ankawa

منتدى الهجرة واللجوء => الهجرة و واللاجئين => الموضوع حرر بواسطة: echo 9 في 20:10 09/03/2010

العنوان: رسالة من ال SIV خبلوني
أرسل بواسطة: echo 9 في 20:10 09/03/2010
السلام عليكم
اخواتي واخواني الاعزاء
بعد ان استلمت رسالة من ال SIV قبل اسبوعيت تقريبا يقولون بها انه شغلتي هسه يم السفارة
ارسلوا لي اليوم هاي الرسالة العجيبة الغريبة
شنو يعني ابعث لهم برسالة التهديد التعرضت له
انا من كنت اشتغل مع شركة امنية بريطانية تعرضت فعلا لتهديدا عدة وهذا الكلام من سنة 2003 الى 2007
وتعرضت لمحاولة قتل موثقة
وتم اغتيال مسؤولي المباشر فعلا صنة 2007
ولكن بعد ان تركت العمل مع الشركة البريطامية واشتغلت مع الامريكا ما تعرضت لتهديد مباشر
اشلون شاكتب لهم رحمات لوالديكم لان صدك دوخونا ال SIV
 هاي رسالتهم اللي ارسلوهل لي هذا اليوم
اهل الخبرة وينكم
Dear

Please submit in your own statement describing the threats you have experienced or are experiencing as a consequence of your employment by/on behalf of the United States government.


Sincerely,

بارك الله بيكم جميعا
اخوكم
Echo 9
العنوان: رد: رسالة من ال SIV خبلوني
أرسل بواسطة: silver_d في 21:21 09/03/2010
اخويه العزيز ايكوو
بالنسبه لرساله التهديد هاي كلش عاديه ولا يهمنك انته اكتبلهم شي مقنع وابووك الله يرحمه ودير بالك نصيحه من اخووك الصغير وبلا تعلووم انو اتدز ركمنديشن قديم غير هذا الركمنديشن مال المسؤل مالتك الي انته دازه الهم بدايه ارسالك اول رساله للهجره الخاصه خليها ابالك اخويه
وبالنسبه لورقه التهديد انته اشرحلهم كلشي ويكوون شي حلوو ومرتب ومختصر  وابد لتذكر شغلات تهديد ابوثائق لان راح اتسويلك مشكله
اكتب الي ابالك ويكوون مختصر
تحياتي الك واي شي تحتاج اني بالخدمه حبيب
العنوان: رد: رسالة من ال SIV خبلوني
أرسل بواسطة: echo 9 في 21:48 09/03/2010
السلام عليكم
بارك الله بيك اخ سلفر silver وعاشت ايدك يا طيب
بس يصير اكتب لهم انه فعلا انا تهددت سابقا وهسه ايضا اكيد حياتي بخطر بسبب شغلي مع الامريكان والله اعلم اذا انسحبت القوات الامريكية شيصير بحالنا لو ما يصير
زين اكو كليشة مرتبة لرسالة التهديد هاي اللي يريدوها
مو انا ما تهددت هسه تهديد مباشر يعني اجا واحد وهددني فما اعرف بصراحة شنو الصيغة اللي يريدوها
اتمنى من الاخوة المروا بهاي الحالة يفيدونا
بارك الله بالجميع
Echo 9
العنوان: رد: رسالة من ال SIV خبلوني
أرسل بواسطة: salame في 22:14 09/03/2010
اخي العزيز اكتب انه حياتك بخطر و مهدد و بشكل عام مو شرط يكون تهديد شخصي اي انه حياتك بخطر بسبب عملك لا تحدد حادثه معينه اي شي عام و لا تنطي تاريخ او حدث و  وقع عليها و خلص
العنوان: رد: رسالة من ال SIV خبلوني
أرسل بواسطة: hamada2 في 22:58 09/03/2010
عمي الغالي ايكو الوردة

كنت اتمنى ان امتلك الجواب الى حضرتك

لاكن للاسف الشديد لا املك معلومة تفيدك بخصوص طلبك

وعسى من باقي الاخوة والاخوات ان يجيبوا على سوالك ومايقصرون


ابن عين كاوة hamada2

العنوان: رد: رسالة من ال SIV خبلوني
أرسل بواسطة: echo 9 في 23:20 09/03/2010
شكرا اخوية الغالي حمادة
الظاهر جماعة ال SIV كلهم ما داخلين الليلة لو اكو شي ثاني انا ما اعرفه لهسه ويجوز طلعت انا الوحيد الشايب وشبجت عندي السالفة
ما اعتقد طلبي صعب على المارين بهيج حاله بال SIV
بس ما اعرف اخوية حمادة الظاهر انه السالفة اكبر من ال SIV
بس تدرون اشلون الله كريم وهذا ثمن لازم ادفعه اذا ما اردت ان استمر على نفس نهجي مع ال SIV
العنوان: رد: رسالة من ال SIV خبلوني
أرسل بواسطة: ســـرى في 00:04 10/03/2010
عمنا الغالي احنا مثلا هم مثل وضعك بس انت هسه برايك لو اكو احد يعرف بمنطقتك انه انت تشتغل وية الامريكان هذا مو تهديد بحد ذاته وتكدر تطب لبيتك وتطلع وجيرانك مثلا يدرون انت دتشتغل وية الامريكان؟؟؟؟؟؟؟ اكيد لا فانت خلي هاي ببالك واكتب تصريح يعني ستيتمنت من عندك انه انت تخاف على حياتك وماكو احد يعرف بشغلك وانه مثلا اكو مترجمين او مسؤولين عدهم ارتباط وية الامريكان وانقتلوا
العنوان: رد: رسالة من ال SIV خبلوني
أرسل بواسطة: Alrwad في 00:17 10/03/2010
السلام عليكم
اخي جوابك كلهم اني بسبب عملي ناس هواية عرفتني انك تشتغل وية الامريكان مثل مجاوبوك الاخوة يعني انت متضمن نفسك الفترة الجاي الله يستر عليك انك راح تعيش بسلام ولا حتة عائلتك.. من هل باب جاوبهم لان هو ترة مجرد روتين يريدون من عندك رد تكون انت صاحبة حتة يدخل للفايل مالتك مجرد حجي هم يردون يسمعوه حتة ملفك يكمل يمهم وتستوجب كل الشروط المطلوبة منك وتصير الشغلة اصولية. يعني باختصار رووووتين.
العنوان: رد: رسالة من ال SIV خبلوني
أرسل بواسطة: echo 9 في 00:42 10/03/2010
بارك الله بيج اختي الغالية سرى الله يديم المعروف يا عمي
بارك الله بالاخ الرواد وعاشت ايدك يا طيب الله يديم المعروف عمي
وربي يحفظكم ويديمكم ذخر
العنوان: رد: رسالة من ال SIV خبلوني
أرسل بواسطة: ريم عبد في 01:02 10/03/2010
 عمي الغالي ايكو9
شلونك عمي بس اسالك انتوا بداية التقديم متسوون فد مختصر عن التهديد؟؟؟
اذا ممسوي هي قصه اربع اسطر بس ادكول
اني وعائلتي كلنا معرضين للتهديد و القتل بسبب عملي مع الامريكان و لازم اكون دائما حذر لحد يعرف بالموضوع لان تصبح حياتي في خطر
وكل يوم ايمر تزداد خطورة الموقف

وخليها هيجي عايمه بدون احداث ولا تواريخ وبنفس الوقت تاكيد على وقوعك بدائرة الخطر
وياربي ايسهلها عليك عمي الغالي وايوفقك ان شاء الله
العنوان: رد: رسالة من ال SIV خبلوني
أرسل بواسطة: echo 9 في 01:10 10/03/2010
الله يسلمج بنيتي الغالية ريم
والله بنيتي انا توقعت انه جماعى الاس اي في يسونها ويرسلون لي رسالتهم هاي بس علمود التاخير
هسه انا كتبت الهم مثل ماكلتوا لي والله كريم
الله يبارك بيج ويخليج ويخلصنا من هاي الشغلة التعبانة
لهس كل هاي السوالف والكوم بروفل ماكو اشلون ببقية المشوار
الله كريم تخلص وتصير سوالف
مشكورة بنيتي الغالية
العنوان: رد: رسالة من ال SIV خبلوني
أرسل بواسطة: ســـرى في 18:54 11/03/2010
How do I demonstrate an “ongoing serious threat”?
Applicants must submit information to demonstrate that they have or are experiencing an ongoing serious threat, which may include statements from their employer, personal statements, or statements from community leaders.
العنوان: رد: رسالة من ال SIV خبلوني
أرسل بواسطة: ســـرى في 18:57 11/03/2010
كيف يمكنني ان ابرهن على وجود ((تهديد خطير مستمر))؟
يجب على المتقدمين بطلبات تقديم معلومات تبين انهم كانوا في السابق او مازالوا عرضة لتهديد خطير. ويمكن ان يشتمل ذلك على اقرارات من صاحب العمل او اقرارات شخصية او اقرارات من قيادات المجتمع المحلي.
العنوان: رد: رسالة من ال SIV خبلوني
أرسل بواسطة: أ.ج.ت في 19:32 11/03/2010
عمي ايكو الله يفرجها عليك حتى تخلص من جماعة اس اي في وحركان الدم واعذرني ماعندي معلومة اكدر افيدك بيها والاعضاء مقصروا.

تقبل مروري