ankawa
منتدى الهجرة واللجوء => الهجرة و واللاجئين => الموضوع حرر بواسطة: evontoma في 23:54 11/03/2010
-
الاخوان الي مقابلين المحلف بالشهر الثاني في سوريا اشوف سكته ماكو اي تطورات؟ ما مطين مواعيد استلام الظرف مثل عمان؟
ام سرمد
-
اختي ام سرمد احنة من مقابلين المحلف ببداية الشهر الثاني في سوريا ولحد الان ماكو اي تطورات بالنسبة الى استلام الظرف ((حضرتك سويتي الفحص الطبي ))
أختك عراقية و افتخر
-
شكرا اختي العراقية على مرورك. اني عايشة بمشيكن بس اهلي قابلوا يوم 10\2 وما دزوا عليهم على الفحص لحد الان.
ام سرمد
-
هل من جديد جماعة سوريا؟؟؟؟ محد ما استلم الظرف ؟؟؟؟او حددوا موعد استلام الظرف!!!!!!!!!!!!!!!!!
-
مرحبا والله لسه اي تغير ما اكو بس دننتضر والله كريم الله يفرجها على الجميع ولسه مااكو اي احد مقابل محلف بشهر الثاني وكتب وكال اتصلو بينه على الفحص او استلام الضرف لسه سكته ياريت اذا احد وصل لاي نتيجه يكلنه حتى نعرف الي صار ويا مع جزيل الشكر
-
تسلمين اختي عراقية وافتخر... الله يفرجها على الكل... والله الناس صار عدها حاله نفسية من طول الانتظار.
-
والله الحال متشابه للكل لي هسه صنطه وماكو اي علامات من اخوانا عن اي فحص طبي او موافقه او اي شئ ...هو احنا اهل سوريا اذا متقبط 6 شهور ع كل مرحله نعترض !!!
الخطوات هنا لا تتم الا ب سابع رووح
ان الله مع الصابرين ..والله يوفق الجميع وانشالله ما ضاقت الافرجت و تبشروا خيراًاًاً
-
اخوان المحلفين موجدين بسوريا لان اني اخوية عمل مقابلة يوم الخميس بتاريخ 18 بهذا الشهر
وبنت اختي هم عملت مقابلة بشهر الثاني يو 21 وهي هم لحد الان ما استلمت النتيجة كالوا الها تتاخر من شهر الى اربعين يوم وما على الرسول الا البلاغ
-
اي والله صدك اخ تيك تاك يعني الواحد ما يطلع من سوريا الا بطلعان الروح .
اخت انجي اني اهلي هم نفس الشي كلولهم من 35 الى 40 يوم بس اكو ناس قابلوا بداية الثاني يعني مقبطين 40 يوم معقولة لحد الان محد ما استلم النتيجة (الظرف)؟
-
اخي العزيز
اعرف جماعه ( عائله ) مقابلين بالشهر الثاني دزو على نصهم للفحص والباقي بعدهم
الضاهر مو كل الملفات جاهزة للفحص اما بالنسبه للظرف الي فتهمته شويه يتاخر
هل الايام اكو هوايه مراحل هنا بسوريا تغيرت ماكو شي مثل قبل بمعنى محلف وبعد 2 شهر النتيجه
اذا تلاحظ اكو ناس اخذو بصماتهم وممقابلين واكو فحصو او مو الكل
المهم كول ياالله وهيه تفرج
-
تسلم اخ ماجيك على مرورك اني متابعة تعليقاتك انشالله الله يفرجها عليك وعلى كل العراقيين.
اختك ام سرمد
-
انا اسف جدا اختي العزيزة ام سرمد لان قلت في البدايه اخي
وتسلمين على ردك
-
مرحبا اعزائي
اسمحولي ادخل وياكم على الخط
واريد الي يعرف ليش اتصلوا اليوم ويانا الهجره الدولية في سوريا وحددولنا موعد مقابلة ثانية مع الوفد الامريكي يوم الاحد القادم 28 اذار علما احنا قابلنه المقابلة الاولى مع الوفد يوم 3 اذار الجاري يعني هل اكو اكثر من مقابله للوفد لو اكو فد سبب ؟؟؟ ------- بس اني اضطريت الى تاجيل هذا الموعد بسبب اقامه زوجتي بالمستسفى واتفقتو مع دائرة الهجره الدوليه بالحصول على موعد لاحق بعد خروجها من المستشفى
الرجاء الي يعرف اي شيء بهذا الموضوع ايجاوبني مع التقدير
-
اولا :حمدالله على سلامه زوجتك انشالله ما تشوف شر .... ثانيا: هل سبب دخولها المستشفى لحالة مرضية او لغرض الوضع ؟ حتى توضح للاخوان الي بسوريا اكثر ويكدورون يجاوبوك على سؤالك.
-
مرحبا ام سرمد العزيزة
زوجتي دخلت المستشفى قبل اربعة ايام بسبب المرض ولا علم للوفد بهذا الموضوع نهائيا
-
اخ الشمس الساطعة لحد الان اني ما سمعت احد اجالة مقابلة ثانية مع المحلف واذا اكوا انشالله الاخوان ما يقصرون ويردون على استفسارك.
اختك ام سرمد
-
اليوم اتصلت على اهلي طلع مخابرين على اخوية ومرته وجهالة على الفحوصات بس والدي وامي ممخابرين عليهم .هما قابلوا محلفين في نفس اليوم يوم 10\2\2010.