ankawa
منتدى الهجرة واللجوء => الهجرة و واللاجئين => الموضوع حرر بواسطة: درة2008 في 14:53 27/03/2010
-
السلام عليكم
عندي سؤال حول اجازة السوق عندي اجازة سوق اردنية وعراقية دولية ايهما الافضل في الولايات المتحدة الاميريكية
-
ايجازة السوق العراقية طبعا بس مو كل الولايات يعترفون بيها بعض الولايات بس
-
تسلمين ياوردة دائما انتي السباقة في الرد على اسئلتنا
ادامكي الله اختنا عزيزة علينا
يعني اعتمد الاجازة العراقية حسب رائيك
-
حبيبتي اخذيهن اثنينهن انتي ما خسرانة شي بس الدولية العراقية احنا مثلا فادتنا بفرجينيا بانه ما تفوتين امتحان نظري بس تمتحنين ال3 امتحانات البقية (النظر/العلامات/امتحان السياقة العملي)
تحياتي
-
اخت درة اسالي الي رايح قبلك لنفس الولاية وماخذ ايجازة السوق وتاكدي منه احسن ما كل واحد يجي يكول يصير لو ما يصير ولازم تخليها ببالك انه كل ولاية عدها شكل قانون اسالي مجرد بولايتك ولا تسالي حكيم تحياتي
-
الاجازة العراقية احسن لانو يعرفون العراق و اغلب الامريكان ما يعرفون اكو دولة اسمهة الاردن بس جدا موءقت لانو يردون اجازة امريكية فقط
مصطفى
-
يعني الواحد ياخذهن اثنينهن ما خسران شي ومن تروحين تقدمين على اجازة السوق بامريكا شوفي شيكولولج هم وامشي عليه وهم حسب ولايتج اختنا العزيزة
تقبلي تحياتي
-
اختي الكريمه .
اسالي عن موضوع الاجازه من الناس الموجوده في ولايتك لان المثل يقول ( اسأل امجرب ولا تسأل حكيم) ولا تعتمدين على الردود لان كل عضو في ولايه وكل ولايه لها قوانين تحتلف عن الاخرى ووعضو ايكولج اخذي اثنين وعضو ايكولج اخذي وحده وعضو ايكولج اخذي سطعش والنتيجة اختي الكريمه هي انك سوف تحتارين ولن تفهمي شي ...
افضل حل هو كما قالت الاخت الكريمه انجي ان تسالي من الناس الموجوده في ولايتك ..
واجازه سعيده واتمنالك السلامه على انغام راغب علامه ;D
تقبلي تحياتي
اخوكم شمعة
-
الاخت العزيزة درة
احجيلج عن تجربتي الشخصيه....الاجازة الاردنيه في فيرجينيا معترف بيهه....اني اول فتره جنت اسوق بلاجازة الدولية الاردنيه وبعد فترة رحت امتحنت الامتحان النظري والعملي بنفس اليوم واخذت الاجازة الامريكيه من شوفتهم الاجازة الاردنيه العاديه حتى مو الدوليه....يعني حتى العاديه معترف بيهه...فحصلت اجازة راسا بدون الحاجه للانتظار واخذ ال ليرنيرز بيرمت learner's permit
واذا عندك اي استفسار اخر اني حاضره
اختكم من فيرجينيا
-
اختي العزيزة...
انتي هسة من قريتي الردود صار عندج اكثر من علامة استفهام؟؟؟!!
بس انتي وحسب مدينتك تستطيعين من الدخول على هذا الرابط وارسال الاجازة سكان والسؤال عمت يحق لك او لا ..ولكي تقطعي الشك باليقين...
http://www.dmv.state.va.us/
بالنسبة المدينة شارلز فيل في ولاية فرجينية لا يعترفون بالاردنية ولا بالعراقية ..
فقط بدرايفر لايسنز الخاصة بالولاية
تحياتي لك
-
اضافة للمعلومات
الاجازة العراقيه ما تمشي في الدول الاوربيه فقط الاردنيه
-
حبيبتي اخذيهن اثنينهن وما خسرانة شي ومن توصلين هناك بالسلامة تأكدي بنفسج
-
اخي العزيز صاحب الموضوع
افضل شي اتسوي اتروح على نادي السيارات الدوار السابع واطلع اجازة دولية اردنية على اجازتك الاردنية لان مفيدة بامركيا ، وهي مطول بس 10 دقائق و (10 دنانير وصورتين واعتقد نسخة من الجواز والاجازة الاردنية ) طلعهة وخليهة مخصران شي وراح تستفاد منهة هواية وتكدر اتسوق من اول يوم .