ankawa
منتدى الهجرة واللجوء => الهجرة و واللاجئين => الموضوع حرر بواسطة: siv2007 في 08:47 17/03/2010
-
السلام عليكم
أعتذر للجميع عن قلة مشاركاتي في المنتدى لأسباب خاصه..
أطرح عليكم هذا الموضوع وربما قد تم التطرق اليه سابقاً ولكن في هذه المره اذكر لك تجاربي مع موقع ebay
قبل سفري الى اميركا قمت بشراء عدة أشياء اليكترونيه من شارع الصناعه مثلا بطاريه لابتوب وشاحنه وكيبلات وحتى شغلات خاصة للسياره بأسعار ربما 3 مرات مضاعفه عما موجود في موقع ebay ناهيك عن الجوده.
http://www.ebay.com
لهذا انصحكم لا تحملوا حقائبكم أشياء قد تجدوها هنا ب3دولارات وقد تكون بالعراق ب20-30دولار. أما عن اللابتوبات فهي ارخص من العراق.
طريقة الشراء بسيطه جدا.. والبريد مضمون 99% ان شاء الله بعد ما توصلون تفتحون حساب باي بنك واني افضل
US Bank لانه ماعدهم استقطاعات شهريه مثلما فعل معي Bank of America حيث يستقطعون مني حوالي 9 دولارات شهريه
المهم من تفتحون حساب ينطوكم بطاقة فيزا كارد من خلالها تستطيعون الشراء من الانترنت. وبعدها فتح حساب من Paypal حتى تستطيع التسوق من الانترنت بكل سهوله.
للعلم ان موقع ebay لايعني التسوق من اميركا فقط بل من اكثر من دوله وخصوصا الصين.
تحياتي للجميع ووفقكم الله.
-
شكرا اخ siv2007
اكيد معذور اخي لان امريكا مو بشكل العراق ( ماكو تسخيت ) امريكا شغل x شغل بس نكول الله يساعدك وشكرا جزيلا على هذه المعلومات ماقصرت
تحياتي
Alazawi
-
صح اخويه ebay و اكو bestbuy اشتري دايما من bestbuy لا ان اكو فرق بل سعر عن اسواقنا بل عراق و اسوي order على عنوان ال fob من دون اي tax شغله كلش حلوه
-
حبي SIV شكرا جزيلا على النصيحة الجميله والمفيده
تحياتي لك وشكرا مرة اخرى
-
صحيح كلامك ومضبوط اخونا siv2007
اخوية army strong ترة البيست باي best buy هم يقفصون يعني احنا اخذنا GPS للسيارة من الهوم ديبو HOME DEPOT بصفهم نفسه ونفس المواصفات ب110 دولار بينما بالبيست باي جان ب145 دولار يعني اضيف على كلام اخوية اس اي في 2007 انه بامريكا من تشترون جيكوا الشغلة باكثر من مكان ترة اكو هواية فرق بالاسعار
-
يعني تنصح واحد يشتري لابتوب من امريكا ... زين مو نفس السؤال انه المنظمة حتعرف عندك فلوس؟
-
شكرا اخي العزيز
عل الموضوع المفيد
تحياتي اللك ..........
-
من رخصة الاخ اس اي في 2007 اني شخصيا انصحك تجيب لابتوب واحد (اذا انتو عائلة ) بس علمود اول ايام ما تنقطع عن العالم الخارجي يعني لاتليفون ولاتلفزيون (قنوات عربية او عراقية) واشتري جديد من امريكا لان هنا مواصفات عالية وبسعر هواية ارخص من العراق
المنظمة شعليها باللابتوب خوما راح تكوللك هذا منين؟ وبعدين اخونا هو بيش اللابتوب راح تلكى من 200 الى ما شاء الله اسعار يعني المنظمة شلون راح تعرف اولا انت اشتريت لابتوب جديد؟ بلكي مستعمل؟ وثانيا حتى لو جديد انت من حقك انه على الاقل يكون عندك 1000 دولار بالشهر برصيدك وتبقى مستحق للمساعدات
اخونا هي السيارة (طبعا بسعر معين) ما تقطع المساعدات خوما اللابتوب راح يقطعها كلام اخونا اس اي في 2007 مضبوط بس جيب ستكرات عربي لان صعب تحصلها هنا يعني مو بكل الولايات
-
الاخ اس اي في 2007 بارك الله بك عل الموضوع المفيد
وقرات كل الاراء وهي جميلة ومفيدة .. ورايي انا بالموضوع ان نصيحة اختنا سرى جدا ملائمة .. اذا انتو عائلة جيب وياك لابتوب راح يفيدك باول ايام بهواية امور من ضمنها الاتصالات وما شابه وفي حالة رغبتكم بشراء لاب توب فأفضل ان يكون من داخل الولايات المتحدة ليس لكونه ارخص بل لكي تكون مشمول بخدمات كثيرة ومفيدة ومن ضمنها بالطبع الضمان ايضا تقدمها لك محال بيع الكومبيترات في حالة كونك تشتري منهم وبالنسبة للاسعار انى لا ارى انها هنا في امريكا رخيصة بل اراها قريبة باسعار بغداد ( وما متأكد اذا كانت الاخت سرى تقصد بسعر 200 دولار جديد او مستعمل بس اغلب الضن تقصد مستعمل ) ومثل ما تفضلوا الاخوان ما اله علاقة شراء لابتوب نهائيا بمساعدات المنظمة .. اخوية حمودي ابن زيونة ( ابن ولايتي ) المنظمة نهائيا ما الها علاقة شكد عندك فلوس وشكد راح تصرف من اول يوم توصل بيه هذا شغل غير دوائر ومو من اول ما تجي وحسب قوانين واسقف رقمية موضوعة من تتجاوزها بذاك الوكت كلشي بحسابه ;D
وتقبلوا مروري
كريكيت
لاس فيغاس
-
الف شكر اخونة العزيز على هذه المعلومات القيمة
أختك أمنية
-
السلام عليكم
شكرا اخوية على المعلومة و احب اضيف انه الي يسافر ياخذ ويا برامج من العراق لان ارخص بهواية و الشي المهم انه الي متعود على نظام XP خل ياخذلة نسخة مضبوطة و يا و كم كلكشن مال برامج لان هناك من تشتري لاب توب يطوكياها منصبة فستا و الاقراص غالية و الي يحتاج اي استفسار بهذا الموضوع اني بالخدمة
تحياتي [/color] [/font]
-
عاشت الايادي اخي العزيز على هذة المعلومات القيمة
-
اوكي دا افكر اخذ لابتوب تعبان امشي بيه اموري مثل ما تفضلتوا وبعدين اطكه الابل ماك
-
اخونا العزيز كريكت اني بنفسي شايفة لابتوب بالهوم ديبو شاشة شوية اصغر من العادية (يعني شوية اكبر من النوتبوك) ب200 و299 و300 دولار وطبعا مو بس شغلة الرخص الشغلة انه ما تسوه التعب والشيلة الافضل انه تاخذ لابتوب حديث منا واصلي وبمواصفات وخصوصا الللابتوبات الجديدة (بالنسبة النا) واللي يسموها النوتبوك (يعني الصغيرة) فد شي جدا ملائم بالسفر ووزنه كيلو وشوية
اخونا eng. ahmed هنا ماكو بالجديد بعد فستا هسه كله لو وندوز 7 لو وندوز 7 ستارتر وبعدين انت تسويله upgrade واحنا شفناه كلش ممتاز وزين وبعدين انت اذا ناوي تعيش بامريكا لازم تتعلم على الانظمة الجديدة يعني منو يكول راح يظل اكو شي اسمه XP مو صحيح؟ الوندوز سفن الموجود هنا كلش زين وسريع
بالمناسبة الوندوز 7 هنا وحده ينباع ب199 دولار فاشتريلك حاسبة احسن ومرات تلكه عروض من بعض المحلات المشهورة بامريكا وتلكه حاسبات مواصفاتها ممتازة وباسعار ما تتخيلها وها مرات تجيك كعروض اذا انت مشترك كعضو مثلا بالموقع مالتهم
-
شكرا للاخ صاحب الموضوع
سرى ... كلامج صحيح 100% لان وندوز 7 فد شي رائع جدا .. واني اشتغل بيه هسه بحاسبتي وبيه فقرة كلش حلوة يعني هو يسوي فرمتة وتنصيب كل البرامج وياه بدون ما الواحد يعرف الشاشة وما اعرف شنو ...
الحلو بالموضوع اني اشتريته ب 1000 دينار يعني ماكو فرق عن 199 دولار ههههههههه
زين فد شي جدا مهم يعني مثل هيج برامج (مستنسخة) ممكن تتنصب على لابتوبات امريكا لو ما الها علاقة ؟؟؟
تقبلوا مروري جميعا مع خالص التقدير
-
موضوع حلو يا ريت بعد اضيفون تجاربكم حتى لا نتقفص ;D بالمستقبل
شكرآ لصاحب الموضوع
-
اخوية العزيز زيوس بالنسبة لتجربتي المتواضعة شفت اني كل الحاسبات الجديدة بيها لو وندوز 7 ستارتر لو windows 7 home premium يعني ما شفت حاسبة ما بيها وما ادري ممكن تشتري حاسبة بدون وندوز سفن او فستا وتنصب عليها لو لا وهل راح تكدر تنصبه على حاسبات امريكا لو لا بلكي يجاوبونا الاخوان مثل ماجلان او ابو اندرو لان ادري هم عدهم شوية خبرة بهالمجال احنا لمن اشترينا الوندوز سفن نصبناه بكل سهولة والحلو انه ماتحتاج تشيل من الحاسبة اي برنامج هو راح يتنصب وتبقى انت محتفظ بالبرامج اللي بحاسبتك نفسها
على شغلة الرخص اليوم اني شفت طابعة hp ليزرجت 4 في 1 (استنساخ/سكانر/طباعة/فاكس) بمحلات staples واللي هي مو رخيصة ب89.99 دولار يعني تقريبا ب90 دولار وبيها مواصفات اخرى ما لحكت اقراها وانتو حكموا بعد
شفت نوتبوك (لابتوب صغير) hp وبيه وندوز سفن هوم بريميوم وtouch screen ب599 دولار
-
ماكو احسن من الميلينيوم والاكس بي وماكو داعي للبهرجة والكشخة
-
??? ??? ??? ???
-
تحية عطرة
ارجوا ان تسمحوا لي بالرد على موضوع تنصيب الحاسبة بنسخ الوندوز واقول للجميع نعم تستطيع ان تقوم يتنصيب اي نسخة تريد على حاسبتك وان كانت من اي نوع ولكن هناك بعض الامور المهمه التي يجب مراعاتها وهي ان كنت ترغب بتنصيب الوندوز اكس بي وحاسبتك من الموديلات الحديثة (التي تحدد تنصيب نسخة فستا او 7 ) في هذه الحالة عليك اولا الحصول على تعاريف الحاسبة الخاصة للوندوز اكس بي (غالبا تكون من المنتديات حيث لا ترغب الشركات بان يتم تنصيب نسخ قديمه من الوندوز على اجهزتها) وكذلك استخدام نسخة حديثة من نسخ الاكس بي والتي تتجاوز مشكلة التنصيب عند بداية التنصيب وهذا الموضوع معروف جدا بالنسبة لذوي الاختصاص واذا كنت في العراق حاليا او في سوريه ستجد الكثير من النسخ التي تتحدث عن المشكلة وحلها
وبالنسبة للاسعار الموضوع يعتمد على نوع وموديل ومواصفات كل حاسبة ولا يمكن المقارنة فقط من خلال ماركة الحاسبة اطلاقا وكذلك المنشأ واي سؤال فني عن مشاكل التنصيب او الحاسبات اني حاضر
شكرا
-
الحل:
اشتري لابتوب ب 500 دولار واشتغل عليه اهناك مراسلات وسوي السيرة الذاتيه اول متوصل ... وره متستقر عود اشتري ارقى لابتوب والقديم انطيه تبرع لاحد المنظمات الخيريه.
-
مشكورين اخوان على الموضوع المهم واحب اضيف النقاط التالية
اولا:هناك نوعين من الوندوز ,واحد يكون على شكل سي دي منفصل وتصل اسعاره الى حوالي 200 دولار ومختلف انواع الوندوز 7 و فيستا و اكس بي وهذا النوع تكون مايكروسوفت شخصيا ;D هي المسوولة عن الدعم التقني له يعني اي شي او مشكلة تواجهك تخابرهم ويحلوها وهمة الممنونين
النوع الثاني يكون متنصب على جهازك ومخزون بيه من تشتري جهاز جديد يعني بدون سي دي وسعره يكون من ضمن سعر الكومبيوتر وهذا مشكلته انه مايكروسوفت تشمرك على الشركة المصنعة للكومبيوتر وتكولك هي المسوولة عنك وبصراحة اني واجهت مشكلة من ردت اعيد الفرمتة لان ما قبل السيريل اللي ملزوك اسفل الكومبيوتر وراسلت توشيبا المصتعة للابتوب بس بدون جواب وهواي اصدقاء نفس المشكلة بس يجوز لان احنة مو مختصين بهاي السوالف.
ثانيا:من تشتري فرضا لابتوب منصب عليه فيستا وتريد بعدين تنصب عليه اكس بي وتمسح الفيستا راح تجابهك مشكلة التعاريف مال الجهاز لان تختلف واحيانا الجهاز ما يقبل الاكس بي فتحتاج الى معالجات و وجع راس مثل ما كالو الاخوة
ثالثا :نقطة مهمة الفيستا طلع بيها نوعين 32bit و 64bit فحاول تجيب وياك سيدين للفيستا للنوعين لان اكو كومبيوترات بس تقبل ال 32 واكو بس تقبل ال 64
رابعا:اكو برامج بعد ان تنصب الوندوز المو اصلي يسموها كراكات كلكم تعرفوها تحوللكم نسخة الوندوز الى اصلي وطبعا اكو صراع بين الهاكرز والمايكروسوفت بخصوص هاي النقطة
عبسي
-
اخوية العزيز زيوس بالنسبة لتجربتي المتواضعة شفت اني كل الحاسبات الجديدة بيها لو وندوز 7 ستارتر لو windows 7 home premium يعني ما شفت حاسبة ما بيها وما ادري ممكن تشتري حاسبة بدون وندوز سفن او فستا وتنصب عليها لو لا وهل راح تكدر تنصبه على حاسبات امريكا لو لا بلكي يجاوبونا الاخوان مثل ماجلان او ابو اندرو لان ادري هم عدهم شوية خبرة بهالمجال احنا لمن اشترينا الوندوز سفن نصبناه بكل سهولة والحلو انه ماتحتاج تشيل من الحاسبة اي برنامج هو راح يتنصب وتبقى انت محتفظ بالبرامج اللي بحاسبتك نفسها
على شغلة الرخص اليوم اني شفت طابعة hp ليزرجت 4 في 1 (استنساخ/سكانر/طباعة/فاكس) بمحلات staples واللي هي مو رخيصة ب89.99 دولار يعني تقريبا ب90 دولار وبيها مواصفات اخرى ما لحكت اقراها وانتو حكموا بعد
شفت نوتبوك (لابتوب صغير) hp وبيه وندوز سفن هوم بريميوم وtouch screen ب599 دولار
بالمناسبة اختي ها الاسعار الي دا اتكوليها بدون تاكس صح ؟ لان لا تنسين التاكس 8 % يعني حوالي 80 دولار
و هاي العروض الي تحجين عليها ايسووها حتى ايمشون الشغلات الي راح موديلهن اذا ملاحظة من اطبين للبيست باي تلكين لاب توب و جنطتها و طابعة و رام و بند ورق و كومة سوالف بسعر رخيص من ادققين تلكيه قديمة يعني مو ذيج المواصفات مو صحيح ؟؟؟
تحياتي للجميع
-
اخوان عندي سؤال بخصوص بخصوص الاجهزة الكهربائية
عندي بعض الاجهزة المطبخية اشتريتها عن وقت قريب وحجمه صغير يعني تنصحوني اتركه يعني ابد ما اصير لها حل بامريكا يعني ما اكدر ركبله محولة وتمشي حالها لو حتى من احط المحولة ما تشتغل يعني بس الفولتية تفرق لو حتى التردد يختلف اعرف كلشي بامريكا متوفر بس شنشتري وشنخلي علاقل نخفف بالمشترات احسن ما نرمي كل حاجاتنه تقبلوا مروري مع كل الشكر
-
اخوية العزيز (جزاء الاحسان) والله اني من رأيي لاتجيب اي شي يعني كم محولة تشتري؟! احنا مثلا جبنا السشوار وهسه متندمين لان ما يفيد هنا تعال شكل محولة ومدري شنو بينما الجديد بدون تنزيلات من ال10 دولارات وانت صاعد
وانت بقت بكيفك اخونا بس موبايلك اذا حديث ممكن تجيبه وهم حسب شركة الهاتف اللي انت ان شاء الله تشترك بيها
تحية لاخونا siv2007 عالموضوع المهم
-
السلام عليكم جميعا أخوتي وأخواتي الاعزاء
طبعا نزلت الموضوع البارحه وبعدها خرجت من الموقع واليوم تفاجأت من كثرة الردود والمشاركات القيمه من الأخوة والأخوات..بارك الله فيكم جميعا.. واعتقد تم الأجابة على جميع التسآولات ومن ضمنها سؤال الأخ حمودي بخصوص المنظمه. المنظمه لا علاقة لها وليس كما تتصور من انهم يدققون في ابسط اشيائك بالعكس فهم يريدون منك ان تكون معتمد على نفسك. ومثال ذلك اشتريت سياره موديل 2000 وسألت ابو المنظمه وهو انسان طيب وشريف وقال لي بالحرف الواحد(المنظمه والولفير يريدون لك ان تبدأ حياتك وهذه من ضروريات الحياة) لكن موديل السياره يجب ان يكون اقل من سنة 2000.
بالنسبة لشغلة العروض والأسعار في اميركا فهي حقيقيه 100% وليس كما نتصور في اسواق العراق والعالم العربي .هنا عندما يكتبون في الاعلانات تخفيض 70% فهو 70% حقيقة وليس كذب
يعني لو اليوم كان لابتوب في السوق ب100 دولار فهو ب100 دولار ولكن لو غدا تم وضع تخفيض ب50% فهذا التخفيض حقيقي وليس كذب يعني لو اشتريت الجهاز اليوم فانك تدفع 100 ام اذا اشتريته غدا فستدفع 50 دولار ناهيك عن الضرائب.
هنا في اميركا يوجد الكثير من المحلات تقوم بالتخفيض بين فترة واخرى وخصوصا في المناسبات على العكس من بلداننا ففي المناسبات والاعياد تصعد الاسعار ربما 100% .
لا تستغربوا كيف ان الله وفق هذا البلد ,فهذا البلد مكان لكل من يبحث عن وطن ولكن جذورنا لاتزال في العراق ونتمنى ان نرى عراق تسوده العدالة والانسانية كما نراها هنا.
-
شكر للاخ siv2007 على هذا الموضوع المهم
وانا احب اضيف ان الكثير من الاجهزه الكهربائيه هنا متوفر وباسعار ارخص مع ضمانات للسلعه اضف الى ذلك انها اصليه المنشأ وتكدر ترجعه خلال شهر من تأريخ الشراء اذا ماعجبتك
انا اشتريت تيشيرت لابني وطلع كبير عليه بسعر 11 دولار وره اسبوع رجعته لكيت السعر صار 8 دولارات بس من قتلهم اريد ارجعه خذو التيشير ورجعولي فلوسي كامله 11 دولار يعني ما قالوا لا مو السعر هسه نزل واحنا راح نبيعه بخساره ههههه ;D
يعني هنا من تشتري تكدر اجرب السلعه وبعدين اذا ماعجبتك ترجعه وهما الممنونين ولا تخاف مايضوجون بالعكس يرجعونه وهما يضحكون
-
شغلة الارجاع كلش عاديه باميركا لانه هذه هي قصة نجاح العمل في البلد.. التعامل مع الزبائن مهم جداً.