ankawa
منتدى الهجرة واللجوء => الهجرة و واللاجئين => الموضوع حرر بواسطة: bobon في 16:19 31/03/2010
-
مرحبا اخوان اني اليوم قابلت والحمد لله ناس كلش متعاونين بس الموظفات يعني عربية مو اجانب حسب ماقريت بل المنتدى المحترم الغالي على الكل وشيئ الثاني موقابلة اولى وثانية سمعت بيها طبعات اصابع زين وين هذا الشيئ بس كالوا انتظر مقابلة محلفين هل الشغلة اوكي لو لا شباب اني اتمنى اكون مثل اخلاقكم موبس اريد رايكم بشغلتي حبيت اسلم على اخواني وخواتي المحترمات وتحية الى اخونا عكعك التطوي الى من وراء اني دخلت برنامج مال اي او ام الى عرفت بية ورة سنة من صدور القرار بس عكعك اريد اشكر بس هوة مشغول ربي افتحة بوجي عكعك مثل ما ساعدني وهو ميعرف ربي احفظ اهلة وافتحة بوجه هو ولة الاخت انجي المحترم البطلة بعشر رجال ولة عراقي وافتخر البطل ولة يارة الحبابة الي نصحتها كنما اختي تنصحني انتو ورود اتمنى اصير مثلكم اساعد الناس بس اخاف انطي للاخرين معلومة واخاطئ وبس
شكرا للاخوان جميعا في هذا المنتدى بوبون
-
الف مبروك اخونا العزيز وان شاء الله السفر القريب والله يسهل امرك وامر كل اخواننا
-
مبروك اخوية العزيز بوبون
وان شاء الله يوم السفر
ياريت اخوية لو تذكر متى استلمت ال اي زت نمبر ومتى قابلت ؟ وكيف كانت المقابلة ولو بشكل عام لتعم الفائدة
بالتوفيق
أختك أمنية
-
اوكي اختي امنية تدللين اني استلمت iz نمبر من كنت بسوريا تقريبن بشهر 12 وراها سولي تسهيل دخول الى عمان واليوم قابلت واذا يوجد اي استفسار اني حاضر وراح اكولك شوكت راسلت iom بشهر 9 /2009 راسلت اي او ام وراها تجيك مثل الركمنديشن وراها كافة المستمسكات وراه تجيك من قضيتي اعطوني iz نمبر وتدللين واني حاضر اذا حبيتي توضيح اكثر اختي العزيزة
-
الف مبروك اخي الغالي يارب السفر والاستقرار وراحة البال وياريت اخوية مثل ما كالت اختي الغالية امنية تكتب تواريخ المقابلات وكل مراحلة التقديم والانتظار حتى الاخوة الباقين يستفادون من المعلومات وفرق الانتظار تحياتي وتقديري
-
شكرا szsz ربي تسهل للجميع ولكم وللجميع اشكرا دعواتك ويارب انتي كذالك تسهل عليكم واتمنى اساعد بشئ يارب السفر للجميع ::) شكرا اختي المحترمة (الي ماكو من عدهة )
-
شكرا اخوية العزيز بوبون ان شاء الله يوم سفرك .......... ونباركلك امين ياربي
-
اني بل الخدمة اختي وشكرا لدعواتك يارب تسهل عليكي واذا تريد اي شيئ اختي حاضر ;D
-
شكرا انجي البطلة الحلوة كلش وشكرا لانو لفتت انتباهك وشكرا لنصيحتك يا احلى اخت واشكرا دعواتك يارب انتو كذالك واشكر الاخ عكعك التطوي الي ما انسة فضلة ابد وشكر اختي انجي المحترمة + بطلة
مع الف شكر للجميع القرأة
-
الى جميع اخواني الاعزاء واخواتي السلام عليكم ليش انتو هلجد متلهفين لامريكا مو تره والله حتى شغل ماكو الله كفيلكم والشغل اللي موجود بس على كولتنا بالعراقي عماله والله الساع تكتل روحها ب 8 دولارات ويا شغله تروح بيها يكلك انت مو ستزن مو هاي الحقيقة ليش مغطيها كليا ومحد يتطرق الها انتو اهنا مسوين امريكا ارض الفردوس والله هي مو هيج والحياة اصعب منها اهنا ماكو متعرف منين اتجيب الفلوس ومتعرف المن تدفهعا للايجار للكهرباء للتاكسات لو للمصرف لو للطبيب لو للسيارة لو المن بس اريد واحد يجاوبني واكون سعيدة لو عراقي لكاله شغل بية القيمه بامريكا والله ماكو واذا لكيتوا فهو ما يتعدى نسبة ضئيلة جدا جدا تحياتي واسفه للاطاله
-
شمدرينة اخت مينا محد يسمع وكلها سادة اذنها
نورينا بعد شكو ماكو بامريكا
-
مبروك اخ بوبون على المقابلة وربي يسهل امرك
تمنياتي لك بالموفقية الدائمة
بعد اذن صاحب الموضوع ارد على الاخت مينا
شكرااااااااااااااااااااااااااااااااااااااااااااا جزيل الشكر اخت مينا المحترمة على النصائح
والله احنة مارايحين نشتغل ؟ راح نعتبرهة سفرة سياحية مجانية
الواحد ماخسران شي طيارة وبلاش . ايجار لمدة 8 اشهر . اكل + شرب + نوم = اكو احلى منهة )
+ غرامات وراح يدفعولنة مال كم سنة + ناخذ كرين كارت + جواز مؤقت امريكي ابو السنتين + علاجات مجانا
+ اجراء لاسامح الله اغلب العمليات والجراحات الي يحتاجها الشخص + وهم ياخذلة فرة ويتعرف على اميركا
+ وبدربنة من ناخذ هاي الشغلات ناخذلنة فرة باوربا 15 دولة :o :o :o :o :o :o :o
+ ونزووووووووووور كندا ;D ;D ;D ;D ;D ;D
+ ومناك اذا ماعجبنة نضربنة لهدة مال قرض ونطفر طفرة زينة :-* :-* :-* :-*
+ وبعدين ورة كل هاي الفرات هم واحد يرجع يزور العراق الحبيب
+ وبعدين هم نطفر لسوريا لو للاردن لو مصر :-\ :-\ :-\
+الله عليج تخيلي كل هاي الفرة ( مو احلة سفرة سياحية . احنة سفراتنا السياحية جانت بس داخل العراق)
هسة صارت خارج القطر اكو احلى واجمل وارق واروع من هيج سفرة ( لا وفوكاها مجانية :-* :-* :-*)
??? ??? ??? ??? ??? ???
ها شنو رئيك
زين سؤال اذا هيج ماعاجبتكم اميركا بلد الاحلام ( اشعدكم كاعدين باميركا ممكن ترجعون للعراق وتشوفون مستقبلكم)
طيارة وارجعوا ( وكان الله يحب المحسنين ) ليش متعذبين ومدمرين حالكم بكل هاي الفواتير
مو تحقدين علية امانة بركبتك اختي الفاضلة
-
والله يا حمادة شلون الك واهس وكتبت هل الجواب وعاشت ايدك
-
الف مبروك ويوم السفر عن قريب ان شاء الله
-
حبيبتي مينا يعني لو كنا بالعراق او اي مكان بالعالم ماكنا ندفع هاي الفواتير كلها منو كان يدفعها النا وحتى الشغل ياحبي هو وين اكو شغل بكل دول العالم يعانون البطالة وين ما تروحين بس الأمان ياحبي وين راح تلكيه بالعراق !!!!!!!!!!
-
والله اخوي العزيز اني هسه بامريكا وبس يطلعلي الكرين كارت يوم واحد ما ابقى اني خريجة كلية وعندي لغة ومشتغلة بشركات اتصور اني مقدمه هسه على شغل منظفة بفندق وده انتظر اجماله رضينا بالهم والهم ما رضى بينا والله الواحد يرجع لبلدة احسن اقلها يحفظ كرامته واذا رب العالمين مقدرنا انعيش نعيش لا والله هاي بعد كل انسان وقدرة لا امريكا ولا الدنيا كلها تكدر تمنع قدر رب العالمين والله كلامي لا بيه زايد ولا ناقص هاي الوضعية وشما يكون العراق هو احسن اقلها بلدنا ومحد يكولنا انت مو ستزن يعني مو مواطن مو كافينا ذله وهذا الكلام قليل بالنسبة للواقع المرير اهنا ويا ريت لو يجي مسؤول عراقي خل ايشوف العالم اهنا اشصار بيها لان المنظمه تتكفل الواحد 3 اشهر ووراها انت وربك يا موسى . تحياتي لكل القراء الاعزاء
-
شكرا اخت مينا على ردودك .
والله يا اختي ماعرف شكول وشحجي كلامك بيه الكثير من الواقع المؤلم
اما بخصوص اتكولين الواحد يرجع لبلدة ويحفظ كرامتة ؟؟؟؟؟؟؟ انشالله جميع العراقيين محفوظة كرامتهم
وطبعا قدرات رب العالمين فوق الكل لا احد يستطيع ان ينكر ذلك ( والدليل ماذا حدث في الايام الماضية
بسبب البركان في ايسلندا ) شلت جميع حركات العالم ورئيتم ما حل بهم
يدرككم الموت حتى لو كنتم في بروج مشيدة . اما بخصوص الذلة اعاذنا واعاذكم الله منها طبعا لاتطاق
دعائي للجميع بالفرج العاجل انشالله . ودعائي لك ولعائلتك بالموفقية والرزق الحلال
-
رحم الله والديك يا اخي العزيز بس العراقي اذا انذل على ايد حكومته ف ماتصور اريد ينذل بعد على ايد الامريكان
-
أختي العزيزة مينا
أفضل شيء أختي العزيزة هو منح نفسك فرصة اكبر يعني انتظري اختي وواصلي البحث عن عمل أفضل
ودائما الانسان مو من اول مرة تخيب يقرر يرجع أختي العزيزة توكلي بالله وابحثي عن عمل افضل فالامور تنفرج ان شاء الله فقط اصبري واعطي لنفسك فرصة اكبر
تمنياتي لك بالوفقية
-
السلام عليكم
حبيبتي مينا ليش المواطن العراقي الموجود بالعراق منو معترف بمواطنتنا يومية داخلين عليهم وكاتليهم كدام كل الناس بلا خوف ولا رحمه هاي الشباب الراحت وارجال الي ماتت والاطفال الي فقدوا اباء شنو هذا ؟
والامان الي فقدنا صار سنين ووووو كومه اشياء حتى بيوتنا اخذوها هاي المذلة الصدك الي الواحد بلده وماعنده بيت و وطن بس بالاسم والي ضايج من امريكا خلي يرجع للعراق ويشوف ستزن من صدك
اختكم ام محمد
عمان
-
أخ بوبون الله يوفقك يا رب ويسهل أمرك
أخت مينا.. اللي انتي دتحجيه اختي تجربة شخصية.. الحقيقة كل لاجئ هو تجربة بحد ذاته.. يعني اني صديقتي بواشنطن.. خريجة كلية لغات مثلي من الجامعة الأردنية صارلها 4 أشهر.. هسة تشتغل بمنظمة مال رعاية المسنين وتاخذ 13 دولار بالساعة.. وتكول واشنطن غالية بس أكو مناطق رخيصة يعرفوها اللاجئين و يتسوقون منها ومرتاحة وتكول الله عوضها خير. أختي الكريمة.. احنا لاجئين.. شتنتظرين من عدنا لعد.. شوفي هنا بعمان وين متروحين يكولون انت عراقي ما نشغلك و لو تعيشين يمهم 20 سنة ما تصيرلج جنسية و حتى الاقامة تطلعلج بعد ما ينشلع كلبج ولو اي لو لا.. على الاقل امريكا بعد 5 سنوات تكدرين تصيرين مواطنة وتعرفين يعني شنو جواز أمريكي .. يعني وين متروحين يخلوج على راسهم و انت عمة الكل هذا الواقع.. والله رجل صديقتي الثانية لمن استلم جوازه.. تدرين شكاتبيله بالبروشور اللي ينطوه مع الجواز.. with the US passport, the world is yours نتحمل عمي ونتعب الى ان نصير مواطنين.. والله الواحد يفكر باطفاله.. اني بنتي راح يصير عمرها 3 سنوات و للعراق جذب نرجع.. حتى بيت بعد ماعدنه.. وبعمان.. ابقى شايلة هم جوازها العراقي.. عنصرية بدراستها ومستقبلها وحتى جامعتها.. والمعاملة شحجيلج.. وين متروحين يعاملوج عبالك انتي شخصيا وكعتي تمثال صدام
خليها سكتة بس.. وتحيا أمريكا :)
-
with the US passport, the world is yours
::) ::) ::) ::) ::) ::) ::) ::) ::)
:-\
-
اختي مينا ترة اذا كل واحد يحجي المأساة اللي عايشهة متنتهي الشغلة احنة بمصر متدمرين واكيد اللي بعمان وسوريا نفس الشي على الاقل انتي دتشتغلين ودتحصلين 8 دولارات بالساعة واما الفواتير فة احنة بكل مكان دندفعهة استحمدي الله
اعتقد رب العالمين خلقنة سواسية يعني ما اعتقد اللي ينظف اني احسن منة لا كلنة واحد
واذا حضرتج خريجة عادلي شهادج واشتغلي بيهة يعني واحد ممكن هو يطور نفسة
صدكيني اختي كلنة متبهذلين ولا تاخذين كلامي بحساسية ولكننا تعبانين نفسيا ومتدرين اني شنو ظروفي صدكيني بس
اخوكي ددوفي
-
والله اني وياج يا اختي العزيزة ام محمد واعرف الوضع واحنا من الناس اللي تهجرنا بس يا اختي اهنا العيشة صعبة والله صعبة لازم الواحد يركض ويرجع ليوره والعيشة بالعراق هم متنراد اني وياج بس الواحد اهنا اذا دجت امورة شيسوي بس كوليلي اهنا السباب مدبريها متجمعين بشقة وحده وديدفعون الفواتير سوة مشاركه بهاي الحالة تصير الوضعية ها شوية احسن بس ابو العائلة شيسوي ايشغل ولدة وبناته لو ايوديهم للمدارس ؟؟؟ تحياتي وان شاء الله اتمنى لك التوفيق
-
اخ بوبون اشالله تسمعنة اخبارك الحلوة
اشو مختفي ؟؟؟؟؟
-
اني اشكر الجميع على المشاركة وابداء الراي وشكر خاص الى الاخ hamada2 وامينة ومينا Miss Violet والاخ ددوفي الاخت مينا تكول مثلة ومهانة راح احجيلكم اشلون انذليت واني وبلدي اخوية انخطف ورحت ادور علية شهر ونص خلال هاي المدة تعرفين اشكد بوست قنادر مع احترامي للجميع اشد بوست قنادر في سبيل الكة اخوية الي خطفو مغاوير الداخلية لانه مترجم بوست قنادر الشرطة مال المنطقة ووزارة الداخلية ومعسكرات المنية مال بغداد واخر شيئ لكيتة بطب العدلي فيا اختي العزيزة مينا اكن الك كل الاحترام خليني انذل بغير بلد ولا انذل بلدي حتى اولادي من يسئلوني ما اكول انذليت بلدي انذليت بغير بلد حتى يكون كلام معقول لليسمع وبل الاخير ماريد اشوه سمعت بلدي واحترم جميع ارائكم اخواني الاعزاء وشكرا اخوكم بوبون من عمان
-
كان الله في عونك اخي الكريم وعظم الله اجركم وتن شاء الله الاستقرار والامان وربي يفرجها عليكم
-
اخوان عندي تعليق بسيط احب ان تسمعه اختي مينا
قبل كم شهر كنت راجع لبغداد وبسيطرة الشعب وكفوني وكالولي انت مو عراقي؟؟؟؟؟؟؟؟
لان لون عيوني ازرق......... طبعا بالبداية خربت من الضحك بس بعدين حسيت الشغله راح تصير صدك
واخير شي لوما الضابط جان متفهم جان هسه الله اعلم اني وين!!!!!!!!!
فيا اختي العزيزه لا تكولين يرجع الى بلده ويحفظ كرامته
ما اريد اطول بالحجي اكثر حتى لحد يزعل مني
اخوكم ابوشموس
عمان
-
اخويه بوبون
كلش اسف اذا طلعنه خارج موضوع النقاش
اكرر اسفي
اخوك ابو شموس
-
الف مبروك اخي العزيز والله يسهل ويتمم امورك على خير
تحياتي وتمنياتي لك بالتوفيق ان شاء الله
-
الف الف مبروك اخوية الغزيز بوبوني ويارب السفر القريب
اخوية حمادة نسيت شي بمعادلتك الرياضية
+ تاخذ هاي سكول دبلوم وتدرس با امريكا بلاش ;)
وبعديين من تخلص سفرتك وتجوالك حول العامل ترجع بشهادة للعراق تشتغل بدال عمو ( مالكي)
اخوك جوزيف
-
:o :o :o :o :o :o :o :o :o :o
اخ جوزيف شنو قصدك ??? ??? ??? ??? ???
بس لاعمنة المالكي مسويهة قبلي واني طلعت قديم بسوالفي ;D ;D ;D ;D ;D
ارجوا عدم اخذ الموضوع بحساسية من ردي ;D ;D ;D ;D ;D
بس حبينة نشاقة
مو لو مومو
-
اي بلد هذا؟ احنا غرباء ببلدنا، بعدين همة الأمريكان كلشي اشتغلوا الى ان وصلوا لهاي المرحلة، يعني همة مواطنين بس تعبوا وبدوا من الصفر واشتغلوا اي شغلة وهذا مجتمعهم اللي بعلم على الأستقلالية والأعتماد على الذات بعدين اذا جان هناك فواتير تندفع هناك فنحجي على البوك مالة ىشركة زين بذاك الحساب والكهرباء مالتنا البداعة وممنسى رسوم التصديقات بالدوائر وغير وغير وهذولة أمثلة صغيرة جدا