ankawa
منتدى الهجرة واللجوء => الهجرة و واللاجئين => الموضوع حرر بواسطة: ok_ok755 في 02:03 21/03/2010
-
السلام عليكم اخواني واخواتي الاعزاء
اول شي احب ابشركم بوصولي لمدينة اوستن في تكساس بعد عناء طويل ورحله طويله جدا, وراح احجيلكم بالتفصيل شنو صار ويايه
طبعا اتصلوا بيه من عمان حددولي موعد للفحص الطبي قبل السفر ورحت لمستشفى ابن البيطار الساعه 2 الظهر وجان الكي اسمي ما موجود بالاسماء كالوا ما يصير تدخل لانه اسمك ما موجود اتصلت بعمان واتصلت بالمسؤول عليه بغداد كالوا هسه راح يضيفوك وره نص ساعه صاحوني كالوا اتفضل للفحص المهم كملت الفحص بعد 4 ساعات طبعا ويايه بحدود 30 نفر بالغرفه من عوائل وشباب اخذتلي الدكتوره نبض وضغط وبعدين ودونه شربونه من هاي الحبابي ام الدود وراها رجعت للبيت وطبعا الكل جانوا ينتظروني عبالهم صار بيه شي لانه من الساعه 2 الى الساعه 6 يله رجعت وتلفوني جان يم الامانات.
ودعت الاهل والاصدقاء والاقارب واتوكلت وطلعت للمطار الساعه 6 ونص الصبح وهناك بساحة الوفود استملت التكت مال الطياره وبعدين كملنه الطريق للمطار وجان موعد الرحله مالتنه ب 12 ونص ضلينه كاعدين بالمطار بحدود ال 3 ساعات او اكثر صعدنه بالطياره وانطلقنه الى عمان واني الصراحه ما ردت انزل من الطياره مال عمان لاسباب فنيه هههههههه
وصلنه الى عمان وهناك اجه موظف الاي او ام استقبلنه طبعا رحنه لعمان ترانزيت ومن عمان الى مطار جورج كيندي بنيو يورك ورحت استلم التكت مال الطياره الثانيه ولكيت وقت الرحله الساعه 4 ونص العصر ثاني يوم لذلك خلونه نبات بالفندق مال المطار وجان هم اسمي ماكو ويه الاسماء وجان الموظف مال اي او ام يكلي انت متاكد اجيت ويه الاي او ام كتله لا اني اجيت من القمر وبعدين خابر على المنظمه طلعوا ناسين يخلون اسمي مثل شغلة الفحص الطبي مال قبل السفر, رحنه للفندق وضلينه ليله والفندق يعني زين اكلهم طيب والغرفه هم زينه, الساعه 3 ونص رحنه للمطار وصعدنه بالطياره اللي رايحه لامريكا وبعد رحله 13 ساعه بالطياره نزلت من الطياره نسيت اسمي هههههه
وصلنه الحمد لله مطار نيويورك وهناك استقبلونه الاي او ام ورحنه لفد غرفه انطونه بيها الاوراق المهمه الوايت كارد وباج مكتوب عليه الرحلات مالتنه وارقام المنظمه وبي بعد تفاصيل وجان يجوون شرطيين مثل هذوله اللي يطلعون بالافلام حتى يختمون دخول على الوايت كارد واحنه تعبانين كلش ونريد نام جان ابو الاي او ام يكول ماكو نوم اليوم الكل لازم تسافر وتروح على المكان المحدد الها, طلعنه من المطار اخذونه بسيارات الاي او ام وطبعا ما احجيلكم الطريق كله طسات هههههه هاي نيو يورك كلها طسات ههههههه المهم ودونه لمطار يونايتد اميريكا وهذا خاص بالرحلات الداخليه بامريكا طبعا ذبونه الاي او ام باب المطار وراحوا كالوا هسه نجي والجو جان بارد واكو ناس كبار بالعمر بالاضافه للعوائل اللي وياهم اطفال, واني صرت عصبي وحاولت اتصل بالمنظمه بس محد يرد المهم بعد تقريبا نص ساعه او اكثر بالبرد اجه ابو المنظمه وكال تعالوا فوتوا جوه المهم دخلنه وانطانه التكتات مال الرحله واني لازم اروح لشيكاغو وبعدين لتكساس لمدينة اوستن وطبعا اني ما نايم صارلي اسبوع مخبوص بالتحضيرات للسفر انتظرت تقريبا بحدود 3 ساعات حتى تجي الطياره طبعا كضيتها كله فر بالمطار افتريته شبر شبر وبعدين وصلنه لمطار شيكاجو وهذا المطار عباره عن فد شي يخبل وهنا بهذا المطار هم ضلينه بحدود الساعتين او اكثر واخر شي بعد عناء طويل وتعب مو طبيعي وصلت لمطار مدينة اوستن تكساس وهناك استلمت الجنطه مالتي والحلو بالموضوع ماكو ولا واحد يستقبلنه من الاي او ام بالمطار وهم حاولت اخابرهم وماكو نتيجه المهم حجيت ويه واحد امريكي يخابر عليهم من موبايله لانه ما اكدر اخابرهم اشو هذا جان يكول ما اكدر وجان يتركني هههههه اخر شي كلت لازم اروح للشرطه وهمه يلكون حل لهاي المشكله اني دا اروح للشرطه جان وحده تصيحيني الحمد لله طلعت بالمنظمه واخذتنه بسيارتها وودتنه للشقه مالتنه وطبعا مكان الشقه حلو اني وولد عراقي كعدنه بيها الشقه عباره عن غرفه وصاله ومطبخ وحمام ومخزن يعني كلش عجبتني.
راح اكمل الكم بعدين شنو صار ويانه بس خلاصة الموضوع المنظمه مال الاي او ام موظفين ناس مو خوش اوادم واني راح ادز ايميل الهم بخصوص هذا الشي وتعاملهم جان مو حلو وشايفيين نفسهم وحتى ما يعرفون يحجون عربي.
-
الف مبروك اخي العزيز وحمدالله على سلامتك واتمنالك التوفيق والنجاح بحياتك
ومشكور على المعلومات والله يبارك بيك
تحياتي
-
الف الحمد الله على سلامة الوصول ويارب تتوفق بحياتك الجديده
-
الف مبروك اخي وصولك بالسلامة انشاءللة تكون ولاية الخير والرزق عليك ربي يوفقك يارب
-
الف الحمد لله على السلامه وانشاء الله حياه سعيده مليئه بالرزق وراحه البال
-
الحمدلله على سلامة الوصول وبالتوفيق انشالله ويارب ترتاح بولايتك الجديده ويرزقك بيها
-
اخويه الورده ---- شلونك انشالله زين ومرتاح بتكساس العز والكرامه ---- رحله جانت صدك تعب وهلاك بس الحمدلله وصلنا اخيرا --- بس بربك اني مو احلى واحد جنت بالرحله ههههههههههههههههههههههههههههههههه
تحياتي
ابوبشير
-
حمدا لله على سلامتك اخي وان شاءالله الخير كدامك بكل خطوة
-
حمد لله على سلامتك وبالتوفيق الك وكل التعب يهون ما دام
وصلت وخلصت من القلق
وانشاء الله تبدئ حياة جديده ومستقرة
-
الحمد لله على سلامتك وبالموفقيه يارب
-
الف االحمدلله على سلامة وصلولك يا غاالي وإن شاء الله تتوفق وتستقر ونسمع كل أخبارك الطيبة حبيبي ودُمت بألــف الــف خيــر .... †
أخــوكــُم / وسـام بهنـام داؤد الخابــوري
-
الف الف الحمد لله على سلامتك اخويه ها شكتلك مو كتلك متحتاج احد الله موجود اخويه هاي وصلت والحمد لله صح تعبت بس ان شاء الله وره هذه التعب تنول كل الي ابالك
اخوك العكيلي ابو فهد
-
الف الف مبروك وان شاء الله يوم الاستقرار
-
الف الف الف مبرووك وانشالله الموفقيه في بلد الاحلام اخويه العزيز
-
الف الحمدالله على السلامة
وانشالله الاستقرار وراحة البال
-
الف الف مبروك وان شاء الله يوم الاستقرار
والموفقيه للجميع
نهاد ابو علي
-
حمدلله على سلامتك , وان شالله الموفقية اخوية,بس حبيت اعرف شغلة كم ساعة بالطيارة من بغداد لعمان ومن عمان لمطار جورج كيندي واني عندي جهال ثنين شوية نحسين بالطلعة فحبيت اعرف اكو مساعدة بالطيارة اكو شي يلتهون بي ولو مراح اخلي شي ما اجيبة الهم حتى يسكتون انتة شفت وياك جهال بالطيارة , طولت عليك بس اتمنى اترد وشكرا.
-
اخي ok_ok755 الف حمدلله على سلامتك والحمد لله الي اتواصلت ويانه وبشرتنا بوصولكم
وان شاء الله تتوفقون بولايتكم الجديده
-
1000 مبروك لاخويه ok وانشالله امورك كلها تمشي اوكي واذا اكو شئ مو كلش اوكي يصير اوكي و امور اخوتك و خواتك تمشي اوكي و يارب وفق الجميع ..
-
اخويه العزيز اوكي الف لحمد لله على سلامتك نورت اوستن بوجودك
-
السلام عليكم
الف الف مبروك على سلامة الوصول واتمنالكم حياة سعيده ببلدكم الجديد ومن الله التوفيق.
ابو انس
شيكاغو
-
الف الف مبروك
والحمد لله على السلامة مع التمنيات بالتوفيق والاستقرار وهدوء البال
الناسك
-
الحمدلله عل سلامة اخوية اوكي ااوكي انشالله الاستقرار وبداية موفقة بحيل الله ...
ااااااين ااااااانااا
4ماااااان
-
الحمد لله على السلامة اسال الله العلي القدير ان يفتح ابوبه بوجهك
-
maitham70
اين انا 2
الناسك
القرش
الله يبارك بيكم اخواني الاعزاء وشكرا على مروركم اتمنالكم الموفقيه والنجاح بحياتكم
Shebo
حبيبي ورده انت النور انشاء نلتقي فد يوم
Tik Tak Tik Tak
الله يبارك بيك اخي العزيز وانشاء الله امورك هم تصير كلها اوك
ريم عبد
عيني ريم الله يبارك بيج واشكرج وانشاء الله اظل اتواصل وياكم
iraqiheart100
اخي العزيز الله يسلمك, طبعا الرحله كلش طويله شكد ما تتصور تقريبا ساعه ونص من بغداد الى عمان ومن عمان احتمال تضلون ترانزيت يوم لحد ما تجي الطياره والرحله تطول من عمان الى مطار جورج كيندي تقريبا 13 ساعه فالله يعينك على جهالك
-
نهاد احمد
الاصيل222
silver_d
الله يبارك بيكم اخواني وانشاء الله يا ربي الموفقيه والنجاح بحياتكم
مهند هادي
الله يبارك بيك اخي العزيز مهند وانشاء الله يوما اللك
alugily
الله يسلمك اخي العزيز اي اني اتوكلت على الله وانطلقت,
-
راهب الحب
بغداد بقلبي
المتميز العراقي
اربد
swan_mo
الله يبارك بيكم اخواني الاعزاء واشكركم على مروركم
أبو بشير
هله الله بالذهب اني بخير اذا انت بخير, اكيد طبعا انت وجهالك اللي يخبلون الله يخليهم الك تقبل تحياتي وشكرا على مرورك
ابو خالد
الحمل
الله يبارك بيكم وشكرا على مروركم واتمنالكم الموفقيه والنجاح بحياتكم
✿AnGie✿
ابو ياسين
عكك التطوى
الله يبارك بيكم وشكرا على مروركم واتمنالكم الموفقيه والنجاح بحياتكم
-
ok_ok755
الف الف الف مبروك الوصول بالسلامة
ونشالله ربي تحقيق الاماني
تمنياتي لك بالموفقية