اضربلك مثل
هسه اني بالعراق كلش مجنص لان باوقات اللي محد يفتح نت (مثلا الفجر) يوصل عندي الداونلود الى 100kbs فاذا هيجي شي انت تعتبره ابو الدفرة وبهالسعر البسيط فهذا جدا ممتاز لهواي ناس
بلكي توضحلنا برقم
واموت واعرف شلون كالك "ابو الدفرة" بالانكليزي ;D ;D
(اتشاقة وياك مو تزعل)
-
اخواني الاعزاء اول شي تحية لصاحب الموضوع اللي يريد يفيد اخونه بالمنتدى هو شغلة الانترنيت ابو الdownload الزين بصراحة كلش مهمة بالنسبة النا بامريكا لان انت كمهاجر او لاجئ تحتاج تتصل باهلك
اولا: اذا اتصلوا بيك عالموبايل راح ياخذون من الدقايق مالتك اللي انت دافع فلوسها مال شهر يعني انت دافع مال 700 دقيقة مثلا فالاهل يخابروك على اساس ما يكلفوك بس الحقيقة هاي تنحسب دقايق عليك وتشوف روحك بتالي الشهر مستخدم اكثر من ل700 دقيقة وراح تضطر تدفعها (وطبعا تكون اغلى مما لو انت من البداية مسجل مثلا على 1200 دقيقة)
ثانيا : اذا خليت الاتصال فقط عالماسنجر طبعا الصوت كلش تعبان
اذا سكايب فينرادله شوية انترنيت بيه حيل يعني هم بالعراق النت عدهم مو كلش وانت هم (ابو الدفرة على كولة اخونا) هاي شراح تفتهم منهم؟؟؟؟!!!!!!
ثالثا: اذا اشتركت بخدمة انترنيت وبيها بنفس الوقت تليفون ارضي، صحيح تدفع فلوس كل شهر بس خدمة ممتازة للانترنيت زائدا انه تستعمل الارضي في اتصالاتك الى امريكا (وقسم الى كندا) بسعر ثابت شكد ما تخابر ومراح تستهلك من الدقايق مالتك مال الموبايل وبنفس الوقت الاهل ممكن يخابروك عالارضي وما ياخذ منك فلوس بس هم تصير عليهم (اقصد اللي بالعراق) وبكل الاحوال ارخص
رابعا: انت من تجي هنا تريد قنوات تشوفها وخصوصا باول ايام يعني قنوات عراقية والقنوات تحتاج انترنيت عالي السرعة حتى تفتهم الخبر خو مو تصير كلمات متقاطعة!!!!!!
هاي نصيحتي واتمنى اكون فدتكم تحياتي وتبقى انتو راح تجربون بنفسكم
س-----------------رى
-
صح
اني اتفق وياج انه الانترنت هو اهم شي النا بامريكا وممكن يعوض عن التلفزيون والداونلودات العنيفة والاتصال وكلشي وكلاشي
بس يبقى السؤال: "ابو الدفرة" يعني شكد؟؟ بالارقام (ولو التقريبية)
-
هاي بعد يم اخونا اللي ذكر الموضوع هههههههههههه
بس صدك التليفون الارضي وية الانترنيت السريع جدا مهم صح تدفع فلوس بس يهون عليك الاتصال الدولي لان النت تكدر تحجي بيه هواية احسن على سكايب او ماسنجر
-
احسن انترنيت تنطيك شركة اي تي اند تي ب 19.95 $ بالشهر
شلنا بالدوخه
يعني بعشرين دولار احسن من المجاني ودوخه الراس ويوصل الداون لود 750 كيلوا بايت
مو سهله ولا تروح ولا تدور بلاش
والله ارخص من العراق والف مره اسرع
-
حبي سونماز بس وضحيلنا انتي قصدج الاي تي اند تي مال الموبايلات نفسها؟ يعني قصدج الانترنيت اللي عالموبايل مو؟ صحيح واني استعملته من كنا بعدنا ما عدنا اشتراك بانترنيت مال شركة فيرايزون وهذا اذا ماخذة الفاميلي بلان يصير للنفر ب10 دولارات بس بالشهر بس تبقى مشكلة مو كل الموبايلات زينة بهالموضوع من ترطيها عالحاسبة يعني بالموبايل الانترنيت زين ومن تربطيه مدري شبيه!!!! زائدا من تسكنين بعمارة بالطابق السابع مثلا ما راح يكون الانترنيت سريع ومضمون راح يكطع كل شوية وهاي ما تفيد بالداونلود
-
ليش الانترنت بامريكا مو كله وية التلفون الارضي وبواير؟؟؟
بصراحة هاي اول مرة اسمع انه اكو عالموبايل يمكم
بس ترة 750 مو الف مرة بكد العراق....يمكن 10 مرات
زين هذا ابو ال750 داونلود يبقة هيجي بكل ساعات اليوم ؟؟ لو هم بساعات الذروة ينزل ؟؟؟
وسؤال لاخ
ممكن الواحد يباوع عليه قناة تلفزيون مثلا واضح؟؟؟
-
اخوية فنجنزو انت تاخذ خدمة انترنيت من شركة الموبايل مالتك عالتليفون المحمول اللي سويناه اني وزوجي انه ربطنا التليفون عالحاسبة باليو اس بي مال التليفون ويكون عندك انترنيت بالنوكيا يصير التليفون مودم
بالسوني اريكسون مثلا راح يكوللك الخدمة هي ايثرنيت ethernet
بالحالتين انت يكون عندك نت اوكي وممكن تسوي براوزنج وتنزل ابديت بس القنوات تطلع عالبث المباشر مقطعة مثلما انت عندك بالعراق فد خدمة مال انترنيت كلش زينة
-
حبي سرى شركه اي تي اند تي الي احنا مشتركين بيها واير لس ومشغلين عليها حاسبتين والحمد لله خطهم كلش حلو واحنا على economic plan ندفع 19.99 ونوبات تجينه القائمه ب 15.99 لان احنا ما نتاخر بدفع الفواتير الي علينا ونسددها اول باول
الاخ vincenzo
اني اختك مو اخوك ;D ;D
زين هذا ابو ال750 داونلود يبقة هيجي بكل ساعات اليوم ؟؟ لو هم بساعات الذروة ينزل ؟؟؟
وسؤال لاخ
بكل الساعات سريع مو مثل العراق بالليل ايصير سريع وبالنهار لا ماكو ساعات ذروه اهنا كل واحد وخطه واذا صار بطئ تتصل بالشركه واذا كتلهم راح ابطل منكم يبووو بكل الطرق ايعالجون المشكله في سبيل ما يخسروك كعميل للشركه لان همه هدفهم كسب اكبر عدد مو تقليل
ممكن الواحد يباوع عليه قناة تلفزيون مثلا واضح؟؟؟
والله احنا انباوع اغلب القنوات العربيه واكثر الاحيان اتشوف افلام بدون ما يثكل الخط ونوبات انسوي داونلود للفلم والحمد لله ما يتاخر التنزيل
ان شاء الله اكون جاوبتكم
اختكم سونمز
-
شكرا لصاحب الموضوع لطرحه فكرة free Access to Internet لأن الانترنت في امريكا هو كل شي (العمل، الدفع، الحساب، الحجز، الترفيه، الاصدقاء، التلفاز، التلفون، وغيرها الكثير ... ) ..
يسمنــــــوووووووو :D
Iron_man
-
اعتقد شركة Comcast هسه عدهم deal الانترنت ب19.99 بالشهر من غير ايجار المودم 5دولار بالشهر والآكتفيشن اعتقد ببلاش بس التنصيب ب20 دولار يعني اول قائمه تجي 44.49 دولار وبعدها كل شهر 25 دولار هذا العرض فقط لمدة 6 أشهر وبعدها يصير السعر59 دولار بالشهر بهيج حاله تترك الشركه وتروح على غير شركه او تسوي اشتراك جديد بغير اسم .بالمناسبه السرعه هي 12 ميكا بايت وتوصل 15 ميكابايت
-
اخواني الاعزاء اكو شركة انترنت اسمها تايم وورنر time warner
هذولة رح يقدمولك عروض انت اخذ ارخصها اللي هو 19.99 وينطوك جهاز المودم وياخذون تامينات علية 50 دولار يعني من تبطل من عدهم ياخذون الجهاز وينطوك ال50 دولار ياخذون اجور نصب الانترنت لمرة واحدة فقط وهي 24 دولار النت عدهم سريع اكثرمن العراق كلش كلش هواية يعني تحميل افلام مسلسلات سريع واحنا اشترينا جهاز راوتر اللي يبث للبيت كلة الجهاز اكو من 29 دولار الى 75 دولار وكلها زينة يعني اخذت ابو 29 النت يوصل برة البيت يعني كعدت بالحديقة مال المجمع تبعد عن باب البيت ب8 امتار والنت موجود ارجو انة تخدمكم هاي المعلومات تحياتي