ankawa
منتدى الهجرة واللجوء => الهجرة و واللاجئين => الموضوع حرر بواسطة: alqaragulli في 15:58 26/03/2010
-
اخواني السلام عليكم عندي هذا السؤال الله ايخليكم ارجو الجواب الي خلص مده المساعدات مال المنظمه وتحول عل الجوب سنتر بس هو لاكي شغل بس بارت تايم مو فول شكد ينقطع من الصك لو كله مع العلم انو ايجار البيت 550 $ والصك المقدرب620$ وشكرا للردود
-
اخي العزيز اذا تشتغل 20 ساعة بالاسبوع او 30 ساعة ما ينقطع عنك بس يقل المبلغ مثلا اذا كان 500 كاش يصير 400 او 350 بالشهر واذا اشتغلت فول تام 40 ساعة بالاسبوع كلشي ينقطع عنك حتى التامين الصحي
-
اخوية العزيز اولا كل ولاية شكل بهالموضوع وثانيا اعرف واحد بهاي المسألة هو الكيس ووركر مالتك والافضل انه تتصل بيه/بيها وهم يشرحولك اكو ناس بولايات معينة ما ينقطع من عدهم بس اكو ناس لايقطعون وكل واحد حسب ولايته وهم يعتمد عالزخم مال اللاجئين او المهاجرين الموجود هناك
هسه الحكومة الامريكية بدأت تتجه اتجاه لتوظيف الناس اللي عالمساعدات من جهة تلكيلهم عمل ومن جهة تخفف من الثقل عالدولة
احنا بولاية فرجينيا مثلا ممكن تقدم عالتانف TANF بس لازم بنفس الوقت تقدم عاليو بروغرام VIEW Program وهو انه لازم العائلة (اذا اكو ام واب) لازم اثنينهم ينخرطون بهذا البرنامج واللي هو ينطوك عليه 300 دولار بالشهر ولكن لازم تحضر دورات تدريبية واذا انت اصلا عندك مؤهلات يوظفوك بشغلة ادرية او غيرها حكومية او لا بس علمود تكتسب خبرة او تصير عندك صنعة معينة واللي انكيلزيته مو كلش لازم يحضر دروس انكليزي بالمقابل هم يوفرولك بكاقات للباص والمترو علمود الروحة والجية واكو دي كير day care للاطفال (يعني ما يخلولك حجة) وبدون اشتثناءات هواية يعني الا تكون معوق مثلا او مصاب بمرض يمنعك من الحضور او كبير بالسن او ترعى كبير بالسن عندك بالبيت او انت اب او ام تحت السن القانوني وحتى المرأة اللي تصير عندها ولادة تاخذ اجازة من الفيو فقط 6 اسابيع مو اكثر الا اذا طبيب من المكتب مال الخدمات الاجتماعية كال لازم تاخذ اجازة اكثر
فعلى العموم اخونا العزيز كل ولاية شكل والله يسهل امرك وامر عائلتك امين
س-------------------رى