ankawa
منتدى الهجرة واللجوء => الهجرة و واللاجئين => الموضوع حرر بواسطة: سامر المتفائل في 13:03 10/03/2010
-
خلي احجيلكم عن نفسي
هالفترة داشرب لبن هواية حتى انسى القلق وداكل نساتل هواية علمود ارفع معنوياتي بس بقى اتفرج كارتون هههههههه
انتوا شلون كاضيهة ؟
-
اخ سامر شلونك .... مرة حالم مرة متفائل شنو السالفة ؟؟؟ انشالله علطول متفائل !!!!
والله يااخوية اني حالي من حالك لي هسة ماكو فحص وصارلي 15 يوم مقابل المحلف تقريبا ...يعني قبل شوية رحت اشتيريت مغذي وعلكتة باايدي لان كلشي مجاي اكل بعد هههه...
مااعرف شنو السيستم الي جاي تتعامل بي المنظمة ...سوالي الك اخوية انت سنكل لو عائلة ..يجوز جاي ديدزون عل عوائل هسة عل فحص ..؟؟؟ هذا حسب تحليلي وبعدا مااعرف ...
الله يوفق الكل انشالله مبقى شي ...
ااااين اااانا
عمااااان
-
وداعتك اين انا اني هسة كاعد على اليوتيوب اباوع توم وجيري واذنبحت اريد مسلسل هايدي الكارتوني مدا الكاه اريد بس انسى هههههه
لا هو اين انا ماتصور لان سمعت ناس عوائل خابروهم وناس عزابية ماكو ربط بس اني طبعا جنت يائس بس اكو ناس كالولي يابة ماكو اي ربط بالموضوع بين موافقة المحلفين والفحص الطبي يعني هسة اني شوية بديت اياس بس هو شكو بيده واحد حل يتوكل على الله
شوف هو همينة لو تاخذها بالمنطق وخلي نجي للمنطق لو الفحص الطبي معناها موافقة المخلفين زين ليش مخلين الكل ياخذون النتيجة 20-3 خوب كلمن جان يخابروه مثل هسة ويكولوه ترة المحلفين وافقوا وتعال سوي الفحص الطبي فاني همينة داشوف ماكو ربط بالموضوع بين الفحص الطبي وبين موافقة المحلفين يظهر السالفة كلها يم الفحص الطبي هم الظاهر يخابرون عشوائيا هذا استنتاجي
-
هههه ي زين انت جاي تشوف كارتون ..والله اني شكو فلم مال توب تين رحت اشتريتهم وداافترج لان الى هجي ميروح الوكت ..!!!!
المهم اخوية احنا نريد الموعد يبقى عل نفسة ميتغير اذا بقى نفس التاريخ يعني خير انشالله ..والفحص والدورة كلها مو مهمة صدكني اهم شي تكي المواققة الامنية لان كل الحجي بيها وانشالله خير ....
-
يعني قصدك اين انا انه يجوز يخابرونا قبل السبت 20-3 ياجلون الموعد؟
وهذا معناه الرفض؟
غير مصيبة اذا صار هاالشي
بس صدكني اين انا ولا احس اكو ربط بين موافقة المحلفين وبين الفحص الطبي بس متدري ليش قسم يخابروهم وقسم لا هو فعلا انت تكوم تقلق بس هواية نصحوني اعيش طبيعي ولااكنه دانتظر النتيجة لان ترة الساعة تمر بمليون سنة وية الانتظار وتكوم تجيك افكار كلها تشاؤمية طنش تعش تنتعش
خليها على الله
-
كوال يالله سامر كول يااالله .. انشالله الكل اوكي ....وميتغير الموعد انشالله ...هما شوية اكو لود عليهم عل خالدي مبين.... وعيش حياتك طبيعية .. حاول اتفرج كارتون واكل سنكرز وعيش حياتك...
-
واكل جبس طبوش واشرب شربت رنا ههههههههه
يا الله والله الله كريم
واعتقد هذا قلقنا كله مالة داعي لان نسمع كلام الناس وهذا مو غلط بس المفروض بس نبقي بعقلنا الكلام المنطقي ونعوف الغير منطقي
الكلام المنطقي يكلك ماكو ربط بين الفحص الطبي وموافقة المحلفين ولو اكو ربط جان لغوا سالفة انه الكل ياخذون النتيجة بنفس اليوم وجان كل واحد يخابروه موافقين وتعال سوي فحص طبي او رفض
الله كريم
-
أخي العزيز :
إنت على ويش ده تتكلم ؟ . يا موعد فحص طبي ؟ يا 20 آذار ؟ يا محلفين ؟ يا نتيجة ؟ إنت منو ؟ آني منو ؟ شو السالفة ؟ . شكو ؟. علويش ؟ . هذا الموقع مال شنو ؟ . إنتَ وين ؟. آني وين ؟ .شكد فرق بين الثنين ؟ .
نارك قلبي نارك ..
الله المعين
-
خوية انيكدو ...سالمين انشالله ...حقك لان هاية الامور مموجودة يمك بااايام انيكدو وكلكامش قبل الف السنين قبل االميلاد ...صدك شنو اخبار كلكامش ...؟؟؟؟!!!!!
اااااين ااااانااا
4ماااااااان
-
إلى (أين أنا) :
بعد التحية ..
صاحبي كلكامش البذات أخذ لجوء يم عشتار بالختله . كل شغل كلكامش الأناني صمطاوي وصنطاوي ورفاعة طهطاوي ، بس مو المرحوم سيد طنطاوي . ما أشوف إلا وهو دازلي معايدة من فوك . أثاري طلع مقدم على الـ un مالت مدينة أور وآني نايم و رجلي بالشمس الساطعة على صلعة أسد بابل . الأخ غدرني ، قابل محلفين عشتاريين وسوّه فحص بمستشفى الناصرية العام وأخذ موافقة أمنية بالواسطه وهسه هوَ عايش رغد يم الست عشتار أم عليوي .
ماكو صديق بهالأيام .
الله المعين
-
اخوان هذا انكيدو مبين كلش مطوط حبيبي روح غسل وجهك وتعال
مبين عليك غير مضروب بوري شنو انت شفوتك هنا شنو متيه هههههههههههه
-
اني ولا طكة افتهمت منك انكيدو بس كلامك مبين كلش حلو هههههههه
هاي انت مبين مثلنا مسويت فحص طبي وروحك طافرة يمعود عادي اني خوب داحجي وية نفسي واحلامي كوابيس حتى داشوف النوم صاير سالفة تعبانة رح ابطله هههههههه
-
طبعا صارت حياتنا بيد المعضلة (20-3) هذا التاريخ راح ينطبع براسنا
اكثر من يوم ميلادك ... اني بس اريد اعرف هم ليش ينطونا تاريخ ؟؟؟؟
هسة لو عايفيني مثل ما ننتظر دائما المقابلات
جان هسة خبصناهم ايميلات و تلفونات هههههههه
والله حارو ويانة ... ينطونة موعد لو يعوفونة حدايق
طبعا اني انتظاري اكثر من شهر و نص واني بالقاعة كاعد
اباوع عاللافتة و احسب كم يوم ... ومن هاي اللحظة
بدأ المشوار ... و اني قبلها بشوية مقابل زوج محلفين واحد امريكي
ابيض كلش حتى الاختفاء ... و الاخ من اصول عربية ... اسمر كلش حتى البقاء
ههههههههههههه لعبو بية طوبة ... هههههه
-
حييييييييييييييييييييل اليسوني صارلك شهر ونص مقابل
يعني انت هسة خبرة في موضوع التخلص من القلق هههههههههه
يمعود انصحنا رح نتخبل
اني بحرب وية القلق مرة اغلبه ومرة يشبعني كتل هههههه
-
حبي انشالله تعبر مرحلة الياس لان هاي المرحلة مريت بيه وققرت انسة انو اني مقدم علة اللجوء . بالنسبة الية اني مقابل الحلف الامريكي الثانية يعني يوم 15/12/2009 ويوم 4/1/2010 سويت فحص طبعا الموافقة مال المحلف اجتني يوم 28 /12/2009 وكان قيد الداسة الامنية قبل اسبوع اصلم بالكفيل بامريكا يعني اني صارلي مكمل كلشي 4 اشهر وماكو شي حتة من ادز رسالة لل IOM محد بعد يجاوبني وما اعرف شنو السالفة واخر رسالة ويمكن 12 كبله من ال IOM طبعا كله نفس الاسطوانة معاملتك اخر مرحلة وانتظر (عزرائيل ياخذ روحد) طبعا الموافقة الامنية.......... شنو رائيك بماساتي فقررت اتمرت حديد يومية حتة انسة شوية وطبع جذب لان خلي اللابتوب يم الجرباية ماتي كل بع ساعة افتح ايميل فابالنتيجة مراح تنسة وتياس ياس ما الة مثيل
اخوك دكتور احمد
-
انيكدو عيني انشالله تلكى صديق اخو خيتة مثل نبوخ ذنصر وميطلع بذات اكيد...ويطيك اوكي عل دولة حلوة مثل بندورة ملاحظة اهنا البندورة مو طماطا مثل ميكلون الاردنين !!! البندورة احلى مكان بلدينا شوف فلم افتار وشوفها البندورة شلون بندورة يمة يمة !!!!
ااااين اااانا
4ماااااان
-
حبي انشالله تعبر مرحلة الياس لان هاي المرحلة مريت بيه وققرت انسة انو اني مقدم علة اللجوء . بالنسبة الية اني مقابل المحلف الامريكي الثانية يعني يوم 15/12/2009 ويوم 4/1/2010 سويت فحص طبعا الموافقة مال المحلف اجتني يوم 28 /12/2009 وكان قيد الداسة الامنية قبل اسبوع اتصلم بالكفيل بامريكا يعني اني صارلي مكمل كلشي 4 اشهر وماكو شي حتة من ادز رسالة لل IOM محد بعد يجاوبني وما اعرف شنو السالفة واخر رسالة ويمكن 12 كبله من ال IOM طبعا كله نفس الاسطوانة معاملتك اخر مرحلة وانتظر (عزرائيل ياخذ روحك) طبعا الموافقة الامنية.......... شنو رائيك بماساتي فقررت اتمرن حديد يومية حتة انسة شوية وطبعا جذب لان اني مخلي اللابتوب يم الجرباية ماتي كل ربع ساعة افتح ايميل فابالنتيجة مراح تنسة وتياس ياس ما الة مثيل
اخوك دكتور احمد
-
حبي انشالله تعبر مرحلة الياس لان هاي المرحلة مريت بيه وققرت انسة انو اني مقدم علة اللجوء . بالنسبة الية اني مقابل الحلف الامريكي الثانية يعني يوم 15/12/2009 ويوم 4/1/2010 سويت فحص طبعا الموافقة مال المحلف اجتني يوم 28 /12/2009 وكان قيد الداسة الامنية قبل اسبوع اصلم بالكفيل بامريكا يعني اني صارلي مكمل كلشي 4 اشهر وماكو شي حتة من ادز رسالة لل IOM محد بعد يجاوبني وما اعرف شنو السالفة واخر رسالة ويمكن 12 كبله من ال IOM طبعا كله نفس الاسطوانة معاملتك اخر مرحلة وانتظر (عزرائيل ياخذ روحد) طبعا الموافقة الامنية.......... شنو رائيك بماساتي فقررت اتمرت حديد يومية حتة انسة شوية وطبع جذب لان خلي اللابتوب يم الجرباية ماتي كل بع ساعة افتح ايميل فابالنتيجة مراح تنسة وتياس ياس ما الة مثيل
اخوك دكتور احمد
-
ها خوتي .. ها :
نحماني للو ... زازو دكم بالزوزه .
بركلوتي دربندخان شتيوه . رحمه . كل الديرباطير زادني سوووووول . نعم . فحص طبي راولبندي ! . أي نعم . محلفين ظرف . آذار . آمنية أمنية . زين . حلوة . من كايلك تلعب طوبه ؟ ها .. منو ؟ . ترلم ترلم ترلملم . أي بالله . موافقة . كنتاكي . شورت . 2300 فولت . نتله . كفيل . أيباخ .. لعد شلون كريجتداري يطاجيقرموزي يوم السبت البعد السبت الجاي كوووووووووووووووووووووووووووووووول .
أخوكم
أنكيدو بن ميتوشالخ شلمنصر التاسع
-
والله انكيدو انت شغلتك واكفة و شكلك خلصت شحن و مدا تقاوم
و الشغلة بيها ركضة و شي ثاني بعد ورانه المعضلة الامنية هاي وحدها
بحر الظلمات بس احنة انكول الله يوفقنا بهذه المرحلة و نعبرها و نسيف save
حتى اذا نخسر ما نرجع للمرحلة الاولى un هههههههههه
اخوية سامر انت ضل متفائل هي هانت خلص القليل ما ضل الا الكثير
والكثير ..... انسى ههههههه
احنى لازم نجتم بيوم بيوم 20 -3 و كل واحد يكتب على صدره اليوزر نيم
حتى نتعرف
-
حلوة اليسوني مال كلمن يكتب اليوزرنيم هههههههه
هو غير يجي 20-3 عاصي بالتقويم هههههههه
يمعودين اني حاسس قلقنا مالة داعي وهو ناتج عن الانتظار
هسة تشوفون كلهة تصير سوالف
-
السلام عليكم
شنو القصة اخوان شنو 3/ 20 اني بسوريا
اني مقابل الوفد صارلي شهر واسبوع ولحد الان ماكو فحوصات وكل الوجبات القابلوا ويانة فحصوا بس احنا
فأكو شي يوم 20/3 ؟؟؟؟؟ لآنه احنا من جنا ما يجينا نوم ناخذ فاليوم هسه صارت ايام السنة كلها فاليوم
-
اخوية القتال بالاردن احتمال تلوحكم شظايا 20 - 3 هههههههه
يلة شباب لمونة جم فلس اعرف واحد يشتغل بالتقويم كال جيبو هالمقسوم
و باجر اسويلكمياها 20 - 3 هههههههههه
-
طبعا اني بطلت انام
اخر مرة نمت قبل يومين حلمت اني داركض بغابة وديركضون وراية حمار وحشي وزرافة وديناصور
اني فزيت من الحلم داكول دايناصور مو منقرض
يعني هالاحلام اللي داحلمهة هالايام ولاتخلي واهس واحد ينام احلام سكط
هاي الة يعبر 20-3 يلة ارجع انام زين هههههه
-
راح افسر حلمك :
الحيوانات الي ديركضون وراك هم
1 -حمار وحشي = iom
2 - زرافة = un
3 - ديناصور = ابو الشقة الي مأجرها هسة ((مستحق ايجار))
4 - ام سبع عيون = 20-3 الي راح تحميك من كل هالامور
هههههههههههههههههههههههههههههههههههههههه
شلون تفسير ؟؟؟ مال غنم
-
لالا مستحيل اليسوني هالتفسير
نريد نعرف ارائكم شتكول اليسوني والاخوان والاخوات انه شرح تسوون ورة 20-3 في حال القبول وشرح تسوون ورة 20-3 في حال الرفض لا سامح الله
-
السلام عليكم اخواني
اني اكلك الحل انه لحد يفكر لاسامح اللة يجي رفض لان مدزوا عليه فحص طبي لان ماله اي علاقة اني قابلت يوم 15_11 محلفين واستلمت ظرف يوم 5_12 وبعد استلام ظرف يعني بالظبط 15_1 خابروني على الفحص الطبي يعني ماله اي علاقة ولا تقلقون اخواني صدكوني ويوم السبت كلكم موافقة انشاء اللة
لان اني استلمت يوم سبت وكان موافقة والحمد للة وبعد الفحص 11_2 خابروني على الدورة التثقيفية وبعدين انطوني موعد سف وكله صارت سوالف فاني انصحكم لتربطون الفحص بالسفر ابدا ماله اي علاقة وانشاء اللة موافقة للكل يا ربي وتفائلو بالخير تجوه
اختكم ام محمد /عمان
-
شوف اخوية سامر ... كلام ام محمد صحيح ... واذا على مسألة الفحص الطبي فأني فاحص
ومخلص بس وداعتك نفس مستوى القلق الي بداخلك تعرف ليش ؟ لان عندي صديق فحصوه
ورفضوه ((متأكد منه لانه صاحبي)) و اعرف هواية اخذو موافقة و بعدين فحصو وانت راح تكون
احدهم انشاء الله ... بس كلام ام محمد شوية فرحني لانه انشاء الله شغلتنة منتهية
و الشغلة صايرة سريعة من ناحية الامنية و الاجراءات ... الجماعة ديشتغلون
ومثل متكول اذا اجاني قبول فأقول ((الحمد لله )) و اذا اجه الرفض اقول (( الحمد لله ))
على كل شي ... يعني الرفض احتمال يكون بيه الخير النا و لازم نكون مؤمنين بالقسمة
وترة احنة مرينا بالاقوى ((العراق)) و هاي الامور هينة علينا وانشاء الله (( تصير سوالف ))
و هاي سالفة السبت ترة صدك ... اني سمعت الي يستلم سبت و احد و اثنين يعني موافقة
و الثلاثاء و الاربعاء و الخميس رفض و الله ليكولها .
-
Ehab_Thommas اخويه احنه هم بسوريا ولحد الان ممتصلين بينه على الفحص وتقريبا نفس الفتره الي مقابل انت بيها بس يله الله كريم انشالله يقدمنا الي بي الخير النه وللجميع اتصلت بيهم يكولون الفحص مااله كل دخل بالموافقه بس انتضرو لان الفحص الطبي بالدور وشوف عاد شوكت يجينه الدور الله يصبرنه صارت حياتنه بس انتضار والله يعين الجميع
-
والله يا اخوان اني قبل 3 ايام قابلت محلفين واليوم خابرتهم اسال عن نتيجه من القلق الي عندي بس اني من طلعت من المحلف متاكد المحلف مرتاح واني مرتاح ماكو اي غلط ولا اكو اي قلق بس همينه قلقان وشيجيب يوم السبت 20-3
-
اخوان
اذا ما غيرو بالموعد فمعناها يوم السبت 20-3 فهم يوزعون الموافقات
واذا اتصلو بواحد و غيرو موعده و انطوه موعد غيره يكون ثلاثاء او اربعاء او خميس
خلي يكول هنا و الايام الجاية هي الحاسمة
-
هــــــــــلاهـــــــــــل :
هسه أعلنت المفوضية تأجيل النتيجة النهائية (للفحص) إلى ما بعد يوم 20 آذار .
أقصد مفوضية الإنتخابات مو اللاجئين .
الله المعين
-
20 - 3 اوووووووف ................................ تعبني هالرقم حتى بشغلي طب هههههه