ankawa
منتدى الهجرة واللجوء => الهجرة و واللاجئين => الموضوع حرر بواسطة: moonlightiq في 17:09 17/03/2010
-
اعضاء المنتدى المحترموون ...
آني طبيب مقيم بعمان قدمت على اليو أن من 2007
تم تحديد موعد للسفر الى امريكا يوم 9-9-2009 وقد اتصلت بهم لتأجيل السفر لأن شلووون صدفة وحظ والدي صار عنده نزيف بشبكية العين من السكر وكنت منتظره يجيني من العراق لعمان لعمل العملية في الاردن إذ اني الوحيد له بعد استشهاد وفقدان اخوتي في العراق وتم التأجيل, واتصلو بعد حوالي شهر لتحديد موعد ثاني واخير يوم 11-11-2009 وطلبت التأجيل مرة ثانية لنفس السبب ولم استطع مرغومآ الذهاب الى موعد السفر !!!... اتصلت بهم بعد ذلك اكثر من مرة وابلغوني بان ملفي مغلق ...!!!
ظليت حاير فذهبت للتسجيل مرة ثانية لمفوضية اللاجئين وقد تم تجديد الوثيقة بدون مقابلة او حتى سؤالي لماذا لم اسافر الى امريكا او حتى أعطائي فرصة لفتح ملفي مرة اخري ...
ماهي فرصي في فتح ملفي لامريكا مرة ثانية او هل هناك فرصة لتوطيني لبلد آخر اذا ظليت وياهم مسجل على المفوضية بعد شغلة امريكا ...
وشكرآآآآآآآ
-
أخوية العزيز
ان شاء الله اخوية ينفتح ملف سفرك من جديد ياربي وتسافر وان شاء الله الصحة والعافية للوالد
أختك أمنية
-
اخوية مون لايت اكو قانون اصور الي محصل لجوء او فيزة هجرة وما سافر لازم ايعيد البروسيجر من البداية وان شاء الله ما ياثر علي ملفه القديم
-
اخي الفاضل ارسل لهم رسالة اشرح بيها حالتك بالتفصيل وارفقها بتقارير الوالد وانشاء اللة يقدرون الوضع ويفتحون ملفك من جديد تحياتي
-
هو هم هيج راح اسوي ولو أتأخرت ... أشكركم على هاي الردود الفاضلة واتمنى ألكه واحد مثل حالتي شسوه بعدين !!؟؟؟
-
اخي العزيز اخذ كل التقارير الي تثبت دخول الوالد المستشفى وقدمها الهم اذا رفضوا ياخذون او يستمعون الى طلبك اطلب منهم مقابلة محامي الهجرة او اخذ رقم تلفونه واشرح الحالة والظروف الي منعت سفرك وانشاءللة يكون خير
-
اخي الكريمmoonlightiq
شغلتك انشالله سهلة جدا جدا
تراسل الاي او ام في عمان وتبعثلهم التقارير الطبية الى الاميل الي راح ادزة الك على الخاص
وتشرحلهم اسباب عدم السفر
ونشالله سوف يعيدون فتح ملفك من جديد باقرب وقت ممكن
ولايضل بالك المسئلة سهلة جدا
سوف ابعث لك الاميل ورقم التلفون على الخاص لدائرة الهجرة
ابن عين كاوة
hamada2
-
اخي الملف ممكن ينفتح ماكو مشكله باي لحظه واذا كانت عندك اعذار موثقه بتقارير طبيه انشاله
يفتحو ويحددولك موعد سفر والافضل تتصل او تروح للمنظمه تقابل شخص مهم لشرح الحاله واذا
تعذر ذلك اخذ بنصيحه الاخ حماده وراسلهم واشرح وضعك وارفق التقارير الطبيه لوالدك والله يقدم
بي الخير انشاء الله
-
سوف ابعث لك الاميل ورقم التلفون على الخاص لدائرة الهجرة
hamada2
تسلمون يا شرفاء ... انتظرك حماده تدزلي الايميل ورقم التلفون ....
-
جتي الرسالة واشكرك على وقتك للشرح الثمين يا وردة
-
اخي الكريم اتصل بالاي او ام _عمان واطلب يحولوك على الادراة واشرحلهم وضعك بالتفصيل وبلغهم انه عندك كافة التقارير الطبيه وان شاء الله ينفتح الملف من جديد ... والف سلامة للوالد
-
Thanks for everyone ... I will write a letter explains everything and I'll attach the reports ...
-
ياربي ايسهل امرك ان شاء الله ويفتحون ملفك واتبشرنا باستمرار قضيك
وبالتوفيق
-
IC@IOM.INT هذا الايميل ابعثلهم كلشي ولاتخاف هواية مثلك وبعدين سافروا ومشت امورهم .....زالله يسهل على الجميع
-
انشاء الله ينفتح ملفك من جديد يامون لايت ونشوفك بامريكا وبالولاية اللي تريدها
-
بس سؤال أخير , الرسالة جاهزة بس أدزها بالعربي لو بالانكليزي أحسن ؟؟؟ أ رجو الافادة شاكرين تعاونكم المخلص يا شرفاء
-
ان شاء الله الفرج بقرب وقت اخويه العزيز وتمنالك الموفقيه بسرع وقت ممكن
-
بس سؤال أخير , الرسالة جاهزة بس أدزها بالعربي لو بالانكليزي أحسن ؟؟؟ أ رجو الافادة شاكرين تعاونكم المخلص يا شرفاء
-
الله يسهل امرك يا رب
-
اخوية
اذا بالعربي او بالانكليزي متفرق انت شون تحب ارسلها
واتوكل على اللة وانشاء اللة خير
اختك ام محمد
-
دزيتها بالعربي وبالانكليزي بلأيميل وراح اروح لمقهرهم بعمان وأذب ظرف بصندوق البريد والله كريم ... أدعولي
-
أخوان تم الاتصال بنا من IOM وحددولنا موعد لاعادة الفحص الطبي ... يعني مشت شغلتنا من جديد ؟
-
تحيه طيبه
ولو ممتأكد من الأجابه بس أعتقد أنو مدام طلبوكم للفحص من جديد معناتها قضيتكم ماشيه لسبب بسيط هو أنو الفحوصات صح هيه ببلاش عليك بس تكلف المنظمة فأعتقد ميسووها الا اذا كان الملف ماشي.
وبالنسبة لسبب أعادة الفحص فحاليا بعمان حسب ما سمعت الفحوصات تنعاد كل ستة أشهر في حال عدم السفر.
تحياتي
-
الاخ moonlightiq
مبروك اخي الكريم اعادة فتح ملفكم من جديد
اي نعم اخي الكريم اتصالهم لك لاعادة الفحص يدل على اعادة فتح ملفك وكل شيء جاهز
باقي اجراءات السفر يكملوهة الك ( وصول الامنية + الفحص الطبي + اكمالك الدورة التثقيفية = قسم السفر)
انشالله تسهل امورك باقرب وقت اخي الكريم تمنياتي لك بالموفقية
-
أشكركم على هاي الردود والتمنيات الطيبة وراح اتواصل وياكم أول بأول انشالله .. بليا ارادة الله و بلياكم جان ما صار شي ..!
بس بقه استفسار واحد .. آني هذا السبت راح يجيني مولود جديد .. هل يأخر سير المعاملة وشنو الاجراءات أللي لازم اسويها بالنسبة للملود الجديد علمود اضافته للملف؟ نصيحتكم أخواني وأخواتي الاعزاء
-
اخ مونلايت انشالله الاميل والتلفون استفاديت منه
-
مرحبا دكتور اي اكيد ممكن اضافته وان شاء الله من يجي بالسلامة اتصل بيهم بعد ان تستخرج بيان الولادة وضيفه عالملف والله يسهل امركم وطبعا المسألة تتأخر بأضافة اي شخص جديد بس بما انه مولود جديد يعني ماكو طبعا عنده تاريخ امني يدققون بيه او شي من هذا القبيل ان شاء الله خير ومبروك مقدما
اختك
سرى
-
هاي الفرحه صارت فرحتين هم فتح الملف وهم المولود الجديد ان شاء الله موفق والف مبرووووووووووووووك
عليهم اثنينهم وربي ان شاء الله يتيسر امرك ويتربه بعزك واتكوم اختنه بالسلامه تقبل تحياتي
-
أشكرك ياhamada2 يا أصيل على مساعدتك والأيميل الخاص مالتك طبعآ أستفاديت منه ..
الله يبارك بيك يا eboo وبالعراقييين الشرفاء بهالمنتدى الرائع ..
وشكرآ أختي سرى على تعليماتج والله يبارك بيج ..
وانشالله نظل على تواصل
-
زين عندي أستفسار معقد شوية ...
زوجتي جان عدها جواز S ومضيوف عليه ابني ... وطلعتلهم كل واحد جواز G وفعلتهم ( نقلت الاختام والاقامة السنوية بالمركز الامني ) بس ما لغيت القديم ... شنو رأيكم لما يجيني المولود الجديد بأذن الله أضيفه على الS وامشي بالمعاملة ؟!! لأن مثل ما تعرفون راح نتأخر الى أن اسوي جواز G جديد ...
طبعآ طلعتلهم اقامات سنوية على جوازاتهم الجديدة G
استشيرهم جماعة الIOM بهذا الشي ؟؟؟
ادري الموضوع معقد ويدوخ بس يمكن وصلت الفكرة ..!!!
-
أخي العزيز فكرتك وصلت بس جوابها مع الأسف مو يمي ولا أعتقد حتى عند الIOM
أتصور الجواب تلكاه بالأقامه والحدود ممكن تشرحلهم وضعك وصعوبة أصدار جواز الG وهمه راح يكلولك شنو تسوي
هذا رأيي وأتمنى من أصحاب التجارب أنو يفيدوك...بس تتدبر عادي مابيها مشكله
تحياتي