ankawa
منتدى الهجرة واللجوء => الهجرة و واللاجئين => الموضوع حرر بواسطة: IamIraqi في 19:43 10/03/2010
-
مرحبا اخوان ...
ممكن شرح او اية معلومات لاغراض العلم نحو المجهول بخصوص ايهما افضل ( مدينة اوستن في تكساس ) ام ( مدينة الكاهون في سان دييغو - كاليفورنيا ) من ناحية المساعدات والعمل والناس والجو ..
شكرا لكل من يقدم اي معلومة مهما كانت بسيطة كوني لم اقرر لحد الان وجهتي للسفر الى الولايات المتحدة لذلك سوف اكون ممتنا منكم .
شكرا مقدما
-
اهلا بيك اخوية اني من سكنة سان ديكو الكاهون الجو حلو والمساعدات حسب افراد العائلة يعني اذا انت سنكل مامتزوج بس 8 اشهر مساعدات وبعدين تخلص واذا متزوج وعندك اطفال تبقة المساعدات بالنسبة للشغل ماكو اكثر العراقيين اهنا بلا شغل بالنسبة لغير ولاية اني ماعندي اي معلومة هسة الاخوان الي بغير ولاية يفيدوك
تحياتي الن التلكيفي
-
جواب هذا السؤال بي شقين واثنينهم يعتمدون عليك
اولا
اذا اتفكر تجي امريكا حتة اتنام براس الحكومة وتصرف عليك مساعدات وفلوس واكل (وانت كاعد ونايم على المخدة ومتحرك نفسك حتة تتطور وتتعلم لغة وتشتغل) واذا حاط ابالك تجي مكان بي مساعدات زينة وصرف فلوس من الحكومة ودعم زين ومفكر تبقى طول حياتك عايش عليهم بالاضافة اذا ادور جو حلو وطبيعة حلوة ومكان اني اعتبرة مال بطرانين لان بس اللي عدهم فلوس يجون ايعيشون هنانا واتفضلة عن هواية امور مهمة بالحياة عن المناطق مثلا اللي تعتبر باردة في شيكاغو او مشيغان
فايل كاهون هية المكان المناسب الك
بس هذا ميمنع انه اتكون من 1 % الي يجون الى كاليفورنيا واني اعتبرهم من المثال ال 2 اللي راح يجي لاحقا في النقطة الثانية (اذا انت واحد منهم فما ايهم اتروح ايل كاهون او اوستن او اي مكان بامريكا)
ثانيا
اذا مفكر تجي اطور نفسك وتتعلم لغة بسرعة واتعيش ابمكان بي فرص عمل هواية واول شي اتفكر بي بعد وصولك الى امريكا هو كيفية ترك الحكومة ومساعداتها والاعتماد على نفسك ( وانتبه اني مدا اقصد راسا بس دا اقصد مجرد التفكير بالموضوع لان هذا سر النجاح) اعتقد ولاية تكساس بيها هواية افضلية عن كاليفورنيا
في حالة اذا انت اعزب لازم تهمل المثال الاول مباشرة لان اعتمادك على نفسك وتطويرها هي من اولوياتك المهمة اول متوصل للاراضي الامريكية لان بعد 8 اشهر انت وربك والي اتعلمتة وما اكدر اجزم انه مستحيل يتحقق بايل كاهون بس اعتقد كفة تكساس اكثر مرشحة من كفة كاليفورنيا
اتمنة وصلت الفكرة
طبعا الاخ الن قبلي وصلك فكرة غريبة جدا وهية انه الجو حار ( وهذا ما موجود لان صيف شتا طيب) مااعرف اذا ديقصد نفس حر بغداد او العراق بالاضافة الى اغلب العراقيين اللي ما عدهم شغل ( جان لازم ايكول ليش وشنو السبب لان اني مشفت لحد الان اي عراقي ميت من الجوع او حالتة المادية يرثى لها سيارات احدث موديل وتلكاة رايح الدزني لاند للسي ورلد الحديقة الحيوانات و هوليوود الي اني صارلي اكثر من سنة مشايف هاي الاشياء (بايل كاهون اتشوف العجب) ان شاء الله يسمعنا وايجاوبنا
تحياتي من ايل كاهون محافظة العراق ال 19
ابو اندرو
اذا اتريد معلومات اكثر عن ايل كاهون وتكساس هاي الموضعين اتونس بيهم
كل ما يخص مقاطعة سان دييغو - كاليفورنيا (الدليـــل)
http://www.ankawa.com/forum/index.php/topic,361356.0.html
دليل ولايه تكساس معلومات الاعضاء وتجاربهم
http://www.ankawa.com/forum/index.php/topic,361332.0.html
-
والله رائع ابو اندرو
بارك الله بيك
الاخ صاحب الموضوع نتمنى لك التوفيق اغاتي
-
اخوان شكرا لكم ...
في الحقيقة اني متزوج ولي طفلة يعني عائلة مكونة من ثلاثة افراد هذا اولا وثانيا والحمدلله مهندس حاسبات وشبكات ولدي من الخبرة عشرة سنوات في هذا المجال هذا بالاضافة الى انه لدي شهادات من سسكو ومايكروسوفت وان اللغة ليست لدي مشكلة فيها ..
ثالثا انا لست من النوع الذي ذاهب ويود الاعتماد على المساعدات بالعكس انا احب الاعتماد على نفسي والبحث عن فرص العمل فور وصولي ... ولكن الذي اردته وقد كنتم مشكورين لجميع المشاركين هو توضيح اكثر للامور وخصوصا في مجال العمل واما بالنسبة للمساعدات فكنت اسال لغرض معرفة المدة فقط في البداية كوني سوف اذهب للمجهول ولااعلم صحة الامور والوضع هناك بقدر من يعيش ويعطيني صورة كاملة عن الاوضاع هناك ...
حقيقة اللي ردت اعرفه انه فرص العمل ؟ وهل قانون المساعدات هو ثابت في كل الولايات اي نفس الامتيازات ؟
اشكركم مرة ثانية .
-
الاخ ابو اندرو وفيت وكفيت لانك برشلوني
اكثر من مجرد نادي هههههههههه
انجنير ميك
-
اخي العزيز
اضافة الى ماذكروه الاخوان اكو هناك نقطتين مهمة جدا جدا لانه اني ايضا صار الي اكثر من شهرين دا ابحث في الانترنت ودا اتواصل مع اصدقائي الي سبقوني هناك اي بعد استلامي للفيزا مباشرة وخرجت منها بمحصلة وهي :
اولا انه التوفيق من الله سبحانه وتعالى والارزاق اولا واخيرا بيده ,بس هذا ما يمنع من انه انت تخلي هدف الحصول على عمل خصوصا للي عنده شهادة ولغة وخبرة فاعتقد هذا الشخص اموره اسهل من الشخص الي ماعنده كل او بعض هذه الاشياء رغم التفاوت بين ولايه واخرى .
ثانيا : المطاولة والصبر(مطاولة +صبر+كفاءة=عمل) في سبيل الحصول على العمل يعني مو الواحد يكعد بمجرد انه دور اسبوع او اسبوعين ويصيبه الاحباط ..لازم يظل ويسعى هنا وهناك واكيد بعد مدة يحصل الشي الي يريده حتى لو اول ايام ملكه شي او مالكه الشي الي يناسبة بس المهم رحلة الف ميل تبدا بخطوة .
وهذا الشي اني الي خرجت بيه من خلال قصص او من خلال نصائح اصدقاء سبقونه لهناك واول وتالي اذا كان عندك خبزه او رزق والله سبحانه وتعالى كاتبلك هذا الرزق حتى لو في الاسكيموا هم تروح هناك وتاخذه بيدك
والموفقية للجميع
-
الاخ ابو رامي ...
شكرا لك واتمنى للجميع الموفقية والنجاح والعيش في حياة كريمة سعيدة .
شكرا للتعاون