ankawa
منتدى الهجرة واللجوء => الهجرة و واللاجئين => الموضوع حرر بواسطة: Shebo في 21:30 16/03/2010
-
السلام عليكم...
أخواني وأخواتي الاعضاء.. تحية معطرة بأريج الزهور وعبيرها الفواح .. تحية من قلبي لقلوب الجميع... مشتاق لكل واحد منكم وأتمنى أن تعذروني على فترة غيابي من حين لاخر
اليوم أكمل لكم كيف بدأت حياتي الجديدة في أوستن وكيف كانت الصعوبات عسيره وبنفس الوقت كان هناك أمل كبير لم يكن موجود لي في مصر حيث بدأ الامل والتفائل يعود لي من جديد في أوستن الخير ورجعت البسمه الحقيقية التي كدت أن أنساها في بلاد الشقاء والعناء بدون جدوى :'(
مثل ما تعرفون آني صارلي 6 أشهر في أوستن بديتها بأنتظار تكمله هوياتي واوراقي لرسميه وطبعا لمنظمة هنا كلها تسويها من سوشل سكيورتي وهوية عمل وفود ستامب والمدكيت الصحي وتنظيم مراجعات العيادات.. خلال هذه الفتره جنت اقره انكليزي واروح للمدرسه واقره ايضا دفتر اجازة لسوق امتحنت نظري ونجحت وراها اتفقت ويه صديق امتحن عملي بسيارته وانطي جم فلس ولحمد لله نجحت واخذت اجازة لسوق وخلال هذه الفتره اني كاعد اقدم ابلكيشنات بدون فايده مثل مذكرت سابقا وصلت لابسط الاعمال وماكو جواب او اتصال هاتفي من لشركات ولمطاعم ولفنادق لقدمت بيهن جان لوضع قبل بديه لسنة لجديده كلش تعبان شغل نادر ونادر ما نسمع احد اشتغل من العراقيين بدت لسنة لجديدة 2010 وكنت على وشك انو اطلع من اوستن وكانت اتصالاتي مع اصدقائي في هيوستن لان حسيت انو هاي لمدينة ما منها فايده ومراح اشتغل بيها.. من ضمن تقديماتي كان على الروتيشن ولكل سامع بي هو تمثيل شخصيات حقيقية وكنت اروح الى كيلين (فورث هود) تبعد ساعتين عن اوستن وقدمت مره ومرتين ولكن اخر مره اتصلو بيه حتى اروح اشتغل واشتغلت 3 ايام هناك كل يوم 15 ساعه لكن اجور جيده ولحمد لله لشغل مال 5 ايام هناك يعادل راتب شهر بغير مكان لكن المشكله العمل يكون من فتره لاخرى وابقى انتظر منهم مكالمه لموعد عمل جديد فاستمريت ادور على شغل مستمر حتى لو بارت تايم الى ان وصلت لشركة خاصه بتنظيف المواقع مثل دوائر الدولة او الفنادق طبعا هسه لكل يتصور انو شغله تنظيف حتكون يدويه وبهذله بس هاي لشركة كلها اجهزه حديثه يستخدموها وتصير لسالفه سهله ومتنمل من عدها بس لوقت حيكون 4 ساعات بليوم فقط وره ما قدمت سولي مقابله وره لمقابله دزو عليه مره لخ وشرحو تفاصيل لعمل ودانتظر تليفون منهم بس لحلو بلشغله بلمساء انشاء الله تصير حتى ابقه ادور على شغل للصبح وابقى ادرس انكليزي لصبح..فالامور اتحسنت قليل من ناحية ايجاد عمل اقلها من دنقدم يتصلون بينه اذا كدرت اشتغل بهاي الشركه راح اكدر ابدي بتكمله اجراءات اخرى من معدالة الشهادة في الصباح لان هاي لشغله راح تسدد فواتيري وايجاري واكدر افكر شون بعد اطور نفسي باللغه ومعادلة لشهادة وايجاد عمل افضل فضروري لواحد يبدي باي شغله مو عيب خصوصا اذا جان بعده شاب ويتقبل هذه الشغلات البسيطه اني نفسي اول مجيت مجنت اريد اشتغل هيج شغلات بسيطه بس من حسيت انو هنا ماكو فرق وكل لشغلات يحترموها ولشغل شغل باي مكان كلت لازم ابدي اشتغل باي شغله حتى اكدر اسدد فواتيري وايجاري واكدر اطور نفسي بللغه، لزعجني بلبدايه ولغايه الان هو كثرة تقديم على العمل وبدون نتيجه هذا يسوي بلواحد احباط وعدم تفائل ولهذا كمت من اقدم على اي شغله اكتب كلشي موافق عليه حته مرات خطوره وصعود مرتفعات يطلبون واوافق في سبيل يقبلوني
بهاي لوظيفه ولنتيجه لدصير عده مرات يقبلوني وتوصل الكمه لحلكها مثل ميكولون وبعدين تتفركش ماعرف ليش قسم يكولون لعراقي ميشغلو لان يعرفون من يلكه شغل افضل يبطل وطبعا هذا حق مشروع بس اكيد الشركه تنزعج لان تتعب من تجيب موظف وتعلمه كل شي وبلتالي يتركهم لان لكه شغل افضل،، على العموم الان لداشوفه انو هواي من لعراقيين اشتغلو وبنفس الوقت اكو هواي ايضا بعدهم ملاكين شغل بعد كلشي قسمه ونصيب
تحياتي
شيبووو
-
مية هله خويي شيبت بمصر ;D ;D
اهم شي اكو امل
-
تسلم اخي الغالي على الموضوع والمعانات الي شفتها انشاءاللة تكون سوالف وذكريات بالمستقبل وكلنا شفنا نفس المعانات مع العلم كانت ايام الخير طبعا هسى الوضع اختلف واكثر زادت معانات اللاجئ الجديد انشاءللة تكون مجرد كبداية حياته واتمنى ان ربي يوفقك ويرزقك بعملك دائما وكل الهلا بيك بكل وقت
-
حبيبي شيبو الغالي شلونك واني مقصر وياك الحمدلله على كل حال وما دام عندك هذا
الاندفاع والااصرار ستصل الى ما تبتغيه انشاء الله بالقريب العاجل تحياتي لك واتمنالك التوفيق
وانشاء الله المره القادمه نسمع اخبار افضل بكثير مما ذكرت والله يوفقك
-
اخوية العزيز الله يوفقك وففتحها بوجهك ويرزقك من اوسع ابوابة
-
نتشكر خيي فجنزو الورد على لترحيب ربي ينطيك على كد نيتك يئادر يكريم شلونك انت معبرت مرحله جديده؟؟
اختي الغالية الملاك الطاهر انجي سعيد بشوفتك كاداريه تستاهلين اكثر واكثر والله لمفروض يكتبون جواها ملكة المنتدى اختي الغالية هاي بلنسبه الي مو معاناة صدكيني اني مرتاح هنا ومافكر ارجع لاي دولة هيه هاي لحياة الطبيعيه لمعانات لصعبه انو منوصل الى اي نتيجه بس لحمد لله والشكر اني الان واصل لنتيجه ولصك لستلمته خلال عمل 3 ايام يعادل شهر عمل بغير شركة والحمد لله هذه الشغله لبارت تايم انشاء الله الاسبوع القادم تصير
-
حبيبي واخويه الغالي عكعك بالعكس ممقصر اهمشي نسمع عنك اخبار طيبه وتجينا باقرب وقت اني سألتك بموضوعك بدردشه ماعرف يمكن مقريتها لمهم احب اسمع اخبارك وبشرني أكو جديد ومن تفرج أكتبلي رساله علخاص خوووش
أخويه أ.ج.ت مشكور ربي يوفقك ويرزقك
-
ربي يوفقك اخي ويرزقك وهيه بعد لازم بدايته صعبه لكن بمرور الايام تسهل الامور وربي يسهل عليك وعلينه وعلى كل اخوانه
-
الله يوفقك اخوية شيبو وتلكي شغل زين ويسهلك كل امورك
ويفرجها عليك وعلينا يارب
-
الف الحمد لله اخويه شيبو انو رب العالمين خلصك من مصر ومن البلدان العربية اخويه العزيز شيبو الله عوظ صبرك خير وان شاء الله من توفيق الى توفيق في جميع امور الحياة ويوم الجنسية وتجي هنا المصر ادوس على راسهم كلهم
اخوك العكيلي ابو فهد
-
شكرا اخويه eboo ربي يوفقك ويسهل امرك
شكرا اختي ام فيصل على الدعوات ربي يوفقج ويفرجها عليكم وعلى جميع الاعضاء
اخويه الغالي ابو فهد تسلم ربي يخليك والله خوش دعوه عيني بس خل احصل لجواز وتأمرني أمر لان صدك اكو ناس تستاهل لدوس على راسهم خصوصا المرتشين ولمعاجبهم العراقي في مطار القاهرة عمي خلف الله على عمنه اوباما الي خلصنه من شكولاتهم
-
كل بداية صعبة بس السبع هو الي ما يستسلم وانما يستمر بتحقيق طموحه خطوة خطوة
اخويه شيبو انشاء الله موافق اكثر واكثر وربي يرزقك اكثر وتحقق كل طموحاتك
تحياتي
-
اخويه الغالي تايكر اسعدني مرورك الكريم والف شكر على النصيحه اكيد كل بدايه صعبه بس صدكوني ماكو احلى من هاي الصعوبه لان وراها واحد ديجني لثمارررر صح اكو صعوبه بس داوصل لنتيجه والله موفقني وموكفلي ولد لحلال والحمد لله اخواني اني شفت معاناة اكبر من هذا لشي بأم الدنيا
-
قصدك ام النصب وام الاحتيال وام الكفره بس الف الحمد لله تبقى ايدينه فوق ايديهم دائما وابدا العراقي راقي في اي مكان وزمان العراقي فوق الجميع لدير بال اخويه شيبو يجي اليوم ويرجعون يشتغلون فلاليح ونزازيح بعراقنه عراق الخير بس هلمره رح نتعامل ويه كل العرب ابغير اسلوب
اخوك العكيلي ابو فهد
-
اخويه ابو فهد اني من حركتي ولسنين لضاعت بمصر داكول ام لدنيا ولحركه بقلبي وأغلب الأعضاء يعرفون قصدي الله ينصر العراقي ويوفقه بكل مكان
-
اخويه شيبو اني صارلي 6 سنين هنا بمصر ام الغش والخداع والنصب والاحتيال يا اخي والله العظيم بدون مبالغه فلا لكيت واحد بيهم يكول كلمة الحق مع انو اني ايدي ابحلكهم وتالي ايعضوني ومسوين نفسهم اشرف خلق الله وهمه خير جند الله على الارض وهمه الحضارة وهمه الاشراف الوحيدين على الكره الارضيه مع انو العكس هو الصحيح بس ان شاء الله يرجع العراق يوكف على رجله ويرجعون هذوله الخدم يخدمونه ونعرف شلون نتعامل وياهم ولو احنه بس حجي وادري بينه رح تبقه غيرتنه وشرفنه وتربيتنه هيه الي اتخلينه نتعامل وياهم على انو همه بشر مثلنه بس هذه الشي غير صحيح ويجب على كل عراقي ان ايشوف نفسه فوق جميع العرب بس هل ياترى العراقيين اخذو دروس من الي صار بيهم من سؤ معامله من قبل كل العرب بدون استثناء هل سوف تختلف معاملة العراقي للعربي في العراق ؟؟؟؟؟؟
اخوك العكيلي ابو فهد
-
الله يساعدك اخويه ان شاء الله تفرج عليك ويطلع توطينك وتنسه كل معاناتك وتبدي بدايه جديده، أخويه كلنه خسرنه الاكو ولماكو بمصر مشفت عراقي طلع منها بدون خساره عكسهم هم رجعو من لعراق مليانين،، ربي يصبرك ويعوضك انشاء الله أضعاف لخسرته
-
ان شاء الله اخويه شيبو من حلكك الباب السماء على كولت ابويه ايكول اجونه بله جنطه ونايمين على الرصيف رجعو ابجنط وبنو عمارات وركبو سيارات وارصده بلبنوك ان شاء الله نبقه احنه احسن منهم وحته ابضيق الامور الي انمر بيها هم احنه احسن منهم
اخوك العكيلي ابو فهد
-
عمي شيبو عاش من شافك حبيبي
وتس اب؟اشو علمتني هاي الكلمة وبعد ماشفتك
كلش فرحت من قريت اخبارك واطمنا عليك
ربي يسهل عليك ويرزقك ويبعد عنك اولاد الحرام
بعدنا على موعدنا بكنتاكي يمكم ؟كومبو على حسابك مو عمي ؟
ابو الحسن - ماليزيا
-
fبارك الله بيك اخي على روح التفاؤل والطموح وانشالله الايام الصعبه راحت والجاي يكون اسهل طبعا احنا هم عانينا من العرب من كنا في الاردن بس لوخليت قلبت الشهاده لله هم صادفنا ناس تخاف الله ولحد الان احنا على اتصال بيهم.
-
عمي الغالي أبو الحسن جنك على كنتاكي بيك خير وتدلل بس تعال موشلعته لقلبي!!! اني بخير لحمد لله واسال عنك عسى تكون بخير وبصحه جيده
strawberry 81 اخويه شكرا على دعواتك وربي يسهل امرك بالنسبه الي ما أعمم بس اتكلم عن تعاملهم لشفته بلمطار او بمجمع لتحرير واما على لمواطن لعادي فعلا على كولتك لو خليت قلبت.
-
شيبوو رجاءا رجاءا لتحجي على مصر ام الديا ماسمحلك تره اجاوزت حدودك ;D ;D ههههههه
حبيبي الغالي وليهمك هاي سالفه الشغل راح انسوي عليها نكته كل العاليم دتقدم وابكل الولايات يقدمووون وماكو فايده واكو ناس توصل هم للحلك وماكو..
واكو شي مهم انته كلته انو الشركات من تاخذ عامل واتعلمه ويعووفهم اتصير عدهم عبره فمو اي احد كامو ياخذون هاي صحيحه ميه بالميه ...
عادي دور وقدم يمعود اني هسه وره 7 شهور يلا علكت شغله بعد مقدمت اربعميه الف ابلكشين حتى كمت اضحك على نفسي وتالي صابت قبل فتره ..
الشي المهم درااااااااااااااااااااستك روح اسعا شوووف شسوي سووي هاي الاهم
اهنا الشهاده اعتقد دشووق = فلووووس
والانكليزي مالتك مدام يطور هاي هم الحمد الله عليها
وشي اخير كلش لفت انتباهي شيبو انته من جنت ابمصر وكاعد لا شغل ولاعمل ولايام اتعدي جنت مستفاد من الايام الرااحت؟؟؟اكيد لا
بش شووف اهنا كل يووم كل ساعه انته تعرف ولو شي بسيط ينضااف الك!!
فالحمد الله على كلشي
-
حبي شيبو حياك الله على روحك المتفائلة وعزيمتك على العيش بكرامة من غير المساعدات والحسنات التي نستلمها من المنظمات الخيرية
حبي خلي عينك بعين الله وانته صدك ماراح تذل والعمل مو عيب شرف
ومثل ماقال سيد البلغاء امير المؤمنين علي عليه السلام
نقل الصغر من قمم الجال احب عليه من منن الرجالِ
يقولون بالكسب عاراُ والعار عن السوالِ
تحياتي لك اخويه العزيز
-
اخي الغالي شيبو ان شالله الله يوفقك بكل خطوه ويكتبلك السلامه يارب وان شالله الله يفتحها على كل العراقيين والله يسهل امرك وامرنه ويرزقك رزقا حلالا طيبا اللهم امين اختكم شجرة الدر
-
أخواني شكرا جزيلا على نصائحكم وعلى دعواتكم الصادقه طبعا جابت نتيجه مثل متعودنه لان نابعه من لقلب ولحمد لله اتصلو بيه ليوم وبديت اول يوم عمل بالشركه ربي يوفق لجميع ويرزقكم لرزق لحلال
-
اخي شيبوا
اول شي انشاء الله تتوفق بحياتك ومثل مايكوا المثل رحلة الالف ميل تبدي بخطوة حتى لو كانت صغيرة الى ان تفتهم الوضع وتصير الك علاقات وتبدي تاخذ وضعك الطبيعي وبالموفقية مرة ثانية
ابو رامي
-
يا هلا بشيبو اني لو ادري القوزي يوصلك لهاي المرحلة ما جان انطيتك قوزي ... موفق يا رب
-
شبيها احلى مرحله هو في حد إشتكالك؟؟ واصلا إلقوزي عمرو مكانش مشكله يسوزي...
شكرا ربي يوفقج
-
السلام عليكم اخي شيبو ان شاء الله تفرج عنك وتلكه شغل واتصير اسوالف اكيد تخلص وما يظل حمل مطروح والله ولي التوفيق
-
هاي بعد شتريد شيبوب
هاي هم رفيقة سوزي السكرتيرة العامة للجنة المركزي لحزب النسوان هم جاوبتك
ايدك بالدهن
ولو اني توقعتهه تكون اول واحد يرد
بس يلله "ملحوئه"
-
خخخخخخخخخخ خوش بسمار فنجز ما تقصر
-
شكرا بغداد بقلبي ربي يوفقك ويوفق جميع الطيبين
مو بلا فجنزووو.... بس شكووول أمري لله. هاي وين صاعده علهلال ديري بالج لتوكعين
-
اهلا بالعزيز شيبو وبالتوفيق انشالله ونتمنى دائما نسمع اخبارك الطيبه ونتمنالك كل الخير والله
-
مشكووور حبيبي أبو خالد على دعائك ربي يوفقك
-
انت شعليك اوكع ما اوكع بكيفي خوش والله هههههههه
-
الله يوفقك اخوية شيبو ويفتحلك كل ابواب الرزق انشاءالله ونسمع اخبارك الحلووووووووووة
-
شكرا أختي العزيزة سوني ربي يوفقج ويوفق لجميع