ankawa
منتدى الهجرة واللجوء => الهجرة و واللاجئين => الموضوع حرر بواسطة: سموره في 00:44 17/03/2010
-
السلام عليكم اخوتي اني سموره حبيت ان افتح جمعيه جديده للي خابروهم واجلو موعد استلام الظرف الى يوم 23_3 واني اتصلو بيه اليوم واجلو موعد استلام الظرف الي المفروض كان يوم 20_3
الرجاء الي اتصلو بيهم واجلو موعدهم يكتبون حتى نعرف كم عدد الي تم تاجيلهم ونطوهم موعد ثاني علما اني كانت مقابلتي يوم 24-2 شكرا جزيلا
-
اهلا وسهلا بك اختي سموره حبيبتي انشاءللة الاخوة ما يقصرون بس اختي انت بعمان ام بسوريا لان ما ذاكره باي دول الجوار حتى الاخوة الي انطوهم موعد ثاني يردون على موضوعك
-
أختي سمورة :
بعد التحية ..
إذا كنت في عمان فحالتي تشبه إلى حد بعيد حالتك . أنا أجلوا موعد إستلامي للظرف إلى يوم الإثنين القادم . عسى هذا التأجيل لكلينا خيرا إن شاء الله . وأعتقد أن الإخوات والإخوة لن يقصروا في توضيح الأمر .. وفي النهاية كل شيء بيده سبحانه وتعالى .
أدعو لك بالتوفيق .. يا رب
تحياتي
أخوكِ
أنكيدو
-
اخوتي و اخواتي شلونكم
يا رب كل المخاوف و القلق الي احنه بي
يطلع ماله داعي
يا جماعة اتركو كل الكلام لانه ما ظل بس ايام
اتركو كل شي وتوكلو على الله لان هم مغيرين كل الاجراءات الي جانو يمشون عليها قبل
و اشتغلو خوش شغل (( نفضولهم خوش مجموعة )) يعني لا نحكم عن اي شي لحد ما الكل يستلم
ونشوف
تحياتي
ALISONY
علي سوني
مو اليسوني (( خوب علسوني ))
-
ياجماعة واللة ماكو داعي للخوف ولو هو شي طبيعي بس هسة تصير سوالف وكلكم انشاء اللة مقبولين لان الاثنين مو رفض باذن اللة بس الزخم الي هناك تكول العراق مابي اي احد كلهم بiom انشاء اللة خير وتفرحونه بالموافقة بس نريد البشارة
اختكم ام محمد
عمان
-
الاخت سمر ان شاء الله خير وتوكلي على الله فكل شئ هو من عند الله
يا رب يسهل لكم ولنا وان شاء الله الجميع مقبولين
اخوكم
كريستوفر العراقي
-
السلام عليكم اخواني الافاضل اني اسف جدا لان الي راح احجية غصبن عليه اخواني الكرام كل واحد اتاجل موعد استلام ظرفه غير يوم السبت يعني النتيجة هي الرفض
-
اخوية (بغداد بقلبي) انت ما تكدر تأكد هذا الشي
واعتقد انك غلطان لانه هواية حجو بهالموضوع و حسب اليوم الي تأجلت عليه
يعني انت تكول السبت بس المقبولين و ما اتناقش وياك بهذا الشي
بس مو معناها الايام البقية رفض يعني كالو الاحد اعادة محلفين
والاثنين قيد الدراسة يعني مو رفض و الثلاثاء للي ما عنده نقص بالاوراق
و صاحبي اجلوه للثلاثاء و اني اعرف انه رادو دفتر الخدمة
وكاللهم راح اجيبه من العراق و من خابروه و غيرو الموعد كاللهم اني جبت دفتر الخدمة
كالوله عود جيبه وياك الثلاثاء ((يعني واضحة))
و اما الاربعاء و الخميس ((يكولون رفض )) والله لا يكولها
خلوها على الله
-
السلام عليكم اخي الغالي alisony انس استلمت النتيجه مالتي وكان اليوم ثلاثاء بس بتاريخ 5\5\2008 وطبعا كانت رفض والحمد لله على كل شيء وعندي العديد من اصدقائي الي مروا في هاي الحاله طبعا هذا الكلام الي بالاردن الي اعرفه انه المقبولين والمتاجلين يستلمون النتيجه في نفس اليوم يعني اكو قيد الدراتسه واكو قبول وان شاء الله رب العالمين يكون الوضع متغير وان شاء الله تمشي امور الناس كلها والله ولي التوفيق
-
السلام عليكم اخوتي الاعزاء كيف حالكم
الاخت انجي اني من عمان تقديمي الاي او ام
اشكركم اخوتي لانكم طمانتوني بس الاخ بغداد بقلبي لاصها عليه الي اريد اساله هل انت متاكد من هذا الحجي لو مجرد صدفه يعني مثلا اكو شخص مستلم ظرفه يوم الثلاثاء فكان مرفوض وعلى هل الشي صار قياس انه يوم الثلاثاء هو يوم الرفض.............. لااخويه اني مو وياك مو لان اني راح استلم الثلاثاء بس الموظف شخصيا اكدلي طبعا بعد الحاح شديد انه بسبب الزخم الشديد فقسموا المستلمين على ايام الاسبوع وماله علاقه الرفض او القبول وتكدر تتاكد من كلامي من الاخ اين انا انه كان والديه متاجلين على يوم الثلاثاء وكانت نتيجتهم القبول .
اشكركم جميعا وانتمنى للكل القبول وليظل بالكم تره الاعداد اهوايه انتو حسبوها مقابلات مال شهرين على يوم 20فاكيد راح يقسمونه على الايام والله اني هذا احساسي وانشاء الله كلنا مقبولين
-
عيني, هيه الشغلة ما أعتقد باليوم بس عالزخم, واذا الأخ استلم رفض بغير السبت مو معناتها كل شي ما عدا السبت رفض, ولا كل سبت قبول, بس يجوز مسويها جداول لأن اللود قوي عليهم...لا أكثر ولا أقل...
شوية صبر هانت مظل شي
:)
-
أخواني
إعذروني على صراحتي
بالنسبة للأردن فعلاقة الأيام بالموافقة أو الرفض أو قيد الدراسة شغلة معروفة و صحيحة و هذا الحكي صارلة زمان و تبريرات موضفي الIOM تتكرر نفسها كل موعد إستلام ظرف.
بس أهم شيء و خاصة بالنسبة للي تغيرت مواعيدهم إلى أيام غير يوم السبت هو إجراء الفحص الطبي.
من أجرى الفحص الطبي فهو مقبول بإذن الله عز و جل حتى لو تغير موعد إستلام الظرف.
أما من لم يجري الفحص الطبي و بالإخص من تغير موعد إستلامهم عن يوم السبت فهو اما مرفوض أو قيد الدراسة
الفجص الطبي هو علامة الموافقة الأكيدة إن شاء الله
و يارب أكون غلطان و يا رب الكل يستلمون موافقات و يسافرون في أقرب وقت
الله ييسر أمر الجميع
و تفاءلوا بالخير تجدوه
تحياتي
Wingo
قيد الدراسة منذ سنة
-
مرحبا اخواني اخواتي
كما متعارف عليه ومنذ فترة بعيدة انه يوم السبت يكون للمقبولين فقط
اما باقي الايام فتكون اما ( التاجيل لنقص بالمعلومات) او ( قيد الدراسة ) او ( الرفض لاسامح الله )
لكن لا تيئسوا من رحمة الله هناك موضوع اسمه ( استئناف ) عندما تعرفون اسباب تاجيلكم او اي شيء من الاسباب . هنالك موضوع اسمه ( استئناف ) تقوم بتقديم اثباتات ومستمسكات جديدة لتؤكد كل ما ادى الى عدم قبولك في وقتها
ونشالله سوف يتم قبولكم بعد كل ماتقدموه من اثباتات وادلة كانت سبب في عدم قبولكم
اتمنى ان وصلت الفكرة وتمنياتي لكم بالموفقية انشالله
ابن عين كاوة
hamada2
-
اخت سموره الله لا يضيع تعبنا وما ينسانه اكيد / تحية
-
السلام عليكم اخواني الاعزاء اني بالنسبه الي صارلي سبع سنين بالاردن وطبعا كنت متوطن على اميريكا وانرفضت بسنة 2008 واستلمت النتيجه يو م ثلاثاء وعندي اصدقاء عديدين جادا طبعا اتوطنوا ورايه والحمد لله رب العالمين حايلا همه في الولايات المتحده يعني حجيت ويه ناس اهواي واتعرفت على ناس اهواي على اميريكا وطبعا اني لي هسه بالاردن والمعروف مثل ما ذكر الاخ Wingo انه الي يفحص بعد لايخاف نهائيا واكو بعض الحالات القليله الي يستلم الظرف مقبول وهو لم يقم باجراء الفحص الطبي اخوان اني ما اريد اجامل بس انتو كاعدين تسالون واني كاعد اجاوب الي يستلم النتيجه غير يوم السبت يعني رفض واني اسف بس هو هذا الواقع وبقت يمكم والله ولي التوفيق
-
الله ايصبركم اختي مثل مكالو الاخوة ماكو داعي للخوف انشاء الله تفرج عليكم
-
اختي سمورة توكلي على اللة وانشاء اللة الكل مقبول لتخافين اللة شكاتب لازم نشوفه بس اخونا عراقي وافتخر اجلوا اهله الى يوم الثلاثاء وكان قبول والحمدللة يعني لتخافين وهو استلم يوم سبت وكذلك موافقة يعني ابد ما اهل علاقة وانشاء اللة نسمع اخبار الموافقة منج
اختك ام محمد
-
السلام عليكم
اشكرج ام محمد وانشاء الله كلامج صحيح واشكر الكل
على مشاعرهم الطيبه واتمنى الي راح يستلمون باجر الظروف مقبولين انشاء الله ونقره البشاره مالتهم ونشاء الله المتاجلين هم مفبولين باذن الله
(قل لن يصيبنا الا ما كتب الله لنا )
-
اخواني خواتي تمنياتي للجميع بالقبول عند استلام الظرف ان شاء الله
-
الحمد لله الكل كان مقبول اليوم - 20 - 3
-
مرحبا اخوان اني استلمت الضرف يوم السبت بس كاتبين بي تاجيل وصارلي 3 اشهر انتضر
-
الف الف الف مبرووووووووووووووووووووووووووووووووك اخ علسوني
والف الف الف مبروك لكل شخص كان موعد استلامه المغلف بتاريخ 20-3-2010
وحض اوفر الى باقي الاخوة والاخوات في باقي الايام
مبروووووووك والف مبروك 20-3-2010 القبول
-
الف مبروك الموافقه الي استلموا يوم 20-3 وانشاء الله الموافقه للكل اخواني واخواتي وخاصه لللي اتاجل موعدهم
واشكر اخويه مؤيد على مشاعره الطيبه واحنا متوكلين على رب العالمين وهو نعم الوكيل واخواني دعواتكم النا والتسهيل من رب العالمين
-
يا رب يسهل الكم اختي سمر ويسهل لاخونا العزيز انكيدو ولجميع من تم تأجيل استلام ملفاتهم وان شاء الله الجميع مقبولين وتكون مجرد اكمال نقوصات بسيطة بأذن الله
يا رب القبول برحمتك لجميع اخوننا واخواتنا ان شاء الله
اخوكم
كريستوفر العراقي
-
الف مبروك لكل الاخوة المقبولين انشاءللة السفر والوصول بالسلامة ويشوفون كل الخير
والدعاء للاخت الغالية سموره بنتيجة القبول باذن الله ربي يوفقك الجميع
-
اكرر اخوتي واخواتي ردي عليكم حتى تفكروا به
مرحبا اخواني اخواتي
كما متعارف عليه ومنذ فترة بعيدة انه يوم السبت يكون للمقبولين فقط
اما باقي الايام فتكون اما ( التاجيل لنقص بالمعلومات) او ( قيد الدراسة ) او ( الرفض لاسامح الله )
لكن لا تيئسوا من رحمة الله هناك موضوع اسمه ( استئناف ) عندما تعرفون اسباب تاجيلكم او اي شيء من الاسباب . هنالك موضوع اسمه ( استئناف ) تقوم بتقديم اثباتات ومستمسكات جديدة لتؤكد كل ما ادى الى عدم قبولك في وقتها
ونشالله سوف يتم قبولكم بعد كل ماتقدموه من اثباتات وادلة كانت سبب في عدم قبولكم
اتمنى ان وصلت الفكرة وتمنياتي لكم بالموفقية انشالله
-
السلام عليكم
اختي قلوبنا معاج ان شاء الله نسمع الاخبار الطيبة وتفرحينا
ويارب يسهل امركم ودعاءنا لكم بالتوفيق يالله
-
السلام عليكم ورحمه وبركاتو اشكر الاخوه الاعضاء
الاخت انجي اني كلش اشكرج على مشاعرج الطيبه
الاخ حماده اشكرك جدا على التوضيح الوافي واحب اكلك انه بعد مابينه حيل انسوي استئناف لان تعبنه والله اشكاتبلنه انشوف والله كريم
الاخت دره احب اباركلج على الموافقه وانشاء الله السفر القريب واشكرج جدا وانشاء الله الموفقيه للجميع والسفر
اختكم
سموره
-
السلام عليكم
اني اسفه اخي كريستوفر احب اباركلك وابارك للكل الي استلموا الموافقات يوم السبت والاثنين
اشكرك اخويه المهاجر
واعذروني اذا نسيت احد لان اتعرفون اني جدا متوتره وادعولي باجر استلم الموافقه وتاجيل اذا اجاني هم الف الحمد لله والشكر
اختكم سموره
-
يارب حبي راح اشعل شمعه كدام تمثال العذراء يارب تكون الموافقة حبيتي سلمي امرك بيد اللة وروحي ورجاء بشرينا بالقبول او ما توصلين وانشاءللة ربي يفرح قلبكم وقلب الكل المنتظرين
-
السلام عليكم اسفه اخواني ولو راح اضوجكم اني اليوم استلمت الظرف وكانت النتيجه الرفضضضضضضضضضضضضضضضضض
طبعا اني الان ياسه وحزمت امري انه ارجع لان تعبت وضجت وكان سبب الرفض انه ممنطين التحركات للالويه بلعسكريه بشكل صحيح وهذ اني اعتبره سبب تافه لان المفروض برنامج الاي او ام المباشر التركيز على الخطف او التهديد وهسه حاليا ماعندي اي فكره شراح اسوي لاني بصراحه متحول من سوريا واجيت على اساس اكمال اجراءات السفر واتفاجءت بهذا الرفض فلي عنده اي حل خلي يفيدني رجاءا
ولاحول ولا قوة الا بالله العلي العظيم