ankawa
منتدى الهجرة واللجوء => الهجرة و واللاجئين => الموضوع حرر بواسطة: أنكيدو في 18:55 14/03/2010
-
فات أسبوعين والجماعة بعدهم ما مخابريني عالفحص . هاي شلون طركاعه ؟ . مو ترجيت الأخوان اللي دزو عليهم للصخمان (الفحص) ييقون ساكتين ويخلوها دفن ومينغصون علينا عيشتنا الكشره . يعني صعبه يسكتون إلى يوم السبت القادم ؟. مو أعصابي تلفت . ودا ينعكس خبالي عالجهال وأم الجهال .شيكضيها لحد السبت؟ .
اللهم عونك . لا .. وهنوّب واحد يكتب : صديقي تغير موعده إلى يوم الثلاثاء بدل السبت ! . يعني هسه من يدك موبايلي صرت أخاف ليكون خبر من الجماعة مو علمود تحديد موعد الفحص (المبجل) وإنما علمود : تأجيل إستلام الظرف إلى يوم الثلاثاء . منين ما أندار : رعب .
سترك يا رب
-
اخويه انكيدو (ما يصيبك الا نصيبك )
خليها على الله وربك ييسر الامور انشالله
اخوك : الفريدو
-
انشاءللة ربي يفتحها بوجهك اخي العزيز صدكني يااخي كلما ياخذ نصيبه وربك هو مقسم الارزاق انشاءللة بعون الرب يتصلون بيك عن قريب وتكمل الفحص وانشاءللة يوم تبشرنا بموعد سفرك اهم شي لا تيائس من رحمة اللة وهو يكون دائما معكم ربي يوفقك
-
اخوية انكيدو شلونك انشالله بخير ....
ترا حالي من حالك اني صارلي 20 يوم مقابل المحلفين ومحت خابروني ومشالله الاخوان الي فحصو الي قابلو قبلي والي وراياااا ..وااعرف شنو السبب ومااجذب عليك يعني اصعب ايام يمي هاية.؟؟ بس هديت شوية ورا مقريت ردود الاخوان جمعية 5 -12 عمان وشوفت ردودهم كلهم الاغلبية اجاهم الفحص ورا الظرف وشوية ارتاحيت من قريتهااا..فا انشالله مبقى شي وربي يوفق الكل ...
اااااين اااااناا
4ماااااان
-
اخوية لاتفكر عوفها بيد الرب كلنا مثلك ايدنا على قلوبنا
يارب تسمع اخبار مفرحة السبت
-
الأخوات ، الإخوة :
تحية وتقدير
أشكركم من كل قلبي على هذا الفيض من المشاعر التضامنية .
أدعو للجميع بالموفقية
أخوكم
أنكيدو
-
السلام عليكم
اصبر يا اخي ولا هاي العصبيه تره كل تاخيره وبيها خيره ولا تياس من رحمه الله واحنا وياك بالدعاء ان شاء الله ايسهل امرك
اختك سونمز
-
اخويه العزيز اصبر شويه وسمي باسم الرحمن
لان ما تاخذ غير نصيبك
واعرف هواي ناس بعد استلام ظرف القبول بشهرين يله خابروهم على الفحص الطبي
انشاء الله مقبول وتسهل كل امورك
اخوك:اربد
-
السلام عليكم
اخي العزيز خلي ايمانك بالله كبير (ومايصيبنا الا ماكتب الله لنا ) اخويه انت اولآ واخيرآ راح تسافر بس لاتستعجل ياعيني واصبر وسهل الامور واضحك للدنيا وهي راح تضحكلك ..ان شاء الله قريبآ تسمع الاخبار الحلوه وتبشرنا بيوم سفرك .
ابو انس
شيكاغو
-
انكيدو اخوية
صديقي عنده اخطاء وية المحلفين
و الموضوع يخص دفتر الخدمة (( وهاي عقدة المحلفيين ))
فأنت ريح نفسك ترة اني هم على نار مثلك
بس الكل هدانا و وكف بجانبنا بالمنتدى
و مثل ما تكول الاخت انجي هي قسمة (( وان شاء الله مكتوبة النة ))
و اني ذكرت الموضوع بس حتى الكل يكون عنده علم
و الثلاثاء ما اعتقد معناها رفض احتمال قيد الدراسة او انتظار
اني لهذه اللحظة اكول الف الحمد لله و الشكر لانه حسب ما دأشوف
وضعية المنظمة متغيرة للاحسن ((جماعة 2008 لعد شيكولون ... الله يساعدهم))
ترة صعبة كل واحد منتظر سنة او سنتين و ما يعرف حاله
((الحمد لله و الشكر ))
-
السلام عليكم اخى الى مريت بي مرينا بي وجنا حتى بالليل منام وكلهم خابروهم واحنا محد خابرنا وبعدين خابرونا وفحصناوهسة دخلنا بقلق جديد اسمة الامنية وهاى صار تسعة اشهر ننتظر والله كريم اصبر وهما متشوف الايخابروك