ankawa
منتدى الهجرة واللجوء => الهجرة و واللاجئين => الموضوع حرر بواسطة: ام محمد في 11:12 17/03/2010
-
السلام عليكم اخواني واخواتي
طبعا الكل يعرف قضيتي وية iom موضوع استئناف ابو محمد وقدد حددولي موعد سفر يوم 7_4 وكتلهم اريد انتظر زوجي واجللولي الموعد وهسة كللولي اذا متسافرين نغلق ملفك واني بصراحة اريد انتظره لان هناك الحياة مو بالسهولة الي احنا نتصورها يعني المنظمة شهر شهرين ويكولونه بيباي اني عندي سوال هل صحيح يغلقون ملفي لو مجرد تخويف ارجو المساعدة الي يعرف بهذا الموضوع لان هسة طالبيلي موعد رحلة ثاني وشكرا الكم
اختكم ام محمد
عمان
-
امي الفاضلة
ما عندي معلومة اكيدة بس اتوقع انه فعلا يغلقو
ومثل ما يكول المثل عصفور باليد
وان شاء الله تتوفقين بقرارك
-
اختي ليش انت ملف وزوجج غير ملف غير العائله كلها ابملف واحد؟
-
السلام عليكم اختي الغاليه ام محمد اذا ممكن تسمحيلي انصحك لاتسافرين ابدا من غير ابو محمد
-
اخوية الحمل الملف كان باسمي اني والعائلة بيوم المحلف فصلو زوجي عني واجاني قبول وهو رفضو وهسة استاناف وننتظر الاستئناف
شكرا الك يا اخ بغدادبقلبي وشكرا لنصيحتك وهواية ناس نصحوني نفس الكلام واللة كريم
اختكم ام محمد
-
اختي ام محمد اذا رفضتي السفر لمرتين ينغلق ملفك
وبعد القرار يمك اذا ردتي اتسافرين وحدك الى ان تطلع نتيجة استاناف ابو محمد
او اذا رفضتي سفرتج وهوه طلعتله موافقه بهاي الحاله انتي الي مراح تكدرين تلتحقين بي
فاذا سافرتي احتمال تكدرين تسحبي اما اذا انغلق ملفج بعد ماكو فائده من الاستناف
وبعد انتي اعرف بضرفج والقرار قراركم
وياربي ايوفقكم لما فيه الخير لاثنينكم
-
زين؟ اكدر اخابرهم وااجل السفر لتغيير الكفيل
؟
ام محمد
-
حبيبتي ام محمد جان المفروض قبل هاي الخطوه اتحاولين اتاجلين
لان من توصل الى معاملة السفر اتكون كل الامور منتهيه وتم تبليغ المنظمه وتحضير مكان وتاجير شقه الكم وتاثيثها
ولذلك ماممكن بهاي المرحله اتاجلين او اتغيرين ولايه او كفيل
اتوكلي على الله وشوفي الوضع هناك واذا محصل زوجك الموافقه وشفتي صعب عليج العيش هناك وحدج تكدرين ترجعين شوكت متريدين ومحد يلزمج
وهم انتي اعرف بضروفج وانتي عندج القرار
وبالتوفيق يارب
-
الله يعينج اختي ام محمد والله موقفج لايحسد عليه....بس اذا اجلتي السفر مرتين يغلق ملفج وهذا ما قالته اليوم المدرسة بالدورة التثقيفية....وطبعا رأيي من رأي الاخت ريم يعني سافري احسن منما تروح عليج الفرصة وطبعا اني اليوم التقيت بأكثر من واحد مسوي استئناف وبعدين قابلي فأتمنى يكون اخونه ابو محمد يحظى بهاي الفرصة...طبعا احنة هذا رأينة يبقى انتي اللي تقررين...تحياتي وتقبلي المرور...ابو شكرية
-
ام محمد
والله موضوعك محير جدا واخاف انطيج الراي واكون سبب في معاناتك في ما بعد
بس حبيت اضيفلك معلومة
احد الاصدقاء موجود في عمان . زوجته سافرت مع اطفاله قبل اكثر من اربع سنوات الى امريكا
الى الان ينتظر الرد من اي او ام . ولم يعطوه اي رد نهائي ( الظاهر عندة مؤشر عليه غير ايجابي)
يعني صارلة تقريبا خمس سنين ملفه في دائرة الهجرة ولايستطيع السفر الى امريكا
يعني لو ماعندة شي كان من الاول طلعوه هوة وزوجته . ليش طلعوا زوجته وهوة لا
وليش الى الان لم يقرروا بخصوص موضوعه
ارجوا ان تميزي انتي الموضوع . وخصوصا لماذا لم يوافقوا على زوجك
ابن عين كاوة
hamada2
-
اشكركم بس كالولي متكدرين ترجعين لان ما عندج اقامة بعمان يعني مينطوج فيزة زين شلون؟
شسوي واللة محتارة؟
ارجو المساعدة
-
وهمه هناك اجلو تاجير الشقة يعني المنظمة اجلت جيتي يعني ما اكدر اغير الولاية؟
-
ام محمد توكلي بالله وسافري
وتكدرين من تاخذين الجواز المؤقت الامريكي بعد شهر او شهرين من وصولك امريكا تبلغين الدوائر المختصة
بسفرك خارج امريكا ( اخذ الموافقة ) وترجعين الى عمان مؤقتا
الاردن زوجك يقدملك على فيزا من داخل عمان ونشالله تكدرين تدخلين الى الاردن
لاضيعين السفر نهائيا . انتي الي عليج سوي والباقي التساهيل من رب العالمين
ام محمد لاضيعين السفر نهائيا لان فرصة وبعد ماتتعوض
ابن عين كاوة
hamada2
-
أختي الفاضلة أم محمد :
بإعتقادي المتواضع هذا موضوع شائك وعلى جانب كبير من الخصوصية لا يستطيع أي إنسان آخر سواكما ( أنت وأبو محمد) أن يبت فيه . وقدر تعلق (بالهجرة) فإنها إنتقالة كاملة من واقع إلى آخر ، ما قد يجعل إي مشورة أو نصيحة تجاهها قاصرة وربما لا تؤدي غرضها الصحيح في مثل حالتكما .
كل ما أستطيع قوله ، أن يوفقكما الله إلى القرار الصائب .
تحياتي
-
الف شكر حبيبتي ريم واشكر الاخ ابو شكرية والاخ حمادة والاخ انكيدو على اهتمامكم الرائع والجاد واتمنى
تنحل بوجودكم ودعائكم
شكرا الكم
ام محمد
-
اختي الفاضلة ام محمد بعد التحية والسلام
نصيحتي لك بان تسافري ولا تضيعين هذه الفرصة واذا لاسامح الله اجة لابو محمد رفض فانت تكدرين اتسحبيه وهذا رائي والتوفيق من عند الرب
-
اخت ام محمد اني كتلج من قبل وبعدني اكلج توكلي على الله وسافري وابومحمد خلال ٣اشهر هو يمج لان تسويله لم الشمل ويسوها بسرعه لان الاطفال بحاجه ماسه لابوهم وتاثر على حالتهم النفسيه يعني من تروحين هناك رتبي هذا الموضوع وهمه يهتمون بالجانب النفسي خير الامور اوسطها توكلي على الله وان شاءالله ينجمع شملكم ودائماعائله وحدة مع كل الموفقيه
-
اختي الحبيبة ام محمد توكلي على اللة وسافري واخي ابو محمد راح يلحكك شي اكيد هاي الشغلة صارت وي هواية عوائل لا تلغين سفرك توكلي على اللة وربي يوفقك وتسافرون وتوصلون بالسلامة
-
نصيحة ابلاش
لتسمعين للي يسوولج البحر طحين ويكولولج ابو محمد يجي وراج ب 3 اشهر
منين جابو هاي المعلومات ليش لازم يشتغلون بالخارجية الامريكية لو بالهجرة والجنسية
ما دام زوجك انرفض من المحلفين صارت فرصته ضعيفة جدا لان الامريكان يعتبرون قرار المحلف هو الاساس في قبول التوطين على اعتبار انه استمع الى القضية مباشرة ومن ثم تاتي الموافقة الامنية من داخل امريكا
اني اتعجب من زوجة توضع في امتحان بسيط مثل هذا وتحير
الى هاي الدرجة وصلو العراقيين ؟؟؟؟؟
مع الاسف ان تطلبين النصيحة في موضوع محسوم مثل هذا
يعني معقولة زوجة تترك زوجها وتسافر واكو احتمال انه ميلتقون بعد ؟؟؟؟؟
ومع الاسف على اللي ديشجعوج على السفر واني متاكد واحدهم لو هذا الشي صار وية اختة راح يكون اول من يرفض سفرها بدون زوجها
وليش تعتبرون السفر الى امريكا فرصة متتعوض بالعكس خسارة الزوج هي الفرصة اللي متتعوض
اني كان اكدر اقرة الموضوع وما ارد علي بس كلت خلي اوصلج نصيحة ابلاش تريدين تسمعيها او متريدين تسمعيها
لا تظلين بحيرة اعتبري التوطين اصلا مطالعلكم وعيشو حياتكم طبيعية
وحاولي تاجلين السفر الى ان تنحسم قضية ابو محمد واذا غلقو ملفج فعسى ان تكهروا شيئ وهو خير لكم
ويا ريت الادارية الجديدة تكللنة منين جابت التاكيد على ان ابو محمد اللي رفضو المحلفين راح يكدر يسافر
واذا مكدر يسافر وخسر عائلته راح هي تعوضكم عنه
حبذا النصيحة تكون بالمعروف وليس بغيره
-
اخوية على كيفك ليش صاير عصبي اني من كلت الها توكلي على اللة وسافري تعرف ليش لان الزوج راح يوصل لعائلته يوصل باي طريقة كانت سوى تكلف محامي يرجع يفتح ملفه او هي من تاخذ الكرين كارت او هو من حقه ورى فترة يطلب زيارة يروح يشوف عائلته وبداخل امريكا يطلب لجوء ماكو شي مسسسسسسسسسسسسسسسسسسسسسسستحيل بس يكون عندك قوة الصبر خلي هو يضحي في سبيل اولادة يعيشون حالهم حال الاطفال الي بامريكا او اي الدول مو محرومين من ابسط حقوقهم فيا اخي العزيز اني لا ما اشتغل باي جهة اني مجرد اكتب الي داشوفه هنا من خبرات الناس وشكرااااااااااااااااااااااااااااااااااا لك
-
الله يوفقك اختي ام محمد وانتي بعد لازم هم اتخلون الشغله نهاية القرار بيدكم يصير يعني الاخوه هنا حجو وانطوج ارائهم والباقي انتم اتوكلو على الله وخصمو الموضوع بينكم ان شاء الله يكون قراركم صائب
-
عيني ام محمد الله يقدم الي بيه الخير
توكلو على الله وشوفو شنو الشي الي انتو تريدوه الكم ولاولادكم بالدرجة الاولى
والله لايحير عبده ان شاء الله ويريح بالكم يارب
-
السلام عليكم
عيني ام محمد اتوكلي على الله وسافري وتره متموتين جوع اذا اجيتي وخلي قضيه ابو محمد تنحسم واذا منحسمت مثل ماكالت الاخت انجي توكلين محامي ويسوي لم شمل فكري باطفالج
والله اعرف ناس طلع الزوج وبقت الزوجه ومن استقر دز عليها واجتي تره مو صعبه
حظرتج بيا ولايه حتى نكدر انساعدج اذا يمنا واذا مو يمنا هم اكو بعد كم عراقي يحب ايساعد بغير ولايات
الله يفرجها عليج ان شاء الله
سونمز
-
السلام عليكم اخواني واخواتي
اشكركم على انفعالكم وياية واني متاكدة كلكم تريدولي الخير هي طبعا فرصة متتعوض لان هي مو النا للاطفال واشكر الفهد وعراقي وافتخر صحيح انت كتلي روحي من البداية بس تعرف الانسان
رايح للمجهول واني واطفال اثنين يعني خايفة بس من كالولي نغلق ملفك واللة بصراحة شوية تقويت واشكر الاخت العزيزة انجي على وكفتها الحلوة بس عندي الج سوال صغير ؟؟؟؟؟؟؟؟ يعني لاسامح اللة اذا اجى زوجي رفض مرة ثانية اكدر اسويله لم شمل لو لا؟ زين لان اني اخاف اروح واعصى هناك وطبعا اختي بولاية شيكاغو وهسة بدلو علية كالولي متكدرين تستفادين من المنظمة لان انت بحدج يعنيsingel mamوالمنظمة راح تاكل الفلوس عليج من هالحجي هل صحيح اذا شافوني بحدي راح يتركوني ارجو المساعدة؟ واشكر الاخالناقد والاخ ايبووووو والاخت العزيزة ام فيصل اشكرج ووواشكر دعواتك واشكر الاخ سونمز على كلامك الي خفف عني اني على اساس بولاية شيكاغو وبعدين الكفيل خوفني انه مينطوني مساعدات كاملة ويكطعون علية الراتب اذا ما اروح للمدرسة ولازم احير باطفالي ومن هالحجي
فقررت اروح ولاية كولورادو والف الف شكر الكم جميعا
اختكم ام محمد
عمان
-
شفتي يا ام محمد
اختج اللي انتي معتبرتها الكفيل بدت تسحب نفسها والمفروض بيها تستقبلج وتتكفل بيج لان انتو بغربة وحتى اذا منطوج راتب تتقاسم وياج الخبزة مو هيج الاخوة ؟؟؟؟
بالغربة كلمن يكول ياروحي وهاي انتي بنفسج جربتي وقررتي تغيرين الولاية والمفروض اختج اللي موجودة بامريكا تساعدج الى ان توكفين على رجلج
المنظمة تبقى تتكفل بيج وماكو شي اسمة سنكل مام وراح تاخذين حقج حالج حال اي لاجيئ جديد
بس ترة العيشة مو سهلة ابد بامريكا وانتي عندج اطفال يعني وضعج ميشبه وضع غيرج
وبكل الاحوال يظهر انتي قررتي تسافرين وتتركين ابو محمد فانتي صاحبة القرار وانتي راح تتحملين النتائج وحدج
انتي طلبتي النصيحة والعلينة احنة سوينا وبالنهاية كلمن يشوف القضية من وجهة نظرة
واللي يكول خلي الرجل اشوية يضحي اني اكلة بالفعل هو راح يضحي ..... بس بيش راح يضحي ؟؟؟؟
راح يضحي مو بنفسة راح يضحي بزوجته واولاده وبحجة المدارس الزينة والحياة الحلوة والايام راح تثبت
نصيحة اخيرة وبعد مراح اعلق على الموضوع نهائيا والنصيحة هي
لتغيرين الولاية وابقي يم اختج لان مهما يصيرلج تبقى اختج وتحن عليج
-
اشكرك اخوية واشكر اهتمامك وانشاء اللة اذا اللة راد اروح هناك وكلشي بيد رب العالمين بس تعرف القلق لان رايحين للمجهول وانشاء اللة التساهيل من رب العالمين اشكركم اخواني جميعا
ام محمد
-
حبيبتي ام محمد اذا ناويه اتروحين على شيكاغو
هذا رابط عن كل ماقيل عن ولاية الينوي ومدينه شيكاغو
ان شاء الله تستفادين منها
http://www.ankawa.com/forum/index.php/topic,376128.msg0.html#new
-
حبيبتي ريمه فتت على هذا الرابط ومطلعلي اي شي يكلي تاكد اني سويتله كوبي بيست ومطلع شي
ام محمد