ankawa
منتدى الهجرة واللجوء => الهجرة و واللاجئين => الموضوع حرر بواسطة: hopeforall في 00:35 09/03/2010
-
السلام عليكم
الى الاخوة الاعزاء في المنتدى اسف لطول الانقطاع بسبب عدم امتلاكي للانترنت وذلك بسبب تاخر حصولي على السوشيل نمبر والي بدونه حياتك ظلمه .
طبعا خط رحلتنه كان من بغداد عمان نيويورك دالاس فينيكس ثلاثة ايام من السفر ورغم التعب الشديد عدت السفرة على خير طبعا وصلنا الى فينيكس والي هي مدينه جميلة وهادئة ونظيفة وجوها كلش حلو واستقبلنا في المطار الكيس وركر وجابنا الى مجمع اللاجئين والي بس شكله من الخارج حلو بس من الداخل الشقق جدا تعبانة فهو بناء خشب وقديم ولازم تتحرك على كيفك دائما حتى لاتزعج الي يسكن اسفل منك طبعا الشقق بيها صراصر هواية وكل ما موجود بالشقة هي اغراض جدا بسيطة على كل حال اخذونه الى المنظمة بعد كم يوم من وصولنا وبعدها حصلنا على الفود استامب والي هو جدا كافي من ناحية الاكل وايضا اعطونه بطاقات للباص حتى تصعد الباص مجانا لان اجرة الباص هي دولار وثلاثة ارباع طبعا اذا متعرف لغة وماعندك احد والكيس وركر ميهتم لك اتضيع لان قوانينهم وانظمتهم مختلفة جدا واللغة جداجداجداجدا ضرورية طبعا ما انسه وكفت كم عائلة عراقية تعرفنه عليها بالصدفة في هذا المجمع ويانه في كل شي والله والله يبارك فيهم وما اعرف كيف اجازيهم .
طبعا في المنظمة يوجد بعض العراقين بس ايسوون نفسهم ميعرفوك وميحجون عربي حتى ليبينون انهم عراقيين مع انهم لاجئيين ايضا رغم انه الامريكان او غيرهم متواضعين ومبتسمين ويسلمون عليك وبكل ادب ويلاطفون الاطفال على كل حال كل واحد يعمل بأصله .
طبعا الاجراءات هنا كلش صعبه والحياة العملية قاسية جدا هذا كلام الامريكان نفسهم وانه الي عنده كم فلس ايجلب بيهن شكد ميكدر هذه نصيحتهم .
طبعا التقيت بمسؤول العمل والي طبعا اول شي لازم تشتغله تغسل صحون في فندق وان تنسى شهادتك خبراتك او اي عمل مهما كنت تعمله وتبدي من الصفر او تحت الصفر وتتساوى مع من لايقرا ويكتب او ولا طكة انكليزي !!!!!!!!!!!!! هذا كلامه (مسؤول العمل )
طبعا الكيس وركر بس يعرف انه انت تتكلم انكليزي بشكل جيد بعد ميعرفك ولازم يومية تروح ودور عليه وتاخذ منه موعد حتى تحجي وياه عن الشي الي تريده .
طبعا ما احجيلكم على كمية الرسائل الي توصللكم بالبريد كل كم يوم .
والله اني ما اعرف شنو اتكلم بس والله العظيم هذا الي ديصير طبعا اذا متشتغل متكدر اتعيش لان لازم ورة فترة المساعدات متخلص يصير لازم تدفع ايجار والتزامات هواية .
طبعا راح اتكولون سويتهه ظلمه لكن والله هاي هي الحقيقة والي جاي حتى ايعيش وياه عائلة هذا الي صار ويايه لحد الان نقلته الكم بكل صراحة حتى تكونون على علم .
واسف على الاطالة واتمنى ان تكون الايام القادمة افضل
مع تحياتي
اخوكم
hopeforall
-
الحمد لله على سلامتكم
اخي العزيز دائما البداية صعبة بس اذا اتريد توصل الى هدفك
راخ تتجاوز كل هاي الصعاب ومثل ما ايكولون اتصير اسوالف
على العموم اتمنالك الموفقية والنجاح
-
الف مبروك اخويه العزيز على الوصول بسلام الى فينيكس وانشاءالله تهون كل الصعاب الي كتبته بس تدري انته صدك سويته ظلمه هههههههههههههههههههههههه على كل حال ممكن اعرف انته على يا منظمة
ميادة اريزونا / فينيكس
-
الف مبروك وحمدالله على سلامتك ولا تستعجل انته باول الطريق وما بعد الضيق فرج
وسيجعل الله بعد عسرا يسرا.. اتمنالك التوفيق والنجاح
تحياتي
-
الف الحمدلله على سلامتك اخونة العزيز وبعدك باولهة يارب تنفتح كل الابواب بوجهك وتتوفق بحياتك الجديدة
اختك درة(سانت لويس)
-
الف حمد لله على سلامتك اخي hopeforall وان شاء الله ترتاح وتستقر بولايتك الجديده
واخي الله ايساعدك على التعب واكيد مراح تلكي الشي الي يسرك من اول مره
بس انت بمجرد متلكي شغل راح يتحسن وضعك واتبدل الشقه الى شقه احسن ان شاء الله
واكثر الاجئين بالبدايه ايواجهون هاي المواقف وبمرور الوقت ايصير التعامل اسهل معها
استحمل اخي العزيز وان شاء الله القادم احسن بأذن الله
-
السلام عليكم
حمد لله على السلامه ....... بالطبع هذا الكلام نسمعه من كل واحد يوصل الى امريكا ويواجه هاي المشاكل ؟
اني اشوف بشكل متفضلت انو الي عنده اقارب اهناك اهويه ايفيدوه وخاصتا اذا كان متأكد منهم انو ايساعدوه ( لان مو كل الاقارب يعني عده روح المساعده ؟) انو هذا قبل اللغه لان بي روح معنويه اتساعدك على الغربه والحياة الغريبه بكل تفاصيلها من اختلاف ...الخ
الله ايوفقك واتشوف الخير وانشاء الله الاستقرار...... واذا امكن تعطينه تواريخ المقابلات ؟
اخوك ابو ماجد
-
السلام عليكم
الف شكر الى جميع الاخوه والاخوات على مشاعركم اللطيفه تجاهنا وان شاء الله تسهل للكل.
اسمحولي اقدم تواريخ التقديم من البدايه الى النهايه عسى ان تفيد اعضاء المنتدى وهي كالاتي:
بدايه شهر 12-2008 تاريخ التقديم لل اي او ام من بغداد
منتصف شهر 1- 2009 استلام BGD نمبر
بدايه شهر 6- 2009 استلام IZ نمبر مع المقابله الاولى
بدايه شهر 9- 2009 المقابله الثانيه
نهايه شهر 9- 2009 الفحص الطبي الاول
رابع او خامس يوم بشهر 10- 2009 الفحص الطبي الثاني
منتصف شهر 10- 2009 استلام موافقه المحلف والتاشير على المربع الرابع
منتصف شهر 12- 2009 استلام الموافقه الامنيه وابلاغي بالتهيئ بالسفر بدون تحديد موعد سفر
اعتقد منتصف شهر -1- 2010 الاتصال تلفونيا وتحديد موعد السفر والولايه والمنظمه وهي IRC
نهايه شهر 1- 2010 فحص طبي اخر قبل يوم من موعد السفر
الاول من شهر-2- 2010 موعد السفر
مع الشكر
hopeforall