ankawa
منتدى الهجرة واللجوء => الهجرة و واللاجئين => الموضوع حرر بواسطة: allawe في 23:09 11/03/2010
-
انشاء الله سفري قريبا عن طريق معاملة فيزة الهجرة وليس عن طريق اليوان وسؤالي لمن لدية معرفة بالاجراءات المتبعة للمهاجر في مكتب الهجرة في مطار شيكاغو من حيث الاسئلة والاجوبة لانه في المقابلة السفارة نسيت ان اذكر احد اسماء اخوتي عندما سئلوني عن اسماء الاخوة وعددهم فهل عندما يبسئلوني في المطار عن نفس السؤال فهل اذكره ام لا -وشكرا
-
اخونا يعني حضرتك siv ومسافر على حسابك؟ مو؟
-
ان شاء الله الاخت سرى اتجاوبك
اخت سرى هذا سؤال ايخصج ياريت انتي اتوضحيله اذا امكن
-
ولو اني سالته وبعده ما جاوب!
المهم من توصل لمطار شيكاغو تنتظر بالسرة الى يوصللك راح تروح على واحد من الضباط اللي بالشبابيك هو راح يشوف الفيزا اللي بجوازك وراح تنطيه الظرف الاصفر (الاسمر) اللي بقى يمك من استلمت الفيزا عن طريق الDHL وراح يسال اسئلة بسيطة جدا ما تطول اكثر من 10 دقايق ويسالك اهم شي على العنوان اللي انت منطيه علمود يجيك عليه الكرين كارد بعدين بالبريد ويكوللك انت منطي هذا العنوان (xxx) تريد تبقيه لو تغيره؟ وانت بقت بكيفك
المهم تخلص من يمه راح ينطيك رقم area تروح عليها (هذا الحجي قبل ما تستلم الجنط الشحن مالتك) وراح تشوف ضباط 2 كاعدين وكبالهم تل معاملات تروح عليهم راح ياخذون جوازك وتكعد تنتظر يصيحون اسمك ويبصموك عالسريع ومن تخلص تروح تستلم الجنط وقبل ما تطلع من المكان راح يلاقيك كشك بيه ضابط يسالك شكد جايب وياك فلوس وبعدين تطلع من يمه وتوصل لمكان بيه الطيارات الداخلية وبرة اكو تكاسي وبعد انت بقت يمك وين تبات اذا انت حاجز قبلها او لا
واي سؤال اني بالخدمة